អាជ្ញាធរហូឡង់បានរកឃើញថា ផលិតផលម៉ាសបិទមុខពេលគេង ខ្សែក ខ្សែដៃប្រភេទ Energy Armor និងគ្រឿងបន្ទាប់បន្សំចំនួន ១០ មានសារធាតុវិទ្យុសកម្មអ៊ីយ៉ូដដែលបង្កឱ្យមានគ្រោះថ្នាក់។ ផលិតផលទាំងនោះត្រូវបានគេអះអាងថា ជួយការពារមនុស្សពីផលប៉ះពាល់នៃបណ្តាញទូរស័ព្ទ 5G។ អាជ្ញាធរហូឡង់បានដាស់តឿនប្រជាជនកុំឱ្យប្រើផលិតផលទាំងនោះ ដោយសារតែវាអាចបង្កគ្រោះថ្នាក់នៅពេលដែលពាក់វាយូរ។ អង្គការសុខភាពពិភពលោកអះអាងថា បណ្តាញទូរសព្ទ 5G មានសុវត្ថិភាព ដោយសារវាប្រើរលកវិទ្យុដែលមិនមានអ៊ីយ៉ូដ ដែលមិនធ្វើឱ្យខូច DNA របស់មនុស្ស។ អ្នកជំនាញមីក្រូជីវសាស្រ្តទាត់ចោលការលើកឡើងថា 5G បំផ្លាញប្រព័ន្ធការពាររបស់មនុស្ស ហើយអាចឱ្យអ្នកប្រើប្រាស់ងាយនឹងឆ្លងវីរុសកូរ៉ូណា។ ប្រភព៖ BBC

ប្រជាជនមីយ៉ាន់ម៉ាចំនួន ៧០០នាក់ បានរត់ភៀសខ្លួនទៅទីក្រុង Mae Sot ស្ថិតនៅភាគខាងលិចប្រទេសថៃ ក្រោយពីមានការប៉ះទង្គិចគ្នារវាងក្រុមយោធាមីយ៉ាន់ម៉ាកំពុងកាន់អំណាច និងក្រុមកងកម្លាំងប្រដាប់អាវុធជនជាតិការ៉ែន (KNU) កាលពីសប្ដាហ៍មុន។ កងកម្លាំង KNU និងកងទ័ពភូមាបានប្រយុទ្ធគ្នាតាមបណ្ដោយព្រំដែន ដែលមានចម្ងាយប្រមាណ ៥០០ម៉ែត្រពីដីថៃ។ មានប្រជាជនមីយ៉ាន់ម៉ាប្រមាណ ២ ៥០០នាក់បានភៀសខ្លួនចូលដីថៃ ដោយក្នុងនោះមានកុមារចំនួន ៥៤៥នាក់។ នេះបើតាម មន្ត្រីគណៈកម្មការសម្ព័ន្ធជំនួយ (Aid Alliance) ជាស្ថាប័នរបស់ក្រុមជនភៀសខ្លួនភូមាដែលមានមូលដ្ឋាននៅថៃ។ អាជ្ញាធរខេត្តតាក ប្រទេសថៃបានឱ្យដឹងថា ខាង KNU បានបង្ហោះក្នុងបណ្ដាញហ្វេសប៊ុករបស់ខ្លួនកាលពីថ្ងៃទី ១៥ ធ្នូថា ខ្លួនបានសម្លាប់ទាហានភូមាចំនួន ៤នាក់ និងបង្កឱ្យ ៤នាក់ទៀតរងរបួស ខណៈដែលក្រុមរដ្ឋាភិបាលស្រមោលមីយ៉ាន់ម៉ាបានផ្សាយថា ទាហានរបស់អាជ្ញាធរយោធាមីយ៉ាន់ម៉ា ១៨នាក់បានបាត់បង់ជីវិត។ យ៉ាងណាមិញ មិនទាន់មានការបញ្ជាក់ជាផ្លូវការពីភាគីណាមួយនោះឡើយ។ ប្រភព៖ ABC

ប្រភព៖ CGTN

ប្រភព៖ ស្ថានទូតចិនប្រចាំកម្ពុជា

📷 Khem Sovannara

📸 Panharoth Kim