នាព្រឹកថ្ងៃទី១៤ ខែកក្កដា ឆ្នាំ២០២០នេះ នៅទីស្តីការក្រសួង ឯកឧត្តម ជា សុផារ៉ា ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ បានដឹកនាំកិច្ចប្រជុំពិភាក្សាស្តីពីការរៀបចំផែនការសកម្មភាព និងការកំណត់ទិសដៅអនុវត្តគម្រោងបែងចែកដីដើម្បីសង្គមកិច្ចនិងការអភិវឌ្ឍសេដ្ឋកិច្ច ដំណាក់កាលទី៣ (LASED III) ។ ក្នុងកិច្ចប្រជុំនេះ ឯ.ឧឧបនាយករដ្ឋមន្រ្តី ជាសុផារ៉ា បានអោយដឹងថា ក្នុងគំរោងបែងចែកដី ដើម្បីសង្គមកិច្ច និងការអភិវឌ្ឍសេដ្ឋកិច្ចដំណាក់កាលទី៣នេះ មាន5សមាសធាតុដែលត្រូវអនុវត្តគឺការបែងចែកដីសង្គមកិច្ច បញ្ហាចុះបញ្ជី ការរៀបចំដី កសិកម្មចិញ្ចឹមសត្វដាំដុះដែលគំរោងនេះនឹងបញ្ចប់នៅឆ្នាំ២០២៦ និងតម្រូវអោយមានកម្មវិធីច្បាស់លាស់ ដើម្បីអោយការអនុវត្តគំរោងមានប្រសិទ្ធិភាពឆាប់រហ័សនិងទាន់ពេលវេលា ។ ក្នុងគោលដៅនេះឯ.ឧ បានផ្តល់ការណែនាំដល់មន្រ្តីពាក់ពន័្ធត្រូវបំពេញការងារអោយបានម៉ត់ចត់ ក្នុងការអនុវត្តគំរោងទៅតាមដំណាក់កាលនិមួយៗស្របតាមនីតិវិធីនិងរៀបចំផែនការអោយបានច្បាស់លាស់ ព្យាយាមកែប្រែរាល់ភាពខ្វះចន្លោះនានា ជាពិសេសលើការងារចុះបញ្ជីដី ការរៀបចំដី និងការចុះបញ្ជីសហគមន៍ជនជាតិដើមភាគតិចផងដែរ ដើម្បីផ្តល់ផលប្រយោជន៍ជូនប្រជាពលរដ្ឋជាច្រើនពាន់គ្រួសារដែលត្រូវទទួលផលពីគំរោងនេះ។ ជាមួយនេះឯ.ឧឧបនាយករដ្ឋមន្រ្តី បានលើកឡើងពីការងារជាច្រើនពាក់ព័ន្ធនឹងការអនុវត្តគំរោងដោយបានផ្តល់នូវគំនិតមតិយោបល់ ដល់សមាជិកនៃអង្គប្រជុំនិងបានជំរុញអោយមន្រ្តីជំនាញត្រូវតែខិតខំប្រឹងប្រែងអោយអស់ពីកំលាំងកាយចិត្ត ដើម្បីអនុវត្តគំរោងនេះអោយបានរួចរាល់ឆាប់រហ័សទាន់ពេលវេលាជៀសវាងកុំអោយមានការអូសបន្លាយ រឺមិនយកចិត្តទុកដាក់ធ្វែសប្រហែសក្នុងការបំពេញភារកិច្ចដែលនាំអោយការងារមានភាពយឺតយ៉ាវ រឺអសកម្មនោះឡើយ ដើម្បីអោយការអនុវត្តគំរោងមានប្រសិទ្ធិភាព បានទទួលជោគជ័យ និងជាកិត្តិយសរបស់មន្រ្តីខ្លួនឯងផង ជាកិត្តិយសរបស់ក្រសួងស្ថាប័នផង និងជាការបង្កើននូវជំនឿជឿជាក់ដល់ប្រជាពលរដ្ឋ ក្នុងសង្គមជាតិផងសំដៅផ្តល់ផលប្រយោជន៍និងបំពេញសេចក្តីត្រូវការរបស់ប្រជាពលរដ្ឋ ។ …

