សម្តេចតេជោផ្តាំសួរសុខទុក្ខជូនដល់កងទ័ពទូទាំងប្រទេស និងកងទ័ពកម្ពុជាដែលកំពុងបំពេញបេសកកម្ម ក្រោមឆ័ត្រអង្គការសហប្រជាជាតិ សម្តេចណែនាំឱ្យក្រសួងរ៉ែ និងថាមពល និងអគ្គិសនីកម្ពុជា ពិនិត្យលទ្ធភាពលុបបំណុលអគ្គិសនីជាង ២លានដុល្លាររបស់ក្រសួងការពារជាតិ សម្តេចស្នើឱ្យពិនិត្យដាក់ ទិវានយោបាយឈ្នះឈ្នះ ថ្ងៃទី២៩ ធ្នូ ទៅក្នុងប្រតិទិនប្រចាំឆ្នាំរបស់កម្ពុជា ប៉ុន្តែមិនមែនជាថ្ងៃឈប់សម្រាកទេ រឿងសន្តិភាព មិនមែនសម្រាប់តែគណបក្សប្រជាជនកម្ពុជាទេ គឺសម្រាប់ប្រជាជាតិទាំងមូល និងប្រជាជនទាំងអស់ ឋានន្តរស័ក្ត នាយឧត្តមសេនីយ៍ផុតលេខ ផ្កាយមាស៥ មិនមែនទទួលបានដោយចៃដន្យនោះទេ គឺប្រទានដោយព្រះមហាក្សត្រ ដោយសម្តេចបានបង្កើតកងទ័ពដើម្បីរំដោះប្រជាពលរដ្ឋខ្មែរពីរបបខ្មែរក្រហម “សាមគ្គីសង្គ្រោះជាតិកម្ពុជា” គឺជាឈ្មោះរបស់សម្តេចដាក់ចេញពេលបង្កើតចលនាកងទ័ព យើងមិនបិទបាំងសច្ចធម៌ប្រវត្តិសាស្រ្ត រឿងកងទ័ពវៀតណាម បានជួយកងទ័ពកម្ពុជា ក្នុងការរំដោះប្រជាជន ចេញពីរបបប៉ុលពតនោះទេ បដិវត្តន៍ពណ៌នៅលើពិភពលោក មិនទាន់បញ្ចប់ទេ ហើយជំរុញកាន់តែខ្លាំងទៀតផង។ ដើម្បីឈ្នះបដិវត្តន៍ពណ៌ មានវិធីតែមួយគត់ គឺកាន់កងកម្លាំងប្រដាប់អាវុធឱ្យជាប់ ការធ្វើបាតុកម្មទ្រង់ទ្រាយធំទាំងយប់ទាំងថ្ងៃ ទាមទារឱ្យសម្តេចចុះចេញពីតំណែង ក្រោយពេលជាប់ឆ្នោតមានន័យថា ជាបដិវត្តន៍ពណ៌ ចំណុចស្នូលនៃមេបដិវត្តន៍ពណ៌ គឺធ្វើឱ្យអព្យាក្រឹត្យកម្លាំងប្រដាប់អាវុធ និងរដ្ឋបាលស៊ីវិល នៅពេលពួកគេធ្វើចលនាបាតុកម្ម មេទ័ព ឬមេទាហានណាមិនធ្វើសកម្មភាពទប់ស្កាត់ចលនាបដិវត្តន៍ ត្រូវតែដកចេញពីតំណែង សម្តេចតេជោរំលឹករឿងអគ្គរដ្ឋទូតមហាអំណាចមួយ កាលពីឆ្នាំ២០១៣ ដែលបានមកបញ្ចុះបញ្ចូលកូនរបស់សម្តេចដោយប្រាប់ថា បើបាតុករចូលវិមានសន្តិភាព កុំឱ្យបាញ់! សម្តេចតេជោប្រាប់ឱ្យលោកទូតនោះទៅមើលរដ្ឋធម្មនុញ្ញកម្ពុជាឱ្យបានច្បាស់ យើងមិនបណ្តែតបណ្តោយឱ្យនរណាធ្វើបដិវត្តន៍ពណ៌…

