កំពង់ឆ្នាំង៖ នៅព្រឹក​ថ្ងៃសុក្រ ៩រោច ខែបឋមាសាឍ​ ឆ្នាំច សំរឹទ្ធិស័ក ព.ស២៥៦២ ត្រូវនឹង​ថ្ងៃទី៦ ខែកក្កដា ឆ្នាំ២០១៨​ ឯកឧត្តម ឈួរ ចន្ទ័ឌឿន អភិបាលខេត្តកំពង់ឆ្នាំង អញ្ជើញជួបសំណេះសំណាលប្រជាពលរដ្ឋចំនួន៥៥០នាក់មកពី ឃុំកំពង់បាស្រូវ​ ស្រុកជលគីរី ខេត្ត​កំពង់​ឆ្នាំង​ ដោយ​មាន​ការចូលរួម​ពី​ឯកឧត្តម ​អ៊ឹង​ លាង​ហ៊ូ សមាជិក​ក្រុម​ប្រឹក្សា​ខេត្ត​ លោក​ ហៃ មនោរម្យ​ អភិបាល​ស្រុក​ជលគិរី លោកប្រាក់ វ៉ុន​ប្រធាន​មន្ទីរ​សុខាភិបាល​ និង​លោក លោកស្រី​អាជ្ញាធរ​ភូមិ​ ឃុំ​ជាច្រើន​នាក់​។   ឆ្លៀត​ក្នុង​ឱកាសនោះ ឯកឧត្តម​អភិបាល​ខេត្ត​ បាន​អំពាវ​ឱ្យ​ប្រជាពលរដ្ឋ​ទៅ​បោះ​ឆ្នោត​ទាំងអស់​គ្នា​ដើម្បី​បំពេញកាតព្វកិច្ច​ជាពលរដ្ឋ​ល្អ​ ដោយ​មិន​ត្រូវ​ចាញ់​ឃោសនា​អគតិ​ពី​សំណាក់​ក្រុម​អតីត​គណបក្ស​ប្រឆាំង​ ដែល​បាន​នឹង​កំពុង​ញុះញង់​ អុចអាល​ បំផុស​ចលនា​មិន​ឱ្យ​ប្រជាពលរដ្ឋ​ទៅបោះឆ្នោត​។​ ដូច្នេះ សំណូម​ពរ​សូម​បងប្អូន​ប្រជាពលរដ្ឋ​អញ្ជើញ​ទៅ​បោះឆ្នោតគណបក្ស​ដែល​ខ្លួន​ស្រឡាញ់​ឱ្យបាន​គ្រប់ៗគ្នា​។   ជាមួយ​គ្នា​នោះ ឯកឧត្តម ក៏បាន​ប្រគេន​បច្ច័យ​ព្រះសង្ឃ​១៥អង្គ មួយ​ព្រះអង្គ​៣០០០០៛ និង​បច្ច័យ​៦លានរៀលសម្រាប់ជួយកសាងស្ពាន គណៈកម្មការវត្ត​១៥នាក់ ម្នាក់ៗទទួលបាន​ថវិកា២០០០០៛ ​និងអ្នកចូលរួម៥៥០នាក់​…

ថ្ងៃបើកយុទ្ឋនាការឃោសនាបោះឆ្នោតផ្លូវការ នឹងចាប់ផ្ដើម នៅថ្ងៃសៅរ៍ទី៧ ខែកក្កដា ឆ្នាំ២០១៨ស្អែកនេះ ដោយគណបក្សនយោបាយដែលបង្ហាញពីគម្រោងបើកយុទ្ធនាការឃោសនាធំ រួមមាន គណបក្សប្រជាជនកម្ពុជា ដែលនឹងមានធ្វើពិធីខួបកំណើតបក្សលើកទី៦៧ និងបើកយុទ្ធនាការឃោសនាបោះឆ្នោត ក្រោមអធិបតីភាព សម្ដេចតេជោ ហ៊ុន សែន ប្រធានគណបក្សប្រជាជនកម្ពុជា។  អ្នកនាំពាក្យគណបក្សប្រជាជនកម្ពុជា លោក សុខ ឦសាន្ត បានប្រាប់អ្នកសារព័ត៌មាននៅថ្ងៃទី៦ ខែកក្កដា ឆ្នាំ២០១៨នេះថា សមាជិកពី៨ទៅ១០ម៉ឺននាក់ នឹងចូលរួមខួបកំណើតបក្សលើកទី៦៧ និងបើកយុទ្ធនាការឃោសនាបោះឆ្នោត នៅមជ្ឈមណ្ឌលកោះពេជ្រ រាជធានីភ្នំពេញ៕

