ភ្នំពេញ៖ សហភាពសហព័ន្ធយុវជនកម្ពុជា(សសយក) បានដើរតួនាទីយ៉ាងសំខាន់ក្នុងចលនាយុវជនដើម្បីចូលរួមក្នុងសកម្មភាពសង្គម សេដ្ឋកិច្ច នយោបាយ ចូលរួមអនុវត្តគោលនយោបាយនានារបស់រាជរដ្ឋាភិបាលកម្ពុជានៅតាមវិស័យ និងគ្រប់មូលដ្ឋាននៅទូទាំងប្រទេស ព្រមទាំងបានចូលរួមចំណែកជាពិសេសក្នុងការលើកស្ទួយមោទនភាពជាតិ និងកិត្យានុភាពជាតិនៅលើឆាកអន្តរជាតិ។ សម្តេចវិបុលសេនាភក្តី សាយ ឈុំ ប្រធានព្រឹទ្ធសភានៃព្រះរាជាណាចក្រកម្ពុជា បានមានប្រសាសន៍លើកឡើងដូច្នេះនៅក្នុងពិធីបើកមហាសន្និបាតតំណាងទូទាំងប្រទេស លើកទី៤ សហភាពសហព័ន្ធយុវជនកម្ពុជា នាព្រឹកថ្ងៃទី២៦ ខែវិច្ឆិកា ឆ្នាំ២០១៨នេះ នៅសណ្ឋាគារសុខាភ្នំពេញ។ ក្នុងឱកាសនោះដែរ សម្តេចវិបុលសេនាភក្តី សាយ ឈុំ ក៏លើកទឹកចិត្ត ផ្តាំផ្ញើ និងសំណូមពរដល់យុវជនកម្ពុជាឱ្យសម្រេចបាននូវភារកិច្ចធំៗសំខាន់ពីរគឺ ទី១)ចូលរួមឲ្យកាន់តែសកម្មក្នុងការកសាងអភិវឌ្ឍ ប្រទេសជាតិមាតុភូមិកម្ពុជាយើង ឲ្យក្លាយជាប្រទេសរីកចម្រើនក្នុងតំបន់ ជាសង្គមប្រកបដោយអារ្យធម៌ និងសេចក្តីស្រឡាញ់ គ្មានការកើតឡើងវិញនូវសង្គ្រាម របបប្រល័យពូជសាសន៍ និងការបែកបាក់ផ្ទៃក្នុងជាតិ ដូចពីអតីតកាលទៀតឡើយ។ ទី២)យុវជនម្នាក់ៗត្រូវខិតខំរៀនសូត្រលត់ដំខ្លួនក្នុងចលនារបស់ប្រជាជន មហាជន ដើម្បីក្លាយជាអ្នកដឹកនាំល្អនាពេលអនាគត ដែលមានស្មារតីស្នេហាជាតិបរិសុទ្ធ មានសមត្ថភាព មានគុណភាព និងមានឆន្ទៈមោះមុត ក្នុងការថែរក្សា ឯករាជភាព អធិបតេយ្យភាព បូរណភាពដែនដី ឲ្យបានរឹងមាំក្នុងគ្រប់ស្ថានភាព និងគ្រប់កាលៈទេសៈទាំងអស់។ជាមួយគ្នានោះសម្តេចភក្តីបានចូលរួមអបអរសាទរចំពោះសមិទ្ធផលទាំងឡាយ ដែលក្រុមគ្រួសារសហភាពសហព័ន្ធយុវជនកម្ពុជាសម្រេចបានក្នុងរយៈពេល៦ឆ្នាំកន្លងមកនេះ នៅតាមវិស័យ និងផែនការការងារជាច្រើនដែលបានផ្ដល់ផលប្រយោជន៍ផ្ទាល់ដល់យុវជន និងសង្គមកម្ពុជាដោយមិនប្រកាន់និន្នាការនយោបាយ និងជីវិតសង្គម ពោលគឺ…

