នៅក្នុងឱកាសទទួលជួប សម្តែង ការគួរសម និងពិភាក្សាការងារជាមួយ ឯកឧត្តម អើមេនេហ្គីលដូ គូប៉ា ឡូប៉េស (Ermenegildo Kupa Lopes) ឯកអគ្គរដ្ឋទូតសាធារណរដ្ឋទីម័រខាងកើត ប្រចាំនៅកម្ពុជា នៅទីស្តីការក្រសួង កាលពីថ្ងៃទី៩ ខែមិថុនា ឆ្នាំ២០២០ ឯកឧត្តម ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម បានមានប្រសាន៍ ថា កម្ពុជា បានរៀបចំត្រៀមអង្ករចំនួន ៣០.០០០ តោនរួចជាស្រេចសម្រាប់នាំចេញទៅប្រទេសទីម័រខាងកើត ហើយ ស្នើសុំឲ្យសហភាគីទីម័រខាងកើតពិនិត្យលទ្ធភាព និងផ្ដល់ដំណឹងជូនដល់កម្ពុជាវិញ។ ឯកឧត្តមរដ្ឋមន្រ្ដី បានលើកឡើងពីអនុស្សរណៈ នៃការយោគយល់គ្នាស្ដីពីពាណិជ្ជកម្មរវាងប្រទេសទាំងពីរ ដែលបាន ចុះហត្ថលេខា រួច ហើយ និងស្នើសុំឲ្យពន្លឿនការអនុវត្តអនុស្សរណៈនេះ ដើម្បីផលប្រយោជន៍ប្រទេសទាំងពីរ។ ការត្រៀមខ្លួនជាស្រេចនៅក្នុងការនាំចេញគឺ ត្រូវបានឆ្លើយតបភ្លាមៗ នៅក្រោយពេលដែលឯកឧត្តមឯកអគ្គរដ្ឋទូត បានធ្វើការ កត់សម្គាល់ នូវបំណង ក្នុងការនាំចូលអង្ករកម្ពុជាទៅប្រទេសទីម័រខាងកើត ដើម្បីផ្គត់ផ្គងទៅទីផ្សារទីម័រខាងកើត ក្រោយពី បញ្ហា ជាប់គាំងនយោបាយនៅប្រទេសទីម័រខាងកើត ត្រូវបានដោះស្រាយ ហើយក៏បានជម្រាបជូនថា ប្រទេស ទីម័រខាងកើត មានកសិផលមួយចំនួនដែលអាចនាំចេញមកទីផ្សារកម្ពុជាផងដែរ។…

ភ្នំពេញ៖ ការស្ថាបនាប្រព័ន្ធប្រឡាយស្ទឹងមានជ័យ ចាប់ពីគល់ស្ពានស្ទឹងមានជ័យ រហូតដល់ប្រឡាយដើម ស្លែង មកដល់ពេលនេះការដ្ឋានទាំងមូលសម្រេចបានប្រមាណ៩០ភាគរយហើយ។ នៅក្នុងពេលនេះអាជ្ញាធរ និងក្រុមការងារបាន នឹង កំពុងដោះស្រាយផលប៉ះពាល់បញ្ចប់ និងកាយភក់ សំរាម ជាមួយការបុកស៊ីផាយបេតុង ជញ្ជាំង ប្រឡាយដែលគ្រោងនឹងធ្វើឱ្យរួចរាល់ក្នុងឆ្នាំនេះដើម្បីបញ្ចៀសការលិចលង់លំនៅឋានប្រជាពលរដ្ឋដោយជំនន់ ទឹកភ្លៀង។ លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូនរាជធានីភ្នំពេញ បានឲ្យដឹងនៅថ្ងៃទី១០ មិថុនានេះថា៖ ការស្ថាបនាប្រឡាយស្ទឹងមានជ័យ ចាប់ពីគល់ស្ពានស្ទឹងមានជ័យ ដល់ប្រឡាយដើមស្លែង ការដ្ឋានទាំងមូលសម្រេចបានប្រមាណ៩០ភាគរយហើយ ដោយក្នុងពេលនេះ អាជ្ញាធរ និងក្រុមការងារបាននឹងកំពុងដោះស្រាយផលប៉ះពាល់បញ្ចប់ កាយភក់សំរាមជា មួយនឹងបុកស៊ីផាយបេតុងជញ្ជាំងប្រឡាយ។ ការដ្ឋាននេះនឹងហើយរួចរាល់នៅក្នុង ឆ្នាំនេះ ឬក៏ឆាប់ជាងនេះ ដែលអាចបញ្ចៀសការលិចលង់លំនៅឋាន ប្រជាពលរដ្ឋដោយជំនន់ទឹកភ្លៀងបានល្អប្រសើរ ។ អភិបាលរាជធានីភ្នំពេញ លោក ឃួង ស្រេង