កំពង់ធំ៖ក្រុមហ៊ុន Mirarth Agri Tech កាលពីថ្ងៃទី ២១ ខែកុម្ភៈ ឆ្នាំ ២០២៥ បានចុះកិច្ចសន្យាទិញលក់គ្រាន់ស្វាយចន្ទីសើមជាមួយសហគមន៍កសិកម្មក្នុងខេត្តកំពង់ធំ ។ក្នុងឳកាសអញ្ជើញចូលរួមជាអធិបតី ឯកឧត្តម នួន ផារ័ត្ន អភិបាលខេត្តកំពង់ធំ បានលើកឡើងថា “ខេត្តកំពង់ធំ គឺជាតំបន់ស្វាយចន្ទីសំខាន់សម្រាប់កម្ពុជា ដែលប្រជាជនជាង ៧៣% មានជីវភាពពឹងផ្អែកលើវិស័យកសិកម្ម”។ ដំណាំស្វាយចន្ទី មិនត្រឹមតែជាប្រភពចំណូលសំខាន់របស់កសិករ ប៉ុន្តែការអភិវឌ្ឍវិស័យនេះ ក៏ជាគោលនយោបាយសំខាន់របស់សម្ដេចមហាបវរធិបតី ហ៊ុន ម៉ាណែត ក្នុងការពង្រឹងសេដ្ឋកិច្ចជាតិ។ ឯកឧត្តមបន្តថា សម្ដេចធិបតី បានអញ្ជើញមកកាន់សហគមន៍ស្វាយចន្ទីខេត្តកំពង់ធំ ដល់ពីរលើក ដើម្បីពិនិត្យមើលការងារ និងដាក់ចេញគោលនយោបាយច្បាស់លាស់ ចាប់ពីការដាំដុះ រហូតដល់ការនាំចេញ។វិធានការទាំងនេះមានគោលបំណងធ្វើឱ្យកម្ពុជា ក្លាយជាប្រទេសនាំចេញស្វាយចន្ទីមុខគេក្នុងតំបន់។ ឯកឧត្តម នួន ផារ័ត្ន បានអំពាវនាវឲ្យសហគមន៍ស្វាយចន្ទី បន្តប្រកាន់ខ្ជាប់លក្ខណៈវិជ្ជាជីវៈក្នុងការផលិត ដោយធានាបាននូវគុណភាព និងស្របតាមតម្រូវការទីផ្សារ។ លោកក៏បានលើកឡើងអំពី សារៈសំខាន់នៃភាពស្មោះត្រង់រវាងអ្នកលក់ និងអ្នកទិញ ដើម្បីធ្វើឱ្យវិស័យស្វាយចន្ទី រីកចម្រើន៕ដោយៈប៊ុន រដ្ឋា

(ខេត្តសៀមរាប)៖ ប្រាសាទបាយ័នរបស់ខ្មែរ ត្រូវបានក្រុមហ៊ុនគ្រឿងអលង្ការយ៉ាងល្អប្រណីត និងល្អឯករបស់អ៊ីតាលី ដែលមានម៉ាកយីហោដ៏ល្បីលំដាប់ពិភពលោក BVL GARI បានជ្រើសរើសជាទីតាំង ដើ ម្បីបង្ហាញម៉ូតផលិតផលរបស់ខ្លួន ។ ការបង្ហាញម៉ូតផលិតផលគ្រឿងអលង្ការយ៉ាងល្អប្រណីតនេះ បានធ្វើឡើងតាមរយៈការរៀបចំកម្មវិធីរាត្រីសមោសរ (Gala Dinner) ឈ្មោះថា BVLGARI AETERNA កាលនៅរាត្រីថ្ងៃទី២១ ខែកុម្ភៈ ឆ្នាំ២០២៥ ។ កម្មវិធីដ៏អធិកអធមនោះ មានការអញ្ជើញចូលរួមជាភ្ញៀវកិតិ្តយសពិសេសដោយលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត រួមទាំងភ្ញៀវលំដាប់ខ្ពស់ប្រចាំប្រទេសកម្ពុជា និងតារាបង្ហាញម៉ូតគ្រឿងអលង្ការ BVLGARI