(ព្រៃវែង)៖ នាព្រឹកថ្ងៃទី០៨ ខែមិថុនា ឆ្នាំ២០២០ ឯកឧត្តមកិត្តិសេដ្ឋាបណ្ឌិត ឆាយ ថន ទេសរដ្ឋមន្ត្រី រដ្ឋមន្ត្រីក្រសួងផែនការ បានអញ្ជើញដឹកនាំគណៈប្រតិភូ ចុះត្រួតពិនិត្យដំណើរការអនុវត្តអត្តសញ្ញាណកម្មគ្រួសារក្រីក្រតាមការស្នើសុំ ក្នុងអំឡុងពេលកូវីដ១៩ នៅខេត្តព្រៃវែង អមដំណើរដោយឯកឧត្តម Pablo Chiho Kang ឯកអគ្គរដ្ឋទូតអូស្ត្រាលី (Australia) ប្រចាំព្រះរាជាណាចក្រកម្ពុជា, Mr. Benjamin ឯកអគ្គរដ្ឋទូតរងសហភាពសហព័ន្ធអាល្លឺម៉ង់ប្រចាំព្រះរាជាណាចក្រកម្ពុជា ,តំណាងអង្គការGIZ ព្រមទាំងឯកឧត្តមអភិបាលរងខេត្ត អភិបាលស្រុកមេសាង ស្រុកបាភ្នំ អាជ្ញាធរមានមូលដ្ឋានពាក់ព័ន្ធ និង មន្ត្រីជំនាញទទួលបន្ទុកអនុវត្តកម្មវិធីអត្តសញ្ញាណកម្មគ្រួសារក្រីក្រ នៃក្រសួងផែនការ ចូលរួមផងដែរ។ ក្នុងដំណើរចុះត្រួតពិនិត្យនេះ ឯកឧត្តមកិត្តិសេដ្ឋាបណ្ឌិត និងគណៈប្រតិភូ បានចុះពិនិត្យផ្ទាល់ទៅដល់លំនៅដ្ឋានគ្រួសារក្រីក្រ ដែលបានដាក់ពាក្យស្នើសុំ ក្នុងអំឡុងពេលកូវីដ១៩នេះ ដែលមានគ្រួសារធ្លាក់ខ្លួនក្រីក្រដោយសារជំងឺប្រចាំកាយ គ្រួសារក្រីក្រដែលប្រើប្រាស់អំពើហិង្សាក្នុងគ្រួសារ ក្នុងភូមិស្នាយបុណ្យ ភូមិត្រពាំងស្គន់ ភូមិព្រៃភ្ញៀម និងបានចុះសំណេះសំណាល វាយតម្លៃ ពិនិត្យផ្ទាល់លើការអនុវត្តជាក់ស្តែងរបស់ក្រុមប្រឹក្សាឃុំជីផុច ស្រុកមេសាង និងឃុំរោងដំរី ស្រុកបាភ្នំ ខេត្តព្រៃវែង។ ឆ្លៀតក្នុងឱកាសចុះពិនិត្យផ្ទាល់នេះផងដែរ ឯកឧត្តមកិត្តិសេដ្ឋាបណ្ឌិត បានជួបពិភាក្សាដាច់ដោយឡែកជាមួយឯកឧត្តម Pablo Chiho…

  ភ្នំពេញ៖ មនុស្សប្រុស ស្រី៣នាក់ បានរងរបួសក្នុងករណី កាប់ប្រហារមិនញញើតដៃបង្កឡើងដោយយុវជនម្នាក់ស្រវឹងស្រាជោគជាំស្រែកឡូឡាតាមផ្លូវស្រាប់តែយកកាបិតប៉័ងតោកាប់ទៅលើជនរងគ្រោះទាំង៣នាក់ ក្រោយមកត្រូវសមត្ថកិច្ចចាប់ខ្លួន ចោទពីបទ ហិង្សាដោយចេតនាមានស្ថានទម្ងន់ទោស ប្រើកាំបិតប៉័ងតោកាប់បណ្តាលរងរបួស ។     ករណីកាប់ប្រហារបណ្តាលអោយរបួស៣នាក់នេះបានកើតឡើងនៅមុខផ្ទះលេខ៤៩៤ ភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ នៅថ្ងៃទី ០៦-០៦-២០២០ ម៉ោង១៧និង៣០នាទី។      ជនរងគ្រោះទាំង៣នាក់មាន  ទី១ ឈ្មោះភួន ទុយ ភេទប្រុស អាយុ៥១ឆ្នាំ ជាតិខ្មែរ មុខរបរកងរាជអាវុធហត្ថ។    ជនរងគ្រោះទី២ ឈ្មោះជា ស្រី ភេទស្រី អាយុ ៣៦ឆ្នាំ ជនជាតិ ខ្មែរ មុខរបរ លក់ដូរ។    ជនសង្ស័យឈ្មោះ បុង ស៊ីយុន ភេទ ប្រុស អាយុ ៣៣ឆ្នាំ ជនជាតិ ខ្មែរ មុខរបរ លក់ដូរ        ជនរងគ្រោះទាំង៣នាក់ស្នាក់នៅក្នុងភូមិកើតហេតុ។    ជនសង្ស័យមានឈ្មោះ បុង ស៊ីយុន ភេទ ប្រុស…

នៅទីស្តីការក្រសួងមហាផ្ទៃ នារសៀលថ្ងៃចន្ទទី៨ ខែមិថុនា ឆ្នាំ២០២០នេះ ក្រសួងមហាផ្ទៃ បានបើកកិច្ចប្រជុំក្រុមការងាររៀបចំធ្វើសេចក្តីព្រាងច្បាប់វិសោធនកម្មច្បាប់ ស្តីពីអន្តោប្រវេសន៍នៃព្រះរាជាណាចក្រកម្ពុជា ក្រោមអធិបតីភាព ឯកឧត្តម សន្តិបណ្ឌិត សុខ ផល រដ្ឋលេខាធិការក្រសួងមហាផ្ទៃ និងជាប្រធានក្រុមការងារ ដោយមានការចូលរួមពី រដ្ឋលេខាធិការ អនុរដ្ឋលេខាធិការ អគ្គលេខាធិការរង ប្រធាន អនុប្រធាន សមាជិក ក្រុមការងារ ព្រមទាំងមន្ត្រីពាក់ព័ន្ធផងដែរ។ ឯកឧត្តមសន្តិបណ្ឌិត សុខ ផល បានមានប្រសាសន៍ថា កិច្ចប្រជុំថ្ងៃនេះដើម្បីផ្លាស់ប្តូរគំនិតយោបល់ ព្រមទាំងប្រមូលផ្តុំគំនិត សម្រាប់រៀបចំរាយការណ៍ស្តីពីសេចក្តីព្រាងច្បាប់ វិសោធនកម្មច្បាប់លើការងារអន្តោសន៍ដែលក្រុមការងារបានព្រាង និងឆ្លងជាបន្តបន្ទាប់ជូនសម្តេចក្រឡាហោម ស ខេង ដើម្បីសុំគោលការណ៍ណែនាំ ដោយកិច្ចប្រជុំជាមួយសម្តេចក្រឡាហោម នឹងធ្វើឡើងនៅថ្ងៃទី១៦ ខែមិថុនា ឆ្នាំ២០២០ខាងមុខនេះ។ ក្នុងកិច្ចប្រជុំនេះផងដែរ ឯកឧត្តម ប៊ុន ហុន ក៏បានមានប្រសាសន៍ឱ្យដឹងថា បើយើងគិតអំពីការធ្វើច្បាប់យើងអាចរៀបចំធ្វើវិសោធនកម្ម ដើម្បីឱ្យវាមានប្រវត្តិថាច្បាប់នេះមិនមែនជាច្បាប់ដែលទើបធ្វើថ្មីនោះទេ គឺជាច្បាប់ធ្វើបន្តពីឆ្នាំ១៩៩៤។ ចំណុចដែលទាក់ទងទៅនឹងការធ្វើវិសោធនកម្មនេះផងដែរ ឯកឧត្តម ឯកភាពតាមឯកឧត្តម សន្តិបណ្ឌិត សុខ ផល រដ្ឋលេខាធិការ ក្រសួងមហាផ្ទៃ…

