កំពង់ធំ៖ ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម កាលពីរសៀលថ្ងៃទី២៩ ខែឧសភា ឆ្នាំ២០២០នេះ បានណែនាំនូវការងារអាទិភាពចំនួន១១ចំណុចដល់មន្ត្រីមន្ទីរពាណិជ្ជកម្ម និងមន្ត្រីសាខាការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ (ក.ប.ប.) ឱ្យខិតខំយកចិត្តទុកដាក់អនុវត្តន៍ការងារឲ្យមានប្រសិទ្ធភាពខ្ពស់ ដើម្បីផ្ដល់ភាពងាយស្រួល និងទំនុកចិត្តជូនប្រជាពលរដ្ឋ។ ការដាក់ចេញការងារអាទិភាពនេះ ធ្វើឡើងក្នុងឱកាសដែល ឯកឧត្តមរដ្ឋមន្រ្តី បានអញ្ជើញជាអធិបតីក្នុងពិធីសំណេះសំណាលជាមួយមន្ត្រីរាជការមន្ទីរពាណិជ្ជកម្ម និងសាខា ក.ប.ប ខេត្តកំពង់ធំ ដែលមានការចូលរួមពីឯកឧត្តម លោកជំទាវ ថ្នាក់ដឹកនាំក្រសួងពាណិជ្ជកម្ម មន្ត្រីមន្ទីរពាណិជ្ជកម្ម និងសាខា ក.ប.ប ជាច្រើនរូបទៀត។ ក្នុងឱកាសនោះ ឯកឧត្តមរដ្ឋមន្ត្រី បានផ្តល់នូវគោលការណ៍ណែនាំ លើការងារសំខាន់ៗមួយចំនួន ដែលមន្ត្រីមន្ទីរពាណិជ្ជកម្ម និងមន្ត្រីសាខា ក.ប.ប ត្រូវយកចិត្តទុកដាក់ខិតខំសម្រេចឱ្យបានដូចខាងក្រោម៖ទី១៖ត្រូវខិតខំបំពេញតួនាទី និងភារកិច្ចរបស់មន្ទីរពាណិជ្ជកម្ម ដែលជាអង្គភាពរដ្ឋបាលតំណាងឱ្យក្រសួងពាណិជ្ជកម្ម ទទួលបន្ទុកអនុវត្តវិស័យពាណិជ្ជកម្ម នៅថ្នាក់ក្រោមជាតិ និងសម្របសម្រួលតាមសកម្មភាពរបស់ក្រសួង។ ទី២៖ក្រសួងពាណិជ្ជកម្ម បានធ្វើកែសម្រួលរចនាសម្ព័ន្ធតាមរយៈអនុក្រឹត្យលេខ៣៨ អនក្រ បក ចុះថ្ងៃទី១៦ ខែមីនា ឆ្នាំ២០២០ ស្តីពីការរៀបចំ និងការប្រព្រឹត្តទៅរបស់ក្រសួងពាណិជ្ជកម្មថ្មី…

សៀមរាប៖ សិក្ខាកាមពលទាហាថ្មីបំពេញក្របខ័ណ្ឌកងទ័ពជើងគោកឆ្នាំ២០២០ ចំនួន៣៩៥នាក់ ក្នុងនោះពលទាហាននារីចំនួន១១នាក់ ត្រូវបានបិទវគ្គហ្វឺកហ្វឺន នៅសាលាពលទាហានទី៤ មិត្ដភាពកម្ពុជា វៀតណាម ស្ថិតនៅស្រុកបន្ទាយស្រី ខេត្ដសៀមរាប កាលពីព្រឹកថ្ងៃទី២៩ខែឧសភាឆ្នាំ២០២០នេះ ដើម្បីបំពេញការងារនៅតាមអង្គភាពនានា ដែលចំណុះអោយនៅក្នុងយោធភាគទី៤ ។ លោកឧត្ដមសេនីយឯក ពៅ ហេង មេបញ្ជាការ រងកងទ័ពជើងគោក និងជាមេបញ្ជាការយោធភូមិភាគទី៤ មានប្រសាសន៍ថា