ភ្នំពេញ ៖ មន្រ្តីកាំកុងត្រូលផែស្ងួតចុងទីភ្នំពេញ បានសហការជាមួយមន្រ្តីមន្ទីរពាណិជ្ជកម្មភ្នំពេញ និងគណៈកម្មការផ្សារបឹងកេងកងខណ្ឌចំការមន នៅព្រឹកថ្ងៃទី៦ ខែកក្កដា ឆ្នាំ ២០១៨ បានចុះឆែកឆេរចំណីអាហារនិងបន្លែផ្លែឈើ ប្រមាណជាង៥០មុខ នៅផ្សារបឹងកេងកងដើម្បីបន្តស្វែងរកសារធាតុគីមីហាមឃាត់ប៉ុន្តែក្នុងប្រតិបត្តិការនេះពុំរកឃើញនូវសារធាតុហាមឃាត់អ្វីនោះឡើយ។ ថ្លែងប្រាប់អ្នកសារព័ត៌មានខណៈកំពុងចុះត្រួតពិនិត្យសុវត្ថិភាពចំណីអាហារ នៅផ្សារនោះលោក គង់ វុទ្ធី អនុប្រធានសាខាកាំកុងត្រូលផែស្ងួតចុងទីភ្នំពេញបានឲ្យដឹងថា ក្រុមការងាររបស់លោកបានសហការជាមួយ មន្រ្តីមន្ទីរពាណិជ្ជកម្ម គណៈកម្មការផ្សារបឹងកេងកង ចុះត្រួតពិនិត្យទំនិញស្រាវជ្រាវទប់ស្កាត់នូវទំនិញខូចគុណភាព ដែលជនខិលខូចមួយចំនួនលួចបញ្ចេញមកលក់ចែកចាយលើទីផ្សារបានធ្វើតេស្តបមឋនិងយកគំរូចំនួនជាង៥០មុខ ដែលសង្ស័យមានហានិភ័យខ្ពស់ដូចជាសរសៃមីលឿង ប្រហិតសាច់គោ  មឹក បង្គារ ត្រីងៀត ត្រីហើម សាច់ក្រកបាញ់កាញ់ លត គុយទាវសរសៃធំ គុយទាវសរសៃតូច គ្រឿងសមុទ្រ និងនំផ្សេងៗបញ្ជូនមកមន្ទីរពិសោធន៍អគ្គនាយកដ្ឋានកាំកុងត្រូលដើម្បីរកសារធាតុគីមីហាមឃាត់។ ប៉ុន្តែក្នុងប្រតិបត្តិការចុះឆែកឆេរនេះក្រុមការងាររបស់លោក មិនបានរកឃើញនូវសារ ធាតុហាមឃាត់នោះទេ ដោយលោកអះអាងថាទាំងបងប្អូនអាជីវករ និងកសិករពួកគេយល់ដឹង ច្រើនជាងមុនទាក់ទងនិងសារធាតុហាមឃាត់នេះ។ យ៉ាងណាក៏ដោយ លោក គង់ វុទ្ធី នៅតែបន្តណែនាំដល់ក្រុមអាជីវករទាំងអស់ដាក់តាំងលក់ផលិតផលអោយត្រូវតាមលក្ខណះបច្ចេកទេស ដោយញែកចេញពីគ្នារវាងគ្រឿងប្រើប្រាស់ដែលផ្ទុកសារធាតុពុលនិង ម្ហូបអាហារហាមការដាក់តាំងផលិតផលភេសជ្ជះត្រូវកំដៅថ្ងៃ  និងការដាក់លក់ផលិតផល ហួសកាលបរិច្ឆេទជាដើមផងដែរ។  លោកក៏បានអំពាវនាវដល់អាជីវករ អ្នកចែកចាយលក់ដុំ លក់រាយ អ្នកផលិត នាំចូលចែកចាយត្រូវតែមានប្រភពច្បាស់លាស់សិនមុននឹងទទួលលក់ ហើយបញ្ជប់ការលាយបន្ថែមនូវសារធាតុគីមី…

