នៅព្រឹកថ្ងៃទី១៦ ខែវិច្ឆិកា ឆ្នាំ២០១៨នេះ នៅមន្ទីរផែនការខេត្តសៀមរាប បានបើកកិច្ចប្រជុំប្រកាសផ្សព្វផ្សាយលទ្ធផលផលិតផលក្នុងស្រុកសរុប GDP ខេត្តសៀមរាប ឆ្នាំ២០១៧ ក្រោមកិច្ចដឹកនាំដោយឯកឧត្តម ទុយ ចំរើន អនុរដ្ឋលេខាធិការក្រសួងផែនការ និងឯកឧត្តម ជា សុផាត សមាជិកក្រុមប្រឹក្សាខេត្ត ដោយមានការចូលរួមពីសំណាក់ អស់លោក លោកស្រីជាថ្នាក់ដឹកនាំមន្ត្រី អង្គភាពជុំវិញខេត្តចូលរួមផងដែរ។ ក្នុងកិច្ចស្វាគមន៍របស់លោកប្រធានមន្ទីរផែនការខេត្ត ក៏បានធ្វើការបញ្ជាក់អំពីគោលបំណងកិច្ចប្រជុំនេះ គឺជាការបង្ហាញពីទិន្នន័យដែលគ្រប់មន្ទីរ ស្ថាប័នពាក់ព័ន្ធ បានសហការផ្តល់ទិន្នន័យចាំបាច់ ដើមី្បប្រើជាប្រយោជន៍ក្នុងការគណនា ចងក្រងគណនេយ្យជាតិ សម្រាប់ខេត្តសៀមរាបឆ្នាំ២០១៧។ ក្នុងឱកាសនោះ ឯកឧត្តម ទុយ ចំរើន ក៏បានបញ្ជាក់អំពីសមិទ្ធផលធំមួយ ក្នុងការជំរុញកំណើន សេដ្ឋកិច្ចជាតិខ្ពស់ និងការអភិវឌ្ឍប្រកបដោយចីរភាព។ ក្នុងអាណត្តិទី៥កន្លងទៅ កម្ពុជាសម្រេចបានកំណើនសេដ្ឋកិច្ចជាមធ្យម ៧% ដែលជាកំណើនដ៏ខ្ពស់ទី៦ ក្នុងចំណោមប្រទេសដែលមានកំណើនសេដ្ឋកិច្ចខ្ពស់។ ឯកឧត្តមបានបន្តទៀតថា ដោយកម្ពុជារក្សាបានកំណើនសេដ្ឋកិច្ចក្នុងរង្វង់ ៧%ជាប់ៗគ្នា ជាច្រើនឆ្នាំ ធនាគារអភិវឌ្ឍន៍អាស៊ី (ADB) ក្នុងឆ្នាំ២០១៦កន្លងមក បានវាយតម្លៃ កម្ពុជានឹងក្លាយជាខ្លាអាស៊ីថី្ម។ ក្នុងនោះដែរ ឯកឧត្តមក៏បានលើកនូវវិស័យសំខាន់ៗ ដែលបានជំរុញសេដ្ឋកិច្ចកម្ពុជាមានកំណើនលើវិស័យសំណង់ វាយនភណ្ឌកាត់ដេរសម្លៀកបំពាក់ ទេសចរណ៍…

 សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានស្ថិតក្នុងខេត្តមណ្ឌលគីរី និងបានអញ្ជើញចុះសាកសួរសុខទុក្ខពលរដ្ឋក្រីក្រប្រមាណជិត២ពាន់នាក់ និងបាននាំយកអំណោយចែកជួនផងដែរ។ អំណោយដែលសម្តេចកិត្តិព្រឹទ្ធ បណ្ឌិតបានចែកជួនពលរដ្ឋរួមមាននៅក្នុងក្រុងសែនមនោរម្យ និងនៅក្នុងស្រុកអូររាំង។

