នាព្រឹកថ្ងៃអង្គារ ៥រោច ខែកត្តិក សំរឹទ្ធិស័ក ព.ស.២៥៦២ត្រូវនឹងថ្ងៃទី២៧ ខែវិច្ឆិកា ឆ្នាំ២០១៨ វេលាម៉ោង០៩:០០នាទី សម្តេចវិបុលសេនាភក្តី សាយ ឈុំ ប្រធានព្រឹទ្ធសភានៃព្រះរាជាណាចក្រកម្ពុជា បានអនុញ្ញាតឱ្យឯកឧត្តមAmphay KINDAVONGឯកអគ្គរដ្ឋទូតវិសាមញ្ញនិងពេញសមត្ថភាពថ្មី នៃសាធារណរដ្ឋប្រជាធិបតេយ្យប្រជាមានិតឡាវប្រចាំព្រះរាជាណាចក្រកម្ពុជាចូលជួបសម្តែងការគួរសមនៅវិមានព្រឹទ្ធសភា។ នៅក្នុងឱកាសនោះ ឯកឧត្តម Amphay KINDAVONGបានថ្លែងអំណរគុណយ៉ាងជ្រាលជ្រៅចំពោះសម្តេចប្រធានព្រឹទ្ធសភា ដែលបានចំណាយពេលវេលាដ៏មានតម្លៃ អនុញ្ញាតឲ្យឯកឧត្តមចូលជួបសម្តែងការគួរសមនាពេលនេះ។ ឯកឧត្តម បានសម្តែងនូវការកោតសរសើរ និងវាយតម្លៃខ្ពស់ចំពោះការរីកចម្រើនយ៉ាងឆាប់រហ័លើគ្រប់វិស័យរបស់ប្រទេសកម្ពុជា ដោយសារតែមានការរៀបចំយុទ្ធសាស្ត្រគ្រប់ជ្រុងជ្រោយរបស់រាជរដ្ឋាភិបាលក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។ ឯកឧត្តមAmphay KINDAVONG  មានសេចក្តីសង្ឃឹថា  ប្រទេសទាំងពីរ នឹងមានទំនាក់ទំនង និងកិច្ចសហប្រតិបត្តិការល្អលើវិស័យទេសចរណ៍ និងវិនិយោគ ក្នុងនាមជាប្រទេសដែលមានភូមិផងរបងជាប់មួយគ្នា។ជាមួយគ្នានេះ ឯកឧត្តមបានបញ្ជាក់ថា ចំពោះវិស័យពាណិជ្ជកម្មនៃប្រទេសទាំងពីរមានភាពប្រហាក់ប្រហែលគ្នា ប៉ុន្តែប្រទេសកម្ពុជាមានការនាំចេញច្រើនជាងប្រទេសឡាវ ហេតុដូចនេះឯកឧត្តមមានបណងចង់ស្វែងយល់អំពីការនាំចេញរបស់ប្រទេសកម្ពុជា ដើម្បីយកទៅផ្សព្វផ្សាយនៅប្រទេសឡាវ។ ឯកឧត្តមAmphay KINDAVONG បានបញ្ជាក់ជូនសម្តេចប្រធានព្រឹទ្ធសភាថា ឯកឧត្តមបានត្រៀមលក្ខណៈរួចជាស្រេចដើម្បីត្រៀមរៀបចំទទួលដំណើរទស្សនកិច្ចជាផ្លូវការរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា នៅសាធារណរដ្ឋប្រជាធិបតេយ្យប្រជាមានិតឡាវ…