ភ្នំពេញ៖ ដើម្បីអនុវត្តគោលនយោបាយភូមិឃុំមានសុវត្ថិភាព ឯកឧត្ដម ឧត្ដមសេនីយ៍ ស ថេត ស្នងការនគរបាលរាជធានីភ្នំពេញ បានដាក់បញ្ជាយ៉ាងម៉ឺងម៉ាត់ទៅលើមន្ត្រីនគរបាលទាំង១២ខណ្ឌក្នុងរាជធានីឲ្យអនុវត្តដោយខានពុំបាន។ ជាក់ស្ដែងលោក ហ៊ួរ ម៉េងវ៉ាង អធិការនគរបាលខណ្ឌសែនសុខ បានធ្វើការអនុវត្តតាម ដោយឲ្យមន្ត្រីតាមបណ្ដាលប៉ុស្ដិ៍ក្នុងមូលដ្ឋានធ្វើការល្បាតជាប្រចាំ រហូតមានការឃាត់ខ្លួនជនសង្ស័យ៦នាក់ ក្នុង៥ករណីផ្សេងគ្នាជាបន្តបន្ទាប់។ លោកអធិការនគរបាលខណ្ឌសែនសុខ បានឲ្យដឹងថា ជនសង្ស័យទាំង៦នាក់ដែលឃាត់ខ្លួនបានក្នុងករណី៥ផ្សេងគ្នា រួមមាន៖ ក្នុងនោះមាន៤ករណី ជាករណីជាប់ពាក់ព័ន្ធការប្រើប្រាស់គ្រឿងញៀន ឃាត់ខ្លួនជនសង្ស័យ៥នាក់នៅកន្លែង៤ទីតាំងផ្សេងគ្នា ដោយជនសង្ស័យទី១)ឈ្មោះ ហ៊ ស៊ាងឡេង  ភេទប្រុស អាយុ១៩ មុខរបរជាងជួសជុលរថយន្ត ស្នាក់នៅក្នុងយាន្តដ្ឋានជួសជុលរថយន្ត ភូមិពោងពាយ សង្កាត់ភ្នំពេញថ្មី ខណ្ឌសែនសុខ ទី២)ឈ្មោះ ជិន សុខភាន់  ភេទប្រុស អាយុ២៣ មុខរបរមិនពិតប្រាកដ ស្នាក់នៅមិនពិតប្រាកដ  ទី៣)ឈ្មោះ សុន ឡា ភេទប្រុស អាយុ៣០ មុខរបរមិនពិតប្រាកដ ស្នាក់នៅភូមិទ្រុងមាន់ សង្កាត់អូរបែកក្អម ខណ្ឌសែនសុខ ទី)ឈ្មោះ សន សុខខុម  ភេទប្រុស…

ភ្នំពេញ៖ រថយន្តព្រូសមួយគ្រឿងបើកឆ្លងផ្លូវមិនប្រយ័ត្នត្រូវរថយន្តហាយឡែនឌ័រកំពុងមានល្បឿនលឿនជ្រុលបុកគូទពេញទំហឹង កាលពីវេលាម៉ោង១១នឹង០០នាទី ព្រឹកថ្ងៃទី២៦ ខែវិច្ឆិកានេះ ស្ថិតតាមបណ្តោយផ្លូវ២១៧ មុខវត្តជើងឯក សង្កាត់ដង្កោ ខណ្ឌដង្កោ រាជធានីភ្នំពេញ។ តាមប្រភពព័ត៌មានកន្លែងកើតហេតុបានឲ្យដឹងថា ដំបូងគេឃើញរថយន្តម៉ាកព្រូស ពណ៌ស មួយគ្រឿង ធ្វើដំណើរយ៉ាងតាមបណ្តោយផ្លូវ២១៧ ទិសដៅឆ្ពោះពីរង្វង់ដីក្រហមឡើងមកកន្លែងឆៀករថយន្ត មកដល់ចំណុចកើតហេតុក៏បានបួងចង្កូតបត់ឆ្វេងដៃឆ្លងផ្លូវយ៉ាងលឿន ស្របពេលមានរថយន្តហាយឡែនឌ័រមួយគ្រឿងទៀតកំពុងបើកបរក្នុងល្បឿនលឿនទិសដៅពីជើងទៅត្បូង ដោយជាន់ហ្វ្រាំងមិនទាន់ក៏ជ្រុលបុកចំគូទរថយន្តព្រូសពេញទំហឹង បណ្តាលឲ្យរថយន្តព្រូសខ្ទេចមួយកំណាត់ក្រោយ ចំណែករថយន្តហាយឡែនក៏រងការខូចខាតផ្នែកខាងមុខផងដែរ ប៉ុន្តែសំណាងក្នុងហេតុការណ៍នេះមិនបណ្តាលឲ្យមានមនុស្សរងរបួសនោះទេ។ ក្រោយកើតហេតុ ដោយសារភាគីទាំងសងខាងជជែកយកត្រូវរៀងខ្លួន ទើបសមត្ថកិច្ចមូលដ្ឋានសហការជាមួយសមត្ថកិច្ចជំនាញសម្រេចធ្វើការវាស់វែងអូសយករថយន្តទាំង២គ្រឿងយកមករក្សាទុកនៅអធិការដ្ឋាននគរបាលខណ្ឌដង្កោបណ្តោះអាសន្ន រង់ចាំដោះស្រាយគ្នានាពេលក្រោយ៕

ភ្នំពេញ៖ កប៉ាល់បណ្តែតប្រទីបមួយគ្រឿងបានលិចចូលទៅក្នុងទឹកទន្លេចតុមុខ ពេលដែលកម្មករកំពុងតែធ្វើរុករើ ក្រោយពេលពិធីបុណ្យអុំទូកត្រូវបានបញ្ចប់កន្លងផុត៣ថ្ងៃ។ ក្នុងហេតុការណ៍នេះ សំណាងល្អមិនបណ្តាលឲ្យមាននរណាម្នាក់មានគ្រោះថ្នាក់ឡើយ។ ហេតុកាណ៍នេះ បានកើតឡើងនៅវេលាម៉ោង១១និង១០នាទីព្រឹកថ្ងៃទី២៦ ខែវិច្ឆិកានេះ នៅត្រើយខាងលិចទន្លេ ដែលស្ថិតក្នុងសង្កាត់ជ័យជម្នះ ខណ្ឌដូនពេញ។ ប្រភពព័ត៌មានពីកន្លែងកើតហេតុបានឲ្យដឹងថា កប៉ាល់នេះទើបតែធ្លាយលិចប្រមាណជាង១ម៉ោងមុនពេល មានការភ្ញាក់ផ្អើល ទើបមានអ្នករាយការណ៍ជូនទៅអាជ្ញាធរមកចុះត្រួតពិនិត្យ។ ប្រភពដដែលបានបន្តទៀតថា មុនពេលកើតហេតុ មានកម្មករ២ទៅ៣នាក់កំពុងធ្វើការរុសរើ ភ្លាមនោះស្រាប់តែកប៉ាល់ខាងលើស្រុតចូលទៅក្នុងទឹកផ្នែកខាងក្រោយទើបនាំគ្នាប្រញាប់ប្រញាល់ឡើងលើគោកតែម្តង។ ប្រភពពីអ្នកគ្រប់គ្រងកប៉ាល់ដែលលិច បានឲ្យដឹងថា កប៉ាល់នេះជាកប៉ាល់បណ្តែតប្រទីប សម្រាប់ពិធីបុណ្យអុំទូក ហើយប្រទីបនេះមានឈ្មោះយុត្តិធម៌ តំណាងឲ្យក្រសួងយុត្តិធម៌។ ប្រភពដដែលបានបន្ថែមទៀតថា មូលហេតុនៃការលិចនេះ សង្ស័យមកពីកប៉ាល់បានចតអែមច្រាំងទន្លេពេក ហើយនៅពេលដែលទឹកស្រក អាចនឹងកល់ជាមួយដុំថ្ម ទើបបណ្តាលឲ្យមានទឹកជ្រាបចូលបន្តិចម្តងៗ រហូតលិចតែម្តង។ ទោះជាយ៉ាងណាក្ដី កប៉ាល់នេះត្រូវបានកម្មករយកខ្សែចងជាប់នឹងបង្កាន់ដៃច្រាំងមិនឲ្យលិចទៅបាត់ ឬអណ្តែតតាមខ្សែទឹកនោះទេ ហើយសម្ភារមានការខូចខាត និងបាត់បង់មួយចំនួន។ ក្រោយពេលហេតុការណ៍នេះ អាជ្ញាធរដែនដីមានសមត្ថកិច្ចបានចុះមកត្រួតពិនិត្យផងដែរ និងបានសហការជាមួយក្រុមជំនាញដើម្បអូសយកកប៉ាល់ នេះឡើងលើគោកដើម្បីធ្វើការជុសជួលឡើងវិញ៕