ភ្នំពេញ៖ រថយន្តស៊ីទែនស្រោចកៅស៊ូមួយគ្រឿង អ្នកបើកបរខ្វះការប្រុងបរយ័ត្ន បើកជែងត្រង់ចំណុចគ្រោះថ្នាក់ ជ្រុលទៅបុករថយន្តកុងទីន័រដឹកដែក ចតស្ងៀមពីក្រោយ បណ្តាលឲ្យរងខូចខាតខ្ទេចក្បាលមុខ និងបណ្តាលឲ្យអ្នកជិះម៉ូតូម្នាក់ក្បែរនោះរងរបួសធ្ងន់ម្នាក់ កាលពីវេលាម៉ោង៥ល្ងាច ថ្ងៃទី២៦ ខែវិច្ឆិកា ឆ្នាំ២០១៨ម្សិលមិញ ស្ថិតនៅតាមផ្លូវទំនប់កប់ស្រូវ ភូមិសំរោង សង្កាត់សំរោងក្រោម ខណ្ឌពោធិ៍សែនជ័យ។ តាមប្រភពនៅកន្លែងកើតហេតុ បានឲ្យដឹងថា មុនកើតហេតុ រថយន្តបង្កជារថយន្តស្រោចកៅស៊ូពណ៌លឿង ក្បាលពណ៌ស ពាក់ស្លាកលេខ ព្រះសីហនុ 3A-6126 បើកបរល្បឿនលឿន ស្របពេលដែលមេឃកំពុងភ្លៀងរលឹម បោះពួយយ៉ាងលឿន ទៅដល់ចំណុចកើតហេតុ វ៉ាជែងរថយន្តខាងមុខ ចំណុចផ្លូវកោង ជ្រុលចង្កូត ទៅបុកពីក្រោយ រថយន្តកុងទីន័រ ដឹកដែក ពណ៌ខៀវ ពាក់ស្លាកលេខ ភ្នំពេញ 3C-4469 កំពុងចតស្ងៀម លើចិញ្ចើមផ្លូវ បណ្តាលឲ្យរងខូចខាត ខ្ទេចរថយន្តបង្ក និងខ្ទាតទៅប៉ះនឹងអ្នកជិះម៉ូតូធ្វើដំណើរក្បែរនោះរងរបួសធ្ងន់ម្នាក់។ ក្រោយកើតហេតុ តំណាងក្រុមហ៊ុនសងខាង ចេញមុខមកដោះស្រាយ សម្របសម្រួលគ្នា ដោយដឹងនូវកំហុសខ្លួនឯង បើកបរព្រហើនពេក ខ្វះការប្រុងប្រយ័ត្ន ទើបឯកភាពគ្នា…

តាកែវ៖ បន្ទាប់ពីមានកិច្ចសហប្រតិបត្តិការពីក្រុមកងសន្តិសុខរបស់ចិន ជាមួយនឹងកងកម្លាំងនាយកដ្ឋានប្រឆាំងភេវកម្ម និងឧក្រិដ្ឋកម្មឆ្លងដែននៃអគ្គស្នងការនគរបាលជាតិ ដឹកនាំដោយឯកឧត្តម ឧត្តមសេនីយ៍ឯក អ៊ី សុខឃី និងស្នងការដ្ឋាននគរបាលខេត្តតាកែវ នៅព្រឹកថ្ងៃទី២៦ ខែវិច្ឆិកា ឆ្នាំ២០១៨ វេលាម៉ោង ០៩៖៣០ កម្លាំងនគរបាលខេត្ត បានបើកយុទ្ធនាការទ្រង់ទ្រាយធំមួយ លើការឡោមព័ទ្ធគោលដៅចំនួន០៤ ស្ថិតក្នុងស្រុកពីរផ្សេងគ្នានៃខេត្តតាកែវ គឺស្រុកត្រាំកក់ និងស្រុកបាទី។ ក្នុងប្រតិបត្តិការនោះ គឺកងកម្លាំងនគរបាលបានប្រើប្រាស់កម្លាំងជាច្រើននាក់ និងមានការចូលរួមសម្របសម្រួលនីតិវិធីដោយលោក ទេព មុនិន ព្រះរាជ្ញារងអមសាលាដំបូងខេត្ត និងលោក ឃុន ភឿន ព្រះរាជអាជ្ញារអមសាលាដំបូងខេត្តតាកែវ ធ្វើការឡោមព័ទ្ធចាប់ជនជាតិចិន ដែលលួចចូលមកធ្វើសកម្មភាពក្លែងបន្លំប្រព័ន្ធគមនាគមន៍ បានចំនួនជាង២០០នាក់។ លោកឧត្តមសេនីទោ សុខ សំណាង ស្នងការនគរបាលខេត្តតាកែវ បានឲ្យដឹងថា សកម្មភាពឡោមព័ទ្ធចាប់ជនជាតិចិនជំរិតទារប្រាក់តាមប្រព័ន្ធអ៊ីនធើណិតក្នុងពេលនេះ គឺជាសកម្មភាពធំមួយ ដោយមានការរួមគ្នាបើកប្រតិបត្តិការបង្ក្រាបលើគោលដៅចំនួន ៤ ក្នុងពេលតែមួយ ក្នុងនោះសមត្ថកិច្ចបានឃាត់ខ្លួនបានជនជាតិចិនទាំង៤ទីតាំង នៅក្នុងស្រុកត្រាំកក់ ២ទីតាំង និងស្រុកបាទី ២ទីតាំង សរុបមានចំនួន ២៣៥នាក់ ក្នុងនោះមានស្រី ចំនួន៣៦នាក់ ។ ទីតាំងទាំង៤…

  ថ្លែងនៅក្នុងឱកាសបើកកម្មវិធីបណ្តុះបណ្តាល ស្តីពីការពង្រឹងសមត្ថភាពជំនាញដល់មន្ត្រីនៃមន្ទីរបរិស្ថាន រាជធានី ខេត្ត ចំនួន៦០នាក់ និងជាវគ្គទី២ បន្ទាប់ពីខេត្តស្ទឹងត្រែង  ឯ.ឧ សឺម យ៉ារ៉ែន អនុរដ្ឋលេខាធិការក្រសួងបរិស្ថាន បាន ថ្លែងថា៖ប៉ូលីសដែលពូកែ គឺមិនមែនប៉ូលីសចាប់ចោរបាន ច្រើននោះទេ? តែ!ប៉ូលីសដែលពូកែ?គឺប៉ូលីសធ្វើឲ្យកន្លែង នោះឬតំបន់នោះគ្មានចោរ? ទើបគេហៅថា៖ ប៉ូលីសពូកែ។ ចុះមន្ត្រីបរិស្ថានយើងវិញ?ប្រសិនបើយើងពូកែ លុះត្រាតែនៅក្នុងតំបន់ ឬ ដែនគ្រប់គ្រង របស់យើង គ្មានការបំពុល បរិស្ថានទើបយើងពូកែ។ មិនមែនទាល់តែមានការបំពុល និងបង្កបញ្ហាហើយ ទើបបាននាំគ្នាចុះទៅធ្វើការអប់រំ និងទប់ស្កាត់ណែនាំគេនោះទេ?។ដូចនេះខ្ញុំរំពឹងថា៖ក្រោយពីទទួលការបណ្តុះបណ្តាលនេះ មន្ត្រីជំនាញយើងទាំងអស់និងចេះគិតពិចារណាជុំវិញបញ្ហាដែលបានលើកឡើងនេះ ហើយវាក៏ជាត្រីវិស័យក្នុងការពង្រឹងសមត្ថភាពចំណេះដឹងផង និងដើម្បីយកទៅអនុវត្តការងារផ្ទាល់នៅក្នុងមូលដ្ឋានរបស់ខ្លួនឲ្យបានកាន់តែប្រសើរថែមទៀតផងដែរ។វគ្គបណ្តុះបណ្តាលនេះប្រព្រឹត្តទៅរយៈពេល០៥ថ្ងៃ នៅសាលប្រជុំមន្ទីរបរិស្ថានខេត្តបាត់ដំបង ក្នុងគោលបំណងផ្តោតសំខាន់លើ ប្រធានបទចំនួន០២ ក្នុងនោះរួមមាន៖ ប្រធានបទចម្បងទី១ ក្របខណ្ឌការការពារនិងគាំពារបរិស្ថាន។ដែលទាក់ទិនទៅនិងកិច្ចសន្យាការពារបរិស្ថាន និង ការវាយតម្លៃ ហេតុប៉ះពាល់បរិស្ថាន។ការគ្រប់គ្រងសំណល់រាវ។ ខ្លឹមសារ និងការអនុវត្តអនុក្រឹត្យស្តីពីការគ្រប់គ្រងសំរាមសំណល់រឹងទីប្រជុំជននិងអនុក្រឹត្យស្តីពីការគ្រប់គ្រងប្រព័ន្ធលូនិងប្រព័ន្ធប្រព្រឹត្តទឹកកខ្វក់។ការគ្រប់គ្រងសារធាតុ/ សំណល់សារធាតុគ្រោះថ្នាក់។ នីតិវិធីនៃការត្រួតពិនិត្យនិងការធ្វើអធិការកិច្ចប្រភពបំពុលបរិស្ថា ន។និងការគ្រប់គ្រងគុណភាពបរិស្ថាននិងការអនុវត្តបទដ្ឋានច្បាប់ជាធរមាន។ ប្រធានបទចម្បងទី២៖ ក្របខណ្ឌការ ងារចំណេះដឹងនិងព័ត៌មានបរិស្ថាន។ក្នុងនោះរួមមានៈ ការ ងារអប់រំបរិស្ថាន។ ការអនុវត្តនូវកម្មវិធីសាលាមេត្រីភាពបរិ ស្ថាន។ការចងក្រងព័ត៌មានផ្សព្វផ្សាយបរិស្ថាន។ការចងក្រងទិន្នន័យ…

  ប្រធានក្រុមប្រឹក្សាខេត្ត បានលើកឡើង ក្នុងវេទិកាផ្សព្វផ្សាយនិងពិគ្រោះយោបល់ របស់ក្រុមប្រឹក្សាខេត្តនៅព្រឹកថ្ងៃ   ច័ន្ទទី   ២៦  ខែវិច្ឆិកា ថា វេទិកាផ្សព្វផ្សាយ និងពិគ្រោះយោបល់ របស់ក្រុមប្រឹក្សាខេត្តនាពេលនេះគឺ ជាវេទិកាមួយបង្កើតបាននូវវប្បធម៌នៃការពិភាក្សា និងលើកកម្ពស់គណនេយ្យភាពតាមបែបប្រជាធិបតេយ្យ  តាមរយៈ៖ ១-ការផ្ដល់ព័ត៌មានអំពីសមិទ្ធផលរបស់រដ្ឋបាលខេត្តដែលសម្រេចបានក្នុងឆ្នាំ២០១៨ ។ ២-ការផ្ដល់ព័ត៌មានពីសកម្មភាពអាទិភាពនៃការងារអភិវឌ្ឍន៍មូលដ្ឋានឆ្នាំ២០១៨។ ៣-រាយការណ៍ពីសកម្មភាពដែលរដ្ឋបាលខេត្ត បានឆ្លើយតបនឹងលទ្ធផលនៃវេទិការឆ្នាំ២០១៧កន្លងទៅ។ ៤-ពិភាក្សាក្នុងការរិះរកដំណោះស្រាយរួមគ្នាលើប្រធានបទជាក់ស្ដែងដែលជាបញ្ហាប្រឈមនៅតាមក្រុង ស្រុក មិនទាន់ដោះស្រាយបានជោគជ័យ។           នៅចំពោះមុខ ប្រជាពលរដ្ឋមកពី ៥ឃុំ ក្នុងស្រុកឈូកខេត្តកំពត ឯកឧត្ដម   អ៊ុង ម៉េង បានចាត់ទុកវេទិកានេះ ជាការប្រមូលមតិយោបល់ សំណើរ សំណូមពរ និងអនុសាសន៍ចូលរួមរបស់ប្រជាពលរដ្ឋ សម្រាប់កែលម្អដល់ការអភិវឌ្ឍខេត្ត ។  ពិសេសការចង់បានមតិចូលរួមរបស់ប្រជាពលរដ្ឋក្នុងដំណើរការអភិវឌ្ឍន៍មូលដ្ឋានក៏ដូច ជាការលើកឡើងពាក់ព័ន្ធពីសេវាសាធារណៈ និងសេវារដ្ឋបាល ថ្នាក់ខេត្ត ថ្នាក់ក្រុង ស្រុក និងរដ្ឋបាលឃុំ សង្កាត់អោយកាន់តែល្អប្រសើរឡើង ក្នុងគោលបំណងលើកកម្ពស់កម្រិតជីវភាពប្រជាពលរដ្ឋអោយកាន់តែមានប្រសិទ្ធភាបថែមទៀត។ …

