កណ្តាល ៖ ឯកឧត្តម ជាប ដាវុធ សមាជិកគណៈកម្មការកណ្តាលគណបក្សប្រជាជនកម្ពុជា និងជាប្រធានចលនាយុវជនស្រុកខ្សាច់កណ្តាល ខេត្តកណ្តាល បានថ្លែងថា យុវជន គឺជាកំលាំងមុតស្រូច ក្នុងការចូលរួមសកម្មភាពសេដ្ឋកិច្ច សង្គម នយោបាយ ដូច្នេះក្នុងឱកាសបោះឆ្នោតខាងមុខនេះ យុវជនគណបក្សប្រជាជនកម្ពុជា ត្រូវចូលរួមឲ្យបានសកម្ម ការណែនាំដល់ប្រជាពលរដ្ឋ និងការជម្រុញលើកទឹកចិត្តផ្សេងៗ ដើម្បីឲ្យពួកគាត់អញ្ជើញទៅបោះឆ្នោតឲ្យបានគ្រប់ៗគ្នា ។ឯកឧត្តមបានថ្លែងលើកឡើងបែបនេះ ខណៈអញ្ជើញធ្វើបទបង្ហាញ អំពីស្ថានការណ៍នយោបាយ និងតួនាទីរបស់យុវជន គណបក្សប្រជាជនកម្ពុជា ក្នុងកិច្ចដំណើរការ នៃការបោះឆ្នោត នៅស្នាក់ការគណបក្សស្រុកខ្សាច់កណ្តាល ខេត្តកណ្តាល ថ្ងៃទី១៦ ខែមិថុនា ឆ្នាំ២០១៨ ។ ឯកឧត្តម ជាប ដាវុធ បានបន្តថា ពាក់ព័ន្ធស្ថានភាពនយោបាយនាពេលប៉ុន្មានអាណត្តិមកនេះ កម្ពុជាបានផ្តល់សុខសន្តិភាព ពេញផ្ទៃប្រទេស ក្នុងនោះប្រជាពលរដ្ឋទទួលសិទ្ធក្នុងការរស់នៅប្រកបដោយសុខសាន្ត ដែលស្ថិតនៅក្រោមដំបូលឆ័ត្រនាំការ ដឹកនាំរបស់គណបក្សប្រជាជនកម្ពុជា ដែលមានសម្តេចតេជោ ជាប្រមុខដឹកនាំដ៏ឈ្លៀសវៃ ។ ចំណែកទាក់ទិននិងស្ថានភាព សេដ្ឋកិច្ចរបស់ប្រទេសកម្ពុជា ពីមួយឆ្នាំទៅមួយឆ្នាំ កំពុងមានការអភិវឌ្ឍន៍ ដោយរក្សាបាននូវស្ថិរភាពសេដ្ឋកិច្ចម៉ាក្រូ និងបន្តកំណែទម្រង់ឆ្ពោះទៅរកចក្ខុវិស័យថ្មី ដើម្បីប្រែក្លាយទៅជាប្រទេសមានចំណូលមធ្យមកម្រិតខ្ពស់ ។ឯកឧត្តម បន្តថា…

   ភ្នំពេញ៖ ក្រសួងធនធានទឹក និងឧតុនិយម បានឲ្យដឹងថា ចាប់ពីថ្ងៃទី១៨ ដល់ថ្ងៃទី២៤ ខែមិថុនា ឆ្នាំ២០១៨ខាងមុខនេះ ភ្លៀងនឹងធ្លាក់ខ្លាំងជាបន្ដបន្ទាប់ ​នៅតំបន់សមុទ្រ ដោយលាយឡំជាមួយ​ខ្យល់បោកបក់ខ្លាំង និងមានរលកខ្ពស់ៗ។ សេចក្ដីជូនដំណឹងរបស់ក្រសួងធនធានទឹក បានបញ្ជាក់នៅថ្ងៃទី១៧ ខែមិថុនា ឆ្នាំ២០១៨នេះថា បណ្ដារាជធានី-ខេត្តផ្សេងទៀត នឹងមានភ្លៀងធ្លាក់រាយប៉ាយជាបន្ដបន្ទាប់ ក្នុងបរិមាណពីមធ្យមទៅបង្គួរ។ ដូច្នេះហើយ ការធ្វើដំណើរ និងការនេសាទតាមសមុទ្រ គួរផ្អាកសកម្មភាពជាបណ្ដោះអាសន្ន ចាប់ពីថ្ងៃទី១៨ ដល់ថ្ងៃទី២៤ ខែមិថុនា ឆ្នាំ២០១៨ ព្រោះជៀសវាងកើតមានគ្រោះថ្នាក់ផ្សេងៗ ជាយថាហេតុ៕

ខេត្តសៀមរាបៈ ហេតុការគ្រោះថ្នាក់ចារចរណ៍ ដ៏រន្ធត់មួយ បានកើតឡើង ខណៈពេលដែលមេឃកំពុង ភ្លៀងស្រិច នៅតាមបណ្តោយផ្លូវជាតិលេខ៦ ដែលលាតសន្ធឹងពី ខេត្តសៀមរាប ទៅស្រុកក្រឡាញ់  ដែល បណ្តាលឲ្យមានមនុស្សស្លាប់ និងរបួស ធ្ងន់ស្រាល សរុប៨នាក់ កាលពីរសៀលថ្ងៃទី១៧ ខែមិថុនា ឆ្នាំ ២០១៨  នៅវេលាម៉ោង ២និង៣០នាទី ត្រង់ចំនុច ភូមិត្រពាំច្រាំង ឃុំក្រឡាញ់ ស្រុកក្រឡាញ់ ខេត្តសៀមរាប ។យោងតាមន្ត្រីចរាចរណ៍ នៃអធិការស្រុកក្រឡាញ់ បានឲ្យដឹងថា មុនពេលកើតហេតុ សភាពអាកាសធាតុ កំពុងតែភ្លៀង ព្រមទាំងចុះអ័ព ក៏បណ្តាលឲ្យរថយន្ត កូរ៉េ ៥តោន ដឹកជ្រូកបានបុកគ្នាជាមួយឡានកាម៉ារី រថយន្តកូរ៉េក្រឡាប់ធ្លាក់ស្នាមភ្លោះ បណ្តាលឲ្យជ្រូកដែលនៅ ក្នុងឡានពេញ ខ្លះងាប់ ខ្លះរស់ ក្រោយពីក្រឡាប់ឡាន់ដឹកជ្រូក បានធ្វើឲ្យជ្រូក នៅក្នុងឡាណធ្លាក់រប៉ាត់របាយ តាមស្រែ  ចំណែក រថយន្តកាម៉ារី  ពណ៌ស្ក បានជ្រុកទៅបុកជាមួយរថយន្ត លុចស៊ីស ៣៣០ ហើយបន្តរថយន្តហាយឡែឌឺ សរុប៤គ្រឿង ក្នុងហេតុការណ៍តែមួយ…

បន្ទាយមានជ័យៈ រថយន្តហាយឡិនឌឺមួយគ្រឿងត្រូវភ្លើងលេបត្របាក់អស់ទាំងស្រុងគ្រាដែលកំពុងបើកបររួចបត់ចូលចាក់សាំង  បង្ករអោយមានការភ្ញាក់ផ្អើលដល់អ្នកធ្វើដំណើរនឹងម្ចាស់ការ៉ាស់ ព្រលឹងសក់។ហេតុការណ៍នេះកើតឡើងនៅព្រឹកថ្ងៃទី១៧ខែមិថុនាឆ្នាំ២០១៨ ក្នុងបរិវេណការ៉ាស់សាំងនិងហ្គាសក្បែរកំណាត់ផ្លូវជាតិលេខ០៥ស្ថិតក្នុងភូមិថ្មី ឃុំសំរោង ស្រុកអូរជ្រៅ ខេត្តបន្ទាយមានជ័យ។    លោក សេស វិបុល អធិការនៃអធិការស្រុកអូរជ្រៅបានអោយដឹងថា រថយន្តដែលរងការឆេះជាប្រភេទរថយន្តហាយឡិនឌឺ ពណ៌ខ្មៅ ពាក់ស្លាកលេខ2AK-6805  ជិះជាលក្ខណៈគ្រួសារ។រថយន្តនោះបើកបរដោយឈ្មោះ បឿយ បៀ ភេទប្រុសអាយុ៣០ឆ្នាំ រស់នៅភូមិអូរអំបិល សង្កាត់អូរអំបិល ក្រុងសិរីសោភ័ណ។យោងតាមសម្តីម្ចាស់រថយន្តបានអោយដឹងថារថយន្តរបស់គាត់បំពាក់ប្រពន្ធ័ហ្គាស។ គាត់និងក្រុមគ្រួសារមានបំណងទៅលេងក្រុងប៉ោយប៉ែតលុះជិះដល់ពាក់កណ្តាលផ្លូវក៏ឃើញការ៉ាស់សាំងនិងហ្គាសក៏បត់ចូលក្នុងបំណងបញ្ចូលហ្គាស ដឹងអីបត់ចូលជិតដល់ហើយស្រាប់តែមានអណ្តាតភ្លើងឆាបឆេះឡើងធ្វើអោយពួកគាត់បើកទ្វារចេញស្ទើរតែមិនទាន់។     ក្រោយមានហេតុការណ៍ឆេះស្នងការដ្ឋាននគរបាលខេត្តក៏បានបញ្ចេញរថយន្តសង្គ្រោះ ចំនួនពីរគ្រឿងដើម្បីជួយបាញ់ពន្លត់ ។     លោក សេស វិបុល បានបញ្ជាក់ផងដែរថា ហេតុការណ៍ឆេះនេះវាពិតជាសំណាងសម្រាប់ម្ចាស់ការ៉ាស់ដែលរថយន្តអត់ទាន់ចូលដល់ក្នុងការ៉ាស់ក៏ឆេះ កុំអីការខាតបង់នឹងធ្ងន់ធ្ងរជាងនេះ  មួយវិញក៏សំណាងណាស់ដែរដែលមិនមាននរណាម្នាក់រងរបួស។    សមត្ថកិច្ចបានអះអាងថា រថយន្តឆេះអាចបណ្តាលមកពីការតប្រពន្ធ័ហ្គាសមិនមានស្តង់ដារត្រឹមត្រូវ ទើបបង្កអោយមានហានិភ័យដ៏ធំយ៉ាងនេះសម្រាប់គ្រួសារអ្នកអូរអំបិលម្នាក់នេះ។ដូច្នេះសូមអ្នកប្រើប្រាស់រថយន្តបំពាក់ប្រពន្ធ័ហ្គាសត្រូវបង្កើនការប្រុងប្រយ័ត្ននិងឧស្សាហ៍ឆែកមើល។

ភ្នំពេញ៖ ស្នងការនគរបាលខេត្តព្រះសីហនុ លោកឧត្តមសេនីយ៍ទោ ជួន ណារិន្ទ បានប្រាប់បណ្ដាញព័ត៌មាន នៅរសៀលថ្ងៃនេះថា អ្នកម្នាង អ៊ុក ផល្លា ពិតជាបានសោយទីវង្គត តាំងពីវេលាម៉ោង១២៖២៣នាទី ដោយសាររបួសធ្ងន់ធ្ងរពេក។ ខណៈដែលសម្ដេចក្រុមព្រះ នរោត្តម រណឫទ្ធ ត្រូវបានដឹកតាមឧទ្ធម្ភាគចក្រ មកសង្គ្រោះបន្ដនៅរាជធានីភ្នំពេញ។     ដោយសារតែស្ថានភាពរបួសធ្ងន់ធ្ងរពេក អ្នកម្នាង អ៊ុក ផល្លា បានសោយទីវង្គត នៅវេលាម៉ោងជាង១២រសៀលថ្ងៃទី១៧ ខែមិថុនា ឆ្នាំ២០១៨នេះ ក្រោយជួបគ្រោះថ្នាក់ចរាចរណ៍ ជាមួយសម្ដេចក្រុមព្រះ នរោត្តម រណឫទ្ធ កាលពីព្រឹកមិញ នៅស្រុកព្រៃនប់ ខេត្តព្រះសីហនុ។សូមបញ្ជាក់ថា សម្ដេចក្រុមព្រះ នរោត្ដម រណឬទ្ធិ ព្រះប្រធានគណបក្សហ៊្វុនស៊ិនប៉ិច នៅព្រឹកថ្ងៃនេះបានជួបគ្រោះថ្នាក់ចរាចរណ៍បណ្តាលឲ្យព្រះអង្គ និងអ្នកម្នាង អ៊ុក ផល្លា រងរបួសធ្ងន់។ គ្រោះថ្នាក់ចរាចរណ៍នេះ បានកើតឡើងនៅអំឡុងម៉ោងជាង ៩ព្រឹកថ្ងៃទី១៧ ខែមិថុនា ឆ្នាំ២០១៨នេះ នៅភូមិអូរតាសេក ឃុំអូរចំណារ ស្រុកព្រៃណប់ ខេត្ដព្រះសីហនុ ខណៈដែលព្រះអង្គកំពុងយាងទៅជួបសំណេះសំណាលជាមួយប្រជាពលរដ្ឋនៅក្នុងខេត្តព្រះសីហនុ។លោកឧត្តមសេនីយ៍ ជួន ណារិន ស្នងការនគរបាលខេត្តព្រះសីហនុ…

