ភ្នំពេញ៖ រថយន្តកូរ៉េ២គ្រឿងបើកជ្រែជែងគ្នាពេលមេឃកំពុងភ្លៀងរលឹមមិនផុត ក៏រអិលបុកគ្នាបោកផ្ទប់នឹងស្លាកសញ្ញាចរាចរណ៍ និងរបងថ្មដីឡូតិ៍របស់ប្រជាពលរដ្ឋកលទៅមុខលែងរួច តែសំណាងល្អមិនមានអ្នករងរបួស គ្រាន់តែខូចស្លាកចរាចរណ៍ និងខូចរថយន្ត។ ករណីនេះបានកើតឡើងកាលពីម៉ោង០៩និង៣០នាទីព្រឹកថ្ងៃទី២៦ វិច្ឆិកានេះ នៅខាងត្បូងហ្គ្រែនភ្នំពេញ ផ្លូវហាណូយ ភូមិអន្លង់ក្ងានសង្កាត់ឃ្មួញ ខណ្ឌសែនសុខ។ អ្នកបើករថយន្តទាំង២នាក់ មិនត្រូវបានប្រាប់ពីអត្តសញ្ញាណ។ ប្រភពបានឲ្យដឹងថា មុនកើតហេតុបានឃើញបុរសម្នាក់បើករថយន្តមួយគ្រឿងម៉ាកហ៊ីយ៉ាន់ដាយពណ៌ ខៀវ ដឹកហ្គាសពាក់ស្លាកលេខភ្នំពេញ2Z-2534 បើកបរមកក្នុងទិសដៅពីត្បូងទៅជើង មកដល់ចំណុចកើតហេតុ ស្រាប់តែមានរថយន្តម៉ាកហ៊ីយ៉ាន់ដាយ មួយគ្រឿងទៀតពណ៌ ស ប្រភេទក្លុបជិតបានបើកមកជែងពីក្រោយតែជែងមិនផុត គាប់ជួនមេឃកុំពុងភ្លៀងរលឹមស្រិចៗផង ក៏រអិលបុកគ្នាបោកផ្ទប់នឹងស្លាកសញ្ញាចរាចរណ៍ និងរបងថ្មដីឡូតិ៍របស់ប្រជាពលរដ្ឋកលទៅមុខលែងរួច តែសំណាងល្អមិនមានអ្នករងរបួសទេ គ្រាន់តែខូចស្លាកចរាចរណ៍ និងខូចរថយន្ត។ ក្រោយកើតហេតុ សមត្ថកិច្ចមូលដ្ឋានបានចុះវាស់វែងយករថយន្តទាំង២គ្រឿងមករក្សាទុកនៅអធិការដ្ឋាននគរបាលខណ្ឌរង់ចាំធ្វើការដោះស្រាយពេលក្រោយ៕

គណៈកម្មាធិការជាតិរៀបចំការបោះឆ្នោត (គ.ជ.ប.) បានបើកកិច្ចប្រជុំជាមួយភាគីពាក់ព័ន្ធស្តីពីការបិទផ្សាយបញ្ជីឈ្មោះបោះឆ្នោតដំបូង និងបញ្ជីឈ្មោះ ដែលនឹងត្រូវលុបចេញពីបញ្ជីបោះឆ្នោត និងការដាក់ ការទទួល និងការដោះស្រាយពាក្យបណ្ដឹងតវ៉ា និងពាក្យបណ្តឹងជំទាស់ទាក់ទងនឹងបញ្ជីបោះឆ្នោតដំបូង។ កិច្ចប្រជុំនេះធ្វើឡើងនៅការិយាល័យ គ.ជ.ប. ដោយមានវត្តមានឯកឧត្តម មាន សទិ សមាជិក គ.ជ.ប. និងមានការចូលរួមពីតំណាងក្រុមប្រឹក្សាធម្មនុញ្ញ តំណាងក្រសួងពាក់ព័ន្ធនានា តំណាងគណបក្សនយោបាយ តំណាងអង្គការមិនមែនរដ្ឋាភិបាលជាតិ និងអន្តរជាតិ តំណាងស្ថានទូតជប៉ុន តំណាងអ្នកសារព័ត៌មានជាតិ និងអន្តរជាតិ យ៉ាងច្រើននៅព្រឹកថ្ងៃទី២៦ ខែវិច្ឆិកានេះ។ បើតាមឯកឧត្តមអគ្គលេខាធិការជាតិរៀបចំការបោះឆ្នោត ទេព នីថា បានថ្លែងថា នៅគ្រប់ឃុំ សង្កាត់ទាំងអស់បានធ្វើការបិទផ្សាយនៅបញ្ជីបោះឆ្នោតដំបូង និងឈ្មោះអ្នកត្រូវលុបចេញពីបញ្ជីបោះឆ្នោត ហើយក្នុងនោះ យើងមានបញ្ហានៅក្នុងខេត្តចំនួន៥ដែលមានភ្លៀងដូចជា នៅក្នុងខេត្តត្បូងឃ្មុំ កំពង់ចាម តាកែវ កំពង់ឆ្នាំង និងខេត្តពោធិ៍សាត់។ ទោះយ៉ាងណាក៏ដោយ ការបិទបញ្ជីនៅសាលាឃុំ សង្កាត់បានបិទទាន់ពេលវេលា នៅតាមសាលាឃុំ សង្កាត់មួយចំនួនទៀតមានសភាពយឺតយ៉ាវ និងពុំទាន់មានបងប្អូនប្រជាពលរដ្ឋអញ្ជើញទៅពិនិត្យឈ្មោះនៅឡើយទេ។ ឯកឧត្តបានបញ្ជាក់បន្ថែមថា ការបិទផ្សាយបញ្ជីបោះឆ្នោតដំបូង និងបញ្ជីឈ្មោះអ្នកដែលនឹងត្រូវលុបចេញពីបញ្ជីបោះឆ្នោតតាមឃុំ សង្កាត់ នឹងធានាមិនឱ្យប្រជាពលរដ្ឋដែលបានចុះឈ្មោះរួច បាត់បង់សិទ្ធិបោះឆ្នោតនោះទេ ដោយសារបញ្ជីនេះ បើកឱ្យមានសិទ្ធិប្តឹងតវ៉ា ឬ/និងប្តឹងជំទាស់ជាលាយលក្ខណ៍អក្សរទៅក្រុមប្រឹក្សាឃុំ…

រដ្ឋមន្ត្រីក្រសួងពាណិជ្ជកម្ម ឯកឧត្តម ប៉ាន សូរស័ក្តិ បានប្រកាសប្រាប់ថ្នាក់ដឹកនាំ និងមន្ត្រីជាន់ខ្ពស់នៃរដ្ឋាភិបាលសហភាពអារ៉ាប់រួម មេដឹកនាំប្រទេស និងតំណាងអង្គការអន្តរជាតិថា កម្ពុជាបានត្រៀមលក្ខណៈរួចជាស្រេច ដើម្បីចូលរួមព្រឹត្តិការណ៍ពិព័រណ៍ពិភពលោក ដែលនឹងរៀបចំនៅទីក្រុងឌុយបៃ រយៈពេល ៦ខែ ចាប់ពីថ្ងៃទី២០ ខែតុលា ឆ្នាំ២០២០ រហូតដល់ថ្ងៃទី១០ ខែមេសា ឆ្នាំ២០២១។ ការប្រកាសរបស់ឯកឧត្តមរដ្ឋមន្ត្រី បានធ្វើឡើងនាឱកាសចូលរួមកម្មវិធីលៀងសាយភោជន ស្វាគមន៍អ្នកចូលរួមកិច្ចប្រជុំ IPM លើកទី៣ ដែលរៀបចំឡើង កាលពីរាត្រីថ្ងៃអាទិត្យ ទី២៥ ខែវិច្ឆិកា ឆ្នាំ២០១៨ នៅក្នុងទីក្រុងឌុយបៃ ប្រទេសសហភាពអារ៉ាប់រួម ក្នុងគោលបំណងជួបពិភាក្សា និងតាមដានវឌ្ឍនភាពការងាររៀបចំពិព័រណ៍ពិភពលោកឌុយបៃ ឆ្នាំ២០២០។ នៅក្នុងឱកាសនោះ ឯកឧត្តមរដ្ឋមន្ត្រី ប៉ាន សូរស័ក្តិ បានលើកឡើងពីការចូលរួមដ៏សកម្មរបស់កម្ពុជា នៅក្នុងពិព័រណ៍ពិភពលោក និងពិព័រណ៍អន្តរជាតិនាពេលកន្លងមក ព្រមទាំងវឌ្ឍនភាពការងាររបស់អគ្គនាយកដ្ឋានជំរុញពាណិជ្ជកម្ម ដែលជាសេនាធិការរបស់ក្រសួងពាណិជ្ជកម្ម មានភារកិច្ចទទួលខុសត្រូវរាល់ការចូលរួមរបស់កម្ពុជា នៅក្នុងព្រឹត្តិកាណ៍ពិព័រណ៍នានា។ ឯកឧត្តមរដ្ឋមន្ត្រី បានអះអាងបន្ថែមថា «ឥឡូវនេះ កម្ពុជាបានត្រៀមលក្ខណៈរួចរាល់ ដើម្បីចូលរួមពិព័រណ៍ពិភពលោកឌុយបៃ ឆ្នាំ២០២០ ហើយប្រាកដណាស់ យើងនឹងទទួលបានជោគជ័យដូចការចូលរួមពិព័រណ៍ពិភពលោក នៅសៀងហៃឆ្នាំ២០១០ និងនៅអ៊ីតាលី…