ល្បីៗមកពីក្នុងតំបន់ និងមកពីជុំវិញពិភពលោកផងដែរ ។ នៅក្នុងកម្មវិធីនោះ ក្រុមអ្នករៀបចំ បានរៀបចំគ្រឿងអលង្កា BVLGARI ដ៏មានតម្លៃជាច្រើន គ្រងដោយតារាបង្ហាញម៉ូត ដោយបានដើរបង្ហាញនៅលើវេទិការ នៅមុខប្រាសាទបាយ័ន នៃទឹកដីអង្គរដ៏ស្រស់ស្អាតរបស់កម្ពុជា ។ បើតាមនាយកគ្រប់គ្រងក្រុមហ៊ុនប្រចាំតំបន់ លោក Jeffery Hang ការនាំឲ្យបង្កើតមានរាត្រីសមោសរដ៏អស្ចារ្យនេះឡើង គឺនៅបន្ទាប់ពី លោកជំទាវបណ្ឌិត ពេជ ចន្ទមុន្នី បានណែនាំ ដើម្បីស្វែងរកលទ្ធភាព…

ក្រចេះ៖ រដ្ឋបាលខេត្តក្រចេះ បានបញ្ចប់តួនាទី ឆ្មាំទន្លេនៅតំបន់ការពារសត្វផ្សោតទន្លេមេគង្គ ៣នាក់កាលពីថ្ងៃទី១៩ ខែកុម្ភៈ ឆ្នាំ២០២៥ បន្ទាប់រកឃើញកំហុសមានជាប់ពាក់ព័ន្ធនឹងការបើកដៃឱ្យមានបទល្មើសនេសាទខុសច្បាប់នៅក្នុងតំបន់អភិរក្សសត្វផ្សោតទន្លេមេគង្គ។ ការសម្រេចនេះ ធ្វើឡើងតាមរយៈសំណើរបស់មន្ទីរកសិកម្ម រុក្ខាប្រមាញ់ និងនេសាទ ខេត្តក្រចេះ បន្ទាប់ពីរកឃើញថា បុគ្គលទាំង ៣រូបនេះ មានជាប់ពាក់ព័ន្ធនឹងការនេសាទខុសច្បាប់ តាមរយៈការបើកដៃឱ្យអ្នកនេសាទ ប្រើប្រាស់ឧបករណ៍ឆក់ នៅក្នុងតំបន់អភិរក្សសត្វផ្សោត ជាថ្នូរនឹងផលប្រយោជន៍ផ្ទាល់ខ្លួន។ នេះបើយោងតាមក្រសួងកសិកម្ម នៅថ្ងៃទី២០ ខែកុម្ភៈ ឆ្នាំ២០២៥។ លិខិតបញ្ចប់តួនាទី ដែលចុះហត្ថលេខាដោយ អភិបាលខេត្តក្រចេះ ឯកឧត្តម វ៉ា ថនបានឱ្យដឹងថា ឆ្នាំទន្លេទាំង៣នាក់ ដែលត្រូវបានបញ្ចប់តួនាទី ភារកិច្ចនោះមាន៖ ១-លោក សេង កុសល ជាអនុប្រធានប៉ុស្តិ៍ឆ្នាំទន្លេ អភិរក្សសត្វផ្សោតកោះផ្តៅ, ២-លោក កាន វណ្ណៈ ជាសមាជិកប៉ុស្តិ៍ឆ្នាំទន្លេ អភិរក្សសត្វផ្សោតជ្រោយបន្ទាយ និង ៣-លោក មួង កែវឡាយ ជាសមាជិកប៉ុស្តិ៍ឆ្នាំទន្លេ អភិរក្សសត្វផ្សោតជ្រោយបន្ទាយ។ការបញ្ចប់តួនាទីនេះ ត្រូវបានធ្វើឡើង ក្រោយពីមានការព្រមាន ក៏ដូចជាក្រើនរំលឹក នៅចំពោះមុខឆ្មាំទន្លេទាំងឡាយ របស់អនុរដ្ឋលេខាធិការ…