២៩ ធ្នូ ២០២១ ជាខួប ២៣ឆ្នាំដែលកម្ពុជារកបាននូវសុខសន្តិភាពពេញលេញ និងឯកភាពជាតិទាំងស្រុងជាប្រវត្តិសាស្ត្រ។ ការបិទបញ្ចប់សង្គ្រាមហែកហួរ និងការបែកបាក់ជាតិនេះ បានកើតមានឡើងតាមរយៈនយោបាយឈ្នះ-ឈ្នះ របស់សម្តេចតេជោ ហ៊ុន សែន ដែលជាស្ថាបនិក។ នយោបាយឈ្នះ-ឈ្នះ គឺជាយុទ្ធសាស្ត្រគោលការណ៍ទាំងឡាយណា ដែលបាននាំមកនូវការធានាដល់សន្តិសុខសង្គម ការបង្រួបបង្រួមជាតិ ឯកភាពជាតិ សនិ្តភាព ការធានាដល់បូរណភាពដែនដី អធិបតេយ្យ និងការអភិវឌ្ឍសេដ្ឋកិច្ច នយោបាយសង្គមប្រកបដោយចីរភាព។ ✍🏽 SPM

រដ្ឋាភិបាលស៊ីរី អះអាងថា ផែនការរបស់អ៊ីស្រាអែលក្នុងការបង្កើនចំនួនអ្នកតាំងទីលំនៅទ្វេដង ក្នុងទឹកដីមានជម្លោះខ្ពង់រាបហ្គោលេន គឺជាអំពើ “គ្រោះថ្នាក់ និងមិនធ្លាប់មានពីមុនមក” ហើយទង្វើនេះគ្រាន់តែដើម្បីបន្តការកាន់កាប់ដោយខុសច្បាប់របស់ខ្លួនតែប៉ុណ្ណោះ។ កាលពីថ្ងៃទី២៦ ធ្នូ នាយករដ្ឋមន្ត្រីអ៊ីស្រាអែល លោក Naftali Bennett បានប្រកាសគម្រោងតម្លៃជាង ៣០០លានដុល្លារ ដែលរួមមានការសាងសង់អគារលំនៅឋានចំនួន ៧ ៣០០ ខ្នងបន្ថែមទៀត ក្នុងតំបន់ខ្ពង់រាបហ្គោលេន។ ក្រសួងការបរទេសស៊ីរីបានថ្កោលទោសយ៉ាងខ្លាំងចំពោះការបង្កើនភាពតានតឹងដ៏គ្រោះថ្នាក់ និងមិនធ្លាប់មានពីមុនមក និងការប្រកាន់ខ្ជាប់នូវគោលនយោបាយតាំងទីលំនៅរបស់ពួកគេ ដែលជាការបំពានដ៏ធ្ងន់ធ្ងរ អាចឈានដល់កម្រិតឧក្រិដ្ឋកម្មសង្គ្រាម។ ខ្ពង់រាបហ្គោលេនមានសារៈសំខាន់យុទ្ធសាស្ត្រដោយសារមានកម្ពស់ខ្ពស់ ហើយស្ថិតនៅចំណុចត្រួតស៊ីគ្នានៃព្រំដែនរវាងលីបង់ ហ្សកដានី ស៊ីរី និងអ៉ីស្រាអែល។ ប្រភព៖ Al Jazeera