តបតាមការអញ្ជើញរបស់មេបញ្ជាការកងទ័ពជើងគោកម៉ាឡេស៊ី កាលពីព្រឹកថ្ងៃទី២៥ ខែវិច្ឆិកា ឆ្នាំ២០១៨កន្លងទៅនេះ។ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជការរងនៃកងយោធពលខេមរភូមិន្ទ មេបញ្ជាការកងទ័ពជើងគោក អមដំណើរដោយឧត្តម ឧត្តមសេនីយ៍ឯក ប្រាក់ សុវណ្ណា មេបញ្ជាជាការងកងទ័ពជើគោក ឯកឧត្តម ឧត្តមសេនីយ៍ទោ ឡេង លីម នាយសេនាធិការង នាយកខុទ្ធកាល័យកងពជើងគោក ឯកឧត្តម ឧត្តមសេនីយ៍ត្រី ម៉ឹង មករា នាយសេនាធិការង កងជើងគោក និងនាយទាហានជាន់ខ្ពស់ជាច្រើនរូបទៀត បានអញ្ជើញបំពេញដំណើរទស្សនកិច្ចផ្លូវរដ្ឋ និងមិត្តភាពរយៈពេល៤ថ្ងៃ ចាប់ពីថ្ងៃទី២៥ រហូតដល់ថ្ងៃទី២៨ ខែវិច្ឆិកា ឆ្នាំ២០១៨ ដើម្បីចូលរួមកិច្ចប្រជុំពហុភាគីថ្នាក់មេបញ្ជាការកងទ័ពជើងគោក អាស៊ានលើកទី១៩ និងចូលរួមបិទការប្រកួតកីឡាបាញ់កាំភ្លើងដៃជើងគោក អាស៊ាន លើកទី២៨ (AARM-28-2018) ក្នុងឆ្នាំ២០១៨នេះ ដែលប្រទេសម៉ាឡេស៊ី ទទួលធ្វើជាម្ចាស់ផ្ទះ។ អញ្ជើញចូលរួមជូនដំណើរគណៈប្រតិភូដល់អាកាសយានដ្ឋាន អន្តរជាតិភ្នំពេញ រួមមាន ឯកឧត្តម   ឧត្តមសេនីយ៍ឯក ជា សារ៉ន នាយសេនាធិការកងទ័ពជើងគោក ឯកឧត្តម ឧត្តមសេនីយ៍ឯក…

នៅព្រឹកថ្ងៃចន្ទនេះ រដ្ឋសភាបានរៀបចំពិធីសម្ពោធ និងផ្សព្វផ្សាយសៀវភៅកំណត់ហេតុរបស់សម្តេចអគ្គមហាពញាចក្រី ហេង សំរិន ដែលមានឈ្មោះថា «ការតស៊ូរបស់ប្រជាជនៈ កម្ពុជារស់ឡើងវិញ» ដែលសៀវភៅកំណត់ហេតុបែបប្រវត្តិសាស្ត្រនេះត្រូវបានបោះពុម្ពជាភាសាអង់គ្លេស រៀបរាប់អំពីការតស៊ូរបស់សម្តេចអគ្គមហាពញាចក្រី ហេង សំរិន នៅក្នុងដំណើររំដោះប្រទេសជាតិចេញពីរបប ប៉ុល ពត ការចូលរួមស្ដា និងអភិវឌ្ឍប្រទេសជាតិ ឡើងវិញក្រោយភ្លើងសង្គ្រាមបានរលត់ទៅ។ ឯកឧត្តម វង សូត រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា ដែលជាតំណាងដ៏ខ្ពង់ខ្ពស់របស់សម្តេចអគ្គមហាពញាចក្រី ហេង សំរិន ប្រធានរដ្ឋសភា ក្នុងពិធីសម្ពោធសៀវភៅនេះមានប្រសាសន៍ថា សៀវភៅនិយាយពីដំណើរតស៊ូដើម្បីបុព្វហេតុជាតិ និងប្រជាជនរបស់សម្តេចពញាចក្រី ហេង សំរិន គឺបានបង្ហាញពីការពិតនៃសង្គ្រាម នៅកម្ពុជាដល់អ្នកអាន និងកូនខ្មែរជំនាន់ក្រោយដែលចង់សិក្សាឈ្វេងយល់ពីប្រវត្តិសាស្ត្រខ្មែរ ជាប្រវត្តិនៃការតស៊ូរំដោះប្រទេសជាតិរបស់ឥស្សរជនស្នេហាជាតិ និងដំណើរស្តារកម្ពុជា ឡើងវិញក្រោយរបបប្រល័យពូជសាសន៍ ដែលបានដួលរលំទៅកាលពី៤០ឆ្នាំកន្លងទៅនេះ។ ក្នុងឱកាសនេះ លោកជំទាវ មាន សំអាន សមាជិកាព្រឹទ្ធសភាដែលជាអ្នកបានចូលរួម ក្នុងចលនារំដោះប្រទេសជាតិមួយរូបបានរៀបរាប់ទាំងទឹកភ្នែកអំពីប្រវត្តិនៃការតស៊ូរបស់ប្រជាជនកម្ពុជា និងឥស្សរជននៅក្នុងការផ្តួលរំលំរបបប្រល័យពូជសាសន៍ ប៉ុល ពត ដោយលំបាកលំបិនជាស្ទើររកទីបំផុតគ្មាន ដែលកូនខ្មែរគ្រប់រូបត្រូវតែចងចាំ…

តាមការអញ្ជើញរបស់ក្រសួងធនធានធម្មជាតិ និងបរិស្ថាននៃសហព័ន្ធរុស្ស៊ី ឯកឧត្តម អ៊ាង សុផល្លែត រដ្ឋលេខាធិការ តំណាងឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន អមដំណើរដោយឯកឧត្តម សុខ គាង អនុរដ្ឋលេខាធិការក្រសួងបរិស្ថាន បានដឹកនាំគណៈប្រតិភូក្រសួងបរិស្ថាន ដើម្បីចូលរួមកិច្ចប្រជុំលើកទី១ នៃក្រុមការងារស្តីពីកិច្ចសហប្រតិបត្តិការក្នុងវិស័យគាំពារបរិស្ថាន ដែលនឹងប្រព្រឹត្តទៅនៅទីក្រុងម៉ូស្គូ សាធារណរដ្ឋសហព័ន្ធរុស្សី។ តាមកម្មវិធីដែលបានគ្រោងទុក ក្រុមការងារកម្ពុជា-រុស្ស៊ី នឹងជួបប្រជុំគ្នាចាប់ពីថ្ងៃទី២៦ រហូតដល់ថ្ងៃទី២៨ ខែវិច្ឆិកា ឆ្នាំ២០១៨  ដើម្បីពិនិត្យលើកិច្ចសហប្រតិបត្តិការក្នុងវិស័យគាំពារបរិស្ថាន ដោយផ្តោតជាសំខាន់លើការលើគ្រប់គ្រងទឹកកខ្វក់ សំណល់ សំរាម ការគ្រប់គ្រងបរិស្ថានទីក្រុង និងការបង្កើតជាឧទ្យាននៅតាមទីក្រុង មន្ទីរពិសោធន៍ និងការគ្រប់គ្រងការបំពុលនៅតាមទីក្រុងជាដើម។ សមាសភាពប្រតិភូក្រសួងបរិស្ថានកម្ពុជានៅពេលនេះ រួមមានការតំណាងថ្នាក់ដឹកនាំនៃអគ្គនាយកដ្ឋាននានា និងប្រធានមន្ទីរបរិស្ថានរាជធានីភ្នំពេញ ខេត្តបាត់ដំបង ពោធិ៍សាត់ កំពង់ឆ្នាំង កំពត ស្ទឹងត្រែង រតនគីរី និងមណ្ឌលគីរី។ ឆ្លៀតក្នុងឱកាសនៃកិច្ចប្រជុំនេះ នៅវេលាល្ងាច ថ្ងៃទី២៥ ខែវិច្ឆិកា ឆ្នាំ២០១៨ ឯកឧត្តម អ៊ាង សុផល្លែត…