 អភិបាលថ្មីខេត្តត្បូងឃ្មុំ លោកជាម ច័ន្ទសោភ័ណ្ឌ បានឡើងកាន់តំណែងនៅថ្ងៃទី១៥វិច្ឆិកានេះក្នុងពិធីមួយដែល អញ្ជើញចូលរួមដោយសម្តេចក្រឡាហោមសខេង។ សម្តេចក្រឡាសខេង បានមានប្រសាសន៍ណែនាំដល់ អភិ បាលខេត្តថ្មី ត្រូវបន្តការងារស្នាដៃសមិទ្ធផលររបស់ អភិបាលខេត្តចាស់ ដោយចៀសវាងនូវការលុបបំបាត់ ចោល។លោកជាម ច័ន្ទសោភ័ណ្ឌ ត្រូវ ព្រះមហាក្សត្រ បានចេញព្រះរាជក្រិត្យត្រាស់បង្គាប់តែងតាំងអភិបាលថ្មីខេត្ត ត្បូង ឃ្មុំដើម្បីជំនួសអភិបាលចាស់ លោកលីឡេង។ ចំណែកលោក លី ឡេង ត្រូវបានតែងតាំងមុខតំណែងថ្មីជា នាយកខុទ្ទកាល័យ ឯកឧត្តម ស៊ឹម កា ដែលជាអនុប្រធានទី១ ព្រឹទ្ធសភា។ អភិបាលថ្មីខេត្តត្បូងឃ្មុំ លោកជាម ច័ន្ទសោភ័ណ្ឌ បានឡើងធ្វើការប្តេជ្ញាចិត្តក្នុងការដឹកនាំខេត្តអោយទទួលបានជោគជ័យ។សម្ដេចក្រឡាហោម ស ខេង ក្នុងពិធី ប្រកាសតំណែងអភិបាលថ្មីខេត្តត្បូងឃ្មុំនេះផងដែរ បានណែនាំដល់ថ្នាក់ ដឹកនាំខេត្តថ្មីត្រូវគោរពច្បាប់ និងនិតិ វិធីនានា ក្នុងការបំពេញតួនាទីភារកិច្ចរបស់ខ្លួន ជាមួយនឹងការខិតខំរក្សា សន្តិសុខ សុវត្ថិភាពជូនប្រជាជន ការផ្សព្វផ្សាយអប់រំអំពីច្បាប់ចរាចរណ៍ ការលុបបំបាត់ល្បែងស៊ីសងខុសច្បាប់ គ្រប់ប្រភេទ និងការការពារធនធានធម្ម ជាតិនានា នៅក្នុងដែនដីគ្រប់គ្រងរបស់ខ្លួនឲ្យបានល្អ។

អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងទ័ពជើងគោក លោកឧត្តមសេនីយ៍ឯកហ៊ុន ម៉ាណែត បានអញ្ជើញចូលរួមបើកវគ្គហ្វឹកហ្វឺនបណ្តុះបណ្តាល ជំនាញឆត្រយោងជំនាន់ ទី២៥ និងបិទវគ្គហ្វឹក ហ្វឺនបំប៉នជំនាញអាវុធB40-B41 អាវុធការពារអាកាសជំនាន់ទី២។ ពិធីបើកវគ្គហ្វឹកហ្វឺននេះ បានប្រព្រឹត្តទៅនៅ ទីបញ្ជាការដ្ឋានទ័ពពិសេសឆ័ត្រយោងលេខ៩១១ ក្នុងខណ្ឌពោធិ៍សែនជ័យ រាជធានីភ្នំពេញ។

អង្គជំនុំជម្រះវិសាមញ្ញក្នុងតុលាការកម្ពុជា នៅព្រឹកថ្ងៃសុក្រ ទី១៦ ខែវិច្ឆិកា ឆ្នាំ២០១៨នេះ បានសម្រេចផ្តន្ទាទោសអតីតមេដឹកនាំខ្មែរក្រហម គឺលោក នួន ជា និង ខៀវ សំផន ឲ្យជាប់ពន្ធនាគារអស់មួយជីវិតក្នុងសំណុំរឿង០០២/០២។ ដូចគ្នាទៅនឹងសំណុំរឿង០០២/០១ ជនជាប់ចោទទាំង២នេះ ក៏ត្រូវតុលាការផ្តន្ទាទោសឲ្យជាប់ពន្ធនាគារអស់មួយជីវិតដូចគ្នាផងដែរ។​​ សូមបញ្ជាក់ថា សម្រាប់សំណុំរឿង ០០២/០២ នេះ នួន ជា ដែលជាអនុលេខាបក្សកុម្មុយនីស្តកម្ពុជា និង ខៀវ សំផន ដែលជាប្រមុខរដ្ឋនៃរបបកម្ពុជាប្រជាធិបតេយ្យ ត្រូវបានចោទក្នុងការប្រព្រឹត្តឧក្រិដ្ឋកម្មប្រឆាំងនឹងមនុស្សជាតិ អំពើប្រល័យពូជសាសន៍ និងការរំលោភបំពានយ៉ាងធ្ងន់ធ្ងរលើអនុសញ្ញាទីក្រុងហ្សឺណែវ ពាក់ព័ន្ធទៅនឹងទីតាំងឧក្រិដ្ឋកម្ម និងការចោទប្រកាន់លើអង្គហេតុដូចជា ការដ្ឋានការងារ និងសហករណ៍ ដូចជាសហករណ៍ត្រាំកក់ ការដ្ឋានទំនប់ត្រពាំងថ្ម ការដ្ឋានទំនប់ ១មករា និងការដ្ឋានសាងសង់ព្រលានយន្តហោះកំពង់ឆ្នាំង មន្ទីរសន្តិសុខ និងទីតាំងសម្លាប់មនុស្ស ដូចជា មន្ទីរសន្តិសុខស-២១ មន្ទីរសន្តិសុខក្រាំងតាចាន់ មន្ទីរសន្តិសុខអូរកន្សែង និងមន្ទីរសន្តិសុខភ្នំក្រោម អំពីប្រល័យពូជសាសន៍ទៅលើប្រជាជនចាម និងវៀតណាម ការប្រព្រឹត្តចំពោះពុទ្ធសាសនិកជន និងអតីតមន្រ្តីរដ្ឋការនៃរបបសាធារណរដ្ឋខ្មែរ និងការរៀបអាពាហ៍ពិពាហ៍នៅទូទាំងប្រទេស។ …