ផ្សាយផ្ទាល់៖ សម្តេចតេជោ ហ៊ុន សែន អញ្ជើញជាអធិបតីភាពក្នុងពិធីសម្ពោធដាក់ឲ្យប្រើប្រាស់ជាផ្លូវការនូវ អគាររដ្ឋបាល និងសាលប្រជុំទីស្តីការក្រសួងការពាជាតិថ្មី ដែលចំខួបលើកទី២៣ឆ្នាំ នៃជោគជ័យក្នុងការនាំមកនូវសន្តិភាពពេញលេញ តាមរយៈនយោបាយឈ្នះឈ្នះ របស់សម្តេចតេជោ ( ២៩-ធ្នូ-១៩៩៨ – ២៩-ធ្នូ-២០២១) សូមទស្សនា៖ https://www.facebook.com/109417220955491/posts/385556523341558/?d=n

រដ្ឋាភិបាលនីការ៉ាហ្គ័រនៃតំបន់អាមេរិកកណ្ដាល បានរឹបអូសអតីតស្ថានទូតតៃវ៉ាន់ ដើម្បីប្រគល់ឱ្យចិនដីគោកវិញ ក្រោយរដ្ឋាភិបាល លោក Daniel Ortega បានផ្ដាច់ទំនាក់ទំនងជាមួយតៃវ៉ាន់ក្នុងខែធ្នូនេះ។ មុនចាកចេញ បេសកកម្មការទូតតៃវ៉ាន់បានបរិច្ចាគអគារស្ថានទូតឱ្យវិហាររ៉ូម៉ាំងកាតូលិកប្រចាំរដ្ឋធានីម៉ាណាហ្គា នៃនីការ៉ាហ្គ័រ។ ប៉ុន្តែរដ្ឋាភិបាលនីការ៉ាហ្គ័រ បានបដិសេដចំពោះការបរិច្ចាគនេះ និងលើកឡើងថាជាទង្វើមិនស្របច្បាប់ ហើយអគារនេះជាកម្មសិទ្ធិរបស់រដ្ឋាភិបាលក្រុងប៉េកាំង។ ប្រភព៖ Yahoo News

១. អគារមនី្ទរពេទ្យកម្ពុជា-ចិន ព្រះកុសុមៈកម្ពស់១១ជាន់ ចំណាយថវិកា៨១លានដុល្លារ ក្រោមជំនួយឥតសំណងរបស់មិត្ដចិន នឹងបញ្ចប់ការសាងសង់នៅដើមឆ្នាំ២០២២ – FN ២. ផ្ទៃដីដំណាំស្វាយចន្ទីក្នុងខេត្តរតនគិរីនៅឆ្នាំ២០២១នេះ កើនដល់ចំនួន ៥១ ០០០ហិកតា ខណៈដំណាំនេះអាចប្រមូលផលបាននៅក្នុងឆ្នាំ២០២២លើផ្ទៃដីជាង ១ម៉ឺនហិកតា – រស្មីកម្ពុជា ៣. កម្ពុជានឹងចាប់ផ្តើមជំរុញការនាំចេញអង្ករឡើងវិញ ទៅទីផ្សារអឺរ៉ុបចាប់ពីខែមករាឆ្នាំក្រោយបន្ទាប់ពីវិធានការការពារដោយគណៈកម្មការអឺរ៉ុបនឹងបិទបញ្ចប់ត្រឹមថ្ងៃទី១៨មករាខាងមុខ – ភ្នំពេញបុស្តិ៍ ៤. រដ្ឋមន្រ្តីការពារជាតិជប៉ុនលោក Nobuo Kishi បានព្រមព្រៀងបង្កើតខ្សែទូរស័ព្ទបន្ទាន់ផ្នែកយោធាជាមួយប្រទេសចិននៅឆ្នាំក្រោយ – Reuters ៥. រដ្ឋមន្ត្រីការបរទេសស៉ីរីលោក Faisal Mekdad៖ អាមេរិកកំពុងលួចធនធានធម្មជាតិរួមមានប្រេង ស្រូវសាលី និងកប្បាសពីស៉ីរី និងដាក់ទណ្ឌកម្មខុសច្បាប់ – CGTN