សៀមរាប​៖កម្ពុជា និងសាធារណរដ្ឋកូរ៉េ បានរៀបចំពិព័រណ៍សិល្បៈរួមគ្នានៅ​សារមន្ទីរជាតិអង្គរ ខេត្តសៀមរាប។ក្នុងព្រឹត្តិការណ៍ដែលប្រារព្ធ​បើក​កាល​ពីព្រឹកថ្ងៃទី២២ ខែកុម្ភៈ ឆ្នាំ២០២៥ នេះក៏មានការថតរូប និង ថតវីដេអូ ព្រមទាំងការ​បរិច្ចាគថវិកាដល់សហគមន៍ផងដែរ។ ពិព័រណ៍សិល្បៈ កម្ពុជា -កូរ៉េ បានរៀបចំដោយស្ថានឯកអគ្គរាជទូត​កម្ពុជា​ប្រចាំសាជារណរដ្ឋកូរ៉េ សហការ ជាមួយ​សមាគម​វប្បធម៌កូរ៉េ (KCA)​ក្រសួងវប្បធម៌ និងវិចិត្រសិល្បៈ និងរដ្ឋបាលខេត្តសៀមរាប។ពិធីបើក​អញ្ជើញចូលរួម​លោកជំទាវ​បណ្ឌិតសភាចារ្យ ភឿង សកុណា រដ្ឋមន្ដ្រីក្រសួង​វប្បធម៌ និងវិចិត្រសិល្បៈ ឯកឧត្ដម ហួត ហាក់ រដ្ឋមន្ដ្រីក្រសួងទេសចរណ៍ ឯកឧត្ដម ប្រាក់ សោភ័ណ អភិបាលខេត្ដសៀមរាប ព្រមទាំងភ្ញៀវកិត្តិយស​មកពីប្រទេសកូរ៉េ ។ លោកជំទាវ ជ្រឹង បុទុមរង្សី ឯកអគ្គរាជទូតកម្ពុជាប្រចាំ​សាធារណរដ្ឋ​កូរ៉េ បានបញ្ជាក់ថាព្រឹត្តិការណ៍ពិព័រណ៍សិល្បៈរួមគ្នា បានឆ្លុះបញ្ចាំងពី​ការប្តេជ្ញាចិត្តរួមគ្នារបស់ពួកយើង ក្នុងការជំរុញនូវការផ្លាស់ប្តូរសិល្បៈ និងការអភិរក្សកេរដំណែលវប្បធម៌។ ស្នាដៃសិល្បៈរបស់វិចិត្រករសិល្បៈកូរ៉េល្បីៗ,ការថតរូបបែបបំផុសគំនិត និងវត្ថុបុរាណដែលត្រូវបានតាំងបង្ហាញ​បរិយាយ​ពីបេតិកភណ្ឌ, ភាព​សុខដុមរមនារបស់មនុស្សជាតិជាមួយនឹងធម្មជាតិ និងភាសាសន្ទនា​តាមរយៈវប្បធម៌, ការថតរូប​ប្រាសាទ,ការបង្ហាញម៉ូដសម្លៀកបំពាក់ និងការចូលរួមចំណែកសប្បុរសធម៌ជូនសមាគមគ្រូពេទ្យស្ម័គ្រចិត្តយុវជន សម្តេច​តេជោ និងមជ្ឈមណ្ឌលកុមារកំព្រាខេត្តសៀមរាប ក៏ត្រូវបាន​បង្ហាញក្នុងព្រឹត្តិការណ៍ពិព័រណ៍មួយនេះ។ មកដល់ពេលនេះខេត្តសៀមរាប បានបង្កើតចំណងសម្ព័ន្ធមេត្រីភាព​ជា​មួយ​ខេត្ត-ក្រុង នៃសាធារណរដ្ឋ-កូរ៉េចំនួន៣ខេត្ត-ក្រុង រួមមាន ទីក្រុងស៊ូរៀន នៃខេត្តឈៀងពី…

(សៀមរាប)៖ ក្នុងនាមរាជរដ្ឋាភិបាលកម្ពុជា ឯកឧត្តមទេសរដ្ឋមន្ត្រី បានថ្លែងអំណរគុណចំពោះរដ្ឋាភិបាលអាល្លឺម៉ង់ ដែលបានចូលរួមចំណែកដ៏មានតម្លៃជួយការពារជីវិតរាប់លាននាក់នៅទូទាំងពិភពលោក ពង្រឹងភាពធន់នឹងការប្រែប្រួលអាកាសធាតុ និងជំរុញបរិវត្តកម្មប្រព័ន្ធស្បៀងរបស់យើង ។ ឯកឧត្តម អ៊ុក រ៉ាប៊ុន ទេសរដ្ឋមន្ត្រី និងជាប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ បានអរគុណបែបនេះ ក្នុងពិធីបិទ វេទិកាអនាគតស្តីពី និរន្តរភាពប្រព័ន្ធស្បៀងអាហារ-ធានាអនាគត ដែលសហរៀបចំដោយក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ (ក.