ភ្នំពេញ៖ ក្នុងរយៈពេលប៉ុន្មានថ្ងៃនេះ ជាឱកាសបុណ្យចូលឆ្នាំថ្មីប្រពៃណីជនជាតិចិន ដែលប្រជាពលរដ្ឋ ដែលជាសែស្រឡាយ​​កាត់ជនជាតិចិន បានរៀបចំពីអបអរសាទរឆ្នាំនេះតាមគេហដ្ឋានរៀងៗខ្លួន។ ជាមួយគ្នានេះ​ប្រជាពលរដ្ឋខ្មែរ​​ក៏មានឱកាស​​សប្បាយរីករាយជួបជុំគ្រួសារ និងបានធ្វើដំណើរកម្សាន្តសប្បាយនៅតាមរមណីយដ្ឋាន​នានាមិនខានឡើយ។ មានការកត់សម្គាល់ថា ឃើញមានទស្សនៈចំនួន៣កើតមានក្នុរយៈពេលនេះ៖ ទី១៖ ការជួបជុំគ្នារីករាយនៅក្នុងរដូវបុណ្យទៀននាពេលនេះ បានបង្ហាញឲ្យឃើញថាប្រពៃណីយនិងទំនៀមទម្លាប់របស់​ប្រជាពលរដ្ឋខ្មែរទូទៅ តាំងពីយូរលង់ណាស់មកហើយ និងបានបន្តរហូតនាពេលបច្ចុប្បន្ន ដែលមានការគោរពដឹងគុណដល់អ្នកមានគុណទាំងឡាយ រួមមានមាតាបិតា ជីដូនជីតា គ្រូបាធ្យាយ និងចាស់ទុំទាំងឡាយ។ ការសែនព្រេន គោរពបូជា ទៀន ធូប នីងគ្រឿងសក្ការៈបូជាផ្សេងទៀត នៅតាមគេហដ្ឋាន និងកន្លែងគោរពបូជានានាជូនអ្នកមានគុណ គឺជាប្រពៃណីជំនឿសាសនារបស់ប្រជាពលរដ្ឋខ្មែរតាតាំងពីបុរាណកាល។ ប្រជាពលរដ្ឋខ្មែរតែងតែរៀបចំពិធីរំលឹកគុណដល់អ្នកមានគុណ ក្នុងរដូវបុណ្យទៀនផ្សេងៗ ដោយជឿថានឹងនាំមកនូវសុមង្គល សេចក្តីសុខដល់គ្រួសារ សហគមន៍ និងប្រទេសជាតិទាំងមូល។ ទី២៖នៅពេលមានរដូវបុណ្យទានកន្លងមកនេះ ប្រជាពលរដ្ឋខ្មែរទូទាំងប្រទេស បានចំណាយពេលវេលារីករាយជាមួយក្រុមគ្រួសារនិងធ្វើដំណើរកម្សាន្តតាមតំបន់ទេសចរណ៍នានា ដែលជាការទទួលស្គាល់ពីសិទ្ធិសេរីភាពពេញលេញ និងបានចំណាយពេលវេលាយ៉ាងសំខាន់ក្នុងចូលរួមរីករាយជួបជុំគ្រួសាររៀងៗខ្លួន។ ការរីករាយជួបជុំគ្រួសាររបស់ប្រជាពលរដ្ឋនៅតាមមូលដ្ឋាន ជាពិសេសតាមគ្រួសារនីមួយៗ នាឱកាសនេះ បង្ហាញយ៉ាងច្បាស់លាស់ពីការកសាងសុភមង្គលក្នុងសង្គមគ្រួសារ និងសង្គមជាតិមួយដ៏រឹងមាំសម្រាប់ការអភិវឌ្ឍប្រកបដោយចីរភាព។ ទី៣៖ ការគោរពប្រពៃណីជំនឿសាសនា ដោយសេរីនៅក្នុងសង្គមកម្ពុជា គឺជាការវិវត្តយ៉ាងសំខាន់នៃសង្គមសេដ្ឋកិច្ច វប្បធម៌ដ៏មានសក្តានុពលរបស់កម្ពុជាយើង ដែលរាជរដ្ឋាភិបាលកម្ពុជា កសាងសង្គមពហុវប្បធម៌ និងសុខដុមនីកម្មសាសនាមួយរឹងមាំ។ ពេលវេលានេះ ក៏បានឆ្លុះបងញ្ជាំងឲ្យឃើញបន្ថែមទៀតពីសង្គម ដែលប្រជាពលរដ្ឋបានយល់ដឹងកាន់តែច្បាស់ពីតម្លៃនៃសុខសន្តិភាព…