អំណោយរបស់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា  ត្រូវបានឯកឧត្តមអ្នកឧកញ៉ាបណ្ឌិត សៀង ណាំ ប្រធានកិត្តិយសគណៈកម្មាធិការសាខាកាកបាទក្រហមកម្ពុជាខេត្តសៀមរា នាំយកទៅចែកជូនបងប្អូនក្រុមគ្រួសារជួបផលប៉ះពាល់ក្នុងពេលមានវិបត្តិជម្ងឺកូវីដ១៩ ដោយផ្តោតចំពោះចាស់ជរាគ្មានទីពឹង កុមារកំព្រា ស្ត្រីមេម៉ាយក្រីក្រមានកូនច្រើ អ្នកផ្ទុកមេរោគអេដស៍ និង ជនពិការទីទ័លក្រ ចំនួន ៧៥គ្រួសា មកពី១២សង្កាត់ក្នុងក្រុងសៀមរាប ខេត្តសៀមរាប នៅព្រឹកថ្ងៃទី ១៤ ខែ កក្កដា ឆ្នាំ២០២០ នៅបរិវេណសាលាបឋមសិក្សា មុខនាគ សង្កាត់គោកចក ។ បន្ទាប់ពីកិច្ចស្វាគមន៍និងសេចក្តីរាយការណ៍របស់លោក នួន ពុទ្ធារ៉ា ប្រធានអនុសាខា ក្រុងសៀមរាបរួចមក មានប្រសាសន៍នាឱកាសនោះ ឯកឧត្តមអ្នកឧកញ៉ាបណ្ឌិត សៀង ណាំ បានពាំនាំនូវការផ្ដាំផ្ញើសួរសុខទុក្ខពីសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និង ឯកឧត្តម ទៀ សីហា ប្រធានគណៈកម្មាធិកាកសាខា ដែលជានិច្ចកាលសម្ដេចតែងតែយកចិត្តទុកដាក់គិតគូរខ្ពស់បំផុតចំពោះសុខទុក្ខប្រជាពលរដ្ឋគ្រប់រូប មិនប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការនយោបាយណាមួយឡើយ ។…

សម្រាប់អនុវត្តន៍នីតិវិធីកំណត់អត្តសញ្ញាណកម្មគ្រួសារក្រីក្រតាមការស្នើសុំក្នុងអំឡុងពេលប្រយុទ្ធនឹងជំងឺកូវីដ១៩ ។ យោងតាមសេចក្ដីជូនដំណឹងរបស់ក្រសួងផែនការនៅថ្ងៃ១៤កក្កដានេះ បានឲ្យដឹងថា ដោយពិនិត្យឃើញទំហំការងារ ប្រសិទ្ធភាពការងារ មិនអាចគាំទ្រការងារបានទាន់ពេលវេលា, តាមការស្នើរសុំរបស់ក្រសួងផែនការ អង្គការ UNDP បានសម្រេចផ្ដល់១ពាន់៧០០គ្រឿងបន្ថែមទៀត សម្រាប់ផ្ដល់ជូនទៅឃុំ សង្កាត់ ទូទាំងប្រទេស ។ តាប្លេក (Tablet) ទាំងនោះ នឹងត្រូវផ្ដល់ចែកជូន ក្នុង១ឃុំ សង្កាត់ទទួលបានមួយគ្រឿងបន្ថែមទៀត។ យោងតាមក្រសួងផែនការ ពិធីប្រគល់ និងទទួលតាប្លេក(Tablet) នោះនឹងធ្វើឡើងនៅព្រឹកថ្ងៃ១៥កក្កដានាសណ្ឋាគារ កាំបូឌីយ៉ាណា រាជធានីភ្នំពេញ។ ពិធីប្រគល់ និងទទួល តាប្លេក(Tablet) នោះ មានការអញ្ជើញជាអធិតីពីសំណាក់រដ្ឋមន្ត្រីក្រសួងផែនការ លោកទេសរដ្ឋមន្ត្រី ឆាយ ថន , ឯកអគ្គរដ្ឋទូអាល្លឺម៉ង់ប្រចាំកម្ពុជា លោក Christian Berger , ឯកអគ្គរដ្ឋទូតរងអូស្ត្រាលីលោក  Luke Arnold , ប្រធានអង្គការ UNDP ប្រចាំកម្ពុជាលោក Nick Beresford ព្រមទាំងថ្នកដឹកនាំ មន្ត្រីជំនាញ អង្គការសង្គមស៊ីវីលមួយចំនួនចូលរួមផងដែរ។ រដ្ឋាភិបាលសាធារណៈរដ្ឋសហព័ន្ធអាល្លឺម៉ង់ ,…

ភ្នំពេញ៖ ក្រោយពេលសម្របសម្រួលក្បួនជូនថ្នាក់ដឹកនាំឆ្លងកាត់នៅព្រឹកថ្ងៃទី១៤ ខែកក្កដា ឆ្នាំ២០២០ នេះរួចមក លោក ចេង មុនីរ៉ា អភិបាលខណ្ឌច្បារអំពៅ រួមដំណើរដោយអភិបាលរងខណ្ឌ លោកវរសេនីយ៍ ឯក ម៉ៅ សឿត អធិការនគរបាលខណ្ឌ បានអញ្ជើញជួបសំណេះសំណាល សួរសុខទុក្ខ និងយកសៀវភៅគ្រួសារ ជូនបងប្អូនប្រជាពលរដ្ឋក្នុងភូមិជ្រោយអំពិល ជ្រោយអំពិល១ សង្កាត់ក្បាលកោះដល់ខ្នងផ្ទះ។ ក្រោយមកទៀត នៅវេលាម៉ោង១១ និង៣០នាទីព្រឹកថ្ងៃដដែល លោកអភិបាលខណ្ឌច្បារអំពៅ បានអញ្ជើញសំណេះសំណាល និងធ្វើការឧបត្ថម្ភអង្ករជូនដល់អធិការដ្ឋាននគរបាលខណ្ឌ, មូលដ្ឋានកងរាជអាវុធ ហត្ថខណ្ឌ សមាគមនារីខណ្ឌ និងអនុសាខាកាកបាទកម្ពុជាខណ្ឌ ដោយមួយអង្គភាពទទួលបានអង្ករ៥០០គីទ្បូក្រាម និងថវិកា២លានរៀល ដើម្បីបម្រើតាមអង្គភាពតាមតម្រូវការរៀងខ្លួនផងដែរ។ ជាមួយគ្នានោះដែរ លោកអភិបាលខណ្ឌ បានលើកឡើងថា ដើម្បីសុវត្ថិភាពសហគមន៍ភូមិ អាជ្ញាធរបានប្រើប្រាស់កម្លាំងនគរបាល កងរាជអាវុធហត្ថ ប្រជាការពារ មន្ត្រីខណ្ឌសង្កាត់ បានចុះល្បាត ពួនស្ទាក់ តាមគោលដៅសំខាន់ៗ ចុះត្រួតពិនិត្យ នៅតាមតំបន់ស្មុគស្មាញ ជាពិសេសកន្លែងផ្ទះជួល ស្នាក់នៅរបស់កម្មករ និងចុះពិនិត្យអាវុធជាតិផ្ទុះតាមទីសាធារណៈ និងចូលរួមផ្សព្វផ្សាយគោលនយោបាយ ភូមិឃុំ មានសុវត្ថិភាពនិងផលប៉ះពាល់ផ្សេងៗបណ្តាលមកពីការអភិវឌ្ឍផងដែរ៕ ដោយ៖  ភារ៉ា…

 ស្ពានបេឡេថ្មីមួយខ្សែបន្ថែមទៀតផ្តល់ជូនដល់ស្រុកបាណន់ និងជាស្ពានដង្ហើមសេដ្ឋកិច្ច ដើម្បីតភ្ជាប់ទៅកាន់ស្រុកចំនួន៤សំខាន់ៗ របស់ខេត្តបាត់ដំបងនោះ ត្រូវបានសាងសង់រួចរាល់ជាស្ថាពរហើយ ដោយនៅសេសសល់តែការសម្អាតជើងទេរនៃគល់ស្ពាននិងជំរាលផ្លូវតភ្ជាប់និងស្ពានតែប៉ុណ្ណោះ។នេះបើតាមការគូសបញ្ជាក់របស់មន្ត្រីជំនាញនៃមន្ទីរសាធារណការខេត្តបាត់ដំបង កាលពីព្រឹកថ្ងៃទី១៤ខែកក្កដានេះ។ ក្នុងឱកាសដែល ឯកឧត្តមអភិបាលខេត្តបាត៎ដំបង ងួន រតនៈ អញ្ជើញចុះទៅពិនិត្យមើលពីវឌ្ឍនភាពនៃការសាងសង់ស្ពាននេះជាមួយនិងមន្ត្រីជំនាញនិងអាជ្ញាធរស្រុកបាណន់។      ក្នុងការចុះពិនិត្យមើលនេះឯកឧត្តម ងួន រតនៈ អភិបាលខេត្តបាត់ដំបង ក៏បានណែនាំនិងសំណូមពរដល់លោកប្រធានមន្ទីរសាធារណការ ខេត្តបាត់ដំបង លោក ចាន់ សំបូរ ដែលអមដំណើរចុះទៅពិនិត្យមើលស្ពានបេឡេថ្មីមួយខ្សែនេះ ដោយជម្រុញឲ្យមន្ទីរពិភាក្សាជាមួយនិងក្រុមហ៊ុនដែលកំពុងអនុវត្តសាងសង់ស្ពាននេះ ត្រូវបន្តកែលម្អជើងទេរនិងជម្រាលស្ពានឲ្យបានល្អប្រសើរជាងនេះថែមទៀត។ ក្នុងនោះដែរ ឯកឧត្តមអភិបាលខេត្ត ក៏បានស្នើឲ្យប្រធានមន្ទីរសាធារណការខេត្ត កែលម្អផ្លូវតភ្ជាប់ជាមួយក្បាលស្ពានឲ្យបានល្អប្រសើរ ដោយត្រូវចាក់ដី និងក្រាលក្រួសក្រហមលើកផ្លូវឲ្យស្មើនិងគល់ស្ពាន ដើម្បីជួយសម្រួលដល់ការធ្វើដំណើរទៅមកខណៈពេលស្ពានបើកឲ្យប្រើប្រាស់ជាផ្លូវការនោះ។                  ស្ពានបេឡេថ្មីដែលទើបសាងសង់រួចរាល់នេះ គឺ៖ មានប្រវែង ១២៦ម៉ែត្រ និងទទឹង៤,២០ម៉ែត្រ បានចាប់ផ្តើមសាងសង់ កាលពីថ្ងៃទី១០ ខែមីនាឆ្នាំ២០២០ដោយកងកម្លាំងវិស្វកម្មជាអំណោយដ៏ថ្លៃថ្លារបស់សម្តេចក្រឡាហោម ស ខេង ដែលស្ថិតនៅក្នុងភូមិសាស្ត្រ ភូមិសសរពក ជាប់និងព្រំប្រទល់ភូមិទួលធ្នង់ ឃុំកន្ទឺ១ ស្រុកបាណន់ នៃខេត្តបាត់ដំបង។       