ថ្លែងប្រាប់អ្នកសារព័ត៌មានក្រោយពីកិច្ចប្រជុំរៀបចំការពារសន្តិសុខ សណ្តាប់ធ្នាប់ក្នុងឱកាសបុណ្យអ៊ុទូកនាថ្ងៃទី១៦ ខែវិច្ឆិកា ឆ្នាំ២០១៨ នៅអគ្គស្នងការដ្ឋាននគរបាលជាតិ ឯកឧត្តម នាយឧត្តមសេនីយ៍ ទូច ណារុថ អគ្គស្នងរងនគរបាលជាតិ និងជាប្រធាននាយកដ្ឋានអង្គរក្ស បានលើកឡើងថា ដើម្បីការពារសន្តិសុខសណ្តាប់ធ្នាប់ជូនដល់បងប្អូនប្រជាពលរដ្ឋក៏ដូចជាថ្នាក់ដឹកនាំក្រសួងបានត្រៀមកម្លាំងជាច្រើននាក់ ទាំងចំហរ និងសំងាត់ ក្នុងបុណ្យជាតិនេះ ខណៈព្រឹត្តិការណ៍នេះនឹងប្រព្រឹត្តទៅធំជាងឆ្នាំមុន។

ភ្នំពេញៈ រថយន្តដឹងទំនិញប្រភេទ៥តោនសង្ស័យដឹកលើសទម្ងន់ ចុះពីស្ពានព្រះមុនីវង្សចាស់ ជាន់ហ្វ្រាំងមិនសុីជ្រុលទៅបុករះរថយន្តចំនួន៤គ្រឿងរងការខូចខាត។ ហេតុការណ៍នេះកើតឡើងកាលពីវេលាម៉ោង៩ព្រឹក ថ្ងៃសុក្រ ទី១៦ ខែវិច្ឆិកា ឆ្នាំ២០១៨ ត្រង់ចំណុចគល់ស្ពានព្រះមុនីវង្សចាស់ (ត្រើយខាងលិច) ក្នុងសង្កាត់ទន្លេបាសាក់ ខណ្ឌចំការមន។

មន្ត្រីពង្រឹងការអនុវត្តច្បាប់កម្ពុជានិងសហរដ្ឋអាមេរិក បានជួបគ្នាក្នុងសប្តាហ៍នេះក្នុងការពង្រឹងកិច្ចសហប្រតិបត្តិ ការបង្ក្រាបឧក្រិដ្ឋកម្មឆ្លងដែន។ មន្ត្រីសេនានុព័ន្ធស៊ើបអង្កេតសន្តិសុខមាតុភូមិរបស់ស្ថានទូតអាមេរិកប្រចាំ កម្ពុ ជា លោករ៉ះស្សឺល ជេ. បែស្ស និងមន្ត្រីតំណាងការិយាល័យស៊ើបអង្កេតសហព័ន្ធ អេហ្វប៊ីអាយអាមេរិក លោក ចន ឌី. វៀលសុន បានអញ្ជើញជួបអគ្គស្នងការនគរបាលជាតិ នាយឧត្តមសេនីយ៍នេត សាវឿន នៅថ្ងៃទី១៥វិច្ឆិ កាឆ្នាំ២០១៨ ក្នុងជំនួបដាច់ដោយឡែកពីគ្នានៅអគ្គស្នងការដ្ឋាននគរបាលជាតិក្នុងរាជធានីភ្នំពេញ ដើម្បីពង្រឹង កិច្ចសហប្រតិបត្តិការរវាងគ្នាទៅវិញទៅមក។