-
កងរាជអាវុធហត្ថទាំង៧៣នាក់ ដែលទើបបញ្ចប់បេសកកម្មនៅស៊ូដង់ខាងត្បូង ត្រលប់មកដល់មាតុប្រទេសវិញត្រូវមន្ត្រីក្រសួងសុខាភិបាលយកសំណាក និងបញ្ជូនមកធ្វើចត្តាឡីស័ករយៈពេល១៤ថ្ងៃ
កងអនុសេនាធំរាជអាវុធហត្ថលេខ៨៦១ ចំនួន៧៣នាក់ ក្នុងនោះមាននារី១២នាក់ បានវិលត្រឡប់មកមាតុភូមិកម្ពុជាវិញ នៅរសៀលថ្ងៃទី២៧តុលា ឆ្នាំ២០២០នេះ ក្រោយបញ្ចប់បេសកកម្មមនុស្សធម៌រក្សាសន្តិភាពក្រោមឆត្រអង្គការសហប្រជាជាតិ នៅសាធារណរដ្ឋស៊ូដងខាងត្បូង ដោយជោគជ័យ និងបាននាំកិត្យានុភាពជូនជាតិកម្ពុជា។ ពិធីទទួលកងអនុសេនាធំរាជអាវុធហត្ថលេខ៨៦១ ត្រូវបានធ្វើឡើងក្រោមវត្តមានលោកឧត្តមសេនីយ៍ឯក អោក សៀង អគ្គនាយករង មជ្ឈមណ្ឌលជាតិគ្រប់គ្រង កងកម្លាំងរក្សាសន្តិភាព បោសសម្អាតមីន និងកាកសំណល់សង្គ្រាម តំណាងនាយឧត្តមសេនីយ៍ សែម សុវណ្ណនី ព្រមទាំងថ្នាក់ដឹកនាំកងទ័ពមួកខៀវមួយចំនួន នៅព្រលានយន្តហោះ VIP។ គួរជម្រាបថា កងរាជអាវុធហត្ថលេខ៨៦១ ត្រូវបានជំនួសដោយកងរាជអាវុធហត្ថលេខ១៨៦ ចំនួន៧៣នាក់ ក្នុងនោះមានស្ត្រីចំនួន ២៨នាក់ ដែលត្រូវបានបញ្ជូនទៅកាន់ប្រទេសស៊ូដង់ខាងត្បូង នាយប់ថ្ងៃទី២៥ ខែតុលា ឆ្នាំ២០២០។ ក្រោយត្រឡប់មកដល់ព្រលានយន្តហោះភ្លាមកងរាជអាវុធហត្ថទាំង ៧៣នាក់ ត្រូវមន្ត្រីក្រសួងសុខាភិបាលយកសំណាក និងបញ្ជូនមកធ្វើចត្តាឡីស័ក តាមវិធានសុខាភិបាលរយៈពេល១៤ថ្ងៃ នៅវិទ្យាស្ថានហ្វឹកហ្វឺន បណ្តុះបណ្តាលកងកម្លាំងរក្សាសន្តិភាព បោសសំអាតមីន និងកាកសំណល់សង្រ្គាម ក្នុងស្រុកឧដុង្គ ខេត្តកំពង់ស្ពឺ។ ក្នុងឱកាសនោះដែរ លោកឧត្តមសេនីយ៍ឯក អោក សៀង ក៏បានពាំនាំនូវប្រសាសន៍ផ្តាំផ្ញើសាកសួរសុខទុក្ខពីសំណាក់សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ,…
-
ក្រសួងបរិស្ថាន រៀបចំសិក្ខាសាលាពិគ្រោះយោបល់បញ្ចប់លើ “សេចក្តីព្រាងរបាយការណ៍ស្ថានភាពបរិស្ថានជាតិ លើកទី៤”
នៅព្រឹកថ្ងៃទី២៧ ខែតុលា ឆ្នាំ២០២០ ថ្នាក់ដឹកនាំ មន្រ្តីជំនាញក្រសួងបរិស្ថាន ក្រសួងស្ថាប័ន អង្គភាពពាក់ព័ន្ធ សកលវិទ្យាល័យ អង្គការជាតិ និងអន្តរជាតិ ដែលទទួលបន្ទុកការងារទាក់ទងនឹងបរិស្ថាន និងធនធានធម្មជាតិ បានជួបជុំគ្នាក្នុងសិក្ខាសាលាពិគ្រោះយោបល់បញ្ចប់លើសេចក្តីព្រាងរបាយការណ៍ស្ថានភាពបរិស្ថានជាតិ លើកទី៤ នាសណ្ឋាគារកាំបូឌីយ៉ាណា រាជធានីភ្នំពេញ។ ឯកឧត្តម ជួប ប៉ារីស៍ អគ្គនាយកនៃអគ្គនាយកដ្ឋានចំណេះដឹង និងព័ត៌មានបរិស្ថាន ក្រសួងបរិស្ថាន បានថ្លែងអំណរគុណដល់ក្រុមការងារ ភាគីពាក់ព័ន្ធទាំងអស់ ដែលជាកត្តាជំរុញឲ្យរបាយការណ៍កាន់តែមានភាពសម្បូរបែបទៅដោយព័ត៌មាន ងាយស្រួលដល់ការវិភាគស៊ីជម្រៅគ្រប់ជ្រុងជ្រោយ ប្រកបដោយលក្ខណៈវិទ្យាសាស្ត្រ និងជឿទុកចិត្តបាន។ ឯកឧត្តម បានឲ្យដឹងថា របាយការណ៍នេះជាលើកទី៤ក៏ពិតមែន ប៉ុន្តែជាលើកទី១ហើយ ដែលយើងបានធ្វើជាលក្ខណៈអន្តរជាតិ ព្រោះយើងមានទីប្រឹក្សាជាតិ និងអន្តរជាតិ ចូលរួមបង្កើតជារបាយការណ៍ ដែលអាចប្រើប្រាស់ជាអន្តរជាតិ។ ឯកឧត្តម សង្ឃឹមទៀតថា បន្ទាប់ពីរបាយការណ៍នេះផ្សាយចេញទៅ ស្ថានប័នពាក់ព័ន្ធ អង្គការដៃគូ ប្រើប្រាស់នូវទិន្នន័យនេះជាគោល ដើម្បីជៀសវាងនូវការប្រើប្រាស់ទិន្នន័យផ្សេងៗគ្នា។ ជាមួយគ្នានេះដែរ របាយការណ៍នេះ នឹងធ្វើការបោះពុម្ពផ្សាយជាពីរភាសា គឺភាសាខ្មែរ និងអង់គ្លេសផងដែរ។ អញ្ជើញជាអធិបតីបើកសិក្ខាសាលា ឯកឧត្តម នេត្រ ភក្រ្តា រដ្ឋលេខាធិការ និងជាអ្នកនាំពាក្យក្រសួងបរិស្ថាន…
-
ឯកឧត្តម ខៀវ កាញារីទ្ធ ជំរុញឱ្យប្រពន្ធ័ផ្សព្វផ្សាយរបស់ជាតិផ្សាយព័ត៌មានថ្មីៗ និងទាន់ហេតុការណ៍ឱ្យបានទូលាយ
ភ្នំពេញ៖ ឯកឧត្តម ខៀវ កាញារីទ្ធរដ្ឋមន្ត្រី ក្រសួងព័ត៌មាន នៅតែបន្តជំរុញឱ្យប្រពន្ធ័ផ្សព្វផ្សាយរបស់ជាតិ ផ្សាយព័ត៌មានថ្មីៗ និងទាន់ហេតុការណ៍ ឱ្យបានទូលាយ ដើម្បីផ្តល់ព័ត៌មានពិតនិងទាន់ហេតុការណ៍ដល់ប្រជាពលរដ្ឋ ។ នៅក្នុងឱកាសនៃកិច្ចប្រជុំសាមញ្ញប្រចាំសប្តាហ៍ នាព្រឹកថ្ងៃទី២៦ ខែតុលា ឆ្នាំ២០២០ ឯកឧត្តម ខៀវ កាញារីទ្ធ រដ្ឋមន្រ្តី ក្រសួងព័ត៌មាន បានឱ្យប្រពន្ធ័ផ្សព្វផ្សាយរបស់ជាតិទាំងអស់ ធ្វើការផ្សាយឱ្យបានទូលាយនូវគោលការណ៍របស់ សម្តេចតេជោនាយករដ្ឋមន្រ្តី ក្នុងការចែកជូនស្រូវពូជដល់ប្រជាកសិករ ដែលទទួលរងគ្រោះដោយជំនន់ទឹកភ្លៀង ដើម្បីទុកត្រៀម នៅពេលពេលទឹកស្រកអស់ ឆាប់បានធ្វើការដំាដុះឡើងវិញ។ ជាមួយគ្នានេះដែរ ឯកឧត្តម ក៏បានឱ្យបណ្តាប្រពន្ធ័ផ្សាយរបស់ជាតិនៅតាមបណ្តាមន្ទីរ ព័ត៌មាន ត្រូវត្រៀមលក្ខណៈធ្វើការថតផ្សាយ ពីព្រះរាជពិធីបុណ្យអុំទូក បណ្តែតប្រទីប សំពះព្រះខែនិងអកអុំបុក បើសិនជាខេត្តនោះបានធ្វើ ដើម្បីផ្សព្វផ្សាយឱ្យបាន ទូលំទូលាយ ហើយសម្រាប់នៅរាជធានីភ្នំពេញ មិនមានការប្រារព្ធព្រះរាជពិធីបុណ្យអុំទូកទេឆ្នាំនេះ តែក៏មានការបាញ់កាំជ្រួច អបអរសាទរ ដែលពិធីនេះ ទូរទស្សន៍ជាតិ ត្រូវធ្វើការថតផ្សាយផ្សាល់ពីការបាញ់កាំជ្រួចនេះ។ ឆ្លៀតក្នុងឱកាសនោះដែរ ឯកឧត្តម បានកោតសរសើរចំពោះកិច្ចខិតខំប្រឹងប្រែងបំពេញការងាររបស់ក្រុមថតតាមប្រពន្ធ័ LiveYou ទូរទស្សន៍ជាតិកម្ពុជា ថតផ្សាយបន្តផ្ទាល់នូវរាល់ព្រឹត្តការណ៍សំខាន់ៗ ទាន់ហេតុការណ៍របស់ជាតិ ជាពិសេសនៅ ក្នុងពេលគ្រោះធម្មជាតិជំនន់ទឹកភ្លៀង…
-
ក្រសួងកិច្ចការនារី និងក្រុមហ៊ុនភេសជ្ជៈកម្ពុជាកូកា-កូឡា ពង្រឹងភាពជាដៃគូលើការលើកកម្ពស់ភាពជាអ្នកដឹកនាំ និងការអភិវឌ្ឍសហគ្រិនភាពរបស់ស្រ្តី
ក្រសួងកិច្ចការនារី និងក្រុមហ៊ុនកូកា-កូឡាកម្ពុជាបានចុះអនុស្សរណៈយោគយល់គ្នាស្តីពី «ភាពជាដៃគូលើការលើកកម្ពស់ភាពជាអ្នកដឹកនាំនិងការអភិវឌ្ឍសហគ្រិនភាពរបស់ស្រ្តី» ដើម្បីរៀបចំផែនការរួមផ្តល់វគ្គបណ្តុះបណ្តាល អភិវឌ្ឍន៍សហគិ្រនភាពរបស់ស្ត្រី ជាពិសេសអ្នកតំណាងចែកចាយផលិតផល និងការគាំទ្រនានាដល់ស្រ្តី ជាម្ចាស់អាជីវកម្ម ខ្នាតតូច នៅថ្នាក់ជាតិ និងថ្នាក់ក្រោមជាតិ។ សម្រាប់ការចុះអនុស្សរណៈនេះ ភាគីទាំងពីរបានប្រកាសពីឆន្ទៈយ៉ាងច្បាស់ ក្នុងការបង្កើនភាពអង់អាចផ្នែកសេដ្ឋកិច្ចដល់ស្ត្រី ភាពជាអ្នកដឹកនាំរបស់ស្រ្តី និងជំរុញឱ្យស្រ្តីប្រើប្រាស់សក្តានុពលរបស់ខ្លួនឱ្យអស់លទ្ធភាព ក្នុងការចូលរួមលើកស្ទួយសេដ្ឋកិច្ច-សង្គមជាតិប្រកបដោយបរិយាប័ន្ន។ ថ្លែងក្នុងពិធីចុះហត្ថលេខាលើអនុស្សារណៈយោគយល់គ្នាស្តីពី«ភាពជាដៃគូលើការលើកកម្ពស់ភាពជាអ្នកដឹកនាំនិងការអភិវឌ្ឍសហគ្រិនភាពរបស់ស្រ្តី» នារសៀលថ្ងៃទី២៦ ខែតុលា ឆ្នាំ២០២០ នៅទីស្ដីការក្រសួងកិច្ចការនារី លោកជំទាវ គង់ សូរីតា អនុរដ្ឋលេខាធិការក្រសួងកិច្ចការនារីបានមានប្រសាសន៍ថា