(ស្វាយរៀង)៖លោកស្រីកិត្តិសង្គហបណ្ឌិត ម៉ែន សំអន សមាជិកាគណៈអចិន្ត្រៃយ៍ គណៈកម្មាធិការកណ្ដាល ប្រធានក្រុមការងារថ្នាក់កណ្ដាលចុះជួយខេត្តស្វាយរៀងបានធ្វើការអំពាវនាវដល់សមាជិកសមាជិការត្រូវត្រៀមខ្លួនទៅបោះឆ្នោតអោយបានគ្រប់គ្នាដើម្បីគាំទ្របេក្ខភាពសម្តេចតេហ៊ុនសែនជានាយករដ្ឋមន្ត្រីនៅអាណត្តិទី៦និងអាណត្តិជាបន្តបន្ទាប់ទៀត។ ការអំពាវនាវបែបនេះខណះដែលលោកស្រីបានអញ្ជើញជាអធិបតីក្នុងពិធិបិទកិច្ចប្រជុំបូកសរុបការងារអនុវត្តភារកិច្ច ក្រុមការងារគណៈកម្មាធិការកណ្ដាលចុះជួយខេត្តស្វាយរៀង ដំណាក់កាលទី ៦ លើកទី ១៥-១៦-១៧ និងទិសដៅភារកិច្ចសំខាន់ៗ សម្រាប់អនុវត្តដំណាក់កាលទី ៦ លើកទី ១៨ នៅព្រឹកថ្ងៃទី ១៧ ខែ មិថុនា ឆ្នាំ ២០១៨ នៅស្នាក់ការគណបក្សប្រជាជនកម្ពុជាខេត្តស្វាយរៀង ដែលមានសមាជិកបក្សចូលរួមជិត១០០០នាក់។  លោកស្រីកិត្តិសង្គហបណ្ឌិតក៏បានវាយតម្លៃខ្ពស់ចំពោះសមិទ្ធផលដែលក្រុមការងារគ្រប់ផ្នែក រួមជាមួយថ្នាក់ដឹកនាំគណបក្សមូលដ្ឋាន ដែលបានយកចិត្តទុកដាក់សហការបំពេញភារកិច្ចសម្រេច បានជោគជ័យជាបន្ដបន្ទាប់ ជាពិសេស លទ្ធផល នៃការរក្សា សន្ដិសុខ ស្ថេរភាពនយោបាយ មុនពេល និងក្រោយពេលគណបក្ស សង្គ្រោះជាតិត្រូវរំលាយ និងលទ្ធផលនៃការចាត់តាំងអនុវត្តផែនការរួមឆ្ពោះទៅការបោះឆ្នោតជ្រើសតាំងសមាជិកព្រឹទ្ធសភា នីតិកាលទី ៤ នាថ្ងៃទី ២៥ ខែកុម្ភៈ ឆ្នាំ២០១៨ និងលទ្ធផលនៃការចាត់តាំងអនុវត្តសេចក្ដីសម្រេចស្ដីពីផែនការរួមឆ្ពោះទៅការបោះឆ្នោតជ្រើសតាំងតំណាងរាស្ត្រនីតិកាលទី៦ ឆ្នាំ២០១៨ ។ លោកស្រីបានបន្តទៀតថា ក្នុងនាមជា សមាជិក សមាជិកា របស់គណបក្សប្រជាជនកម្ពុជាត្រូវត្រៀមខ្លួនគ្រប់បែបយ៉ាង និងពង្រឹងនូវសមត្ថភាពរបស់ សមាជិកប្ស និងត្រៀមខ្លួនសម្រាប់ចូលរួមក្នុងយុទ្ធនាការឃោសនាបោះឆ្នោត…