វគ្គហ្វឺកហ្វឺនេះ មានរយៈពេល៣ខែចាប់ពីខែមីនា ដល់ខែឧសភា ឆ្នាំ២០២០នេះ ។ ការហ្វឹកហ្វឺននេះ មានគោលបំណងនៃវគ្គហ្វឹកហ្វឺនដល់ពលទាហានថ្មី បំពេញក្របខ័ណ្ឌនាពេលនេះ ដើម្បីឲ្យពលទាហានទាំងអស់ យល់ច្បាស់អំពីរបៀបរបប សណ្តាប់ធ្នាប់ យល់ដឹងនូវលក្ខខ័ន្តិកៈ បទវិន័យទូទៅ នៃកងយោធពលខេមរភូមិន្ទ មានសមត្ថភាពគ្រប់គ្រាន់ ចេះផែនទី និងត្រីវិស័យ ប្រើប្រាស់ស្ទាត់ជំនាញនូវអាវុធថ្មើរជើង ច្បាស់លាស់មានការយល់ដឹងអំពីកលល្បិច យុទ្ធវិធីក្នុងការវាយលុក ទប់ស្កាត់ ជាមួយសត្រូវ និងវិធីសាស្ត្រក្នុងការឆ្លងកាត់គ្រប់ឧបសគ្គក្នុងការបំពេញបេសកកម្ម ជាពិសេសលើកកម្ពស់ស្មារតី សីលធម៌ អត្តចរិតថ្លៃថ្នូរ សមរម្យ មានកាយ សម្បទាមាំមួនបង្កើនសមត្ថភាពយល់ដឹងកាន់តែច្បាស់ អំពីតួនាទីភារកិច្ចចាំបាច់ ក្នុងការការពារជាតិ មាតុភូមិ ការពារអធិបតេយ្យភាព…

ភ្នំពេញ៖ ព្រឹទ្ធាចារ្យចម្រៀងអាយ៉ៃ ស្រុកខ្មែរយើងលោក ឈិន ឈាង បានទទួលមរណភាពហើយ នាវេលាម៉ោង៣ និង៤៥នាទីរសៀល ថ្ងៃទី២៩ ខែឧសភា ឆ្នាំ២០២០ ក្នុងជន្មាយុ៧៥ឆ្នាំ ដោយរោគាពាធ ហើយការបាត់បង់នេះជាការបាត់បង់សម្បត្តិមនុស្សរស់មួយរបស់កម្ពុជា។ សពតម្កល់ធ្វើបុណ្យ ក្នុងគេហដ្ឋានរបស់លោក នៅសង្កាត់បឹងកក់២ ខណ្ឌទួលគោក ក្រោយវត្តនាគវ័ន្ត រាជធានីភ្នំពេញ។ អ្នកស្រី អ៊ុក សុផា ដែលត្រូវជាភរិយារបស់លោកព្រឹទ្ធាចារ្យ ឈិន ឈាង ប្រាប់អ្នកសារព័ត៌មានឲ្យដឹងថា សពរបស់លោកព្រឹទ្ធាចារ្យ នឹងត្រូវយកទៅបញ្ចុះនៅខេត្តកាកែវ ក្នុងស្រុកបាទី នាថ្ងៃចន្ទទី១ ខែមិថុនា។ ព្រឹទ្ធាចារ្យ ឈិន ឈាង ជាសិល្បករពហុជំនាញផ្នែកសិល្បៈបុរាណ ដែលមានទេពកោសល្យខ្ពស់លើសិល្បៈអាយ៉ៃ។ បន្ថែមពីនោះ លោកចេះសម្ដែងល្ខោនបាសាក់ យីកេ និងចេះលេងចាប៉ីដងវែង ព្រមទាំងលេងឧបករណ៍ភ្លេងបុរាណច្រើនប្រភេទទៀត។ ព្រឹទ្ធាចារ្យ ឈិន ឈាង បានប្រឡូកក្នុងវិស័យសិល្បៈបុរាណ តាំងពីក្នុងអំឡុងទសវត្សរ៍ឆ្នាំ១៩៦៥ មកម្ល៉េះ។  ក្នុងចំណោមកូនទាំង៧នាក់របស់លោក មិនមានកូនណាម្នាក់ មានឧបនិស្ស័យខាងសិល្បៈឡើយ។ ខាងលើនេះ…

