(ភ្នំពេញ)៖ សម្ដេចមហាបវរធិបតី ហ៊ុន ម៉ាណែត នាយករដ្ឋ​មន្ដ្រី នៃព្រះរាជាណាចក្រកម្ពុជា បានអញ្ជើញជាអធិបតី ពិធី​បិទសន្និបាត បូកសរុបការងារអប់រំ យុវជន និង កីឡា ឆ្នាំ​សិក្សា​២០២៣-២០២៤ និងទិសដៅ ឆ្នាំសិក្សា​២០២៤​-២០២៥ នារសៀលថ្ងៃទី២៦ ខែកុម្ភៈ ឆ្នាំ២០២៥ នៅវិទ្យា​ស្ថានបច្ចេកវិទ្យាកម្ពុជា រាជធានីភ្នំពរញ ។ ឯកឧត្តម ហង់ជួន ណារ៉ុន ឧបនាយករដ្ឋមន្រ្តី រដ្ឋមន្រ្តីក្រសួង​អប់រំ យុវជន និងកីឡា បានឱ្យដឹងថា សន្និបាតអប់រំ យុវជន និងកីឡាឆ្នាំនេះ បានដំណើរការចាប់ពីថ្ងៃទី២៤ ដល់ថ្ងៃទី២៦ ខែ កុម្ភៈ ឆ្នាំ២០២៥ ដើម្បីបូកសរុបវាយតម្លៃការងារ ដែល​បាន​អនុវត្តក្នុងឆ្នាំសិក្សាកន្លងមក និង លើកទិសដៅការងារ​សម្រាប់ឆ្នាំសិក្សាខាងមុខទៀត ។ ឯកឧត្តម ហង់ជួន ណារ៉ុន បានបន្តថា មុននឹងមាន​សន្និបាត​នៅថ្នាក់ជាតិនេះ ក្រសួង បានណែនាំមន្ទីរ អប់រំ យុវជន និង​កីឡារាជធានី ខេត្តទាំងអស់ ឱ្យរៀបចំរបាយការណ៍សន្និបាត ដើម្បីប្រមូលធាតុ…

កំពត៖ឯកឧត្តម ម៉ៅ ធនិន អភិបាលខេត្តកំពត​កាលពីព្រឹកថ្ងៃទី២៦ ខែកុម្ភ: ឆ្នាំ២០២៥ បានអញ្ជើញចូលរួម​ក្នុងពិធី​ចែកវិញ្ញាបនបត្រសម្គាល់ម្ចាស់​អចលៈ​វត្ថុជូនប្រជាពលរដ្ឋនៅភូមិដូនស៊យ ឃុំថ្មី និងភូមិព្រៃត្នោត ឃុំកំពង់ក្រែង ស្រុក​ទឹកឈូ ខេត្តកំពត ដែលមានក្បាលដីសរុបចំនួន ១ ០១៥ក្បាលដី ស្មើនឹង ៦៤៩​គ្រួសារ ។ទន្ទឹមគ្នាក៏មានការ​ប្រកាសបិទផ្សាយ​ជាសាធារណៈនូវឯក​សារនៃការវិនិច្ឆ័យផងដែរ។ មានប្រសាសន៍ក្នុងឱកាសនេះឯកឧត្តមអភិបាលខេត្តកំពតបានលើកឡើងថា ក្រោមការដឹកនាំប្រកបដោយឆន្ទៈ និងការ​ស្រលាញ់​ប្រជាពលរដ្ឋ សម្តេចមហា​បវរធិបតី ហ៊ុន ម៉ាណែត នាយករដ្ឋមន្ត្រី​បានយកចិត្តទុកដាក់ខ្ពស់លើការ​កែទម្រង់​វិស័យដីធ្លី ដោយបានជំរុញការចុះបញ្ជីដីធ្លីនិងចេញបណ្ណកម្ម​សិទ្ធិមានលក្ខណៈដាច់ដោយដុំ ,ការចុះបញ្ជីដីធ្លីមាន​លក្ខណៈជាប្រព័ន្ធ និងបានបង្កើតយុទ្ធនាការចុះវាស់វែងដីធ្លីចេញបណ្ណកម្មសិទ្ធិតាមបទបញ្ជាលេខ ០១បបជាដើម។​ លោក ព្រាប សុផាត ប្រធានមន្ទីររៀបចំដែនដី នគរូបនីយកម្ម សំណង់ និង​សុរិយោដី​ខេត្តកំពត បានឱ្យដឹងថា អនុវត្តតាមកម្មវិធីនយោបាយរបស់រាជ​រដ្ឋាភិបាល​ក្រោមការដឹកនាំប្រកបដោយគតិបណ្ឌិតរបស់សម្តេចធិបតី ហ៊ុន ម៉ាណែត និងក្រោមការដឹកនាំគាំទ្រចង្អុលបង្ហាញផ្ទាល់របស់ ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដនដី នគរូបនីយកម្ម និងសំណង់ និងឯកឧត្ដម ម៉ៅ ធនិន អភិបាល ខេត្តកំពត ក្រុមការងារចុះបញ្ជី​ដីធ្លីរបស់មន្ទីរបាន​ពន្លឿន​ការងារចុះបញ្ជីដីធ្លី និងចេញបណ្ណកម្មសិទ្ធិជូនពលរដ្ឋ…

(ភ្នំពេញ)៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានគូសបញ្ជាក់ថា ធនធានមនុស្ស គឺជាតម្រូវការចាំបាច់ក្នុងវិស័យកសិកម្ម ដូចនេះក្នុងនាមបញ្ញវន្ត ត្រូវមានការយល់ដឹង ពិចារណាច្បាស់លាស់ មានការសិក្សាស្រាវជ្រាវត្រឹមត្រូវ មានការគិតគូរផ្អែកលើភាពពិតប្រាកដ ចូលរួមការងារសង្គម និងផ្សព្វផ្សាយព័ត៌មានពិតជាក់ស្តែង ជាជាងការផ្តល់ព័ត៌មានមិនពិត និងមិនមានប្រភពច្បាស់លាស់ ដែលធ្វើឱ្យមានផលប៉ះពាល់ជាច្រើនក្នុងសង្គមជាតិ។ ឯកឧត្តមរដ្ឋមន្ត្រី បានលើកទឹកចិត្តដល់សិស្ស-និស្សិត យកចិត្តទុកដាក់រៀនសូត្រ និងមានភាពប្រាកដនិយម ដែលជាគុណាធិបតេយ្យចេញពីការខិតខំរៀនសូត្រប្រកបដោយគុណភាព។ ឯកឧត្តមរដ្ឋមន្ដ្រី បានសង្កត់ធ្ងន់អំពីភាពចាំបាច់ដែលសិស្ស-និស្សិតត្រូវមានភាពជាអ្នកដឹកនាំ មានមូលដ្ឋានភាសាបរទេស មានគំនិតច្នៃប្រឌិត និងយល់ដឹងពីការធ្វើជំនួញ ធុរកិច្ច និងអាចរៀបចំដឹកនាំសហគមន៍កសិកម្មទំនើប សម្របសម្រួលឱ្យប្រជាកសិករចេះធ្វើការរួមគ្នា និងមានភាពម្ចាស់ការពិតប្រាកដ។ ឯកឧត្តមរដ្ឋមន្ត្រី បានតម្រង់ទិសលើមុខជំនាញវិស្វកម្មកសិកម្ម សេដ្ឋកិច្ចកសិកម្ម និងសារគមនាគមន៍កសិកម្ម ដែលមានតម្រូវការទីផ្សារការងារល្អ។ ឯកឧត្តមរដ្ឋមន្ត្រី បញ្ជាក់ដូចនេះ ក្នុងពិធីបើកបវេសនកាល ថ្នាក់ឆ្នាំសិក្សាមូលដ្ឋានឆ្នាំសិក្សា២០២៤ – ២០២៥ នៅសាកលវិទ្យាល័យភូមិន្ទកសិកម្ម ព្រឹកថ្ងៃទី២៥ ខែកុម្ភៈ ឆ្នាំ២០២៥។ ឯកឧត្តមរដ្ឋមន្ត្រី បានកោតសរសើរ និងថ្លែងអំណរគុណដល់ថ្នាក់ដឹកនាំសាកលវិទ្យាល័យ សាស្រ្តាចារ្យ លោកគ្រូ អ្នកគ្រូ…