នេះយោងតាមការបញ្ជាក់របស់ លោក ជាវ វិជ្ជាក់ អភិបាលរងខេត្តព្រះសីហនុ និងជាប្រធានក្រុមការងារគ្រប់គ្រងប្រព័ន្ធ អូរ ប្រឡាយ លូ និងអាងប្រព្រឹត្តិកម្មចម្រោះទឹកកខ្វក់  កាលពីព្រឹកថ្ងៃសុក្រ ៩រោច ខែបឋមាសាឍ ឆ្នាំច ពស២៥៦២ ត្រូវនឹងថ្ងៃទី៦ ខែកក្កដា ឆ្នាំ២០១៨នេះ។ ជុំវិញបញ្ហា អូរ ប្រឡាយ លូទឹកស្អុយនេះដែរ លោក ជាវ វិជ្ជាក់ មានប្រសាសន៏បន្តថា៖ ខេត្តបានកំណត់តំបន់អទិភាព យកសង្កាត់លេខ៥សម្រាប់ដោះស្រាយដំបូងគេ ព្រោះទីនេះមានតំបន់ទំនាបហើយងាយជន់លិចនៅពេលមានភ្លៀងធ្លាក់ធំម្តង។ ក្រុមការងារបានធ្វើការកាយស្តាអូរឬផ្លូវទឹកមួយចំនួនរួចហើយ ដើម្បីដោះស្រាយបញ្ហាស្ទះផ្លូវទឹកបណ្តាលឲ្យជនលិចប៉ះពាល់ដល់ភូមិដ្ឋានប្រជាជន។ លោក បន្ថែមថា៖ កន្លងមកនេះក្រុមការងារបានខិតខំបំពេញការងារយ៉ាងសកម្មរាល់ថ្ងៃ ប៉ុន្តែនៅតែមានបញ្ហាប្រឈមជាច្រើនផងដែរក្នុងនោះបញ្ហាប្រឈមមួយដ៏សំខាន់គឺការចូលរួមរបស់ម្ចាស់អាជីវកម្ម និងប្រជាពលរដ្ឋខ្លះមិនទាន់បានចូលរូមឲ្យបានពេញលេញជាមួយអាជ្ញាធរនិងមន្ត្រីជំនាញពាក់ព័ន្ធនៅឡើយ។ សូមបញ្ជាក់ថាយុទ្ធនាការក្នុងរយៈពេលជាង១ខែនៃការចាប់ផ្តើមចុះអនុវត្តការងារគ្រប់គ្រងប្រព័ន្ធប្រឡាយ  អូរ លូ និងអាងចម្រោះទឹកកខ្វក់ ក្រុមការងារ បានរកឃើញថា មានទីតាំងអាជីវកម្មជាច្រើនមិនមានអាងប្រព្រឹត្តិកម្មចម្រោះទឹកសំអុយទេ។ តែយ៉ាងណា មានទីតាំងតិចតួច ដែលមានអាងចម្រោះ ក៏ប៉ុន្តែមិនស្របតាមស្តង់ដារបច្ចេកទេសនៅឡើយ បាននឹងកំពុងបង្ហូរចូលទៅសមុទ្រ។ បញ្ហានេះគឺជាចំណុចសំខាន់ដែលរដ្ឋបាលខេត្តព្រះសីហនុបាននឹងកំពុងព្រួយបារម្ភយ៉ាងខ្លាំង។ ទោះជាយ៉ាងណា លោក ជាវ វិជ្ជាក់ បានបញ្ជាក់យ៉ាងដាច់ខាតថា ម្ចាស់ទីតាំងអាជីវកម្មទាំងអស់ត្រូវតែមានអាងចម្រោះទឹកស្អុយមុននឹងបង្ហូរចូលទៅសមុទ្រ…

យុទ្ធនាការឃុំស្អាត ភូមិស្អាត ផ្សារស្អាត ចូលរួមអបអរសាទរ ពិធីបើកយុទ្ធនាការឃោសនា​បោះឆ្នោតជ្រើសតាំង​តំណាងរាស្ត្រ​នីតិ​កាល​ទី៦ ថ្ងៃទី២៩ ខែកក្កដា ឆ្នាំ២០១៨នេះ