សម្រាប់រាជរដ្ឋាភិបាលកម្ពុជា ការលើកកម្ពស់ភាពជាអ្នកដឹកនាំ និងសហគ្រិនភាពគឺជាយុទ្ធសាស្រ្ដគន្លឹះធំពីរនៃក្របខ័ណ្ឌការងារបង្កើនភាពអង់អាចក្លាហានដល់ស្រីនិងក្មេងស្រី ក្នុងគោលដៅដើម្បីឈានទៅលុបបំបាត់គម្លាតយេនឌ័រនៅកម្ពុជា ជាពិសេសដូចមានកំណត់នៅក្នុងយុទ្ធសាស្រ្ដចតុកោណដំណាក់កាលទី៤ នៃផែនការជាតិ និងអភិវឌ្ឍន៍យុទ្ធសាស្រ្ដផែនការយុទ្ធសាស្រ្ដនារីរតនៈទី៥ ឆ្នាំ២០១៩-២០២៣។ លោកជំទាវបានបន្ថែមថា កិច្ចសហការគ្នានេះគឺជារូបមន្ដ និងសក្ដានុពលថ្មីមួយទៀត ក្នុងការពង្រីកដៃគូ សម្រាប់លើកកម្ពស់សមភាពយេនឌ័រ ជាពិសេសក្នុងវិស័យសេដ្ឋកិច្ច ការអភិវឌ្ឍសហគ្រិនភាព ភាពជាអ្នកដឹកនាំ និងការគាំទ្របរិយាកាសការងារ សម្រាប់ស្រ្ដីក្នុងវិស័យឯកជន។ លោកស្រី ឡាវ ស្រីដែត នាយិកាផ្នែកពាណិជ្ជកម្មប្រចាំប្រទេសរបស់ក្រុមហ៊ុនកូកា-កូឡាកម្ពុជាបានគូសបញ្ជាក់ថា “នៅក្រុមហ៊ុនកូកា-កូឡាកម្ពុជា យើងបានកំណត់គោលដៅជាក់លាក់នៅក្នុងចក្ខុវិស័យ២០២០-២០២៥ គឺត្រូវអនុវត្តន៍គ្រប់យុទ្ធសាស្ត្រដើម្បីឱ្យមានបុគ្គលិកជាស្ត្រី ៥០ភាគរយ នៃចំនួនបុគ្គលិកសរុបនៅត្រឹមឆ្នាំ២០២៥”។ លោកស្រីបានបន្ដថា ពិពិធភាព…
-
សម្តេចតេជោធុញទ្រាន់ជាខ្លាំងលើការរិះគន់បញ្ហាសាងសង់អគារខ្ពស់ៗ តែសម្តេចជម្នះនៅតែឱ្យធ្វើ
សម្តេចតេជោហ៊ុន សែននាយករដ្ឋមន្រ្តីនៃព្រះរាជាណាចក្រកម្ពុជាមានភាពធុញទ្រាន់ជាខ្លាំង លើការរិះគន់បញ្ហាសាងសង់អគារខ្ពស់ៗ តែសម្តេចជម្នះឱ្យធ្វើ រហូតមានការអភិវឌ្ឍរីកដុះដាលមកដល់សព្វថ្ងៃនេះ ដែលធ្វើឱ្យកម្ពុជាមានអគារល្អប្រណិត ប្លែកៗមិនចាញ់បណ្តាប្រទេសជិតខាងឡើយ។ ក្នុងឱកាសអញ្ជើញបើកការដ្ឋាន សាងសង់ស្ពានបេតុងខ្សែកាប្លិ៍ ឆ្លងកាត់ទន្លេបាសាក់ ពីកោះនរាទៅទីក្រុងរណបកោះពេជ្រ និងពីកោះនរា ទៅផ្លូវជាតិលេខ១ នាព្រឹកថ្ងៃទី២៦ ខែតុលា ឆ្នាំ២០២០នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានថ្លែងថា សម្តេចធុញទ្រាន់ជាខ្លាំង ចំពោះក្រុមមួយចំនួនដែលមិនចង់ឱ្យ មានអគារខ្ពស់ជាងគណៈរដ្ឋមន្ត្រី ឬខ្ពស់ជាងសំណង់ប្រវត្តិសាស្ត្រផ្សេងៗ ដូចជាខ្ពស់ជាងវត្តភ្នំ ខ្ពស់ជាងព្រះសក្យមុនីចេតិយជាដើម។ សម្តេចតេជោ ហ៊ុន សែន បានថ្លែងថា ព្រោះតែធុញទ្រាន់បែបនេះ កាលពីអំឡុងឆ្នាំ២០០៤ ទើបសម្តេចប្រកាសថា នរណាសាងសង់បានខ្ពស់ជាងគេគឺសម្តេចប្រគល់មេដាយ។ សម្តេចបញ្ជាក់ថា «ទីក្រុងមួយគេត្រូវការនូវអគារខ្ពស់ៗ ហើយយើងនៅតែមានអគារ៧ជាន់ហ្នឹងអី កាលពីមុនយើងមានអគារ៧ជាន់ហ្នឹងតែមួយទេ តើអ៊ីចឹងយើងត្រូវទុកតែ៧ជាន់ហ្នឹងឬយ៉ាងម៉េច? ក្នុងអំណាចខ្ញុំជានាយករដ្ឋមន្ត្រី ខ្ញុំត្រូវតែទទួលខុសត្រូវ ដូច្នេះខ្ញុំប្រកាសយកតែម្ដង ថានរណាធ្វើបានខ្ពស់ជាងគេ គឺខ្ញុំនឹងអោយមេដាយពាក់។ ព្រោះពេលនោះសូម្បីតែណាហ្គាវើល កុំអីគេធ្វើខ្ពស់ណាស់ ក៏ប៉ុន្តែពេលនោះ គេធ្វើខ្ពស់ហើយ កាត់របស់គេចុះទៀត ហើយមួយទៀត សណ្ឋាគារសាន់វ៉េឡើងទៅ កាត់របស់គេចោលទៀតថាកុំឱ្យខ្ពស់ជាងវត្តភ្នំ អ៊ីចឹងគឺថាដូចជាជ្រុលពេក។ ប៉ុន្តែដល់ឥឡូវមានអីទីក្រុងរបស់យើងមានអាខ្ពស់ៗ ឧទ្ធម្ភាគចក្ររបស់ខ្ញុំពីដើម…
-
កម្ពុជាបានបញ្ជូនកងអាវុធហត្ថមួកខៀវចំនួន ៧៣នាក់ ទៅបេសកកម្មនៅប្រទេសស៊ូដង់ខាងត្បូង
តាមព័ត៌មានពី AKP បានឱ្យដឹងថា កាលពីយប់ថ្ងៃទី២៥ ខែតុលា ឆ្នាំ២០២០ កងអនុសេនាធំអាវុធហត្ថមួកខៀវកម្ពុជា លេខ១៨៦ ចំនួន៧៣នាក់ ក្នុងនោះមានស្ត្រីចំនួន ២៨នាក់ ត្រូវចេញទៅបំពេញបេសកកម្មនៅ ប្រទេសស៊ូដង់ខាងត្បូង ដើម្បីប្តូរវេនកងអាវុធហត្ថលេខ៨៦១ ត្រូវបញ្ចប់បេសកកម្ម ហើយ នឹងវិលត្រឡប់មកមាតុភូមិវិញនៅថ្ងៃទី២៧ ខែតុលា ឆ្នាំ២០២០ ខាងមុខនេះ។ នាឱកាសជូនដំណើរយោធាកម្ពុជាទាំង៧៣នាក់ ទៅបំពេញបេកកម្មក្រោមឆ័ត្រ អង្គការសហប្រជាជាតិនេះ ឯកឧត្តមនាយឧត្តមសេនីយ៍ សែម សុវណ្ណនី អនុប្រធាន គណៈកម្មាធិការជាតិ និងជាអគ្គនាយកមជ្ឈមណ្ឌលជាតិរក្សាសន្តិភាព បានក្រើនរម្លឹកដល់ នាយទាហានទាំងអស់ ដែលចេញទៅបំពេញបេសកកម្ម និងកំពុងបំពេញបេសកកម្មម នុស្សធម៌នៅក្រៅប្រទេសទាំងអស់ សូមថែទាំងសុខភាព អនុវត្តន៍តាមការណែនាំរបស់ ក្រសួងសុខាភិបាល ការណែនាំរបស់មន្ត្រីអង្គការសហប្រជាជាតិនៅក្នុងតំបន់បំពេញ បេសកកម្មរបស់ខ្លួន និងតាមការណែនាំរបស់សម្តេចតេជោ ហ៊ុន សែន និងក្រសួងការពារ ជាតិ ពីវិធានការការពារ ទប់ស្កាត់ និងបង្ការជំងឺកូវីដ-១៩៕ ប្រភព៖ ក្រសួងព័ត៌មាន
