ភ្នំពេញ៖ សម្តេចអគ្គមហាពញាចក្រី ហេង សំរិន ប្រធានរដ្ឋសភា បានអនុញ្ញាតឱ្យ លោក លីន សេងរ៉ុង (LIN XIANGRONG) ប្រធានក្រុមប្រឹក្សាភិបាលនៃក្រុមហ៊ុន ហុង ឌី សេង HONG DE SHENG STEEL ( CAMBODIA) Co.LTD និងសហការី ចូលជួបសម្ដែងការគួរសម នៅភូមិគ្រឹះរបស់សម្តេច ស្ថិតក្នុងខណ្ឌចំការមន រាជធានីភ្នំពេញ នាព្រឹកថ្ងៃទី១៦ ខែកក្កដា ឆ្នាំ២០២០។ លោកប្រធានក្រុមប្រឹក្សាភិបាលក្រុមហ៊ុន បានជម្រាបជូន សម្តេចប្រធានរដ្ឋសភា ថា ក្រុមហ៊ុនហុង ឌី សេង HONG DE SHENG STEEL (CAMBODIA) Co.LTD បានមកវិនិយោគនៅក្នុងប្រទេសកម្ពុជា តាំងពីឆ្នាំ២០១៩ មក។ លោក លីន សេងរ៉ុង បានលើកឡើងថា ដោយសារតែកម្ពុជាមានសុខសន្តិភាព និងការអភិវឌ្ឍ បានបង្កលក្ខណៈ អំណោយផលដល់ការវិនិយោគរបស់វិស័យឯកជន នៅក្នុងនោះ…

ភ្នំពេញ៖ កម្លាំងនគរបាលខណ្ឌច្បារអំពៅ នៅព្រឹកថ្ងៃទី១៦ ខែកក្កដា ឆ្នាំ២០២០នេះ បានបញ្ជូនខ្លួនជនសង្ស័យជាមេកន្ទុយលេខម្នាក់ ទៅកាន់សាលាដំបូងរាជធានីភ្នំពេញ ដើម្បីចាត់ការតាមនីតិវិធី។ បើតាមសមត្ថកិច្ច ជនសង្ស័យទីឈ្មោះ លី ចាន់ នី ភេទ ស្រី អាយុ ៣០ឆ្នាំ ជនជាតិវៀតណាម មានទីលំនៅភូមិ ដើមស្លែង ១  សង្កាត់ច្បារអំពៅ ២ ខណ្ឌច្បារអំពៅ រាជធានីភ្នំពេញ។ គួររម្លឹកថា ជនសង្ស័យខាងលើត្រូវបានកម្លាំងសមត្ថកិច្ចខណ្ឌច្បារអំពៅ ឃាត់ខ្លួនកាលពីថ្ងៃទី១៤ ខែកក្កដា ឆ្នាំ២០២០ និងដកហូតបានវត្ថុតាងមួយចំនួនធំ៕ ដោយ៖ បញ្ញា

ភ្នំពេញ៖ បុរស៣នាក់ បានជិះម៉ូតូ មួយគ្រឿងឌុបគ្នាត្រលប់មកពីខេត្តព្រៃវែងវិញ ក្នុងល្បឿនលឿន  ដោយអកុសលក៏បានបុកជាមួយរថយន្ត សាំយ៉ុងដែលធ្វេីដំណេីរបញ្ច្រាសទិសគ្នាចំពីមុខពេញទំហឹង បណ្ដាល ឲ្យស្លាប់ ២នាក់ និងម្នាក់ទៀតរងរបួសធ្ងន់ ត្រូវបានរថយន្តសង្គ្រោះដឹកយកទៅសង្គ្រោះនៅមន្ទីរពេទ្យភ្លាមៗ ។ ហេតុការណ៍ គ្រោះថ្នាក់ចរាចរណ៍នេះបានបង្កការភ្ញាក់ផ្អេីលកាលពីវេលា ម៉ោង ១២  និង១០នាទីរំលងអាធ្រាត្រ ឈានចូលថ្ងៃទី ១៦ ខែកក្កដា ឆ្នាំ២០២០ ស្ថិត នៅ តាមបណ្ដោយ ផ្លូវ ជាតិលេខ ១ ក្នុងភូមិស្វាយតាអុក សង្កាត់ វាលស្បូវ ខណ្ឌច្បារអំពៅ  រាជធានីភ្នំពេញ។ សពបុរសរងគ្រោះទី១មានឈ្មោះសោម វិចិត្រ ភេទប្រុស អាយុ ២៦ឆ្នាំ មុខរបរ កម្មកររោងចក្រ មានស្រុកកំណេីតនៅ ឃុំ អង្គររាជ្រ ស្រុកព្រះស្ដេច ខេត្ត ព្រៃវែង ។ ឯសពបុរសរងគ្រោះទី២មានឈ្មោះ មិនស្គាល់ឈ្មោះនោះទេ  ។ តាមប្រភពព័ត៌មានបានឲ្យដឹងថា នៅមុនពេលកេីតហេតុ គេបានឃេីញបុរស៣នាក់ …

កំពង់ឆ្នាំង៖ នៅថ្ងៃទី១៥ ខែកក្កដា ឆ្នាំ២០២០នេះ លោកសី្រ ម៉ាន ចិន្ដា រដ្ឋលេខាធិការក្រសួងកិច្ចការនារី និងជាអនុប្រធានក្រុមការងាររាជរដ្ឋាភិបាល ចុះមូលដ្ឋានស្រុកបរិបូណ៌ និងមានការចូលរួមពីមេឃុំឆ្នុកទ្រូលោក សាំង គឹមស៊ន បានជួបសំណេះសំណាលសួរសុខទុក្ខ និងប្រគល់អណ្ដូងស្នប់ចំនួន ០២ ដែលជាអំណោយរបស់សប្បុរសជនក្រៅប្រទេស ផ្ដល់ជូនតាមរយៈលោកស្រី ជូនដលប្រជាពលរដ្ឋខ្មែឥស្លាម រស់នៅតំបន់យុគន្ធរ ស្ថិតក្នុងភូមិឆ្នុកទ្រូ ឃុំឆ្នុកទ្រូស្រុកបរិបូណ៌ ខេត្តកំពង់ឆ្នាំង។ លោកស្រីបានបញ្ជាក់ថា អណ្ដូងស្នប់ដែលបានប្រគល់ជូនប្រជាពលរដ្ឋនៅពេលបនេះគឺដើម្បីសម្រាប់ប្រើប្រាស់ប្រចាំថ្ងៃ ក្នុងនោះផងដែរលោកជំទាវបាន ចុះទៅពិនិត្យ មើលនូវសម្ភារបង្គន់ នៅតំបន់ក្រចាប់ ស្ថិតនៅ ភូមិក្បាលដំរី ឃុំត្រពាំងចាន់ និងការងារជីកស្រះ ដែលមានទំហំ(៥០គុណ៥០) ជម្រៅ ៤ម៉ែត្រ ជាជំនួយឥតសំណងរបស់សាធារណរដ្ឋ ប្រជាមានិតចិន តាមរយៈក្រសួងអភិវឌ្ឍន៍ជនបទផងដែរ។ ក្នុងនាមអាជ្ញាធរស្រុក ឃុំ បានថ្លែងអំណរគុណយ៉ាងជ្រាវជ្រៅដល់លោកជំទាវ រួមជាមួយថ្នាក់ដឹកនាំតែងតែគិតគូរពីទុក្ខលំបាករស់នៅរបស់ប្រពលរដ្ឋ លោកស្រីបានគៀងគររកជំនួយជាច្រើន ជូយដល់បងប្អូនដែលមានជីវភាពខ្វះនៅទីនេះ និងសូមប្រសិទ្ធិពរជ័យដល់លោកស្រី ក្រុមគ្រួសារ មានសុខភាពល្អបរិបូណ៌ សម្រេចជោគជ័យក្នុងការងារបម្រើជាតិមាតុភូមិ ៕ដោយ៖ សុក្ខារិន …