(ភ្នំពេញ)៖ អាជ្ញាធរជាតិអប្សរា តាមរយៈកិច្ចសហការជាមួយ​ស្ថាប័ន​ស្រាវជ្រាវបុរាណវិទ្យាឥណ្ឌា(ASI) កំពុងជួសជុល កំពែ​ង​ថ្មបាយក្រៀម ជ្រុងខាងលិច ផ្នែកខាងជើង នៃប្រាសាទ​តាព្រ​ហ្ម ដើម្បីលើកតម្លៃសំណង់បុរាណមួយនេះ បន្ទាប់ពីបាន​រង​ការ​​ខូចខាតទ្រុឌទ្រោម ដោយមូលហេតុជាច្រើននា​កន្លង​មក​។ អាជ្ញាធរជាតិអប្សរាបានឱ្យដឹងនៅថ្ងៃទី២៥ ខែកុម្ភៈ ឆ្នាំ​២០២​៥ ថា ក្នុងគម្រោងដំណាក់កាលទី៣ ស្ថាប័នស្រាវជ្រាវ​បុរាណ​វិទ្យាឥណ្ឌា(ASI) ក៏បានធ្វើការជួសជុលពង្រឹងឡើងវិញ​កំពែង​ថ្មបាយក្រៀម ជ្រុងខាងលិច ផ្នែកខាងជើង នៃប្រាសាទតា​ព្រហ្ម មានប្រវែងសរុបចំនួន៣០ម៉ែត្រ។ លោក Chitranjan Kumar ប្រធានគ្រប់គ្រងការដ្ឋាន​ជួសជុល​នៅប្រាសាទតាព្រហ្ម បានឱ្យដឹងថា រចនាសម្ពន្ធ​នៃកំពែងថ្មបាយក្រៀមបានខូចខាតយ៉ាងច្រើន ជាពិសេស​ដើមឈើរលំសង្កត់ពីលើ និងកត្តាអាយុកាលនៃសំណង់ ធ្វើឱ្យ​គុណភាពនៃគ្រឹះខាងក្រោមបានថមថយ ចំណែកថ្មបាយ​ក្រៀម ក៏បានបែកបាក់មួយចំនួន។ ហេតុដូច្នេះ ក្រុមការងារ​នៅទីនេះ បានធ្វើកំណាយស្រាវជ្រាវបុរាណវិទ្យា ដើម្បីសិក្សា​ពីស្ថានភាពគ្រឹះនៃកំពែង ទើបចាប់ផ្តើមធ្វើសម្រង់ប្លង់ បង់​លេខ​និងចុះបញ្ជីថ្មបាយក្រៀម ។ រួចបន្តការងារ​ជួស​ជុល​ពង្រឹង​គ្រឹះខាងក្រោមដែលពុកផុយ រៀបចំជួសជុលថ្មដែល​ខូចខាតឬបែបបាក់ ទើបរៀបចំផ្គុំថ្មសាកល្បង មុនរៀបចំទៅ​កាន់ទីតាំងដើមវិញ ដោយអនុវត្តតាមលំនាំពីបុរាណ។ ដោយសារស្ថានភាពរបស់ថ្មបាយក្រៀមខ្លះ មានសភាពពុក​ផុយនិងខូចខាតច្រើន ប៉ុន្តែអ្នកជំនាញនឹងព្យាយាម​ជួសជុល​និងប្រើប្រាស់ថ្មចាស់ឱ្យអស់ពីលទ្ធភាពមុននិងសម្រេចជំនួសដោយថ្មថ្មី។ លោកថា៖”សម្រាប់ការងារនេះ គ្រោងចំណាយពេលចំនួន ៦ខែ ទើបរួចរាល់ ដោយបានចាប់ផ្តើមពីខែមករា ឆ្នាំ២០២៥មក” ។…

