ព្រះវិហារ៖នៅទីបញ្ជាការរដ្ឋានអង្គរក្សប្រចាំការនៅក្នុងទិសទី១ ប្រាសាទ​ព្រះវិហារកាលពីថ្ងៃទី៣១ ខែឧសភា ឆ្នាំ២០២៥ បានរៀប​ចំ​ពិធីទទួលអំណោយជាគ្រឿងឧបភោគ បរិភោគ និងថវិកា ពីអ្នកឧកញ៉ា ឡេង ណាវ៉ាត្រា និង សហការីក្រោម​អធិបតីភាពឯកឧត្ដមនាយឧត្ដម​សេនីយ៍កិត្តិសង្គហបណ្ឌិត ហ៊ីង ប៊ុនហៀង អគ្គមេបញ្ជាការរង និងជា​មេ​បញ្ជាការ​ដ្ឋាន​អង្គរក្ស។ ក្នុងឱកាសនោះអ្នកឧកញ៉ា ឡេង ណាវ៉ាត្រា បានថ្លែងអំណរគុណដល់​ឯកឧត្តមនាយឧត្តមសេនីយ៍កិត្តិសង្គហបណ្ឌិត ហ៊ីង ប៊ុនហៀង ជា​មេទ័ពដ៏ឆ្នើមរបស់កម្ពុជា និងសាកសួរសុខទុក្ខដល់កងកម្លាំងទាំងអស់ ដែលកំពុងឈរយ៉ាងរឹងមាំ​ការពារ​ដែនអធិបតេយ្យជាតិ បូរណភាព​ទឹក​ដី និងត្រៀមទទួលអនុវត្តនូវបទបញ្ជាម៉ឺងម៉ាត់ របស់ប្រមុខនៃ​រាជរដ្ឋា​ភិបាលកម្ពុជា ក្រោមការដឹកនាំរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តី។ ក្នុងដំណើរចុះសួរសុខទុក្ខកងកម្លាំងប្រដាប់អាវុធ ដែលឈរជើងតាម​បណ្តោយព្រំដែនក្នុងទិសទី១ប្រាសាទព្រះវិហារ អ្នកឧកញ៉ា បានជូន​អំណោយជាថវិកាចំនួន ២០០លានរៀល, មីជាតិ ២ ០០០កេស និងអង្ករ ៥០តោន៕ដោយ៖ សួន លីណា

(ភ្នំពេញ)៖ ថ្លែងនាព្រឹកថ្ងៃទី០២ ខែមិថុនា ឆ្នាំ២០២៥ នៅវិមានរដ្ឋសភា ក្នុងសមាជរដ្ឋសភា-ព្រឹទ្ធសភា លើបញ្ហាព្រំដែនរវាងកម្ពុជា-ថៃ សម្ដេចតេជោ ហ៊ុន សែន ដែលជាប្រធានសមាជព្រឹទ្ធសភា និងរដ្ឋសភា បានស្នើឱ្យអង្គសមាជទាំងមូលធ្វើសេចក្ដីថ្លែងការណ៍មួយក្នុងការគាំទ្ររដ្ឋាភិបាល នាំបញ្ហាព្រំដែនកម្ពុជា-ថៃ ទៅកាន់តុលាការយុត្តិធម៌អន្តរជាតិ (ICJ) ។ ការស្នើរបស់សម្ដេចតេជោ ទទួលបានសំឡេងបោះឆ្នោតគាំទ្រដោយការលើកដៃពីអង្គសមាជលើចំនួន ១៨២សំឡេង នៃអង្គសមាជ ដែលមានគណបក្សនយោបាយចូលរួមចំនួន៣គណបក្ស គឺគណបក្សប្រជាជនកម្ពុជា គណបក្សឆន្ទៈខ្មែរ និងគណបក្សហ្វ៊ុនស៊ីនប៉ិក រួមមាន តំណាងព្រះមហាក្សត្រ និងសជិកសភាផងដែរ ។ ជាមួយគ្នានេះដែរ សម្ដេចតេជោ ហ៊ុន សែន ក៏បានផ្តល់អនុសាសន៍ដល់រាជរដ្ឋាភិបាល ដាក់ពាក្យបណ្តឹងទៅក្រុមប្រឹក្សាសន្តិសុខអង្គការសហប្រជាជាតិ ដើម្បីជំរុញឱ្យមានការប្រើប្រាស់ច្បាប់អន្តរជាតិ ក្នុងការដោះស្រាយបញ្ហាព្រំដែនជាមួយប្រទេសថៃ ។ សម្ដេចតេជោ ហ៊ុន សែន បានបញ្ជាក់ថា ជាការពិតណាស់ ការប្រើប្រាស់កម្លាំងយោធា ដើម្បីការពារខ្សែបន្ទាត់ព្រំដែន គឺជារឿងមួយដែលមិនអាចរំលងបាន និងត្រូវតែធ្វើឱ្យអស់លទ្ធភាព ប៉ុន្តែជាមួយគ្នានេះ យើងក៏មិនត្រូវភ្លេចដែរនូវយន្តការក្រុមប្រឹក្សាសន្តិសុខអង្គការសហប្រជាជាតិ ដើម្បីចូលរួមដោះស្រាយលើបញ្ហាមួយនេះ ។ សម្ដេចតេជោ បានមានប្រសាសន៍ថា ខ្ញុំក៏សូមផ្ដល់អនុសាសន៍ចំពោះរាជរដ្ឋាភិបាលផងដែរ ក្នុងករណីមានជម្លោះប្រដាប់អាវុធកើតឡើង…

(ភ្នំពេញ)៖ អតីតនាយករដ្ឋមន្ត្រីកម្ពុជា សម្ដេចតេជោ ហ៊ុន សែន បច្ចុប្បន្ន ជាប្រធានព្រឹទ្ធសភាកម្ពុជា បានថ្លែងបញ្ជាក់ថា កម្ពុជាសូមសិទ្ធិរក្សាការពារទឹកដីដែលនៅសល់ប៉ុណ្ណោះ មិនចង់បានដីរបស់នរណានោះឡើយ ព្រោះកម្ពុជា បានបាត់បង់ទឹកដីច្រើនណាស់មកហើយក្នុងប្រវត្តិសាស្ត្រ ។ សម្តេចតេជោ បានថ្លែងទៀតថា កម្ពុជា បានធ្វើការចរចារជាមួយវៀតណាម ដើម្បីបានបោះបង្គោលព្រំដែនរួចជាស្រេចចំនួន ៨៤% ទៅហើយ នៅសល់ ១៦%ទៀត កំពុងតែធ្វើការចរចារ ហើយភាគីទាំង២ គោរពគ្នាទៅវិញទៅមក, កម្ពុជា ជាមួយឡាវ បានចរចារបោះបង្គោលព្រំដែនចំនួន ៨៦% ហើយ នៅសល់ ១៤% ទៀតកំពុងមានការចរចារ ដោយមានការគោរពគ្នាទៅវិញទៅមកផងដែរ ។ សម្តេចតេជោ ហ៊ុន សែន បានបន្តថា ដោយឡែកព្រំដែនកម្ពុជា-ថៃ រយៈពេល ២៥ឆ្នាំហើយ គឺអត់ទាន់បានធ្វើអ្វីក្រៅពីដើររកបង្គោលតែប៉ុណ្ណោះ ហើយចំណុចរសើបទាំងប៉ុន្មាន បើមិនដោះស្រាយនោះទេ រឿងនេះវានឹងនៅតែបន្តទៀត ។ សម្តេចប្រធានព្រឹទ្ធសភា បានបញ្ជាក់ថា មិនមែនយកបញ្ហាការប្តឹងផ្តល់មួយនេះ ហើយបញ្ឈប់នូវកិច្ចសហប្រតិបត្តិការរវាងកម្ពុជា-ថៃ លើគ្រប់វិស័យដែលមានរួចមកហើយនោះទេ រឿងក្តី គឺរឿងក្តី តែរឿងកិច្ចសហប្រតិបត្តិការនៅតែសហប្រតិបត្តិការ…