នៅរសៀលថ្ងៃទី២៦វិច្ឆិកា ម្សិលមិញរដ្ឋលេខាធិការក្រសួងបរិស្ថានលោក អ៊ាង សុផល្លែត បានដឹកនាំក្រុមការងារក្រសួង បរិស្ថានកម្ពុជា ធ្វើទស្សនកិច្ចនៅរោងចក្រប្រព្រឹត្តកម្មទឹកកខ្វក់ Mosvodokanal JSC ដែលកំពុងដំណើការប្រព្រឹត្តកម្មទឹកកខ្វក់ចេញពីទីក្រុងម៉ូស្គូនិងតំបន់ជុំវិញ និងផលិតទឹកស្អាតជូនប្រជាពលរដ្ឋនៅជាយទីក្រុងម៉ូស្គូ ប្រទេសរុស្សី។ គណៈប្រតិភូកម្ពុជា ត្រូវបានទទួលស្វាគមន៍យ៉ាងកក់ក្តៅពីថ្នាក់ដឹកនាំរោងចក្រ និងសហការី។ ក្រុមការងារបានពិភាក្សាលើកិច្ចសហប្រតិបត្តិការផ្នែកគាំពារបរិស្ថាន ដែលកម្ពុជា និងរុស្សី កំពុងត្រៀមរៀបចំតាមរយៈក្រុមការងារបច្ចេកទេស ដើម្បីកសាងផែនការសហប្រតិបត្តិការ នៃប្រទេសទាំងពីរឱ្យបានកាន់តែប្រសើរ។ រោងចក្រនោះ ត្រូវគេរាយការណ៍ថា បង្កើតឡើងនៅឆ្នាំ១៩៦៣ នៅលើផ្ទៃដី ៩០ ហិកតា រោងចក្រប្រព្រឹត្តកម្មទឹកក្រខ្វក់ Mosvodokanal JSC មានលទ្ធភាពធ្វើប្រព្រឹត្តកម្មទឹកកខ្វក់ចេញពីទីក្រុងម៉ូស្គូ និងតំបន់ជុំវិញចំនួន ៣លានម៉ែត្រគីប ក្នុង១ថ្ងៃ តាមប្រព័ន្ធចម្រោះពីរប្រភេទ គឺបែបជីវសាស្រ្ត និងមេកានិក។ រោងចក្រមានម៉ាស៊ីនចម្រោះទឹកកខ្វក់ តាមដំណាក់កាល និងតាមបទដ្ឋាន បច្ចេកទេស ដោយមានអាងស្តុក និង ម៉ាស៊ីនចំរាញ់ជាច្រើនកន្លែង ដែលបំពេញមុខងារ សំខាន់ៗ តាមបទដ្ឋានបរិស្ថានត្រឹមត្រូវ ដូចជាការសំអាតកាកសំណល់ ការដកចេញសំរាម ថង់ប្លាស្ទិក កំទេចក្រណាត់…

ភ្នំពេញ៖ នាព្រឹកថ្ងៃចន្ទ ៤កើត ខែកត្តិក ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២៦ ខែវិច្ឆិកា ឆ្នាំ២០១៨  មជ្ឈមណ្ឌលផលិតភាពជាតិនៃក្រសួងឧស្សាហកម្ម និងសិប្បកម្ម បានបើកសិក្ខាសាលាស្តីពីការច្នៃប្រឌិតក្នុងខ្សែសង្វាក់តម្លៃម្ហូបអាហារ  ក្រោមអធិបតីភាពឯកឧត្តម ភោគ សុវណ្ណរិទ្ធិ  រដ្ឋលេខាធិការក្រសួងឧស្សាហកម្ម និងសិប្បកម្ម តំណាងឯកឧត្តមកិត្តិ សេដ្ឋាបណ្ឌិត ចម ប្រសិទ្ធ រដ្ឋមន្រ្តីក្រសួងឧស្សាហកម្មនិងសិប្បកម្ម។ លោក ហេង អៀង ប្រធានមជ្ឈមណ្ឌលផលិតភាពជាតិនៃក្រសួងឧស្សាហកម្ម និងសិប្បកម្ម បានបញ្ជាក់ថា