ភ្នំពេញ៖ យោងតាមសេចក្តីជូនដំណឹងរបស់ទីស្តីការគណៈរដ្ឋមន្ត្រី ចុះថ្ងៃទី២៩ ខែមិថុនា ឆ្នាំ២០២០ បានឱ្យដឹងថា នៅវេលាម៉ោង ៨ និង ៣០នាទីព្រឹក ថ្ងៃទី៣ ខែកក្កដា ឆ្នាំ២០២០ ទីស្តីការគណៈរដ្ឋមន្រ្តី នឹងរៀបចំកិច្ចប្រជុំពេញអង្គគណៈរដ្ឋមន្រ្តី ក្រោមអធិបតីភាពដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ។ កិច្ចប្រជុំពេញអង្គគណរដ្ឋមន្ត្រីនេះ នឹង ពិនិត្យ   ពិភាក្សា លើរបៀបវារៈដូចជា ៖ ទី១. សេចក្តី ព្រាងច្បាប់  ស្តី ពី ការគ្រប់គ្រង ការប្រើប្រាស់  និង ការចាត់ចែង លើ ទ្រព្យសម្បត្តិ រដ្ឋ ទី២.សេចក្តី ព្រាងច្បាប់ ស្តី ពី ការគ្រប់គ្រង ល្បែង ពាណិជ្ជកម្ម  និងទី៣ បញ្ហា ផ្សេងៗមួយចំនួនទៀត  ៕  

    នៅព្រឹក ថ្ងៃចន្ទ ទី២៩ ខែមិថុនា ឆ្នាំ២០២០ នៅបន្ទប់ប្រជុំរបស់វិទ្យាស្ថានគ្រប់គ្រងនិងបញ្ជាដឹកនាំ មានបើកកិច្ចប្រជុំត្រួតពិនិត្យការងារប្រចាំសប្តាហ៍នៃខែមិថុនា ឆ្នាំ២០២០ ដឹកនាំដោយ លោកឧត្តមសេនីយ៍ទោ ហ៊ែល ធីរិទ្ធ នាយកវិទ្យាស្ថាន និងមានសមាសភាពចូលរួមពីលោក-លោកស្រី នាយករង នាយការិយាល័យ និងមន្រ្តីសរុបចំនួន២៩នាក់ នារី៤នាក់។       ជាកិច្ចចាប់ផ្តើម លោកឧត្តមសេនីយ៍ទោ ប្រធានអង្គប្រជុំ បានថ្លែងកោតសរសើរដល់ថ្នាក់ដឹកនាំនិងមន្ត្រីក្នុងវិទ្យាស្ថាន ដែលខិតខំបំពេញការងារកន្លងមកនិងបានជម្រាបជូនពីរបៀបវារៈអង្គប្រជុំដូចខាងក្រោម៖១. ឆ្លងកម្មវិធីការងារប្រចាំខែកក្កដា ឆ្នាំ២០២០២. បែងចែកភារកិច្ចមន្ត្រីទទួលខុសត្រូវលើគោលការណ៍ប្រឡងប្រណាំង៣. បញ្ហាផ្សេងៗ        បន្ទាប់ពីអង្គប្រជុំ បានដំណើរការតាមរបៀបវារៈខាងលើរួចមក លោកប្រធានអង្គប្រជុំបានដាក់ទិសដៅការងារមួយចំនួនដល់មន្ត្រីរបស់ខ្លួន ដើម្បីរៀបចំការងារ រៀបចំសមាសភាពមន្ត្រី ដើម្បីចូលរួមកម្មវិធីការងារនិងអនុវត្តកម្មវិធីប្រឡងប្រណាំ ដែលបណ្ឌិត្យសភាបានកំណត់។                                                                                                                                                                                   ជាទីបញ្ចប់ លោកប្រធានអង្គប្រជុំ បានថ្លែងអំណរគុណដល់សមាជិកអង្គប្រជុំ ដែលបានចំណាយពេលវេលា ចូលរួមក្នុងអង្គប្រជុំនាពេលនេះ។  