(ភ្នំពេញ)៖គ្រឹះស្ថានសិក្សាចំនួន ៨ ៥៥៩ស្មើនឹង ៨៩ភាគ​រយបាន អនុវត្តពេញលេញ ស្តីពីការលើកកម្ពស់សុវត្ថិភាព និងអាហារ ប្រកបដោយសុខភាពតាមសាលារៀន។ នេះបើ​តាមរបាយការណ៍សន្និបាតបូកសរុបលទ្ធផលការងាររបស់ក្រសួងអប់រំយុវជន និងកីឡាឆ្នាំសិក្សា២០២៣-២០២៤ និង ទិសដៅឆ្នាំសិក្សា២០២៤-២០២៥។ យោងតាមរបាយការណ៍ដែលបានចេញផ្សាយនៅថ្ងៃទី២៥ ខែកុម្ភៈ ឆ្នាំ ២០២៥របស់ក្រសួងអប់រំបានឱ្យដឹងថាដើម្បី​សុវត្តិភាពចំណីអាហារ និងក៏ដូចជាថែរក្សាបាននូវសុខភាព​សិស្សនុសិស្ស ក្រសួងអប់រំនាកន្លងមកបានចេញវិធានការ ណែនាំស្តីពីការហាមឃាត់ការ ទទួលទាន ការចែកចាយ ការតាំងលក់ និងការផ្សព្វផ្សាយពាណិជ្ជកម្មផលិតផល​ភេសជ្ជៈប៉ូវកម្លាំង គ្រប់ប្រភេទ នៅក្នុងនិងជាប់ជុំវិញបរិវេណ​គ្រឹះស្ថាន សិក្សាចំណេះទូទៅ និងអប់រំបច្ចេកទេសសាធារណៈ ហើយនិងឯកជន។ ក្រៅពីនេះតាមគ្រឹះស្ថានសិក្សាក៏បានរៀបចំពិព័ណ៌អាហារប្រកបដោយសុខភាពនៅតាមសាលារៀន ដើម្បីបញ្ជ្រាបការយល់​ដឹង ស្តីពីការកាត់បន្ថយហានិភ័យជំងឺមិនឆ្លង របបអាហារ​ប្រកប​ដោយសុខភាព បណ្តុះទម្លាប់ប្រើ ប្រាស់អំបិលតិច ស្ករតិច ខ្លាញ់តិច ពិសេសគឺការលើកកម្ពស់សុវត្ថិភាពចំណី​អាហារនៅតាម សាលារៀនជាដើម។ ក្រសួងអប់រំបានបង្ហាញក្នុងរបាយការណ៍របស់ខ្លួនដែរថា៖ មន្ត្រីកាំកុងត្រូលពីសុវត្ថិភាពចំណីអាហារក៏តែងចុះណែនាំនៅតាមសាលារៀនសំដៅពិនិត្យ និងអប់រំក្នុងការលក់ចំណីអាហារ​សុខភាពដល់សិស្ស។ ក្រៅពីនេះក្នុងរបាយការណ៍ដដែលនេះក៏បានបញ្ជាក់ផងដែរពី គ្រឹះស្ថានសិក្សាចំនួន ៣ ៥៤១ ស្មើនឹង៣៧ភាគរយ បានរៀប​ចំឱ្យមានបន្ទប់សុខភាព,ជ្រុងសុខភាព ក្នុងនោះ ៧៨៤មាន​បន្ទប់សុខភាពដាច់ដោយឡែក និង ២ ៧៥៧ មានរៀបចំជ្រុង​ណាមួយធ្វើ ជាបន្ទប់សុខភាព និងគ្រឹះស្ថានសិក្សាចំនួន…

