ភ្នំពេញ៖ សំណុំរឿងដែលតុលាការបានចោទប្រកាន់ លោក ស ថាវី អនុរដ្ឋលេខាធិការក្រសួងការពារជាតិ និងបក្ខពួកមួយចំនួនទៀត ពាក់ព័ន្ធនឹងការបញ្ហាលក់ដីមិនមែនជារបស់ខ្លួន នៅសង្កាត់សំរោង ខណ្ឌព្រែកព្នៅ រាជធានីភ្នំពេញ គិតមកដល់ពេលនេះមិនទាន់ត្រូវបានបញ្ចប់នៅឡើយទេ។ ជាក់ស្តែងនៅព្រឹកថ្ងៃទី២៩ ខែមិថុនា ឆ្នាំ២០២០នេះ លោក ស ថាវី បានបង្ហាញខ្លួននៅសាលាដំបូងរាជធានីភ្នំពេញតាមកោះហៅរបស់តុលាការ ខណៈមនុស្សដែលពាក់ពន្ធ័ក្នុងសំណុំរឿងនេះ ចំនួន២នាក់ទៀត ត្រូវបានចៅក្រមស៊ើបសួរ ចេញដីការបង្គាប់ឲ្យសមត្ថកិច្ចតាមចាប់ខ្លួន។ សូមជម្រាបថា  លោក  ពេជ្រ វិជ្ជាធរ ចៅក្រមស៊ើបសួរសាលាដំបូងរាជធានីភ្នំពេញ បាន ឃើញដីការបញ្ជូនរឿងឲ្យស៊ើបសួរលេខ១២១១ អ.យ.ឃចុះថ្ងៃទី២ ខែមិនា ឆ្នាំ២០២០ របស់តំណាងអយ្យការ»។ ក្រោយពីពិនិត្យសំណុំរឿងចប់សព្វគ្រប់ ឃើញថា ឈ្មោះ អ៊ុក ភក្តី ភេទប្រុស ត្រូវចោទប្រកាន់ពីបទ «លួចលក់អចលនវត្ថុដែលមិនមែនជារបស់ខ្លួន» នៅភូមិសំរោងត្បូង សង្កាត់សំរោង ខណ្ឌព្រែកព្នៅ រាជធានីភ្នំពេញ តាមបញ្ញត្តិមាត្រា២៥៥ នៃច្បាប់ភូមិបាល។ ជាមួយគ្នានេះដែរ លោកចៅក្រមស៊ើបសួរ ពេជ្រ វិជ្ជាធរ ក៏បានចេញដីកាដូចគ្នានេះ បង្គាប់ឲ្យចាប់ខ្លួនឈ្មោះ…

កណ្តាល៖ នៅព្រឹកថ្ងៃទី២៩ ខែមិថុនា ឆ្នាំ២០២០ នេះ លោកឧត្តមសេនីយ៍ត្រី ឈឿន សុចិត្ត ស្នងការនគរបាលខេត្តកណ្តាល បានដឹកនាំកម្លាំងចុះឃាត់រថយន្តដឹកដី ដឹកខ្សាច់ ជាច្រើនគ្រឿងតាមផ្លូវលេខ ២១A សង្កាត់ស្វាយរលំ ក្រុងតាខ្មៅ ។ ជាមួយគ្នានេះ អ្នកបើកបរជាច្រើននាក់ ត្រូវបានឃាត់ខ្លួនបញ្ជូនទៅកន្លែងប៉ូលិស ដើម្បីចាត់ការបន្តតាមនីតិវិធី ។ ប្រតិបត្តិការ នាពេលនេះ ត្រូវបានប្រជាពលរដ្ឋសាទរយ៉ាងខ្លាំងក្លា ព្រោះក្រុមឡានដឹកដី ដឹកខ្សាច់ទាំងនេះ បានបង្កផលប៉ះពាល់ ក៏ដូចជាបង្កគ្រោះថ្នាក់ចរាចរណ៍ ជាញឹកញាប់ផងដែរ ។ នាយការិយាល័យចរាចរណ៍ផ្លូវគោក នៃស្នងការដ្ឋាននគរបាលខេត្តកណ្តាលលោកវរសេនីយ៍ឯក ឆេង សំអឿន ថ្លែងប្រាប់ថា ចំណាត់ការនេះ នឹងធ្វើដូចភ្លៀងរលឹម ពោលគឺ ធ្វើអោយមានប្រសិទ្ធភាព មិនមែនធ្វើអោយល្អមើល នោះទេ ។ ចាប់តាំងពីលោកឧត្តមសេនីយ៍ត្រី ឈឿន សុចិត្ត ឡើងជាស្នងការនគរបាលខេត្តកណ្តាល មក មជ្ឈដ្ឋានជាច្រើន សង្កេតឃើញថា លោកបានដោះស្រាយបញ្ហារបស់ប្រជាពលរដ្ឋ បានយ៉ាងច្រើន ពិសេសការដោះស្រាយរាល់ទុក្ខលំបាករបស់ប្រជាពលរដ្ឋ តាមរយៈការបញ្ចេញមតិតាម…