ភ្នំពេញ៖ ឆ្លើយតបនឹងសាររបស់ អគ្គលេខាធិការអង្គការសហប្រជាជាតិ ឯ,ឧ Antonio Guterres  ដែលផ្ញើជូនសម្តេចតេជោ ហ៊ុន សែន នាយករដ្ឋមន្ត្រី កម្ពុជា ដើម្បីចូលរួមរំលែកទុក្ខចំពោះមរណភាពរបស់ នាយទាហានមួកខៀវ នៅប្រទេសម៉ាលីនោះ សម្តេចប្រមុខរាជរដ្ឋាភិបាលកម្ពុជា បានថ្លែងអំណរគុណ និងបានប្រកាសប្តេជ្ញាចិត្តថា កម្ពុជា សម្ដែងសាជាថ្មីនូវការប្តេជ្ញារបស់ខ្លួន ក្នុងការបន្តសកម្មភាពមនុស្សធម៌ ព្រមទាំងការកសាង និងការរក្សាសន្តិភាពនៅក្នុងពិភពលោក ក្នុងសារលិខិតសម្តេចតេជោ ហ៊ុន សែន បានលើកឡើងថា៖ ខ្ញុំបានទទួលរួចហើយ នូវលិខិតរំលែកទុក្ខ របស់ ឯកឧត្តម ចុះថ្ងៃទី១២ ខែមិថុនា ឆ្នាំ២០២០ អំពីការបាត់បង់ដ៏សោកសង្រេងរបស់ នាយទាហានជាន់ខ្ពស់ ស សាវី កម្លាំងគាំទ្រថ្នាក់ជាតិកម្ពុជា ក្នុងបេសកកម្ម រក្សាស្ថេរភាពចម្រុះនៅសាធារណរដ្ឋម៉ាលី (MINUSMA) ដោយសារជំងឺកូវីដ១៩ ។ សេចក្ដីក្លាហាន និងពលិកម្មដ៏ថ្លៃថ្លា របស់នាយទាហានរូបនេះ នឹងត្រូវបានចងចាំជាមួយការគោរពបំផុត និងការទទួលស្គាល់ទាំងជាតិ និងអន្តរជាតិ។ ទន្ទឹមនឹងការត្រៀមខ្លួនរួចជាស្រេច ធ្វើការយ៉ាងជិតស្និទ្ធជាមួយអង្គការសហប្រជាជាតិ ដើម្បីចាត់វិធានការបន្ថែម ក្នុងការឆ្លើយតបនឹងការរីករាតត្បាតនៃជំងឺកូវីដ១៩ រាជរដ្ឋាភិបាលកម្ពុជា សម្ដែងសាជាថ្មីនូវការប្តេជ្ញារបស់ខ្លួនក្នុងការបន្តសកម្មភាពមនុស្សធម៌…

ពលរដ្ឋរងគ្រោះដោយសារខ្យល់កន្រ្តាក់ បណ្តាលឲ្យខូចខាតផ្ទះសំបែងចំនួន១៣គ្រួសារ មកពីភូមិចំនួន៥ នៅក្នុងស្រុកបុរីអូរស្វាយសែនជ័យ ទទួលបានអំណោយពីសាខាកាកបាទក្រហមខេត្តស្ទឹងត្រែង តាមរយ:អភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្តផងដែរ ។     ក្នុងគ្រាជួបសំណេះសំណាល និងសួរសុខទុក្ខ ជាមួយពលរដ្ឋទាំង១៣គ្រួសានៅថ្ងៃទី២៨មិថុនា២០២០ ឯកឧត្តម ម៉ុម សារឿន ប្រធានគណៈកម្មាធិការសាខាកាកបាទក្រហមកម្ពុជាខេត្តស្ទឹងត្រែង បានពាំនាំនូវប្រសាសន៍ផ្តាំផ្ញើនិងសាកសួរសុខទុក្ខ ពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងសម្តេចតេជោ ហ៊ុនសែន នាយករដ្ឋមន្ត្រីនៃកម្ពុជា ដែលជានិច្ចកាល សម្តេចទាំងទ្វេរតែងតែគិតគូរពីសុខទុក្ខរបស់បងប្អូនប្រជាពលរដ្ឋដែលជួបការលំបាក ក៏ដូចជាអ្នកមានជំងឺ ជនងាយរងគ្រោះ ដោយគ្រោះមហន្តរាយផ្សេងៗ ក្នុងនោះដែរសម្តេចមិនបានប្រកាន់ និងរើសអើង ជាតិសាសន៍ ពណ៌សម្បុរ ឬ និន្នាការនយោបាយអ្វីនោះឡើយ ។     ឯកឧត្តមអភិបាលខេត្ត