ក.ជ) ក្រសួងកសិកម្ម រុក្ខាប្រមាញ់ និងនេសាទ ស្ថានទូតអាល្លឺម៉ង់នៅទីក្រុងភ្នំពេញ និងសហភាពអឺរ៉ុប (EU) ដើម្បីបង្កើតដំណោះស្រាយសម្រាប់បញ្ហាប្រឈម ទាក់ទងនឹងការប្រែប្រួលអាកាសធាតុ បន្ទាប់ពីបានដំណើរការរយៈពេលពីរថ្ងៃ នៅសណ្ឋាគារ បុរីអង្គរ រីសត និងស្ប៉ា ខេត្តសៀមរាប នាពេលថ្មីៗនេះ ។ ឯកឧត្តម អ៊ុក រ៉ាប៊ុន បានបញ្ជាក់ថា ក្នុងរយៈពេលពីរថ្ងៃនេះ វេទិកាអនាគត ប្រព្រឹត្តទៅបានល្អដូចការគ្រោងទុក ដោយបានចូលរួមផ្លាស់ប្តូរចំណេះដឹង បទពិសោធន៍ និងការអនុវត្តល្អៗពីទូទាំងទ្វីប លើប្រធានបទកសិកម្មប្រកបដោយនិរន្តរភាព ប្រព័ន្ធស្បៀងមានភាពធន់ និងសកម្ម ភាពអាកាសធាតុសម្រាប់ការធានាសន្តិសុខស្បៀង អាហារូបត្ថម្ភ និងរបបអាហារសុខភាពសម្រាប់ទាំងអស់គ្នា ។ ឯកឧត្តម អ៊ុក…

ភ្នំពេញ៖ក្នុងពិធីបិទសន្និបាតបូក​សរុប​លទ្ធផល​ការងារឆ្នាំ២០២៤ និងលើក​ទិសដៅការងារ​ឆ្នាំ​២០២៥កាលពីរសៀល​ថ្ងៃទី២១ ខែកុម្ភៈ ឆ្នាំ២០២៥ ឯកឧត្តម ឆាយ ប្ញទ្ធីសែន រដ្ឋមន្រ្តីក្រសួងអភិវឌ្ឍន៍ជនបទ បានបញ្ចេញឱ្យដឹង​នូវសមិទ្ធផលធំៗដែលក្រសួងសម្រេចបានក្នុងឆ្នាំ​២០២៤ កន្លងទៅ។ ឯកឧត្តម ឆាយ ប្ញទ្ធីសែន បានបង្ហាញនូវសមិទ្ធផលដែលក្រសួងសម្រេចបាន ក្នុងឆ្នាំ២០២៤ តាមកម្មវិធីអាទិភាពទាំង៤ របស់ក្រសួង រួមមាន៖ ទី១.ការអភិវឌ្ឍ​ហេដ្ឋារចនាសម្ព័ន្ធរូបវន្ត និងគមនាគមន៍ជនបទ ទី២. ការកែលម្អលក្ខខណ្ឌ​នៃការ​រស់នៅរបស់សហគមន៍ជនបទ ទី៣. ការធ្វើ​ពិពិធកម្មសកម្មភាពសេដ្ឋកិច្ចជនបទ និងទី៤.ពង្រឹងសេវាគាំទ្ររដ្ឋបាល និងកិច្ចការទូទៅ។ ឯកឧត្ដមរដ្ឋមន្រ្ដី ក៏បានលើកឡើងអំពីយុទ្ធសាស្ដ្រ និងទិសដៅបន្តរបស់ក្រសួង សម្រាប់ឆ្នាំ២០២៥ ចំនួន ៥ គឺ អភិវឌ្ឍហេដ្ឋា​រចនាសម្ព័ន្ធរូបវន្ត និងគមនាគមន៍ជនបទប្រកបដោយភាពធន់, ការលើក​កម្ពស់​ការទទួលបានទឹកស្អាត និងអនាម័យបរិស្ថានជនបទ, ការជំរុញ​អភិវឌ្ឍសហគមន៍ជនបទ និងចលនាភូមិគំរូ, ការលើកម្ពស់ការធ្វើពិពិធកម្ម​សេដ្ឋកិច្ច​ជនបទ, និងការ​គ្រប់គ្រងស្ថាប័ន និងសេវាគាំទ្រទូទៅ ដែលមាន​ចក្ខុវិស័យ “កសាងតំបន់ជនបទកម្ពុជា​ប្រកបដោយវិបុល​ភាព បរិយាបន្ន នវានុវត្តន៍ ឌីជីថល និងភាពធន់ ទាំងផ្នែកសេដ្ឋកិច្ច សង្គម និងវប្បធម៌” ក្នុងគោលដៅចូលរួមចំណែកអនុវត្ត​យុទ្ធសាស្ត្រ​បញ្ចកោណដំណាក់កាលទី១ ដែលមានចក្ខុវិស័យកសាងកម្ពុជា ជាប្រទេសដែលមានចំណូលមធ្យម​កម្រិតខ្ពស់​នៅ ឆ្នាំ២០៣០…

កំពង់ចាម៖ លោកជំទាវ ហ៊ុន ម៉ាណា អគ្គនាយិការវិទ្យុ-ទូរទស្សន៍បាយ័ន និងក្រុមការងារកាលពីព្រឹកថ្ងៃទី២១ ខែកុម្ភៈ ឆ្នាំ២០២៥ បានអញ្ជើញចូល​រួមក្នុងពិធីប្រគល់នូវសមិទ្ធផលធំៗចំនួនបីដែលជាអំណោយ​ដ៏ថ្លៃថ្លារបស់​សម្ដេចអគ្គមហា​សេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលទើបត្រូវ​បានសាងសង់រួចស្ថិតក្នុង​សាលា​បឋមសិក្សា​ទួលចំប៉ី ភូមិកោះរកាក្នុង ឃុំកោះរកា ស្រុកកំពង់សៀម ខេត្តកំពង់ចាម។ សមិទ្ធផលដែលប្រគល់ជូនសិស្ស និងសាលាបឋមសិក្សាទួលចំប៉ីរួមមាន អគារបណ្ណាល័យមួយខ្នងមានពីរបន្ទប់, អគារ​ទីចាត់ការមួយខ្នង​មានមួយ​បន្ទប់, បន្ទប់ទឹកមួយខ្នង មានបួនបន្ទប់ ព្រមទាំងលាបថ្នាំអគារសាលាចាស់​ឱ្យស្អាតឡើងវិញ។ គប្បីជម្រាបជូនថា អគារសមិទ្ធផលថ្មីៗនេះ បានសាងសង់ឡើងបន្ទាប់ពីលោក​ជំទាវ ហ៊ុន ម៉ាណា ចុះមកប្រគល់​អំណោយ​ផ្ទះទេវតាជូនដល់ពលរដ្ឋនៅ​ក្នុង​ភូមិនេះកាលពីខែមិថុនា ឆ្នាំ២០២៤កន្លងទៅ។ ពេលនោះលោកជំទាវបានចុះ​មក​ពិនិត្យ​មើល​ឃើញពីការខ្វះខាតអគារទីចាត់ការ អគារបណ្ណាល័យ និងអគារ​បន្ទប់ទឹកនៅទីនេះ ទើបលោកជំទាវសម្រេចរៀបចំសាង​សង់ជូនដល់សិស្សា​នុសិស្សនៅទីនេះតែម្តង៊ ក្នុងឱកាសនេះលោកជំទាវ ហ៊ុន ម៉ាណា បាននាំនូវប្រសាសន៍ផ្តាំ​ផ្ញើសាក​សួរសុខទុក្ខពីសំណាក់សម្តេចតេជោ ហ៊ុន សែន និង​សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន, សម្តេចធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ដែល​ជានិច្ចកាលលោកតែងគិតគូរ​ពីសុខ​ទុក្ខដល់ពលរដ្ឋ…