សិក្ខាសាលាស្តីពីការច្នៃប្រឌិតក្នុងខ្សែសង្វាក់តម្លៃម្ហូបអាហារនេះ គឺបានរៀបចំឡើងដោយមជ្ឈមណ្ឌលផលិតភាពជាតិ នៃក្រសួងឧស្សាហកម្ម និងសិប្បកម្ម ក្រោមការសហការឧបត្ថម្ភគាំទ្ររបស់អង្គការផលិតភាពអាស៊ី អេ ភី អូ (APO) ដែលមានមូលដ្ឋានការិយាល័យនៅទីក្រុងតូក្យូប្រទេសជប៉ុន។  សិក្ខាសាលានេះនឹងប្រារព្ធធ្វើឡើងចាប់ពីថ្ងៃទី២៦ ដល់ថ្ងៃទី៣០ ខែវិច្ឆិកា ឆ្នាំ២០១៨ ក្រោមដោយមានបេក្ខជនចូលរួម២២រូប តំណាងក្រុមហ៊ុន ឧស្សាហកម្ម និងសិប្បកម្មមកពី១១ប្រទេសដែលជាសមាជិករបស់អង្គការផលិតភាពអាស៊ី អេ ភី អូ (APO)  រួមមាន៖ កម្ពុជា ថៃ ឡាវ…

កំពង់ឆ្នាំង៖ កាលពីរសៀលថ្ងៃទី២៦ ខែវិច្ឆិកា ឆ្នាំ២០១៨ម្សិលមិញ នៅលើកំណាត់ផ្លូវជាតិលេខ៥ត្រង់ចំណុចមុខផ្សារពន្លៃ ក្នុងឃុំពន្លៃ ស្រុកបរិបូរណ៍ ខេត្តកំពង់ឆ្នាំង។  បុរសម្នាក់ ត្រូវរថយន្តដឹកប្រេងរបស់ក្រុមហ៊ុនតេលា បើកបុកម៉ូតូរបស់គាត់ បណ្ដាលឲ្យរងរបួសធ្ងន់។ ជនរងគ្រោះក្នុងហេតុការណ៍នេះឈ្មោះ ហួត ភេទប្រុស មានទីលំនៅលំក្នុងឃុំខុនរ៉ង ស្រុកបរិបូរណ៍ ខេត្តកំពង់ឆ្នាំង។ ជនរងគ្រោះត្រូវរថយន្តដឹកប្រេងរបស់ក្រុមហ៊ុនតេលាបុកបណ្តាលឲ្យរងរបួសធ្ងន់ ត្រូវបានគេបញ្ជូនទៅសង្គ្រោះបន្ទាន់នៅមន្ទីរពេទ្យបង្អែកស្រុកបរិបូរណ៍។ ក្រោយពីកើតហេតុ សមត្តកិច្ចចរាចរណ៍ស្រុកបរិបូរណ៍ ចុះមកត្រួតពិនិត្យធ្វើការវាស់វែង និងធ្វើកំណត់ហេតុដើម្បីយករថយន្ត និងម៉ូតូមករក្សាទុកនៅអធិការដ្ឌាននគរបាលស្រុកបរិបូរណ៍រង់ចាំដោះស្រាយតាមនិតិវិធី៕ម.ន

នាព្រឹកថ្ងៃអង្គារ ៥រោច ខែកត្តិក សំរឹទ្ធិស័ក ព.ស.២៥៦២ ត្រូវនឹងថ្ងៃទី២៧ ខែវិច្ឆិកា ឆ្នាំ២០១៨ វេលាម៉ោង៩:០០នាទី សម្តេចវិបុលសេនាភក្តី សាយ ឈុំ ប្រធានព្រឹទ្ធសភានៃព្រះរាជាណាចក្រកម្ពុជា បានអនុញ្ញាតឱ្យឯកឧត្តម Amphay KINDAVONG ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋប្រជាធិបតេយ្យប្រជាមានិតឡាវប្រចាំព្រះរាជាណាចក្រកម្ពុជា ចូលជួបសម្តែងការគួរសម នៅវិមានព្រឹទ្ធសភា៕ម.ន