ភ្នំពេញ៖ បុរសម្នាក់ពិតជាមហាសំណាង ដោយបានឈ្នះនូវរង្វាន់ទឹកប្រាក់១០ម៉ឺនដុល្លារ ពីក្រុមហ៊ុនសែលកាត តាមរយៈការផ្ញើសារផ្សងសំណាងក្នុងកម្មវិធី ”ផ្ញើសារឈ្នះប្រាក់រង្វាន់១ម៉ឺនដុល្លារជារៀងរាល់ថ្ងៃ” ប៉ុណ្ណោះ ។ បុរសមានសំណាងរូបនេះមានឈ្មោះ ពេញ ភារ៉ូ បច្ចុប្បន្នស្នាក់នៅសង្កាត់ដង្កោ ខណ្ឌដង្កោ រាជធានីភ្នំពេញ៖ គួរបញ្ជាក់ថា គិតរហូតមកដល់ពេលនេះ ក្រុមហ៊ុន សែលកាត នៅតែបន្តប្រគល់រង្វាន់ ជាបន្តបន្ទាប់គ្រប់ទូទាំងខេត្ត-ក្រុង អតិថិជនរបស់ខ្លួន។ ដើម្បីឈ្នះរង្វាន់ ១ម៉ឺនដុល្លារអាមេរិក ជារៀងរាល់ថ្ងៃ ពីក្រុមហ៊ុន សែលកាតអតិថិជនក្រុមហ៊ុនមួយនេះគ្រាន់តែ ផ្ញើសារជាអក្សរ «10K» រួចផ្ញើ ទៅកាន់លេខ «8888» ឬ ក៏ទូរសព្ទទៅកាន់លេខ «8888» នោះគេនឹងទទួលបានសារ ផ្ញើត្រឡប់មកវិញ ដោយភ្ជាប់មកជាមួយ នឹងលេខកូដសំណាង ហើយសូមរក្សា សារនោះទុក ដើម្បីផ្ទៀងផ្ទាត់៕

កំពង់ធំ៖ ការតែងតាំងប្រធានមន្ទីរពាណិជ្ជកម្មខេត្ត គឺជាព្រឹត្តិការណ៍ដ៏មានសារៈសំខាន់ សម្រាប់ក្រសួងពាណិជ្ជកម្ម ក្នុងការបំពេញបន្ថែមនូវក្បាលម៉ាស៊ីន ដើម្បីជួយពង្រឹងប្រសិទ្ធភាពគ្រប់គ្រង និងដឹកនាំអង្គភាព សំដៅបម្រើសេវាសាធារណៈនៅថ្នាក់ក្រោមជាតិ ឆ្លើយតបនឹងគោលអភិបាលកិច្ចល្អ ដែលជាស្នូលនៃយុទ្ធសាស្ត្រចតុកោណ ដំណាក់កាលទី៤ នេះបើតាមការបញ្ជាក់របស់ ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម។ នៅក្នុងពិធីប្រកាសចូលកាន់មុខតំណែងរបស់លោក ហៀវ វណ្ណា ប្រធានមន្ទីរពាណិជ្ជកម្មខេត្តកំពង់ធំថ្មី ជំនួសលោក ស៊ុន ហេង (ចូលនិវត្តន៍) ដែលរៀបចំឡើងនៅសាលប្រជុំរដ្ឋបាលខេត្តកំពង់ធំ កាលពីរសៀលថ្ងៃទី២៩ ខែឧសភា ឆ្នាំ២០២០នេះ ក្រោមអធិបតីភាព ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម និងមានការអញ្ជើញចូលរួមពីឯកឧត្ដម ឈន់ ឈុន ប្រធានក្រុមប្រឹក្សាខេត្ត ឯកឧត្តម សុខ លូ អភិបាលនៃគណៈអភិបាលខេត្ត តំណាងអាជ្ញាធរដែនដី ថ្នាក់ដឹកនាំ និងមន្ត្រីនៃមន្ទីរពាក់ព័ន្ធ រួមជាមួយវិស័យឯកជន ជាច្រើននាក់។ ឯកឧត្តមរដ្ឋមន្ត្រី ប៉ាន សូរស័ក្តិ បានមានប្រសាសន៍បន្ថែមទៀតថា ក្រសួងពាណិជ្ជកម្ម បានកំពុងអនុវត្តយុទ្ធសាស្ត្រសមាហរណកម្ម ពាណិជ្ជកម្មកម្ពុជា…