ឧត្តរមានជ័យ៖ អភិបាលខេត្ត និងជាប្រធានគណៈបញ្ជាការឯកភាពរដ្ឋបាល​ខេត្តឧត្តរមានជ័យឯកឧត្តម មាន ចាន់យ៉ាដា កាលពីថ្ងៃទី២០ ខែកុម្ភៈ ឆ្នាំ​២០២៥ បានដឹកនាំក្រុមការងារអញ្ជើញសួរសុខទុក្ខ និងនាំអំណោយ​ដ៏ថ្លៃថ្លា​របស់សម្តេចធិបតី ហ៊ុន ម៉ាណែត នាយករដ្ឋមន្ត្រី និងលោកជំទាវបណ្ឌិត ទៅជូនកម្លាំងកងទ័ព និងកងនគរបាលការពារព្រំដែន​គោកលេខ​៩០៥ ត្រង់ចំណុចបង្គោល​សីមាលេខ២ និងលេខ៣ នៃទិសទី២ នៅ ឃុំត្រពាំងប្រិយ៍ ស្រុកអន្លង់វែង ខេត្តឧត្តរមានជ័យ។ ក្នុងឱកាសនេះឯកឧត្តម មាន ចាន់យ៉ាដា បាននាំប្រសាសន៍ ផ្តាំផ្ញើសាក​សួរ​សុខទុក្ខពីសម្តេចធិបតីនាយរដ្ឋមន្ត្រី និងលោក​ជំទាវបណ្ឌិត ដែលជានិច្ចជា​កាល តែងតែយកចិត្តទុក្ខដាក់គិតគូរពីសុខទុក្ខ និងការរស់នៅរបស់កង​កម្លាំងប្រដាប់អាវុធ បានលះបង់កម្លាំងកាយចិត្ត ការពារបូរណភាពទឹកដី លះបង់សាច់ស្រស់ ឈាមស្រស់ ពុះពារគ្រប់ឧបសគ្គ ដើម្បីការពា​បូរណភាព​ទឹកដី។ឯកឧត្តមបានកោតសរសើរ និងវាយតម្លៃខ្ពស់ជូនចំពោះកងកម្លាំងប្រដាប់​អាវុធទាំងអស់ដែលបានខិតខំប្រឹង​ប្រែង​បំពេញភារកិច្ចថែរក្សាសន្តិសុខ​សណ្តាប់ធ្នាប់ របៀបរៀបរយ អធិបតេយ្យ បូរណភាពទឹកដី នៅតាម​បណ្ដោយ​ខ្សែ​បន្ទាត់ព្រំដែន និងបានប្រែក្លាយខ្សែបន្ទាត់ព្រំដែន ទៅជាព្រំដែនមាន​សន្តិភាព មិត្តភាព សហប្រតិបត្តិការ និងការអភិវឌ្ឍ។ ឯកឧត្តម មាន ចាន់យ៉ាដា អភិបាលខេត្តឧត្តរមានជ័យ បាននាំយក​អំណោយ​ជាគ្រឿងឧបភោគ បរិភោគ និងថវិកា​មួយចំនួន​របស់សម្តេចធិបតី…

(បាត់ដំបង)៖ លោកជំទាវ ពុំ ចន្ទីនី អគ្គលេខាធិការកាកបាទ​ក្រហម​កម្ពុជា បានអំពាវនាវសមាជិក សមាជិកាគណៈ​កម្មា​ធិការសាខាកាកបាទក្រហមកម្ពុជា ទាំង២៥ រាជធានី-ខេត្ត ក្រុមប្រតិបត្តិសាខា អនុសាខា និងអ្នកស្ម័គ្រចិត្ត ឱ្យបន្តយកចិត្ត​ទុកដាក់ ដោយបញ្ជ្រាបសកម្មភាពផ្សព្វផ្សាយពីមីន និងសំ​ណល់​ជាតិផ្ទុះពីសង្រ្គាម នៅក្នុងគ្រប់សកម្មភាពរបស់សាខា និងបងប្អូនប្រជាពលរដ្ឋទាំងអស់ ដើម្បីកាត់ការរងគ្រោះ និងគ្រោះថ្នាក់ដោយសារមីន ។ ការលើកឡើងរបស់លោកជំទាវ ពុំ ចន្ទីនី ក្នុងឱកាសយុទ្ធនា​ការអប់រំ​ផ្សព្វផ្សាយលើកកម្ពស់យល់ដឹងពីមីន