បាត់ដំបង៖ អគ្គរដ្ឋាករទឹកបាត់ដំបងបានចែករំលែកនិងបទពិសោធន៍ ក្នុងការការកាត់បន្ថយទឹក​គ្មាន​ចំណូល(NPW) ប្រតិបត្តិករ​ដែលមកពី​វិស័យឯកជនដែលកំពុងប្រកបអាជីវកម្មទឹកស្អាតនៅក្នុងខេត្តបាត់ដំបង និង​ខេត្តប៉ៃលិន តាមរយៈ វគ្គបណ្ដុះបណ្ដាលរយៈខ្លីកាលពីចុង​សប្ដាហ៍​នេះ នៅសាលប្រជុំរបស់​រដ្ឋាករ​ទឹកបាត់ដំបងដោយមានការ​អញ្ជើញចូលរួម ផ្ទាល់ពីឯកឧត្តម អ៊ុត ក្លឹង អគ្គនាយករដ្ឋាករទឹកបាត់​ដំបង។វគ្គនេះដែរ ធ្វើឡើងស្របតាមការណែនាំរបស់ក្រសួង​ឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ។ ឯកឧត្តម អ៊ុត ក្លឹង បញ្ជាក់ថា វគ្គបណ្តុះបណ្តាលនេះ គឺជាវិធីសាស្ត្រ​ក្នុងការចែករំលែកអំពីការគ្រប់គ្រងទឹកគ្មានចំណូល សម្រាប់ជាគន្លឹះ ជាទុនធាតុផ្សំ និងបទពិសោធន៍ សម្រាប់ប្រតិបត្តិករទឹកស្អាតឯកជន បានស្វែងយល់កាន់តែច្បាស់ ពី​ទស្សនទានទឹកគ្មានចំណូល ដែល​បានកំណត់ថា “អ្វីទៅជាទឹកបាត់បង់?”។តើការកាត់បន្ថយទឹកបាត់បង់ មាន​ប្រយោជន៍អ្វីទៅ?។ តើត្រូវធ្វើដូចម្តេច ដើម្បីកាត់បន្ថយទឹក​បាត់​បង់?។ តាមរយ:វគ្គបណ្តុះបណ្តាលនេះ និងតាមរយ:វាគ្មិនជាគ្រូឧទ្ទេស ដែល​មានធ្លាប់មានបទពិសោធន៍​ការងារក្នុងការគ្រប់​គ្រងវិស័យទឹកស្អាត​នៃអគ្គរដ្ឋាករទឹកខេត្តបាត់ដំបងផងនោះ ប្រតិបត្តិករសេវាករឯកជន​បានទទួល​មេរៀនជាជំនួយ​ស្មារតី​និងបទពិសោធន៍គន្លឹះសម្រាប់យក​ទៅអនុវត្តនិងស្វែងយល់បន្ថែមពីអ្វីដែលត្រូវជួបប្រទះនិងរកដំណោះស្រាយក្នុងការ​ប្រកបអាជីវកម្មរបស់ខ្លួន​ឱ្យបានប្រសើរ និងចៀសវាង​ការខាតបង់ទឹក ដោយមិនបានដឹង ។ ឯកឧត្តមអគ្គនាយកបានរំពឹងថា ថ្វីបើវគ្គនេះថ្មីនិងជាលើកដំបូង តែ​បងប្អូននឹងទទួលបានចំណេះថ្មីនិងបទពិសោធន៍ សម្រាប់ការប្រកប​អាជីវកម្ម​ក្នុងមូលដ្ឋានផ្ទាល់របស់ខ្លួន កាន់តែល្អប្រសើរថែមមួយកម្រិត​ទៀត៕អត្ថបទ-រូបភាព៖ អ៊ុក សំអាន ប.ប

(ខេត្តឧត្តរមានជ័យ)៖ នៅរសៀលថ្ងៃទី១ ខែមិថុនា ឆ្នាំ២០២៥ ឯកឧត្ដម ខាយ ឃុនហេង រដ្ឋលេខាធិការ តំណាង ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ បានអញ្ជើញជួបសំណេះសំណាលសួរសុខទុក្ខ និងនាំយកអំណោយផ្តល់ជូននាយទាហាន នាយទាហានរង និងពលទាហាន កងពលតូចថ្មើរជើងលេខ៤១ ស្ថិតនៅស្រុកអន្លង់វែង ខេត្តឧត្ដរមានជ័យ។ ពិធីនេះមានការអញ្ជើញចូលរួមពីថ្នាក់ដឹកនាំនិងអង្គភាពក្រោមឱវាទក្រសួងប្រៃសណីយ៍និងទូរគមនាគមន៍ និងមេបញ្ជាការរងតំណាងឯកឧត្តមឧត្តមសេនីយ៍ទោ នាង ឃីម មេបញ្ជាការកងពលតូចថ្មើរជើងលេខ៤១ ព្រមទាំងនាយទាហាន នាយទាហានរង ពលទាហាន ជាច្រើនរូប។ ឯកឧត្ដមរដ្ឋលេខាធិការ បានបញ្ជាក់ពីការគាំទ្រយ៉ាងពេញទំហឹង ក្នុងនាមសម្ព័ន្ធមេត្រីភាពជាមួយកងទ័ព យើងនឹងជួយសហការជាមួយកងទ័ពជួរមុខ ការពារព្រំដែនជានិច្ច ទោះក្នុងកាលៈទេសណាក៏ដោយ រួមជាមួយនឹងការបន្តគាំទ្រឧបត្ថម្ភបំពេញតម្រូវការរបស់បងប្អូនយុទ្ធជន ដើម្បីរួមចំណែកការពារសុខសន្តិភាពរបស់ប្រទេសយើងទាំងអស់គ្នា។ ឯកឧត្ដមលេខាធិការ បានពាំនាំការផ្តាំផ្ញើសួរសុខទុក្ខ ដោយក្តីនឹករលឹកបំផុតដល់បងប្អូនយុទ្ធជនយើងប្រកបដោយក្តីស្រឡាញ់ដ៏ជ្រាលជ្រៅ ចំពោះនាយទាហាន នាយទាហានរង ពលទាហាន ព្រមទាំងក្រុមគ្រួសារ ដែលបានលះបង់យ៉ាងប្តូរផ្តាច់ ឈរជើងប្រចាំការ ដើម្បីការពារបូរណភាពទឹកដី។ តាងនាមថ្នាក់ដឹកនាំគ្រប់លំដាប់ថ្នាក់នៃក្រសួងប្រៃសណីយ៍និងទូរគមនាគមន៍ សូមប្រកាសគាំទ្រទាំងស្រុង ចំពោះប្រសាសន៍ថ្លែងការណ៍ពិសេសរបស់សម្តេចតេជោ ហ៊ុន សែន ប្រធានព្រឹទ្ធសភា ក្នុងការពង្រាយកងទ័ពនៅតាមព្រំដែន ដើម្បីការពារបូរណភាពទឹកដីពីការរំលោភឈ្លានពាន…

(ភ្នំពេញ)៖ យុទ្ធនាការ «១ម៉ឺនរៀល ១ម៉ឺននាក់» របស់មូលនិធិគន្ធបុប្ផា បានបើកយុទ្ធការជាផ្លូវនៅថ្ងៃទី១ ខែមិថុនា ឆ្នាំ២០២៥នេះហើយ ក្រោមអធិបតីភាពលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ប្រធានកិត្តិយសនៃមូលនិធិគន្ធបុប្ជាកម្ពុជា និងដោយមានការអញ្ជើញចូលរួមពីមន្រ្តីជាន់ខ្ពស់នៃរាជរដ្ឋាភិបាលកម្ពុជា សប្បុរសជន ជាច្រើនរូប។ ឯកឧត្តម អគ្គបណ្ឌិសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី, រដ្ឋមន្ត្រីក្រសួងសេដ្ឋកិច្ច និង ហិរញ្ញវត្ថុ និងជាប្រធានក្រុមប្រឹក្សាបរធនបាល នៃមូលនិធិគន្ធបុប្ផាកម្ពុជា បានថ្លែងថា យុទ្ធនាការ«១ម៉ឺនរៀល១ម៉ឺននាក់»របស់មូលនិធិគន្ធបុប្ផាកម្ពុជា គឺជាការបំផុសស្មារតីខ្មែរជួយខ្មែរ តាមរយៈការគៀរគរបរិច្ចាកថវិកា ពីប្រភពស្របច្បាប់នានា