ភ្នំពេញ៖ នៅទីស្តីការក្រសួង ឯកឧត្តម ជា សុផារ៉ា ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ បានអនុញ្ញាតឱ្យនិស្សិតជ័យលាភីអាហារូបករណ៍របស់រដ្ឋាភិបាលជប៉ុនទាំង២៤រូប ចូលជួបសម្តែងការគួរសម និងទទួលយកអនុសាសន៍ណែនាំល្អៗពី ឯកឧត្តមឧបនាយករដ្ឋមន្រ្តី ។ ក្នុងជំនួបនេះ ឯ.ឧ ឧបនាយករដ្ឋមន្រ្តី  ជា សុផារ៉ា បានបង្ហាញពីការចូលរួមអបអរសាទរចំពោះនិស្សិតជ័យលាភីទាំង២៤រូបដែលទទួលបានអាហារូបករណ៍រយៈពេល២ឆ្នាំ ទៅសិក្សាបន្តនៅប្រទេសជប៉ុនដែលនេះជាឱកាសដ៏ល្អអាចបំពេញបន្ថែមនូវជំនាញ និងចំណេះដឹង ដែលក្នុងឱកាសដ៏កម្រនេះ ឯ.ឧ បានស្នើដល់និស្សិតជ័យលាភីទាំង២៤នាក់ ឲ្យខិតខំប្រឹងប្រែងដើម្បីចាប់យកឱកាសថ្មីៗ ថែមទៀតដែលចាត់ទុកថាជាលក្ខខណ្ឌរស់នៅរបស់បុគ្គលផ្ទាល់ខ្លួន ដែលជាផលប្រយោជន៍របស់ខ្លួនឯងផង គ្រួសារ និងសង្គមជាតិផង។ ជាមួយនេះ ឯ.ឧ បានលើកឡើងថារហូតមកដល់ពេលនេះ ការខិតខំប្រឹងប្រែងរបស់ប្រមុខរាជរដ្ឋាភិបាលបាននាំមកនូវជោគជ័យ គ្រប់ពេលវេលាគ្រប់កាលះទេសះសំរាប់ជាតិ និងប្រជាជន។ កិច្ចការធំៗជាចំបងដែលរាជរដ្ឋាភិបាលបាននឹងកំពុងអនុវត្តន៍នោះគឺការថែរក្សាសន្តិភាពសម្រាប់ឲ្យប្រជាពលរដ្ឋគ្រប់រូបមានសិទ្ធ សេរីភាព និងមានឱកាសគ្រប់បែបយ៉ាងក្នុងការបំពេញការងារស្របតាមសមត្ថភាពរបស់ខ្លួន ដែលនេះជាលក្ខខណ្ឌចំបងដែលរាជរដ្ឋាភិបាលបានដាក់ចេញនៅក្នុងគោលនយោបាយ។ កម្ពុជាធ្លាប់បានទទួលរងនូវសង្រ្គាមភាពជូរចត់ និងទឹកភ្នែកកាលពីអតីតកាល ពីមួយដំណាក់កាលទៅដំណាក់កាលដែលជាបទពិសោធន៍ ដ៏ជូរចត់ដែលយើងធ្លាប់បានឆ្លងកាត់រួចមកហើយដូច្នេះ ឯ.ឧ ឧបនាយករដ្ឋមន្រ្តី ជា សុផារ៉ា បានស្នើដល់និស្សិតទាំងអស់ឲ្យរួមគ្នាថែរក្សាសុខសន្តិភាព ដែលប្រមុខរាជរដ្ឋាភិបាលរកមកបានដោយលំបាកនេះកុំឲ្យបាត់បង់។ បើគ្មានការបង្រួបបង្រួមជាតិ ឯកភាពជាតិនោះទេនឹងគ្មានការអភិវឌ្ឍរីកចម្រើនដូចសព្វថ្ងៃនេះទេ។ រយៈពេល៤១ឆ្នាំកន្លងមកនេះ កម្ពុជាទទួលបានសុខសន្តិភាពយ៉ាងពេញលេញ ក្រោមគោលនយោបាយដឹកនាំដ៏មុតស្រួចរបស់ប្រមុខរាជរដ្ឋាភិបាល…