ភ្នំពេញ៖ លោកវរសេនីយ៍ឯក ម៉ៅ សឿត  អធិការនគរបាលខណ្ឌច្បារអំពៅ  បានឲ្យដឹងនៅព្រឹកថ្ងៃទី២៩ ខែមិថុនា ឆ្នាំ២០២០នេះ  កម្លាំងសមត្ថកិច្ចនគរបាលប៉ុស្តិ៍ក្បាលកោះ បានឃាត់ខ្លួនជនសង្ស័យ ០២នាក់ នៅចំណុចមុខដីឡូតិ៍គ្មានលេខ ផ្លូវលំ  ភូមិជ្រោយអំពិល២ សង្កាត់ក្បាលកោះ ខណ្ឌច្បារអំពៅ រាជធានីភ្នំពេញ ពីបទ ៖ ប្រើប្រាស់ដោយខុសច្បាប់នូវសារធាតុញៀន។ ជនសង្ស័យទី១មានឈ្មោះ ឆែម សុខចាន់ ភេទ ប្រុស អាយុ ២៨ ឆ្នាំ ជនជាតិ ខ្មែរ មុខរបរ គ្មាន ស្នាក់នៅភូមិព្រែកធំ១ សង្កាត់ក្បាលកោះ ខណ្ឌច្បារអំពៅ រាជធានីភ្នំពេញ។  និងទី២-ឈ្មោះ  ងាំ ដារ៉ា ភេទ ប្រុស អាយុ ២៨ ឆ្នាំ ជនជាតិ ខ្មែរ មុខរបរ គ្មាន ស្នាក់នៅភូមិព្រែកធំ១ សង្កាត់ក្បាលកោះ ខណ្ឌច្បារអំពៅ រាជធានីភ្នំពេញ។ វត្ថុតាងដកហូតក្រាមសថ្លា ០១កញ្ចប់តូច។…

លោក ចេង មុនីរ៉ា អភិបាលខណ្ឌច្បារអំពៅបានលើកឡើងថា៖ ការងាររក្សាសណ្តាប់ធ្នាប់សាធារណៈ និង ការងារអានាម័យ បរិស្ថាន នៅតែជាការងារអាទិភាពដែលរដ្ឋ បាលខណ្ឌច្បារអំពៅ កំពុងយកចិត្តទុកដាក់។ លោកអភិបាលខណ្ឌបានបន្តថា៖ ការងារទាំងអស់នេះរដ្ឋបាលខណ្ឌតែឯកឯង មិនអាចធ្វើទៅរួចនោះទេ វាទាល់តែមានការចូលរួមអោយបានផុលផុស ពីអាជ្ញាធរសង្កាត់ភូមិ ។ លោកអភិបាលខណ្ឌច្បារអំពៅ ចេង មុនីរ៉ា បានលើកឡើងដូចនេះ ក្នុងឱកាសដែលលោកអញ្ជើញចូលរួម ក្នុងកិច្ចប្រជុំសាមញ្ញលើកទី១៣ អាណត្តិទី៣ របស់ក្រុមប្រឹក្សាខណ្ឌច្បារអំពៅ ដែលបានធ្វើឡើង នាព្រឹកថ្ងៃទី២៩ ខែមិថុនានេះ។ លោកបានបន្តថា ចាប់ពីថ្ងៃនេះតទៅ តាមបណ្តាសង្កាត់និមួយៗ ត្រូវតែបន្តយកចិត្តទុកដាក់ចូលរួមលើការងាររក្សាសណ្តាប់ធ្នាប់ និង សំអាតបរិស្ថានតាមដងផ្លូវនានា ក្នុងមូលដ្ឋានដោយប្រើប្រាស់ម៉ូតូ សំរាប់ដឹកសំរ៉ាម ចុះប្រមូលសំរ៉ាមចេញជាបន្ទាន់ នៅពេលមានការអាក់ខានពីរថយន្តប្រមូល សំរ៉ាម។ លោកចេង មុនីរ៉ា ក៏បានកោតសរសើរផងដែរ ដល់សង្កាត់វាលស្បូវ ដែលបានដាក់កម្មវិធីច្បាស់លាស់ លើការងារសំអាតបរិស្ថាន ដោយបានជ្រើសរើសយក ថ្ងៃអាទិត្យ  សំរាប់ការងារនេះ និង បានអនុវត្តមិនដែលអាក់ខានឡើយ។ នេះគឺជាគំរូមួយ ដែលតាមបណ្តាសង្កាត់នានា ត្រូវតែអនុវត្តតាម។ …

ភ្នំពេញ៖ យោងតាមរបាយការណ៍របស់លោក ប៊ុន សត្យា នាយការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ បានឲ្យដឹងនៅថ្ងៃទី២៩ ខែមិថុនា ឆ្នាំ២០២០នេះ កម្លាំងសមត្ថកិច្ចជំនាញបានបញ្ជូនជនសង្ស័យម្នាក់ទៅសាលាដំបូងធានីចាត់ការតាមច្បាប់ ពាក់ព័ន្ធ ប្រព្រឹត្តបទល្មើស អំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា (ឆក់កាបូបស្ពាយពណ៌ប្រផេះ) នៅចំណុចមុខម៉ាតនាគបាញ់ទឹក ផ្លូវសុធារស ក្រុម២៥ ភូមិ២ សង្កាត់ទន្លេបាសាក់ ខណ្ឌចំការមន រាជធានីភ្នំពេញ កាលពីថ្ងៃទី២៤ ខែមីនា ឆ្នាំ២០២០ វេលាម៉ោង ១៣ និង ៣០នាទីកន្លងទៅ។ ជនសង្ស័យមានឈ្មោះ មិត្ត ភារម្យ ហៅ រុំ ភេទ ប្រុស ឆ្នាំកំណើត២០០១ ជនជាតិ ខ្មែរ មុខរបរ ដឹកអីវ៉ាន់តាមអនឡាញ  ស្នាក់នៅផ្ទះជួល ផ្លូវបេតុង សង្កាត់បឹងទំពុន១ ខណ្ឌមានជ័យ រាជធានីភ្នំពេញ ។ ចំណែកជនរងគ្រោះ មានឈ្មោះ TANG CHUNFAN ភេទ ស្រី អាយុ ៤៥ ឆ្នាំ…

យោងតាមអាជ្ញាធរមីន ហេតុការណ៍ទី១មួយ  បុរសម្នាក់បានស្លាប់ភ្លាមៗដោយសាកសពត្រូវបែកខ្ចាយជាបំណែកៗ ដោយសារឥទ្ធិពលនៃគ្រាប់បែក ដែលខ្លួនបានយកមកកែច្នៃខុសបច្ចេកទេសហើយផ្ទុះ។ ករណីនោះបានកើតឡើងនៅវេលម៉ោង១២ និង៤៥នាទីរសៀលថ្ងៃ២៨ មិថុនា នៅចំណុចភូមិត្រពាំងព្រលិត ឃុំជ្រៃលាស់ ស្រុកពញាឮ ខេត្តកណ្តាល។ ជនរងគ្រោះឈ្មោះ អ៊ី សារិន ហៅ ប៉ាត ភេទប្រុស អាយុ ៥១ឆ្នាំ ជនជាតិ ខ្មែរ មុខរបរសិប្បកម្មកែឆ្នៃគ្រឿងយន្តកសិកម្ម មានទីលំនៅភូមិ ត្រពាំងព្រលិត ឃុំជ្រៃលាស់ ស្រុកពញាឮ ខេត្តកណ្តាល។ តាមការបំភ្លឺរបស់កូនបង្កើតជនរងគ្រោះឈ្មោះ យន ថានុង អាយុ ២៥ឆ្នាំ បានឲ្យដឹងថា នាថ្ងៃកើតហេតុ ជនរងគ្រោះ បានយកគ្រាប់ប្រភេទពុំស្គាល់ ដោយប្រើម៉ូទ័រមកអារកាត់កែច្នៃ នៅក្នុងរោងសិប្បកម្មរបស់ខ្លួន។ រំពេចនោះស្រាប់តែផ្ទុះគ្រាប់ឡើង ដែលបណ្ដាលឱ្យជនរងគ្រោះស្លាប់ដាច់សាច់ខ្ទាតជាបំណែក នៅជុំវិញកន្លែងកើតហេតុតែម្ដង។ ចំណែកករណីទី២ មានករណីផ្ទុះមីនតោនមួយ នៅវេលាម៉ោង៩ព្រឹកថ្ងៃ២៨ មិថុនា នៅចំណុចអូរច្រកថ្លាង ស្ថិតក្នុងភូមិ បឹងអំពិល ឃុំព្រែកជីក ស្រុករុក្ខគិរី ខេត្តបាត់ដំបង។ ជនរងគ្រោះឈ្មោះ…