ព្រមទាំងដើម្បីផ្សារភ្ជាប់និងបង្កើតនូវសកម្មភាពកាន់តែ ជិតស្និតជាមួយក្រុមហ៊ុន សហគ្រាស ដែលបានចុះអនុស្សារណៈយោគយល់គ្នា ជាមួយមូលនិធិគន្ធបុប្ផាកម្ពុជា ក៏ដូចជាក្រសួងស្ថាប័ន និងរដ្ឋបាលរាជធានីខេត្ត ដែលបានបង្កើតមូលនិធិទ្រទ្រង់មូលនិធិគន្ធបុប្ផាកម្ពុជា ព្រមទាំងគ្រប់ភាគីពាក់ព័ន្ធ ក្នុងការរួមគ្នាផ្តល់ក្តីសង្ឃឹម និងភាពញញឹម ដល់ទារក និងកុមារ ដែលជាអនាគតដ៏ភ្លឺស្វាងរបស់ប្រទេសជាតិ ។ មូលនិធិគន្ធបុប្ផាកម្ពុជា ត្រូវបានធ្វើឡើងដើម្បីឆ្លើយតប ទៅនិងតម្រូវការថវិកា ចំនួនប្រមាណ ១២លានដុល្លារអាមេរិកក្នុង១ខែ ឬ១២ម៉ឺនដុល្លារអាមេរិកក្នុង១ថ្ងៃ ឬប្រមាណ៤៣លានដុល្លារអាមេរិកក្នុង១ឆ្នាំ ដើម្បីរក្សានិរន្តរភាពក្នុងកិច្ចដំណើរការគន្ធបុប្ផាកម្ពុជាទាំងនៅភ្នំពេញ និងនៅខេត្តសៀមរាប…

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងលោកជំទាវបណ្ឌិត បានដឹកនាំគណៈប្រតិភូ អញ្ជើញដល់កម្ពុជាដោយសុវត្ថិភាព នាល្ងាចថ្ងៃទី៣១ ខែឧសភា ឆ្នាំ២០២៥ ក្រោយបញ្ចប់ដំណើរចូលរួមកិច្ចប្រជុំកំពូលអាស៊ាន និងកិច្ចប្រជុំពាក់ព័ន្ធនៅប្រទេសម៉ាឡេស៊ី និងទស្សនកិច្ចផ្លូវការការងារនៅប្រទេសជប៉ុន ។ សូមជម្រាបថា នៅថ្ងៃទី២៦ ខែឧសភា ឆ្នាំ២០២៥ តបតាមការអញ្ជើញរបស់ ឯកឧត្តម ដាតុ ស៊េរី អាន់វ៉ា អីប្រាហ៊ីម នាយករដ្ឋមន្ត្រីម៉ាឡេស៊ី សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃ ព្រះរាជាណាចក្រកម្ពុជា បានអញ្ជើញចូលរួមកិច្ចប្រជុំកំពូលអាស៊ាន លើកទី៤៦ ក្រោមមូលបទ “បរិយាបន្ន និងចីរភាព” នៅទីក្រុងគូឡាឡាំពួ ប្រទេសម៉ាឡេស៊ី។ ក្នុងសម័យប្រជុំពេញអង្គ ប្រមុខដឹកនាំអាស៊ានបានពិនិត្យវឌ្ឍនភាពនៃកិច្ចខិតខំប្រឹងប្រែង កសាងសហគមន៍អាស៊ានលើការបញ្ចប់ប្រកបដោយជោគជ័យនូវចក្ខុវិស័យសហគមន៍អាស៊ាន ឆ្នាំ២០២៥។ ប្រមុខដឹកនាំក៏បានកោតសរសើរក្រុមការងារជាន់ខ្ពស់ស្តីពីចក្ខុវិស័យសហគមន៍អាស៊ាន ឆ្នាំ២០៤៥ ក្រុមការងារជាន់ខ្ពស់សម្រាប់សមាហរណកម្មសេដ្ឋកិច្ចអាស៊ាន ក្រុមការងារចំពោះកិច្ច សម្រាប់រៀបចំផែនការយុទ្ធសាស្ត្រសហគមន៍សង្គម-វប្បធម៌អាស៊ានក្រោយឆ្នាំ២០២៥ និងគណៈ កម្មាធិការសម្របសម្រួលការតភ្ជាប់អាស៊ានដើម្បីបង្កើតចក្ខុវិស័យសហគមន៍អាស៊ាន ឆ្នាំ២០៤៥ និងផែនការយុទ្ធសាស្ត្រ ព្រមទាំងបានអនុម័តឯកសារសំខាន់ៗទាំងនេះ សម្រាប់ដឹកនាំសហគមន៍អាស៊ានក្នុងពីរទសវត្សរ៍បន្ទាប់។ ជាមួយនេះ នៅក្នុងជំនួបរបស់ប្រមុខដឹកនាំអាស៊ាន…

(ភ្នំពេញ)៖ លោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធានអចិន្ដ្រៃយ៍គណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស បានគូសបញ្ជាក់ថា រាជរដ្ឋាភិបាលកម្ពុជា នៅតែបន្ដធ្វើការប្ដេជ្ញាចិត្តខ្ពស់ក្នុងការងារប្រយុទ្ធប្រឆាំងអំពើជួញដូរមនុស្ស និងការឆបោកតាមប្រព័ន្ធអនឡាញ ដែលជាក្ដីកង្វល់រួមរបស់ពិភពលោក ។ ក្នុងសន្និសីទសារព័ត៌មានស្ដីពី លទ្ធផលនៃកិច្ចខិតខំប្រឹងប្រែងរបស់ក្រសួងមហាផ្ទៃ ក្នុងការបង្ការ ទប់ស្កាត់ និងបង្ក្រាបបទល្មើសឆបោកតាមប្រព័ន្ធអនឡាញ និងជួញដូរមនុស្ស លោកជំទាវ ជូ ប៊ុនអេង បានបញ្ជាក់ថា មិនមែនទើបតែពេលនេះនោះទេ ដែលរាជរដ្ឋាភិបាលកម្ពុជា បន្ដធ្វើការប្ដេជ្ញាចិត្តយ៉ាងមុតមាំលើការងារនេះ ពោលអនុវត្តតាំងពីដំណាក់កាលដែលកម្ពុជាមិនទាន់ស្គាល់អ្វី ដែលហៅថា ការជួញដូរមនុស្ស ឬឆបោកតាមប្រព័ន្ធអនឡាញមកម្ល៉េះ ។ មកដល់ពេលនេះ គ្រប់ប្រទេសទាំងអស់នៅក្នុងពិភពលោក បានបង្ហាញនូវការយល់ឃើញដូចៗគ្នាថា ឧក្រិដ្ឋកម្មនៃការជួញដូរមនុស្ស កាន់តែមានភាពស្មុគស្មាញ ប្រទាក់ក្រឡាគ្នា ក្នុងចំណោមបទល្មើសទាំងឡាយ ដែលជាបទល្មើសឆ្លងដែន ប៉ុន្ដែសម្រាប់កម្ពុជា នៅតែសហការយ៉ាងស្អិតរមួតជាមួយបណ្ដាប្រទេសនានានៅលើពិភពលោក ដើម្បីប្រយុទ្ធប្រឆាំងបទល្មើសនេះ ។ លោកជំទាវ បញ្ជាក់បន្ថែមថា ៖ រាជរដ្ឋាភិបាលទាំងអណត្តិមុន ទាំងអណត្តិនេះ គឺតែងតែតម្កល់ការប្រយុទ្ធប្រឆាំងអំពើជួញដូរមនុស្ស ក៏ដូចជាបទល្មើសគ្រប់ប្រភេទជាអាទិភាព ដើម្បីរក្សានូវសន្ដិសុខ សណ្ដាប់ធ្នាប់ សុវត្ថិភាពជូនប្រជាពលរដ្ឋគ្រប់រូប សូម្បីតែជនបរទេសដែលនៅក្នុងប្រទេសកម្ពុជាយើងការពារទាំងអស់ ដោយយើងក៏រួមចំណែកជាមួយបណ្ដាប្រទេសជិតខាង អន្ដរជាតិ…