ធនាគារ ជីប ម៉ុង ដែលកំពុងបោះជំហានយ៉ាងលឿនក្នុងវិស័យហិរញ្ញវត្ថុ និងធនាគារនៅកម្ពុជា នៅថ្ងៃទី២៩ ខែឧសភានេះ បានចុះអនុស្សារណៈនៃការយោគយល់គ្នាជាមួយក្រុមហ៊ុនចំនួន៦បន្ថែមទៀត លើភាពជាដៃគូពាណិជ្ជកម្មសម្រាប់សេវាកម្មប្រាក់បៀវត្ស ធ្វើឲ្យចំនួនគណនីបើកប្រាក់បៀវត្ស តាមរយៈធនាគារមួយនេះឡើងដល់ជាង១០០០០គណនី ។ លោក ហុង សុខឡេង អគ្គនាយករងជាន់ខ្ពស់ធនាគារ ជីប ម៉ុង បានបញ្ជាក់ថា សេវាបើកប្រាក់បៀវត្ស ធនាគារ ជីប ម៉ុង បានផ្តល់ជូនអត្ថប្រយោជន៍យ៉ាងច្រើនសម្រាប់ទាំងម្ចាស់ពាណិជ្ជកម្ម និងបុគ្គលិករបស់ក្រុមហ៊ុន ។ លោក សុខឡេង បន្ថែមថា អត្ថប្រយោជន៍ទាំងអស់នោះរួមមាន រាល់ព័ត៌មានអំពីប្រាក់បៀវត្សរបស់បុគ្គលិក ដែលបានជ្រើសរើសបើកតាមរយៈធនាគារ ជីប ម៉ុង ត្រូវបានរក្សាជាការសម្ងាត់ ទទួលបានអត្រាការប្រាក់ខ្ពស់រហូតដល់២ភាគរយក្នុងមួយឆ្នាំលើគណនីប្រាក់បៀវត្ស និងអាចទទួលបានអាទិភាពក្នុងការស្នើសុំប្រាក់កម្ចីកាន់តែងាយស្រួល និងឆាប់រហ័ស ព្រមទាំងអត្ថប្រយោជន៍ផ្សេងៗជាច្រើនទៀត។ វត្តមានក្នុងទីផ្សារហិរញ្ញវត្ថុ និងធនាគាររយៈពេលពីរឆ្នាំកន្លងមកនេះ ធនាគារ ជីប ម៉ុង បានអភិវឌ្ឍនូវសេវាកម្មធនាគារសំខាន់ៗ ដែលរាល់ផលិតផលនីមួយៗត្រូវរចនាសមស្រប និងតម្រូវតាមអតិថិជន រួមមាន កម្ចីផ្ទាល់ខ្លួន សេវាធនាគារតាមប្រព័ន្ធឌីជីថល ឥណទានពាណិជ្ជកម្ម និងភ្នាក់ងារធនាគារ…

    ក្រសួងការងារ និងបណ្ដុះបណ្ដាលវិជ្ជាជីវៈ នៅថ្ងៃទី២៩ ខែឧសភា ឆ្នាំ២០២០នេះ បានចេញសេចក្ដីជូនដំណឹងដល់ អតីតបុគ្គលិកសណ្ឋាគារ The Great Duke ទៅបើកប្រាក់អត្ថប្រយោជន៍ដោយផ្ទាល់ខ្លួន ចាប់ថ្ងៃទី៣០ ខែឧសភា ឆ្នាំ២០២០នេះ ទៅទីស្ដីការក្រសួងការងារ។   សេចក្ដីជូនដំណឹងដដែល បញ្ជាក់ថា ក្រុមការងារក្រសួង នឹងបើកថវិកាជូនបុគ្គលិកទាំងអស់ ដោយផ្ទាល់ដៃសាមីខ្លួនតែម្ដង ប៉ុន្ដែសាមីខ្លួនត្រូវភ្ជាប់ឯកសារទៅជាមួយ រួមមាន៖   *ទី១៖ កាតសម្គាល់ខ្លួនជាបុគ្គលិកក្នុងក្រុមហ៊ុន (ច្បាប់ដើម) *ទី២៖ អត្ដសញ្ញាណបណ្ណសញ្ជាតិខ្មែត ឬលិខិតឆ្លងដែន (ច្បាប់ដើម និងភ្ជាប់ជាមួយច្បាប់ចម្លង) *ទី៣៖ សៀវភៅគ្រួសារ ឬប័ណ្ណសមាជិក ប.