(ភ្នំពេញ)៖ ឯកឧត្តមបណ្ឌិតសភាចារ្យ ហ៊ាន សាហ៊ីប ទីប្រឹក្សាសម្តេចធិបតីនាយករដ្ឋមន្រ្តី និង ជាប្រធានក្រុមការងារជំរុញការវិនិយោគក្នុងខេត្តព្រះសីហនុ កាលពីថ្ងៃទី ២៥ ខែ កុម្ភៈ ឆ្នាំ ២០២៥ នៅទីស្តីការក្រសួងសេដ្ឋកិច្ច និង ហិរញ្ញវត្ថុបានដឹកនាំកិច្ចប្រជុំលើកទី ១៤ ដោយបានដាក់ចេញក្របខណ្ឌតាមដាន ពិនិត្យ និង ជំរុញការអនុវត្តគម្រោងវិនិយោគ និង ធុរកិច្ច សម្រាប់ឆ្នាំ ២០២៥ ។ ជាមួយនេះ, ក្រុមការងារបានសម្រេចជាគោលការណ៍ផ្តល់ការលើកទឹកចិត្តពិសេសដល់គម្រោងចំនួន ១៤ ក្នុងនោះ គម្រោងពាក់ព័ន្ធនឹងអគារជាប់គាំង ចំនួន ៦, គម្រោងពុំពាក់ព័ន្ធនឹងអគារជាប់គាំងនិងជាគម្រោងថ្មី ៤ គម្រោង និង ការពង្រីកគម្រោង ចំនួន ៤, ដោយមានទុនវិនិយោគសរុប ៧៩ លានដុល្លារអាមេរិក និង ប៉ាន់ស្មានអាចបង្កើតការងារប្រមាណ ២ ២៦៦ កន្លែង ។  ជារួម, គិតត្រឹមខែកុម្ភៈ ឆ្នាំ២០២៥, ក្រុមការងារជំរុញការវិនិយោគក្នុងខេត្តព្រះសីហនុ បានសម្រេចជាគោលការណ៍ផ្តល់ការលើកទឹកចិត្តដល់គម្រោងចំនួន ២៦៩…

(ភ្នំពេញ)៖គិតនៅខែកុម្ភៈ ឆ្នាំ២០២៥នេះអង្គភាពប្រឆាំងអំពើ​ពុក​​រលួយ(អបព ឬACU)ទទួលបានពាក្យប្តឹងសរុបចំនួន ៥៥ ពីបណ្តារាជធានី ខេត្ត និងមានមន្រ្តី ៤៧៦ រូបបានប្រកាស​ទ្រព្យសម្បត្តិ និងបំណុល។ ឯកឧត្តម សយ ច័ន្ទវិចិត្ត ឧបការី និងជាមន្រ្តីនាំពាក្យអង្គភាព​ប្រ​ឆាំង​អំពើពុករលួយ បានបញ្ជាក់ប្រាប់បណ្តាញសារព័ត៌មាន​ក្នុងកិច្ចប្រជុំលើកទី៤៤ អាណត្តិទី៣ នៃក្រុមប្រឹក្សាជាតិ​ប្រ​ឆាំង​អំពើពុករលួយ នារសៀលថ្ងៃទី ២៥ ខែ កុម្ភៈ ឆ្នាំ ២០២៥ ថា៖ ការងារប្រកាសទ្រព្យសម្បត្តិ និងបំណុល​នាខែកុម្ភៈ ឆ្នាំ២០២៥នេះ មានមន្ត្រីចំនួន ៤៧៦រូប បាន​មកប្រកាសទ្រព្យសម្បត្តិ និងបំណុល ក្នុងនោះមន្ត្រីទើប​ទទួលបានការ តែងតាំងថ្មីចំនួន ២៦១ រូប ដោយឡែកមន្ត្រី ២១៥ រូបទៀត បានមកប្រកាសទ្រព្យសម្បត្តិនិងបំណុល ដោយ មូលហេតុលាឈប់ និងចប់អាណត្តិ។ ឯកឧត្តមបានឱ្យដឹងបន្ថែមថា សម្រាប់ការងារពាក្យប្ដឹងនៅ​ខែកុម្ភៈ​នេះ​ដែរ អង្គភាពប្រឆាំងអំពើពុករលួយ បានដំណើរ​ការពិនិត្យ វិភាគ និងធ្វើការសម្រេច លើពាក្យប្ដឹងដែលមាន​ សរុបចំនួន ៥៥ ពាក្យប្ដឹង។ ដោយឡែកទាក់ទិនក្នុងការងារអប់រំត្រូវបានមន្រ្តីអ្នកនាំពាក្យរូបនេះបានឱ្យដឹងផងថា អង្គភាពប្រឆាំងអំពើពុករលួយបាន​ធ្វើការអប់រំ…