  ភ្នំពេញ ៖ភ្លៀងលាយឡំនឹងខ្យល់កន្រ្តាក់បណ្តាលឲ្យដើមឈើមួយគគីរមួយដើមបាក់កាត់ទទឹងផ្លូវសង្កត់រថយន្តចំនួន ៣គ្រឿងរងការខូចខាតតែសំណាងល្អមិនមានអ្នកណាម្នាក់រងរបួសនោះទេ។     ហេតុការណ៍នេះបានកើតឡើងនៅម៉ោងជិត៤រសៀល ថ្ងៃទី២៦ ខែវិច្ឆិកា ឆ្នាំ២០១៨ នៅតាមបណ្តោយផ្លូវនរោត្តម ស្ថិតនៅក្នុងសង្កាត់ជ័យជំនះ ខណ្ឌដូនពេញ រាជធានីភ្នំពេញ ។     ប្រភពព័ត៌មាននៅកន្លែងកើតហេតុបានឲ្យដឹងថា នៅមុនពេលកើតហេតុ មានភ្លៀងលសយឡំនឹងខ្យល់កន្ត្រាក់មួយបានបក់បោកយ៉ាងខ្លាំង ដោយបណ្ដាលឲ្យដើមគគីរបានបាក់សង្កត់ទៅលើរថយន្តចំនួន ៣គ្រឿង ក្នុងនោះមានរថយន្តទី១ម៉ាក លុចស៊ីស RX300 ពណ៌ខ្មៅ 2L-2905, រថយន្តទី២ម៉ាក តូយ៉ូតាស្តារិច ពណ៌ខៀវ ពាក់ស្លាកលេខ ភ្នំពេញ 2G-7312 និងរថយន្តទី៣ម៉ាក លុចស៉ីស RX330 ពណ៌ស​ ពាក់ស្លាកលេខ​ ភ្នំពេញ​ 2AB-7668 ឲ្យរងការខូចខាតយ៉ាងដំណំ ហើយមិនមានអ្នកណាម្នាក់រងរបួសក្នុងហេតុការណ៍នេះឡើយ។    បន្ទាប់ពីកើតហេតុ លោក សុខ ពេញវុធអភិបាលខណ្ឌដូនពេញ បានបញ្ជាឱ្យកម្លាំងសន្តិសុខសាលាខណ្ឌ ចុះទៅដល់ទីតាំងកើតហេតុ នឹងកាប់ដើមឈើដែលបានដួលរលំសង្កត់ទៅលើរថយន្តចំនួន ៣គ្រឿងនោះចេញពីផ្លូវ ដើម្បីកុំឲ្យមានការកក់ស្ទះចរាចរណ៍ដល់បងប្អូនប្រជាពលរដ្ឋដែលធ្វើដំណើរតាមផ្លូវនេះ។     ក្រោយពេលកើតហេតុ មន្ត្រីជំនាញបានយករថយន្តទាំង ៣គ្រឿងដែលរងការខូចខាតនោះ យកទៅធ្វើកំណត់ហេតុនៅឯសាលាខណ្ឌដូនពេញ ដើម្បីរង់ចាំដោះស្រាយគ្នានៅពេលក្រោយ៕  …

កំពង់ឆ្នាំង៖ នៅថ្ងៃទី២៦ ខែវិច្ចកា ឆ្នាំ២០១៨នេះ កាលពីវេលាម៉ោង១២និង៣០នាទី មន្ត្រីគយម្នាក់បានស្លាប់ភ្លាមៗនៅនឹងកន្លែងកើតហេតុ ដែលមិនស្គាល់អត្តសញ្ញាណ បន្ទាប់ពីមានរថយន្តមួយគ្រឿង ជាប្រភេទរថយន្តវីអាយភីរបស់ក្រុមហ៊ុនរបស់ក្រុមហ៊ុនខេមបូត្រាអ៊ិចប្រេស្ស បានបុកចំពេញមួយទំហឹងប៉ើងធ្លាក់ផ្លូវ។ ហេតុការណ៍គ្រោះថ្នាក់ចរាចរណ៍នេះ បានកើតឡើងនៅលើកំណាត់ផ្លូវជាតិលេខ៥ ក្បែរទីស្នាក់ការសាខាគយខេត្តកំពង់ឆ្នាំង ស្ថិតនៅឃុំស្រែថ្មី ស្រុករលាប្អៀរ ជាប់ព្រំប្រទល់ក្រុងកំពង់ឆ្នាំង។ សពជនរងគ្រោះត្រូវបានសាច់ញ្ញាតិយកទៅគេហដ្ឋានដើម្បីរៀបចំផ្វើបុណ្បតាមប្រពៃណី ចំណែករថយន្ត និងម៉ូតូទាំងពីរគ្រឿងត្រូវបានសមត្តកិច្ចនគរបាលចរាចរណ៍យកមករក្សាទុកដើម្បីដោះស្រាយតាមផ្លូវច្បាប់៕