ស.ស (ច្បាប់ដើម និងភ្ជាប់ជាមួយច្បាប់ថតចម្លង) *ទី៤៖ ក្នុងករណីបុគ្គលិកណាម្នាក់ទទួលមរណភាព ភាគីដែលជាប្ដី ឬប្រពន្ធ ត្រូវភ្ជាប់ជាមួយឯកសារដែលបានរៀបរាប់ខាងលើ និងភ្ជាប់មកបន្ថែមជាមួយនូវ៖ សំបុត្រមរណភាពរបស់បុគ្គលិក (សេចក្ដីចម្លងសំបុត្រមរណភាព), សំបុត្រអាពាហ៍ពិពាហ៍…

ការរាតត្បាតនៃជំងឺកូវីដ-១៩ កំពុងបង្កការប៉ះទង្គិចយ៉ាងដំណំទៅលើ​ក្បាលម៉ាស៊ីនសំខាន់ៗសម្រាប់ជំរុញកំណើនសេដ្ឋកិច្ច​របស់​កម្ពុជា ដោយសារមូលហេតុនេះ នៅក្នុងឆ្នាំ២០២០ កំណើនសេដ្ឋកិច្ច​ត្រូវ​បាន​រំពឹងទុកថា​នឹងមានល្បឿនយឺតបំផុតមិនដែលធ្លាប់ជួបប្រទះតាំងពីឆ្នាំ១៩៩៤មក ដោយ​វានឹ​ងថមថយរហូតដល់រវាង -១ និង​ -២,៩ ភាគរយ។ នេះបើតាមរបាយការណ៍ថ្មីមួយរបស់ធនាគារពិភពលោក ចេញផ្សាយនៅថ្ងៃទី២៩ ខែឧសភា​នេះ។ បាយការណ៍ «កម្ពុជានៅក្នុងកាលៈទេសៈមានវិបត្តិកូវីដ-១៩» បានឲ្យដឹងថាការរាតត្បាតនៃជំងឺកូវីដ-១៩ កំពុងបង្កការប៉ះទង្គិចយ៉ាងដំណំទៅលើ​ក្បាលម៉ាស៊ីនសំខាន់ៗសម្រាប់ជំរុញកំណើនសេដ្ឋកិច្ច​របស់​កម្ពុជា ក្នុងនោះមាន វិស័យទេសចរណ៍, ឧស្សាហកម្មនាំចេញ និងផ្នែកសំណង់ ដែលទាំងអស់នេះតំណាងឱ្យជាង ៧០ភាគរយនៃកំណើនសេដ្ឋកិច្ច និង​ផ្តល់ការងារ​មាន​កម្រៃ​ប្រមាណជា ៤០ភាគរយ នៃការងារសរុបរបស់ប្រទេស។ ដោយសារមូលហេតុនេះ នៅក្នុងឆ្នាំ២០២០ កំណើនសេដ្ឋកិច្ច​ត្រូវ​បាន​រំពឹងទុកថា​នឹងមានល្បឿនយឺតបំផុតមិនដែលធ្លាប់ជួបប្រទះតាំងពីឆ្នាំ១៩៩៤មក ដោយ​វានឹ​ងថមថយរហូតដល់រវាង -១ និង​ -២,៩ ភាគរយ។   នៅក្នុងស្ថានភាពនេះ ភាពក្រីក្រ​ក្នុងឆ្នាំ២០២០ អាចនឹងកើនឡើងពី ៣ ទៅ ១១ភាគរយ ដែលខ្ពស់ជាង​កម្រិត​នៅ​ខ្សែបន្ទាត់គោល ឬនិយាយបានម៉្យាងទៀតថា កម្រិតនៅពេលដែលគ្មានជំងឺកូវីដ-១៩ ពិសេស​ក្នុងចំណោមក្រុម​គ្រួសារ​ដែលពាក់ព័ន្ធជាមួយវិស័យសំខាន់ៗ — មាន វិស័យទេសចរណ៍, សំណង់, ពាណិជ្ជកម្ម, ឧស្សាហកម្មផលិត, និង​ឧស្សាហកម្មកាត់ដេរ — ប្រសិនបើពួកគេបាត់បង់ចំណូលអស់ ៥០ភាគរយ…