កំពត៖ រដ្ឋលេខាធិការក្រសួងអភិវឌ្ឍន៍ជនបទ ឯកឧត្តម ចាន់ ដារ៉ុង នៅថ្ងៃទី២៥ ខែកុម្ភៈ ឆ្នាំ២០២៥​បានអញ្ជើញចូលរួម​បើកការដ្ឋាន​សាងសង់ផ្លូវក្រាល​ដីល្បាយក្រួសចំនួនមួយ​ខ្សែប្រវែង ៥ ៥០០ម៉ែត្រ ស្ថិតនៅភូមិព្រៃកឹក ឃុំប្រាសាទភ្នំខ្យង ស្រុកកំពង់ត្រាច ខេត្តកំពត។ នៅក្នុងឱកាសនោះឯកឧត្តមរដ្ឋលេខាធិការបានសំណូមពរដល់ប្រជាពលរដ្ឋដែលមានលំនៅឋានតាមបណ្តាយផ្លូវសូម​ចូល​រួមសហការជាមួយក្រុម​ការងារ​សាងសង់ផ្លូវមកពីនាយកដ្ឋានស្ថាបនានិងវិស្វកម្មរបស់ក្រសួងមហាផ្ទៃឱ្យបានល្អ  និងមានការយោគយល់ចំពោះផលប៉ះពាល់ផ្សេងៗអំឡុងពេល​ស្ថាបនា។ ឯកឧត្តមក៏បានស្នើដល់ក្រុមវិស្វកម្ម ធ្វើយ៉ាងណាត្រូវ​ពន្លឿនការសាង​សង់​ឱ្យបានរួចរាល់មុនរដូវភ្លៀងធ្លាក់ ប៉ុន្តែត្រូវគោរពតាមបទដ្ឋានបច្ចេក​ទេស​ដែលក្រសួងបានកំណត់ជូន។ សូមបញ្ជាក់ថា ផ្លូវក្រាលដីល្បាយក្រួសមួយខ្សែនេះមានទទឹង ៨ម៉ែត្រ ,កម្រាស់ ០,២ម៉ែត្រ ។សាងសង់លូមូលមុខមួយ ចំនួនបីកន្លែង,  លូមូលមុខពីរចំនួន​មួយ​កន្លែង ,លូប្រអប់មុខមួយចំនួនមួយកន្លែង និងលូប្រអប់មុខពីរចំនួន​មួយ​កន្លែង ស្ថិតនៅភូមិព្រៃកឹក ឃុំប្រាសាទភ្នំខ្យង,  នៅភូមិព្រៃកែស ឃុំដំណាក់​កន្ទួតខាងជើង ស្រុកកំពង់ត្រាច ។ ការសាងសង់ផ្លូវគ្រោងនឹងបញ្ចប់នៅខែ​មិថុនាខាងមុខ៕ដោយ៖ សិលា សារិន

(ភ្នំពេញ)៖ ក្រសួងអប់រំយុវជន និងកីឡាបានប្រកាសទទួល​ស្គាល់​សាលារៀនចំនួន ១៤៤ ជាប់ស្តង់ដាសាលារៀនគំរូ ដែលក្នុងចំណោមនេះរួមមាន សាលាមត្តេយ្យសិក្សា ២៤ សាលាបឋមសិក្សា ៥០ អនុវិទ្យាល័យ ៥ វិទ្យាល័យ ៦០ និងសាលាគរុកោសល្យ ៥។ ជាមួយនឹងការប្រកាសនេះដែររដ្ឋមន្រ្តីក្រសួងអប់រំបានលើកចិត្តឱ្យ សាលារៀនទាំង ១៤៤ និង សាលារៀនដទៃទៀត បន្តធ្វើការកែលម្អ និងអនុវត្តឱ្យបានពេញលេញនូវស្តង់​ដាសាលារៀនគំរូ នៅឆ្នាំបន្តបន្ទាប់ទៀត។ ថ្លែងក្នុងពិធីបើកសន្និបាតបូកសរុបការងារអប់រំ យុវជន និងកីឡាឆ្នាំសិក្សា២០២៣-២០២៤ និងលើកទិសដៅ​ការងារ ឆ្នាំសិក្សា២០២៤-២០២៥ ក្រោមប្រធានបទ “អភិវឌ្ឍមូលធនមនុស្សឆ្ពោះទៅសម្រេចចក្ខុវិស័យកម្ពុជា ឆ្នាំ២០៥០”នៅថ្ងៃទី២៤ ខែកុម្ភៈ ឆ្នាំ២០២៥ ឯកឧត្តម​បណ្ឌិត​សភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា ក៏បានលើកទឹក​ចិត្តឱ្យសាលារៀនគំរូទាំងអស់ និងក៏ដូចជា សាលារៀន​ដទៃទៀត បន្តកែលម្អ និងអនុវត្តឱ្យបានពេញលេញនូវស្ដង់​ដាសាលារៀនគំរូបន្ថែមទៀត។សិស្សសាលារៀនគំរូ នាកន្លង​មកដែលសម្រេចតាម​ចំណុចគោដៅ និងភាគរយសិស្សថ្នាក់​ទី១២ ប្រឡងជាប់សញ្ញាបត្រមធ្យមសិក្សាទុតិយភូមិ បាននិទ្ទេស A, B, C មាន ២៥,៧…

(ភ្នំពេញ)៖ ក្រសួងប្រៃសណីយ៍និងទូរគមនាគមន៍ និយ័តករ ទូរគមនាគមន៍ កម្ពុជា និងអង្គការ (GIZ) សហការរៀបចំវគ្គ​បណ្តុះ​បណ្តាលស្តីពីវិធីសាស្រ្តវាយតម្លៃលើផលប៉ះពាល់​នៃលិខិតបទដ្ឋានគិតយុត្ត ជូនដល់ថ្នាក់ដឹកនាំ និងមន្រ្តីនៃ​អង្គភាព​ចំណុះក្រសួងប្រៃសណីយ៍និងទូរគមនាគមន៍ សរុបប្រមាណ ៦០នាក់។ វគ្គបណ្តុះបណ្តាលនេះ ធ្វើឡើងរយះពេល២ថ្ងៃ ចាប់ពីថ្ងៃទី២៤ ដល់២៥ ខែកុម្ភៈ ឆ្នាំ២០២៥ ក្នុងគោលបំណងពង្រឹងសមត្ថភាពដល់អ្នកចូលរួមឱ្យយល់ដឹងអំពីគោលការណ៍ និងការអនុវត្តនៃការវាយតម្លៃលើផល ប៉ះពាល់ នៃលិខិតបទដ្ឋានគិតយុត្ត ដើម្បីបង្កើន ល្បឿននៃការរៀបចំតាក់តែងលិខិត បទដ្ឋានគតិយុត្ត និងជួយកាត់បន្ថយជាអតិបរមា នូវផលអវិជ្ជមានដល់សង្គម និងសេដ្ឋកិច្ច ជួយកាត់បន្ថយបន្ទុកចំណាយលើការអនុវត្ត បន្ទុកចំណាយប្រតិបត្តិការរបស់ធុរកិច្ច និងវិសាលភាពជាន់គ្នាជាដើម។ វិធីសាស្រ្តវាយតម្លៃលើផលប៉ះពាល់នៃលិខិតបទដ្ឋានគិតយុត្ត (Regulatory Impact Assessment – RIA) ត្រូវបានទទួលស្គាល់ និងអនុវត្តជាយូរណាស់មកហើយ ដោយប្រទេសជាសមាជិកអង្គការកិច្ចសហប្រតិបត្តិការ និងអភិវឌ្ឍន៍សេដ្ឋកិច្ច (OECD) ក្នុងការរៀបចំតាក់តែងលិខិតបទដ្ឋានគតិយុត្តឱ្យមានប្រសិទ្ធភាព និងប្រសិទ្ធផលខ្ពស់៕ ដោយ ៖ ង៉ាន់ ទិត្យ