ស្ពានបេឡេថ្មីមួយខ្សែដែលមានតម្លៃប្រមាណជា ២៧ម៉ឺនដុល្លារអាមេរិកនេះអាចផ្ទុកទម្ងន់ឆ្លងកាត់បានប្រមាណ១៥តោនក្រោយពីការសាងសង់រួចតាមបទដ្ឋានបច្ចេកទេសបានត្រឹមត្រូវ។នេះបើតាមការគូសបញ្ជាក់ពីអ្នកជំនាញកងវិស្វកម្ម ដែលបានស្ថាបនាកសាងស្ពាន នៅទីនេះកន្លងមក។        កន្លងទៅថ្មីៗនេះឯកឧត្តមសន្តិបណ្ឌិត…

ខេត្តព្រះវិហារ៖ ការជំរុញឲ្យមានការលើកទឹកចិត្តដល់សិស្សានុសិស្ស មកពីវិទ្យាល័យនានាក្នុង ខេត្តព្រះវិហាររបស់ អគ្គនាយិការរងចំណេះដឹង និងព័ត៌មានបរិស្ថាន នៃក្រសួងបរិស្ថាន លោកស្រី មាស ច័ន្ទធីតា បានធ្វើឡើងនៅក្នុង «វេទិកាយុវជនជជែកពិភាក្សា អំពីបរិស្ថាន ឆ្នាំ២០២០» ក្នុងគ្រាដែលលោកស្រី បានអញ្ជើញជាអធិបតីនៅក្នុងវេទិការនោះ នាព្រឹកថ្ងៃទី ១៤កក្កដា ឆ្នាំ២០២០នេះ នៅមន្ទីរបរិស្ថាន ខេត្តព្រះវិហារ ដែលរៀបចំដោយក្រសួងបរិស្ថាន ។ នៅក្នុងវេទិការជជែកពិភាក្សានោះទៀត ក៏មានការអញ្ជើញចូលរួមពី អនុប្រធានទទួលបន្ទុករួម នាយកដ្ឋានអប់រំបរិស្ថាន លោក ស៊ាង ជាធី , ប្រធានគម្រោង USAID ព្រៃឡង់បៃតង លោក មូល ផាត, អនុប្រធានមន្ទីរអប់រំ យុវជន និងកីឡាខេត្តព្រះវិហារ លោកស្រី គឹម គន្ធារី , នាយករងរដ្ឋបាលខេត្តព្រះវិហារ លោកស្រី នួន វល័ក្ខ ,អនុប្រធានមន្ទីរបរិស្ថានខេត្ត លោក ឈុន ឆេង , នាយក និងមន្ត្រីដែនជម្រកសត្វព្រៃ…

ខេត្តព្រះសីហនុ៖ ពិធីចុះហត្ថលេខានេះ បានធ្វើឡើងនៅសណ្ឋាគារ Goddess of liberty Hotel & Resorts ក្នុងខេត្តព្រះសីហនុ នៅថ្ងៃអង្គារ ទី១៤ ខែ កក្កដា ឆ្នាំ ២០២០ ក្រោមអធិបតីភាពឯកឧត្តម គួច ចំរើន អភិបាលនៃគណៈអភិបាលខេត្តព្រះសីហនុ ឯកឧត្តម ជា វុទ្ធី អគ្គលេខាធិការរងក្រុមព្រឹក្សាអភិវឌ្ឍន៍កម្ពុជា ជាតំណាងរបស់ ឯកឧត្តម សុខ ចិន្ដា សោភា រដ្ឋមន្ត្រីប្រតិភូអមនាយកមន្ត្រី និងជាអគ្គលេខាធិការក្រុមអភិវឌ្ឍន៍កម្ពុជា មន្ត្រីសំខាន់ៗ និងអ្នកជំនួញមួយចំនួនផងដែរ។ ឯកឧត្តម គួច ចំរើន អភិបាលខេត្តព្រះសីហនុ សម្តែងនូវការអបអរសាទរចំពោះគម្រោងរៀបចំប្រព័ន្ធគមនាគមន៍នៅលើកោះរ៉ុងនេះ។ឯកឧត្តម គួច ចំរើន បន្តថាសមិទ្ធិផលថ្មីនេះនឹងលេចចេញជារូបរាងឆាប់ៗនេះនៅលើទឹកដីក្រុងកោះរ៉ុង បន្ថែមទៅលើផ្លូវថ្នល់ជាច្រើនខ្សែ ដែលកំពុងស្ថាបនានៅក្នុងខេត្តព្រះសីហនុ ស្របតាមគោលនយោបាយរបស់រាជរដ្ឋាភិបាល កម្ពុជាក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន (មានផ្លូវមានសង្ឃឹម)។ គម្រោងសាងសង់ផ្លូវបេតុងនេះប្រវែង៧០គីឡូម៉ែត្រ ទទឹង៨ម៉ែត្រ នៅលើតំបន់អភិវឌ្ឍន៍កោះរ៉ុង ក្រុងកោះរ៉ុង ខេត្តព្រះសីហនុ ចំណាយ៣៥លានដុល្លា គ្រោងប្រើរយៈពេលសាងសង់ចំនួន១៦ខែ។…

ពោធិ៍សាត់៖ ជនសង្ស័យ ៥នាក់ ត្រូវបានសមត្ថកិច្ចធ្វើការឃាត់ខ្លួនបានខណៈដែលក្រុមពួកគេ ធ្វើការបំផុសលក់ដីរបស់រដ្ឋនៅក្នុងភូមិសាស្ត្រស្រុកក្រគរ ខេត្តពោធិ៍សាត់តាមបណ្តាញសង្គម Facebook ។ កិច្ចប្រតិបត្តិការខាងលើនេះបានធ្វើឡើងនៅវេលាម៉ោង ០១និង១៥នាទី ថ្ងៃទី១៣ ខែកក្កដា ឆ្នាំ២០២០ម្សិលមិញ ដឹកនាំដោយ អភិបាលរងនៃគណៈអភិបាលខេត្ត លោក ចេងឡៃ  ដោយមានការចង្អុលបង្ហាញ ពីអភិបាលនៃគណៈអភិបាលខេត្តពោធិ៍សាត់លោក ម៉ៅ ធនិន និងមានការសម្របសម្រួលពីព្រះរាជអាជ្ញា នៃអាយ្យការ អមសាលាដំបូងខេត្តពោធិ៍សាត់លោក កូយកាន់យ៉ា។ ជនសង្ស័យ៥នាក់ដែលត្រូវសមត្ថកិច្ចឃាត់ខ្លួនឃាត់ខ្លួនជាប់ ពាក់ព័ន្ធករណីធ្វើការបង្ហោះលក់ដីរដ្ឋ ដោយខុសច្បាប់ ដែលបានផ្ទេរពី សម្បទាន សេដ្ឋកិច្ច មកសង្គមកិច្ច គ្រោងនឹងចែកជូនប្រជាពលរដ្ឋក្រីក្រខ្វះខាត ដែលរស់នៅលើផ្ទៃទឹកបឹងទន្លេសាប នៅចំណុចដំបូង១០០ ក្នុងភូមិដំបូង១០០ ឃុំត្នោតជុំ ស្រុកក្រគរ ខេត្តពោធិ៍សាត់។ ជនសង្ស័យដែលត្រូវសមត្ថកិច្ចធ្វើការឃាត់ខ្លួនបានទាំង៥នាក់នោះ សុទ្ធតែមានទីលំនៅក្នុងខេត្តកំពង់ឆ្នាំង រួមមាន ៖ទី១. ឈ្មោះ អ៊ឹម ទិត្យ ភេទប្រុស អាយុ៥៩ឆ្នាំ រស់នៅភូមិក្តុលសែនជ័យ ស្រុកទឹកផុស ខេត្តកំពង់ឆ្នាំង។ទី២. ឈ្មោះ អ៊ឹម ចាន់ថន ភេទប្រុស…