ភ្នំពេញ៖ មានហេតុការណ៍ដ៏ភ្ញាក់ផ្អេីលមួយដល់ប្រជាពលរដ្ឋ បន្ទាប់ពីប្រទះឃេីញស្ត្រីម្នាក់ដេកស្លាប់ក្នុងបន្ទប់ជួលសង្ស័យខ្យល់គរ ហេីយរាយការណ៍ទៅសមត្ថកិច្ចចុះមកពិនិត្យជាក់ស្តែង កាលពីវេលាម៉ោង ១៨និង៣០នាទីថ្ងៃទី១៤ ខែកក្កដា ឆ្នាំ២០២០ នៅចំនុចបន្ទប់ជួលលេខ៨ ភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ។ សពជនរងគ្រោះឈ្មោះ សឿ សុខឡុង ភេទស្រី អាយុ៥២ ឆ្នាំមុខរបរសន្តិសុខរោងចក្រ មានស្រុកកំណើតនៅ ភូមិ  សង្គមមានជ័យថ្មី ឃុំមេមត់ ស្រុកមេមត់ ខេត្តត្បូងឃ្មុំ បច្ចុប្បន្នស្នាក់នៅ កន្លែងកើតហេតុខាងលើ នៅម្នាក់ឯង។ បេីតាមប្រភពព័ត៌មានបានឲ្យដឹងថា ស្ត្រីខាងលេីត្រូវបានក្រុមហ៊ុនផ្អាកការងាររយៈពេល២ខែមកហេីយ។ ហេីយជារៀងរាល់ថ្ងៃជនរងគ្រោះតែងតែផឹកស្រាស្រវឹង លុះមកដល់ថ្ងៃទី១៣ ខែកក្កដា  គាត់បានថ្អូញថ្អែប្រាប់អ្នកជិតខាងថាគាត់មិនសូវស្រួលខ្លួនសោះ  លុះមកដល់វេលាកេីតហេតុ ស្រាប់តែប្រទះឃេីញដេកស្លាប់ក្នុងបន្ទប់បាត់ទៅហេីយ។ តាមការបំភ្លឺរបស់ឈ្មោះ ផេង ធីតា ភេទស្រីអាយុ ២២ ឆ្នាំ មុខរបរ កម្មការិនីរោងចក្រ បច្ចុប្បន្នស្នាក់នៅ បន្ទប់ជួល នៅកាណាឌីយ៉ា ភូមិត្រពាំងថ្លឹង សង្កាត់ចោមចៅ១ ត្រូវជាកូនជនរងគ្រោះបានឲ្យដឹងថា នៅមុនពេលកើតហេតុ មានអ្នកជិតខាង បន្ទប់ជួល ម្តាយរបស់គាត់…

ភ្នំពេញ៖ មានរថយន្តកុងតឺន័រមួយគ្រឿងបេីកបរក្នុងល្បឿនលឿនទាំងស្ថានភាពផ្លូវកោងផង  ក៏បួងចង្កូតក្រឡាប់ផ្ងារជេីងម្ខាងជ្រុលទៅសង្កត់ផ្ទះប្រជាពលរដ្ឋដែលនៅជាប់ផ្លូវរងការខូចខាតអស់ផ្នែកខាងមុខចំនួន២ល្វែង និងបន្តកិនកន្លែងលក់ស្រាក្រឡុកផ្អេីលអ្នកលក់ និងនាក់ផឹករត់ជាន់ជេីងគ្នា។ ហេតុការណ៍គ្រោះថ្នាក់ចរាចរណ៍ខាងលេីនេះ បានបង្កការភ្ញាក់ផ្អេីលកាលពីវេលាម៉ោង១និង៤០នាទីរំលងអាធ្រាត្រ  ឈានចូលថ្ងៃទី១៥ ខែកក្កដា ឆ្នាំ២០២០ នៅផ្លូវវេងស្រេង ភូមិជ្រៃកោង សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។ បេីតាមប្រភពព័ត៌មានពីកន្លែងកេីតហេតុបានឲ្យដឹងថា មុនពេលកេីតហេតុ គេបានឃេីញរថយន្តសណ្តោងទូកុងតឺន័រមួយគ្រឿង  ក្បាលពណ៌ស ពាក់ស្លាកលេខភ្នំពេញ3C 6327 ដោយមានបិទស្លាកអក្សកាត់ខាងមុខ HL ធ្វេីដំណេីរតាមបណ្តោយផ្លូវវេងស្រេង  ទិសដៅពីជេីងទៅត្បូងល្បឿនលឿន លុះមកដល់ចំណុចកេីតហេតុ ដោយស្ថានភាពផ្លូវកោងក៏បួងចង្កូតធ្វេីឲ្យក្រឡាប់ផ្ងារជេីងសង្កត់ទៅលេីផ្ទះវីងវេលុយ និងទ្រូម៉ានីវេលុយរងការខូចខាតអស់សំយ៉ាបខាងមុខ និងជញ្ចាំងមួយផ្ទាំង រួមទាំងបង្គោលស្លាកទ្រូម៉ានីមួយដេីម។ មិនត្រឹមតែប៉ុណ្ណោះ រថយន្តមិនទាន់អស់ល្បឿនក៏អូសទៅបុកកន្លែងលក់ស្រាក្រឡុក រងការខូចខាតធ្វេីឲ្យអ្នកលក់ និងនាក់អង្គុយផឹករត់ជាន់ជេីងគ្នាសឹងតែមិនទាន់ តែមិនធ្វេីឲ្យមនុស្សរងរបួសនោះទេ។ ក្រោយកេីតហេតុ តៃកុងរថយន្តបង្កបានលូនចេញពីរថយន្តហេីយគេចខ្លួនបាត់ បន្សល់ទុករថយន្តនៅកន្លែងកេីតហេតុ  ទេីបត្រូវបានសមត្ថកិច្ចមូលដ្ឋានសហការជាមួយជំនាញ មកស្ទូចរថយន្តទៅរក្សាទុកនៅការិយាល័យចរាចរណ៍ផ្លូវគោក នៃស្នងការរាជធានីភ្នំពេញរងចាំដោះស្រាយតាមច្បាប់៕ធ.ដ ដោយ ៖ ជីម ភារ៉ា

ឯកឧត្តម នេត្រ ភក្រ្តា រដ្ឋលេខាធិការ និងជាមន្រ្តីអ្នកនាំពាក្យក្រសួងបរិស្ថាន បានលើកឡើងថា រណាយន្តនៅតែជាឧបករណ៍ដែលបំផ្លិចបំផ្លាញធនធានធម្មជាតិ ការរឹបអូសមានការកើនឡើង បង្ហាញពីប្រសិទ្ធភាពនៃការអនុវត្តច្បាប់ប្រឆាំងនឹងបទល្មើសធនធានធម្មជាតិ នៅក្នុងរយៈពេល ៦ខែ ឆ្នាំ ២០២០ មន្ត្រីឧទ្យានុរក្សនៃក្រសួងបរិស្ថាននិងមន្ត្រីនៃអង្គការដៃគូ រួមនឹងសហគមន៍តំបន់ការពារធម្មជាតិ ដែលបានចុះល្បាតទប់ស្កាត់​ និងបង្ក្រាបបទល្មើសធនធានធម្មជាតិបានរឹបអូសរណាយន្តចំនួន ២៣៦៩ គ្រឿង។ ក្នុងមួយឆ្នាំ ២០១៩ កន្លងទៅ រណាយន្តចំនួន ៣៤៩៤ គ្រឿងត្រូវបានដកហូតនិងរឹបអូសពីក្នុងតំបន់ការពារធម្មជាតិ។ ឯកឧត្តម បានបបន្ថែមថា ក្នុងកិច្ចសហការរវាងក្រសួងបរិស្ថាន និងអង្គការសម្ព័ន្ធមិត្តសត្វព្រៃ ក្នុងការការពារ និងអភិរក្សតំបន់ការពារធម្មជាតិ នៅក្នុងតំបន់ជួរភ្នំក្រវាញ ដែលស្ថិតក្នុងភូមិសាស្ត្រខេត្តកោះកុង ពោធិ៍សាត់ កំពង់ស្ពឺសរុបផ្ទៃដីអភិរក្សមានទំហំ ១,៤ លានហិកតា មន្ត្រីឧទ្យានុរក្សនៃក្រសួងបរិស្ថានដោយមានការចូលរួមពីមន្ត្រីពាក់ព័ន្ធ នៅក្នុងរយៈពេល ១៨ ខែចុងក្រោយនេះ (ខែមករា ឆ្នាំ ២០១៩ ដល់ខែមិថុនា ឆ្នាំ ២០២០) បានរឹបអូសបានរណាយន្តចំនួន ១៩៥៤ គ្រឿង។ ការប្រើប្រាស់រណាយន្ត ក្នុងគោលបំណងទុច្ចរិតបំផ្លិចបំផ្លាញធនធានធម្មជាតិ គឺជាក្តីព្រួយបារម្ភមួយដែលចាំបាច់អាជ្ញាធរពាក់ព័ន្ធត្រូវចូលរួមចាត់វិធានការក្នុងគ្រប់គ្រងនិងរឹតបន្តឹងវិធានការលើការប្រើប្រាស់ ឬលក់ដូររណាយន្តឱ្យបានត្រឹមត្រូវបំផុត។…