ក្នុងកិច្ចប្រជុំជាមួយមន្ត្រីជំនាញ និងអាជ្ញាធរដែនដី កាលពីចុងខែមេសាកន្លងទៅនេះបានជំរុញឲ្យមន្ត្រីជំនាញ និងអាជ្ញាធរ ត្រូវសហការគ្នាធ្វើឲ្យបានល្អ ពិសេសការត្រួតពិនិត្យលើក្រុមហ៊ុន ស្ថាបនា ដើម្បីឲ្យការសាងសង់ធានាបាន គុណភាព ស្តង់ដារ។ ពោលគឺត្រូវជំរុញ ស្ថាបនាប្រព័ន្ធប្រឡាយស្ទឹងមានជ័យ ចាប់ពីគល់ស្ពានស្ទឹងមានជ័យ…

កណ្តាល៖ ស្នងការដ្ឋាននគរបាលខេត្តកណ្តាល នៅព្រឹកថ្ងៃពុធ ៥រោច ខែជេស្ឋ ឆ្នាំជូន ទៅស័ក ព.ស២៥៦៤ ត្រូវនឹងថ្ងៃទី១០ ខែមិថុនា ឆ្នាំ២០២០នេះ បានធ្វើរៀបចំពិធីផ្សព្វផ្សាយប្រកាសលេខ២២៦៦ ប្រ ក របស់ក្រសួងមហាផ្ទៃ ស្តីពីការតាំងស៊ប់ក្នុងក្របខ័ណ្ឌនគរបាលជាតិ និងបំពាក់ឋានន្តរសក្តិ ជូនមន្ត្រីនគរបាលប៉ុស្តិ៍នគរបាលរដ្ឋបាល នៃស្នងការដ្ឋាននគរបាលខេត្តកណ្តាល ក្រោមអធិបតីភាពលោកឧត្តមសេនីយ៍ត្រី ឈឿន សុចិត្ត ស្នងការនគរបាលខេត្ត និងមានការចូលរួមពីលោក-លោកស្រីស្នងការរង , លោកមេបញ្ជាការវរសេនាតូចនគរបាលការពារព្រំដែនគោកលេខ៦០៥ , លោកនាយប៉ុស្តិ៍ច្រកទ្វារជ្រៃធំ , លោកអធិការនគរបាលក្រុង/ស្រុកទាំង១១ និងមន្ត្រីក្របខ័ណ្ឌថ្មីផងដែរ ។ បន្ទាប់ពីលោកវរសេនីយ៍ឯក ម៉ាន់ គីមឡេង នាយការិយាល័យបុគ្គលិក ឡើងអានរបាយការណ៍ និងប្រកាសតាំងស៊ប់រួចមក លោកឧត្តមសេនីយ៍ត្រី ឈឿន សុចិត្ត ស្នងការនគរបាលខេត្តកណ្តាល និងលោក-លោកស្រីស្នងការរង បានអញ្ជើញបំពាក់ឋានន្តរសក្តិជូនមន្ត្រីនគរបាលជាតិ ដែលទើបនឹងប្រកាសតាំងស៊ប់ចំនួន១៣៦រូប ក្នុងនោះស្រី២៧រូប ។ ក្រោយពីតំណាងមន្ត្រីនគរបាលទើបតាំងស៊ប់ថ្មី ឡើយប្តេជ្ញាចិត្តរួចមក លោកឧត្តមសេនីយ៍ត្រីស្នងការ ក៏បានឡើងមានប្រសាសន៍ផ្តាំផ្ញើដល់មន្ត្រីនគរបាលទើបតាំងស៊ប់ ពេលចុះទៅបំពេញការងារនៅប៉ុស្តិ៍រដ្ឋបាល ត្រូវគោរពវិន័យកងកម្លាំងនគរបាលជាតិ ខិតខំរួមគ្នាបម្រើបងប្អូនប្រជាពលរដ្ឋក្នុងមូលដ្ឋាន ដើម្បីអនុវត្តន៍…

ខេត្តព្រះវិហារ៖ ប្រសាសន៍ដាស់តឿនរបស់អភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តព្រះវិហារ លោក ប្រាក់ សុវណ្ណ បានធ្វើនៅក្នុងកិច្ចប្រជុំ គណៈបញ្ជាការឯកភាពរដ្ឋបាលខេត្តព្រះវិហារ គ្រាដែលោកអភិបាលខេត្ត បានអញ្ជើញជាគណៈធអិបតី កាលពីថ្ងៃទី៩មិថុនាឆ្នាំ២០២០ ដែលមានការចូលរួមពី អភិបាលរងខេត្ត ព្រះរាជអាជ្ញា នៃអយ្យការអមសាលាដំបូងខេត្ត ប្រធានសាលាដំបូងខេត្ត មេបញ្ជាការកងកម្លាំងទាំងបីរបស់ខេត្ត មេបញ្ជាការតាមបណ្តោយព្រំដែន ប្រធានមន្ទីរ អង្គភាពជុំវិញខេត្ត អភិបាលក្រុង ស្រុក ព្រមទាំងអធិការក្រុង និងស្រុក ថែមទៀតផង។ នៅក្នុងកិច្ចប្រជុំ គណៈបញ្ជាការឯកភាពរដ្ឋបាលខេត្តព្រះវិហារ អភិបាលខេត្ត លោក បា្រក់ សុវណ្ណ បានបើកឱកាសដល់អភិបាលរងខេត្ត ស្នងការដ្ឋាននគរបាលខេត្ត ប្រធានមន្ទីរបរិស្ថានខេត្ត ប្រធានមន្ទីរកសិកម្ម រុក្ខាប្រមាញ់ និងនេសាទខេត្ត ប្រធានមន្ទីរសុខាភិបាលខេត្ត និងមន្ទីរនានាទៀត ព្រមទាំងអភិបាលក្រុង ស្រុក ដែលជាអាជ្ញាធរមូលដ្ឋាន បានបង្ហាញពីសកម្មភាពវិជ្ជមាន និងអវិជ្ជមាន ដែលបានអនុវត្តន៍នាពេលកន្លងមក និងបញ្ហាប្រឈមនានា ដែលដោះស្រាយមិនទាន់ចប់សព្វគ្រប់នៅឡើយ ជាពិសេស បញ្ហាដីធ្លីជាដើម។ល។ លោក ប្រាក់ សុវណ្ណ បានមានប្រសាសន៍ ដាស់តឿនក្រើនរំលឹក ដល់កងកម្លាំងសមត្ថកិច្ចទាំត៣ប្រភេទ…

ឯកឧត្តម នេត្រ ភក្ត្រា រដ្ឋលេខាធិការក្រសួងបរិស្ថាន នៅថ្ងៃទី១០ ខែមិថុនា ឆ្នាំ២០២០ បានចូលរួមបើកការ ជម្រឿនសត្វត្មាតប្រចាំឆ្នាំនៅកម្ពុជាដែលធ្វើឡើងនៅក្នុងសហគមន៍ដងផ្លិត-អាហារដ្ឋានត្មាត ក្នុងភូមិសាស្ត្រនៃដែនជម្រកសត្វព្រៃឆែប ក្នុងស្រុកឆែប ខេត្តព្រះវិហារដោយមានការចូលរួមពីអាជ្ញាធរខេត្ត មន្ត្រីគម្រោងព្រៃឡង់បៃតង និងមន្ត្រីជំនាញក្រសួងបរិស្ថាន។ ការជម្រឿនរបាយប្រជាជនសត្វត្មាតនេះសហការរៀបចំឡើងដោយអង្គការសមាគមអភិរក្សសត្វព្រៃប្រចាំកម្ពុជា (WCS) និងក្រសួងបរិស្ថានត្រូវបានធ្វើនៅក្នុងតំបន់ចំនួន ៥ កន្លែងដែលមានវត្តមានសត្វត្មាតរស់នៅ។ ឯកឧត្តម នេត្រ ភក្ត្រា រដ្ឋលេខាធិការក្រសួងបរិស្ថាន បានមានប្រសាសន៍ថា ការជម្រឿនសត្វត្មាតបានធ្វើឡើង នៅចំនួន ៥ ទីតាំងផ្សេងគ្នារួមមាន នៅសៀមប៉ាង ក្នុងដែនជម្រកសត្វព្រៃសៀមប៉ាងក្នុងខេត្តស្ទឹងត្រែង នៅអាហារដ្ឋានត្មាតចំណុចវាលបឹងទាល់ ស្ថិតនៅសហគមន៍ព្រៃអណ្តូងដងផ្លិត ក្នុងដែនជម្រកសត្វព្រៃឆែបក្នុងខេត្តព្រះវិហារ នៅដែនជម្រកសត្វព្រៃស្រែពក ខេត្តមណ្ឌលគិរី នៅស្រែអង្ក្រងក្នុងតំបន់សេសាននៅស្ទឹងត្រែង និងដែនជម្រកសត្វព្រៃលំផាត់នៅក្នុងភូមិសាស្ត្រខេត្តរតនគិរី។ តាមការឱ្យដឹងរបស់ឯកឧត្តម នេត្រ ភក្ត្រា ដែលបានចូលរួមសង្កេតដោយផ្ទាល់នៅនៅអាហារដ្ឋានត្មាតចំណុចវាលបឹងទាល់ ស្ថិតនៅសហគមន៍ព្រៃអណ្តូងដងផ្លិត ក្នុងដែនជម្រកសត្វព្រៃឆែបក្នុងខេត្តព្រះវិហារ នៅព្រឹកថ្ងៃទី១០ ខែមិថុនា បានថ្លែងថាសត្វត្មាតចំនួន ៣៤ ក្បាលបានចុះមកស៊ីសត្វគោងាប់ដែលជាចំណីរៀបចំបន្ថែមដោយអង្គការ WCS ក្រោមការឧបត្ថម្ភគាំទ្ររបស់គម្រោងព្រៃឡង់បៃតង ក្នុងនោះសត្វត្មាតផេះចំនួន ៩ ក្បាល ត្មាតភ្លើងចំនួន ៣…