-
អៀង សារី ឧបនាយករដ្ឋមន្រ្ដី និងជារដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ នៃរបបកម្ពុជាប្រជាធិបតេយ្យ (១៧ មេសា ១៩៧៥- ៦ មករា ១៩៧៩)។
អៀង សារី គឺជាអតីតសិស្សនៅវិទ្យាល័យស៊ីសុវត្ថិ នៅក្នុងក្រុងភ្នំពេញ។ លោកបានទទួលអាហារូបករណ៍ទៅសិក្សានៅឯវិទ្យាល័យកុងដ័រសេ និងនៅវិទ្យាស្ថានសិក្សានយោបាយក្រុងប៉ារីសប្រទេសបារាំង។ លោកបានចូលជាសមាជិកបក្សកុម្មុយនីស្តបារាំងក្នុងឆ្នាំ១៩៥១។ អៀង សារី ត្រូវបានគេជឿថាបានចូលរួមជាមួយ ខៀវ សំផន ក្នុងការបង្កើតចលនា ម៉ាក្សស៊ីស ក្នុងស្រទាប់និសិ្សតកម្ពុជានៅប្រទេសបារាំង។ បន្ទាប់ពីត្រឡប់មកកម្ពុជាវិញក្នុងឆ្នាំ១៩៥៧ អៀង សារី បានក្លាយជាគ្រូបង្រៀនប្រវត្តិវិទ្យានៅវិទ្យាល័យស៊ីសុវត្ថិ និងជាសមាជិកសកម្មនៃបក្សកុម្មុយនីស្តកម្ពុជា។ អៀង សារី បានរត់ចូលព្រៃដើម្បីចូលរួមជាមួយចលនាខ្មែរក្រហមនៅឆ្នាំ១៩៦៣។ ក្នុងអំឡុងសង្គ្រាមស៊ីវិលពីឆ្នាំ១៩៧១-១៩៧៥ លោកបានចូលរួមជាមួយរាជរដ្ឋាភិបាលបង្រួបបង្រួមជាតិកម្ពុជា និងជាបេសកជនពិសេសរបស់រណសិរ្សរួបរួម ជាតិខ្មែរ។ពេលដែលខ្មែរក្រហមឡើងកាន់អំណាចនៅឆ្នាំ១៩៧៥ អៀង សារី ក៏បានក្លាយទៅជាឧបនាយករដ្ឋមន្ត្រីទទួលបន្ទុកកិច្ចការបរទេស។ អៀង សារី បានរត់ភៀសខ្លួនទៅប្រទេសថៃនៅពេលដែលរបបខ្មែរក្រហមដួលរលំក្នុងឆ្នាំ១៩៧៩។ គាត់ត្រូវបានកាត់ ទោសកំបាំងមុខពីបទប្រល័យពូជសាសន៍ និងត្រូវផ្តន្ទាទោសប្រហារជីវិតដោយ តុលាការប្រជាជនបដិវត្តន៍កម្ពុជានៅភ្នំពេញ។ អៀង សារី បានបន្តតួនាទីរបស់ខ្លួន ក្នុងរដ្ឋាភិបាលនិរទេស ប៉ុន្តែបានផ្ទេរមុខតំណែងជារដ្ឋមន្រ្តីការបរទេសទៅឲ្យ ខៀវ សំផន បន្ទាប់ពីការបង្កើតរដ្ឋាភិបាលចម្រុះកម្ពុជាប្រជាធិបតេយ្យក្នុងឆ្នាំ១៩៨២។ អៀង សារី បានចាកចេញពីចលនាខ្មែរក្រហមជាមួយនឹងកងកម្លាំងយោធារាប់ពាន់ នាក់នៅខែសីហាឆ្នាំ១៩៩៦ ជាថ្នូរនឹងព្រះរាជក្រិត្យលើកលែងទោសចំពោះសាលក្រម ឆ្នាំ១៩៧៩ និងការលើកលែងទោសពីសំណាក់ព្រះករុណាព្រះបាទ នរោត្តម សីហនុ ពីការកាត់ទោសក្រោមច្បាប់ដាក់ខ្មែរក្រហមនៅក្រៅច្បាប់ក្នុងឆ្នាំ១៩៩៤។…