និងសំណល់​ជាតិផ្ទុះ​ពីសង្រ្គាមក្រោមមូលបទ “រួមគ្នាលុបបំបាត់គ្រោះថ្នាក់​ដោយសារមីន និងគ្រាប់មិនទាន់ផ្ទុះ ដើម្បីសហគមន៍មាន​សុវត្ថិភាព” នៅខេត្តបាត់ដំបង នាថ្ងៃទី២០ ខែកុម្ភៈ ឆ្នាំ២០២៥ ។ ជាមួយនេះ លោកជំទាវ ក៏បានកោតសរសើរចំពោះការខិតខំ​ប្រឹង​ប្រែង​របស់គណៈកម្មាធិការសាខា ក្រុមប្រតិបត្តិសាខា-អនុសាខា ដែលបានខិតខំប្រឹងប្រែងលើក​កម្ពស់ភាព​មនុស្ស​ធម៌ កាន់តែទូលំទូលាយ សកម្ម ភាពនៅមូលដ្ឋាន និងបាន​ជួយបងប្អូនប្រជាពលរដ្ឋបានទាន់ពេលវេលា ។ ក្រោយ​​សង្គ្រាម​ស៊ីវិលជាប្រវត្តិសាស្ត្របានបញ្ចប់ កាកបាទក្រហម​កម្ពុជា បានចូលរួមជួយធ្វើសកម្មភាពអប់រំផ្សព្វផ្សាយ​លើក​កម្ពស់យល់ដឹងពីមីន និងសំណល់ជាតិផ្ទុះពីសង្រ្គាម​តាំងពី​ឆ្នាំ១៩៩៣មក ។ បច្ចុប្បន្ននេះ កាកបាទក្រហមកម្ពុជា អបរំផ្សព្វផ្សាយការយល់ដឹងអំពីការរងគ្រោះថ្នាក់ដោយសារមីន និងសំណល់ជាតិផ្ទុះពីសង្រ្គាម ជូនប្រជាពលរដ្ឋប្រមាណ ២,២១១,៣៧០នាក់ ។…

(ភ្នំពេញ)៖ គណៈកម្មការសុខាភិបាល សង្គមកិច្ច អតីត​យុទ្ធ​ជន យុវនីតីសម្បទា ការងារ បណ្តុះបណ្តាលវិជ្ជាជីវៈ និងកិច្ច​ការនារី នៃរដ្ឋសភា (គណៈកម្មការទី៨ នៃរដ្ឋសភា) និង ក្រសួង​ការងារនិងបណ្តុះបណ្តាលវិជ្ជាជីវៈ បានរៀបចំកិច្ច​ប្រជុំពិភាក្សា នាព្រឹកសុក្រ ថ្ងៃទី ២១ ខែកុម្ភៈ ឆ្នាំ២០២៥នេះ ដឹកនាំដោយ លោកជំទាវ ឡោក ខេង ប្រធានគណៈកម្មការ និងឯកឧត្តមរដ្ឋមន្ត្រី ហេង សួរ ។ កិច្ចប្រជុំនេះ រៀបចំឡើងនៅទីស្តីការក្រសួងការងារ និងបណ្តុះ​បណ្តាល​វិជ្ជាជីវៈ គឺដើម្បីស្វែងយល់ពីវឌ្ឍនភាពការងារ បញ្ហា​ប្រ​ឈម និងទិសដៅការងារសម្រាប់ឆ្នាំ២០២៥ របស់ក្រសួង​ការងារ និងបណ្តុះបណ្តាលវិជ្ជាជីវ:។ កិច្ចប្រជុំពិភាក្សា ក៏ដើម្បី​ប្រមូលធាតុចូលមួយចំនួន រួមគ្នាដោះស្រាយនូវបញ្ហាផ្សេងៗ ជូនដល់រដ្ឋឱ្យបានទាន់ពេលវេលា ស្របតាមគោលនយោបាយ​យុទ្ធសាស្ត្របញ្ចកោណដំណាក់កាលទី១របស់រាជរដ្ឋាភិបាលនីតិកាលទី៧ ក្រោមការដឹកនាំដ៏ឈ្លាសវៃរបស់សម្តេច​មហា​បវរ​ធិបតី ហ៊ុន ម៉ាណែត នាយករដ្ឋមន្ត្រី កម្ពុជា ៕ ដោយ ៖ ង៉ាន់ ទិត្យ