ភ្នំពេញៈ​ទោះបីជា​ខ្លឹមសា​រនៃ​ជំនួប​រវាង​លោក​ឧបនាយករដ្ឋមន្ត្រី ប្រាក់ សុខុន រដ្ឋមន្ត្រី​ក្រសួងការបរទេស​ និង​សហប្រតិបត្តិការ​អន្តរជាតិ​មិនទាន់​ត្រូវបាន​ផ្សព្វផ្សាយ​ជា​ផ្លូវការ​នៅឡើយ​ក៏ដោយ ក៏​នៅលើ​បណ្តាញ​សង្គម​ផ្លូវការ​របស់ឯកឧត្តម​រដ្ឋមន្ត្រី​ការបរទេស​កម្ពុជា​នៅ​រសៀល​ថ្ងៃទី​៨​ ខែវិច្ឆិកា ​ឆ្នាំ​២០២១​នេះ ​​បានបង្ហោះខ្លឹមសារដែលមានន័យថា​ “​សូម​ស្វាគមន៍ លោកជំទាវ ម៉ា​រី​ស ផេ​ន រដ្ឋមន្ត្រីការបរទេស និង​ជា​រដ្ឋមន្ដ្រី​កិច្ចការនារី​អូស្ដ្រាលី ដែល​បាន​មកដល់​ប្រទេស​កម្ពុជា​។ ខ្ញុំពិតមានសេចក្តីសោមនស្ស​រីករាយ​ដែល​បាន​ជួប​លោកជំទាវ​ដោយផ្ទាល់ ក្រោយពី​មាន​ជំនួប​ទ្វេភាគី​តាម​ទូរស័ព្ទ និង​ប្រជុំ​តាម​ប្រព័ន្ធ​វីដេអូ​ជាច្រើនលើក​ច្រើនសារ​ក្នុង​រយៈពេល​ពីរ​ឆ្នាំ​ចុងក្រោយ​នេះ​។

ភ្នំពេញៈលោកជំទាវ ម៉ារីស ផេន រដ្ឋមន្រ្តីការបរទេស និងជារដ្ឋមន្រ្ដីកិច្ចការនារីអូស្រ្ដាលី បានបញ្ជាក់ថា រដ្ឋាភិបាលអូស្ត្រាលីបានសម្រេចបញ្ជូនឱ្យកម្ពុជានូវវ៉ាក់សាំងប្រឆាំងកូវីដ-១៩ ចំនួន៣លាន២សែន៥ម៉ឺនដូស ដោយក្នុងនោះ ១លានដូសនឹងត្រូវជូនមកកម្ពុជាមុនដំណាច់ឆ្នាំនេះ។ ការបញ្ជាក់នេះ បានធ្វើឡើងនៅក្នុងជំនួបពិភាក្សាការងារជាមួយសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា កាលពីព្រឹកថ្ងៃទី៨ ខែវិច្ឆិកា ឆ្នាំ២០២១ នៅវិមានសន្តិភាព។