បានសម្តែងនូវការសោកស្តាយចំពោះ បងប្អូន ដែលរងគ្រោះដោយសារ ខ្យល់កន្ត្រាក់ ដែលបណ្តាលឲ្យប៉ះពាល់ដល់ផ្ទះសំបែងក្នុងគ្រានេះ ។ ទន្ទឹមនោះ ឯកឧត្តមប្រធានគណ:កម្មាធិការសាខាកាកបាទក្រហមខេត្តក៏បានជំរុញ និងលើកទឹកចិត្តឲ្យបងប្អូនប្រជាពលរដ្ឋទាំងអស់ត្រូវយកចិត្តទុកដាក់ក្នុងការបង្កបង្កើនផលនារដូវវស្សានេះឲ្យបានទាន់ពេលវេលានិងចិញ្ចឹមសត្វដើម្បីកែប្រែជីវភាពរស់នៅរបស់បងប្អូនប្រជាពលរដ្ឋឲ្យបានល្អប្រសើរ ។    ឯកឧត្តម ក៏បានសំណូមពរដល់បងប្អូនប្រជាពលរដ្ឋទាំងអស់ ឲ្យបន្តការយកចិត្តទុកដាក់ថែទាំសុខភាព ព្រមទាំងប្រកាន់ខ្ជាប់នូវអនាម័យល្អ រស់នៅស្អាត ហូបស្អាត…

ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន បានទទួលជួបពិភាក្សាការងារជាមួយឯកឧត្តម MIKAMI Masahiro ឯកអគ្គរដ្ឋទូតជប៉ុនប្រចាំព្រះរាជា ណាចក្រកម្ពុជា ដោយមានការអមដំណើរពីគណៈប្រតិភូមួយចំនួនរួមមាន៖ លោក KANATA Tomohiro និងលោក TOKIOKA Toshikazu ជាលេខាទីមួយ និងលោកMr. HIROSE Atsushi ជាលេខាទីពីរអមស្ថានទូតផងដែរ កាលពីព្រឹកថ្ងៃចន្ទ ៩កើត ខែអាសាឍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៩ ខែមិថុនា ឆ្នាំ២០២០ ។ ជំនួបនេះ មានគោលបំណងពិភាក្សាអំពីផលប៉ះពាល់នៃមេរោគកូវីដ-១៩ ទាក់ទងនឹងការអនុវត្តគម្រោងជំនួយអភិវឌ្ឍន៍ផ្លូវការនៅកម្ពុជា ការផ្លាស់ប្ដូរទស្សនៈទៅវិញទៅមកស្ដីអំពីផលប៉ះពាល់មេរោគកូវីដ-១៩ និងរបាយការណ៍ពីភាគីជប៉ុនទាក់ទងនឹង គម្រោងកំពង់ផែក្រុងព្រះសីហនុផងដែរ។ ឯកឧត្តមទេសរដ្ឋមន្ត្រី បានគូសបញ្ជាក់ជូនគណៈប្រតិភូអំពីដំណើរការរលូននៃគម្រោងសាងសង់ពង្រីក និងលើកកម្ពស់គុណភាពផ្លូវជាតិលេខ៥ គម្រោងសាងសង់ផ្លូវល្បឿនលឿនភ្នំពេញ-ក្រុងព្រះសីហនុ គម្រោងសាងសង់ពង្រីកនិងលើកកម្ពស់គុណភាពផ្លូវជាតិលេខ២និង២២ និងគម្រោងអភិវឌ្ឍហេដ្ឋា រចនាសម្ព័ន្ធមួយចំនួនផ្សេងទៀត ក្នុងអំឡុងពេលដែលពិភពលោកកំពុងទទួលរងនូវការឆ្លងរាតត្បាត ពីមេរោគកូវីដ-១៩ ដែលក្នុងនោះរួមមានកម្ពុជាផងដែរ។ ដោយឡែកទាក់ទងនឹងការឆ្លងរាតត្បាតនៃមេរោគកូវីដ-១៩នេះ ឯកឧត្តមឯកអគ្គរដ្ឋទូតបានស្នើឲ្យ ឯកឧត្តមទេសរដ្ឋមន្ត្រីពិចារណាលើការបន្ធូរបន្ថយចំពោះវិធានការ និងការបង្ការមេរោគកូវីដ-១៩ចំពោះ មន្ត្រីជំនាញការ និងអ្នកបច្ចេកទេសជប៉ុនដែលត្រូវមកបំពេញការងារលើគម្រោងអភិវឌ្ឍន៍ហេដ្ឋារចនា…