ខេត្តរតនគិរី៖ ប្រតិបត្តិការបង្ក្រាបឈើល្មើសច្បាប់នោះ បានធ្វើឡើងក្រោមកិច្ចសហការ រវាងកម្លាំងកងរាជអាវុធហត្ថលើផ្ទៃប្រទេស, កម្លាំងកងរាជអាវុធហត្ថខេត្ត, កម្លាំងនគរបាលខេត្ត, មន្ត្រីឧទ្យានុរក្ស នៃឧទ្យានជាតិអូរយ៉ាដាវ, កម្លាំងនគរបាលវរៈការពារព្រំដែនលេខ៦២៣ រួមជាមួយ កម្លាំងសមត្ថកិច្ចប្រចាំមូលដ្ឋាន ផងដែរ។ ការបង្ក្រាបនោះ បានធ្វើនៅថ្ងៃទី២៨ មិថុនា ឆ្នាំ២០២០ ស្ថិតនៅក្បែរប៉ុស្តិ៍នគរបាល នៃច្រករបៀងភូមិឡុំ ក្នុងឃុំប៉ក់ញ៉ៃ ស្រុកអូរយ៉ាដាវ ខេត្តរតនគិរី។ ស្នងការរង ទទួលផែន ប្រឆាំងបទល្មើសសេដ្ឋកិច្ច នគរបាលខេត្តរតនគិរី លោកឧត្តមសេនីយ៍ត្រី នូវ ដារ៉ា បានប្រាប់អោយដឹងថា ក្រោយពីទទួលបានបទបញ្ជា ពីប្រធានគណបញ្ជាការឯកភាពរដ្ឋបាលខេត្ត លោក ថង សាវុន ក៏ដូចជា ស្នងការនគរបាលខេត្ត លោកឧត្តមសេនីយ៍ទោ យិន ចំណាន និងនៅក្រោមកិច្ចសម្របសម្រួលពី ព្រះរាជអាជ្ញា នៃអយ្យការអមសាលាដំបូងខេត្តរតនគិរី លោក ងិន ពេជ នោះរួចមក លោកបានដឹកនាំកម្លាំងសមត្ថកិច្ចចម្រុះខេត្ត រួមនឹងមន្ត្រីនៅក្នុងមូលដ្ឋានផងនោះ បានចុះទៅកាន់ទីតាំងស្តុកទុកឈើខុសច្បាប់មួយកន្លែង ហើយបានធ្វើការដកហូតឈើប្រណិត ចម្រុះជាច្រើនប្រភេទ ដែលពួកឈ្មួញបានដឹកជញ្ជូនយកមកលាក់ទុកនៅទីនេះ ដើម្បីរង់ចាំឧិកាសល្អ នឹងដឹកជញ្ជូនបន្ត នាំឆ្លងដែនយកទៅលក់…

ឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីការបរទេស និងសហប្រតិបត្តិការអន្តរជាតិ នឹងអញ្ជើញចូលរួមកិច្ចប្រជុំពិសេសរវាងរដ្ឋមន្ត្រីការបរទេសអាស៊ាន និងអូស្រ្ដាលី ស្ដីពីជំងឺឆ្លងកូវីដ-១៩ តាមប្រព័ន្ធវីដេអូ ដែលនឹងប្រព្រឹត្តទៅនៅថ្ងៃទី៣០ ខែ មិថុនា ឆ្នាំ២០២០៕