សមត្ថកិច្ចនគរបាលខេត្តព្រះសីហនុបង្ក្រាប បានករណីជនជាតិចិនចាប់បង្ខាំងជនជាតិដូចគ្នាធ្វើទារុណកម្មជំរិតទារប្រាក់ ដោយចាប់បានឧក្រិដ្ឋជនចំនួន4នាក់ ។ ប្រតិបត្តិការនេះបានចាប់ផ្តើមតាំងពីថ្ងៃទី5 ខែមិថុនា ឆ្នំា២០២០ ក្រោយពីបានទទួលបណ្តឹងពីមិត្តភក្តិជនរងគ្រោះ។ហើយនៅថ្ងៃទី៧ ខែមិថុនា ឆ្នាំ2020 ចាប់បាន២នាក់នៅកំពង់ស្ពឺ និង២នាក់ទៀត នៅចំណុចពយថ្មយក្ស ស្រុកស្ទឹងហាប កាលពីរសៀថ្ងៃទី៨ មិថុនា ២០២០។មិត្តភក្តិជនរងគ្រោះថា មិត្តរបស់គាត់ឈ្មោះ វ៉ាង វិនស៊ីង ជាអ្នករកស៊ី ត្រូវជាតិចិនមួយក្រុមចាប់យកទៅដាក់នៅកន្លែង១កាលពីម៉ោង៤,១០នាទីទាបភ្លឺថ្ងៃទី៥មិថុនា២០២០ និងបានយកទូរសព្ទ ទាក់ទងប្រពន្ធជនរងគ្រោះនៅស្រុកចិនទារប្រាក់ចំនួន៥០ម៉ឺនយន់ជាថ្នូរនឹងការដោះលែង បើមិនវេរលុយអោយទេគេគម្រាមថានឹងសម្លាប់ចោល។ (វ៉ុន)      

នៅថ្ងៃនេះសត្វឈ្លូសឈ្មោលជំទង់ដ៏ល្អមួយក្បាល ត្រូវបានគេព្រលែងឱ្យត្រលប់ទៅទីជម្រកធម្មជាតិរបស់វាវិញ នៅក្នុងដែនជម្រកសត្វព្រៃស្រែពកដែលជាតំបន់ការពារស្ថិតក្រោមការគ្រប់គ្រងរបស់មន្ទីរបរិស្ថានខេត្តមណ្ឌលគិរីនិងការគាំទ្រដោយអង្គការWWF។ បន្ទាប់ពីគេបានពិនិត្យនិងវិភាគស្ថានភាពសុខភាពសត្វឈ្លូសនេះហើយ គេបានផ្តល់ការព្យាបាល និងថែរក្សាវាបានយ៉ាងសមស្របកាលពីក្នុងរយៈពេលពីរថ្ងៃកន្លងទៅនេះដើម្បីជួយ សង្គ្រោះវាពីការចុះខ្សោយកម្លាំងខ្លាំងនិងការរងសំពាធដែលបណ្តាលមានកម្រិតស្ត្រេសខ្ពស់ (myopathy)។ កាលពីថ្ងៃទី ៥ ខែមិថុនា ពលរដ្ឋសហគមន៍មូលដ្ឋានម្នាក់រស់នៅក្នុងស្រុកពូជ្រៃនៃខេត្តមណ្ឌលគិរី បាន រាយការណ៍ជូនកំលាំងអនុវត្តច្បាប់នៃមន្ទីរបរិស្ថានខេត្ត ថាខ្លួនបានប្រទះឃើញសត្វឈ្លូសមួយក្បាលដែលទំនង ជាឈឺ ឬរងរបួសនៅទីតាំងភូមិដែលមានព្រំប្រទល់ជាប់នឹងតំបន់ព្រៃធម្មជាតិ។ បន្ទាប់ពីបានចុះទៅដល់ទីតាំង ផ្ទាល់ហើយបានទទួលយកសត្វឈ្លូសនោះពីអ្នករាយការណ៍ ក្រុមអនុវត្តច្បាប់នៃមន្ទីរបរិស្ថាន និងបុគ្គលិកអង្គការ WWF បានពិនិត្យនិងវិភាគបឋមភ្លាមៗដោយមានការចូលរួមជ្រោមជ្រែងយ៉ាងសកម្មពីអ្នកជំនាញពេទ្យសត្វ មកពីមន្ទីរកសិកម្មរុក្ខាប្រមាញ់និងនេសាទផងដែរ។ បន្ថែមពីលើនេះទៀត ក្រុមការងារក៏បានប្រឹក្សាយោបល់ វេជ្ជសាស្រ្តជាមួយអ្នកជំនាញមកពីមជ្ឈមណ្ឌលអង្គរសម្រាប់ការអភិរក្សជីវៈចម្រុះនិងក្រុមភ្នាក់ងារពេទ្យសត្វផ្សេងទៀតផងដែរ។ ជាលទ្ធផល ក្រុមអ្នកជំនាញបានសន្និដ្ឋានថាសត្វឈ្លូសមួយនេះខ្សោះជាតិទឹកខ្លាំងនិងមានកម្រិត ស្ត្រេសខ្ពស់ តែមិនមានរងរបួសអ្វីទេ។ ដូច្នេះក្រុមការងារបានផ្តល់អាហារនិងទឹកដល់វា ព្រមទាំងបានផ្តល់ការ ព្យាបាលចាំបាច់នានា និងការថែទាំបន្តជាប់ជាប្រចាំរហូតដល់អ្នកជំនាញបានបញ្ជាក់ថាសត្វឈ្លូសនេះមាន សុខភាពប្រសើរឡើងវិញ និងមានលទ្ធភាពអាចវិលត្រលប់ទៅក្នុងព្រៃវិញបាន។  

ខេត្តព្រះវិហារ៖ ការជំរុញដល់សកម្មជនបក្សមូលដ្ឋាន ពីសំណាក់សមាជិកអចិន្ត្រៃយ៍គណៈកម្មាធិការគណបក្សខេត្ត និងជាប្រធានក្រុមការងារ យុវជនគណបក្ស ខេត្តព្រះវិហារ លោក យុង គឹមហ៊ាន នៅក្នុងឱកាសដែលលោកបានអញ្ជើញជាអធិបតី ក្នុងពិធីប្រកាសកែសម្រួល និងតែងតាំងសមាសភាព ក្រុមការងារយុវជនគណបក្សស្រុក កាលពីថ្ងៃទី៧មិថុនាឆ្នាំ២០២០ នៅស្នាក់ការគណបក្សស្រុកឆែប ខេត្តព្រះវិហារ។ ពិធីនោះទៀត ក៏មានការអញ្ជើញចូលរួមជាអធិបតី ពីសំណាក់ សមាជិកគណៈកម្មាធិការគណបក្សខេត្ត និងជាប្រធានគណៈកម្មាធិការគណបក្សស្រុកឆែប ខេត្តព្រះវិហារ លោក សុខ សាន្តតារ៉ា , គណៈកម្មាធិការគណបក្សស្រុក ក្រុមការងារយុវជនគណបក្សខេត្ត ស្រុក និងក្រុមសកម្មជនយុវជនគណបក្ស ប្រមាណជិត ១០០នាក់។ ប្រធានក្រុមការងារយុវជនគណបក្សស្រុកឆែប លោក អ៊ុន សុផល បានឡើងរាយការណ៍ អំពី សមាសភាពក្រុមការងារ និងក្រុមសកម្មជនយុវជនគណបក្សស្រុក ដែលបានអនុវត្តការងារតាមគោលការណ៍បក្ស និងបានចូលរួមក្នុងវិស័យសង្គមធម៌ និងមនុស្សធម៌ ជាច្រើននៅថ្នាក់មូលដ្ឋាន ស្របទៅតាមគោលនយោបាយ និងទស្សនវិស័យរបស់បក្ស ដែលបានដាក់ចុះឲ្យអនុវត្តន៍នាពេលកន្លងមក បានយ៉ាងល្អប្រសើរ តែក៏នៅមានខ្វះចន្លោះចំណុចខ្លះៗ ដែលត្រូវអនុវត្តន៍បន្តឲ្យបានជោគជ័យ នៅពេលខាងមុខ។ លោក អ៊ុន សុផល ក្នុងនាមក្រុមការងារយុវជនគណបក្សស្រុក…