នារសៀលថ្ងៃពុធ ទី១៥ ខែកក្កដា ឆ្នាំ២០២០ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអនុញ្ញាតឲ្យ ឯកឧត្តម Christian Berger ឯកអគ្គរដ្ឋទូត នៃសាធារណរដ្ឋសហព័ន្ធអាល្លឺម៉ង់ប្រចាំព្រះរាជាណាចក្រកម្ពុជា ព្រមទាំងសហការី ចូលជួបពិភាក្សារការងារ នៅទីស្ដីការក្រសួងមហាផ្ទៃ។ ជាកិច្ចចាប់ផ្តើម ក្នុងឱកាសនោះដែរសម្តេចក្រឡាហោម បានអរគុណចំពោះឯកឧត្តម និងរដ្ឋាភិបាលសហព័ន្ធអាល្លឺម៉ងដែលតែងតែជួយគាំទ្រក្នុងរយៈពេលជាង៣០ឆ្នាំកន្លងមកនេះ ជាពិសេសលើកិច្ចគាំទ្រកំណែទម្រង់វិម្ឍការ និងវិសហម្ឍការរបស់រដ្ឋាភិបាលកម្ពុជា ។ក្នុងជំនួបនោះដែរ ឯកឧត្តម ឯកអគ្គរដ្ឋទូត នៃសាធារណរដ្ឋសហព័ន្ធអាល្លឺម៉ង់ធ្វើការអរគុណចំពោះសម្តេចក្រឡាហោម ដែលជួយសម្រួលពាក់ព័ន្ធនឹងការងារអន្តោរប្រវេសន៍ ដល់ពលរដ្ឋនឹងអ្នកទេសចរណ៍អាល្លឺម៉ងក្នុងស្ថានភាពនៃជំងឺកូវីដ១៩ ។ឯកឧត្តមបន្ថែមទៀត គោលបំណងនៃជំនួបពិភាក្សានៅថ្ងៃនេះ ទាក់ទងនឹងកំណែទម្រង់វិមជ្ឈការ និងវិសហមជ្ឈការនៅកម្ពុជា ដោយឯកឧត្តមចង់ដឹងថាអ្វីជាទស្សនៈវិស័យនៃការងារកំណែទម្រង់វិមជ្ឈការ និងវិសហមជ្ឈការរបស់រាជរដ្ឋាភិបាលកម្ពុជា ព្រោះ កំណែទម្រង់នេះពិតជាមានសារៈសំខាន់ណាស់លើការអភិវឌ្ឍសេដ្ឋកិច្ចសង្គម។ជាមួយគ្នានេះ ឯកឧត្តម ឯកអគ្គរដ្ឋទូត នៃសាធារណរដ្ឋសហព័ន្ធអាល្លឺម៉ង់ក៏បង្ហាញនូវឆន្ទៈក្នុងការជួយ គាំទ្រដល់ដំណើរនៃកំណែរទម្រង់វិមជ្ឈការ និងវិសហមជ្ឈការនៅកម្ពុជាបន្តទៀតផងដែរ ។ពាក់ព័ន្ធទៅនឹងបញ្ហាជំងឺកូវីដ១៩ ឯកឧត្តម ឯកអគ្គរដ្ឋទូត នៃសាធារណរដ្ឋសហព័ន្ធអាល្លឺម៉ង់ក៏បានសម្តែងនូវការកោតសរសើរ ចំពោះរាជរដ្ឋាភិបាលកម្ពុជា ក៏ដូចជាស្ថាប័ន្ធពាក់ព័ន្ធ អាជ្ញាធរថ្នាក់ក្រោមជាតិ ដែលខិតខំប្រឹងប្រែងធ្វើការងារគ្រប់គ្រងជំងឺនេះបានយ៉ាងជោគជ័យ ។ទន្ទឹមនឹងនេះឯកឧត្តមក៏បានធ្វើការកោតសរសើរចំពោះ ក្រសួងមហាផ្ទៃដែលបានជំរុញ បង្កើត ក៏ដូចជាដាក់ឱ្យ ដំណើរការការិយាល័យច្រកចេញចូលតែមួយ…