ភ្នំពេញ៖ រាជរដ្ឋាភិបាលកម្ពុជា បានប្រតិកម្មខ្លាំង ចំពោះការសម្តែងការព្រួយបារម្ភរបស់សហរដ្ឋអាមេរិក ទាក់ទងការចោទប្រកាន់ ដែលគ្មានមូលដ្ឋានថា កម្ពុជាមានផែនការធ្វើជាម្ចាស់ផ្ទះ សម្រាប់កងទ័ពជើងទឹកបរទេស និងបុគ្គលិករបស់គេ នៅមូលដ្ឋានកងទ័ពជើងទឹករាម។ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ តំណាងសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្ររាជាណាចក្រកម្ពុជា នៅក្នុងកិច្ចប្រជុំកំពូល អាស៊ីបូព៌ា លើកទី១៥ ដែលបានធ្វើឡើង តាមប្រព័ន្ធវីដេអូ នៅថ្ងៃទី១៤ ខែវិច្ឆិកា ឆ្នាំ២០២០ បានឆ្លើយតបនឹងសហរដ្ឋអាមេរិក ចំពោះការចោទប្រកាន់កម្ពុជាគ្មានមូលដ្ឋានដដែលៗចំពោះករណីថាកម្ពុជាមានមូលដ្ឋានទ័ពបរទេសលើទឹកដីខ្លួន។ «ខ្ញុំសូមឆ្លើយតបទៅនឹងការព្រួយបារម្ភ ដែលបានលើកឡើងថា ប្រទេសកម្ពុជា មានផែនការឲ្យដាក់បរិក្ខារ និងកម្លាំងយោធាចិន នៅមូលដ្ឋានកងទ័ពជើងទឹករាម។ ខ្ញុំចាំបាច់ ត្រូវតែឆ្លើយតប ពីព្រោះការចោទប្រកាន់ម្តងហើយម្តងទៀត និងការផ្សព្វផ្សាយរឿង ដែលគ្មានមូលដ្ឋានបែបនេះ អាចធ្វើឲ្យអន្តរាយដល់ការជឿទុកចិត្តគ្នា និងបង្កអរិភាពរវាងប្រទេសកម្ពុជានិងប្រទេសក្នុងតំបន់»ជាប្រសាសន៍លើកឡើងរបស់ឯកឧត្តមអគ្គបណ្ឌិតសភាចា្យ អូន ព័ន្ធមុនីរ័ត្ន ។សូមបញ្ជាក់ថា ក្នុងកិច្ចប្រជុំកំពូល អាស៊ីបូព៌ា លើកទី១៥ ដែលបានធ្វើឡើង តាមប្រព័ន្ធវីដេអូ នៅថ្ងៃទី១៤ ខែវិច្ឆិកា ឆ្នាំ២០២០ អាមេរិក…

ភ្នំពេញ៖ ប្រមុខរាជរដ្ឋាភិបាលកម្ពុជា សម្តេចអគ្គមហាសេនាបតីតេជោ ហ៊ុន សែន បានបញ្ជាក់ថា «ខ្មែរយើងពិតមែនតែក្រ ក៏ប៉ុន្តែចិត្តមិនក្រទេ» តាមរយៈសារសំលេងផ្សព្វផ្សាយជូនថ្នាក់ដឹកនាំនិងបណ្តាញសង្គម កាលពីថ្ងៃទី១៤ ខែវិច្ឆិកា ឆ្នាំ២០២០។ ការលើកឡើងនេះគឺសម្តេចតេជោនាយករដ្ឋមន្រ្តី បានសម្រេចថាកម្ពុជាស្ម័គ្រចិត្តបរិច្ចាគម៉ាស ២លាន និងសម្ភារៈពេទ្យមួយចំនួនទៀត ដល់ប្រទេសឡាវ ដើម្បីចូលរួមទប់ស្កាត់ការឆ្លងរាលដាលជំងឺកូវីដ១៩។ ក្នុងសារជាសំឡេង សម្តេចតេជោ ហ៊ុន សែន បានបញ្ជាក់ថា «ខ្មែរយើង ពិតមែនតែក្រ ក៏ប៉ុន្តែចិត្ត វាមិនក្រទេ» ដោយលើកហេតុផលមួយចំនួនថា មាន ខ្លះគេអោយយើងត្រឹមតែ ២០ម៉ឺនម៉ាស ៣០ម៉ឺនម៉ាស! ឥឡូវយើងហ៊ានទៅផ្តល់ឲ្យប្រទេសឡាវ ដល់ទៅ ២លានម៉ាស។ «អាហ្នឹង យើងធ្វើទៅតាមអ្វីដែលជាសមានចិត្តរបស់យើង ចំពោះឡាវ» នេះជាការលើកឡើងបន្ថែមរបស់សម្តេចម្រុខរាជរដ្ឋាភិបាលកម្ពុជា។ ដូចគ្នាដែរ នៅក្នុងរាត្រីថ្ងៃទី ១៤ ខែវិច្ឆិកា ដដែល សម្តេចតេជោ ហ៊ុន សែន បានបញ្ជាក់ក្នុងលិខិត ជូនឯកឧត្តម ថងលុន ស៊ីសុលីត នាយករដ្ឋមន្ត្រីនៃសាធារណរដ្ឋប្រជាធិបតេយ្យប្រជាមានិតឡាវ ដែលបានទូរស័ព្ទមកសួរសុខទុក្ខសម្តេចតេជោថា «ផ្អែកលើកិច្ចសន្ទនាតាមទូរស័ព្ទ និងតាមរយៈការរួមដៃគ្នា…

ភ្នំពេញ៖ បណ្តាថ្នាក់ដឹកនាំនៃអាស៊ានបូកបី ( អាស៊ាន + ចិន ជប៉ុន និងកូរ៉េខាងត្បូង) បានពិភាក្សា និងបញ្ជាក់នូវការប្តេជ្ញាចិត្តរបស់អាស៊ានបូកបី ក្នុងការលើកកម្ពស់សន្តិភាព, ស្ថិរភាព និងវិបុលភាពនៅក្នុងតំបន់ តាមរយៈការគាំទ្រ និងការចូលរួមចំណែករបស់ប្រទេសបូកបី ចំពោះគំនិតផ្តួចផ្តើមនានា សំដៅជួយដោះស្រាយបញ្ហាបន្ទាន់ ក្នុងអំឡុងពេលវិបត្តិនៃជំងឺកូវីដ-១៩ និងសម្រាប់អនាគតដូចជា៖ «កិច្ចព្រមព្រៀងពហុនីយកម្មគំនិតផ្តួចផ្តើមឈៀងម៉ៃ (CMIM)», «ការបង្កើតមូលនិធិអាស៊ានឆ្លើយតបជំងឺ កូវីដ-១៩» និង «ការស្តុកបម្រុងបរិក្ខារវេជ្ជសាស្រ្តចាំបាច់នានារបស់អាស៊ានបូកបី សម្រាប់តម្រូវការបន្ទាន់ផ្នែកសុខភាពសាធារណៈ»។កិច្ចប្រជុំកំពូលនេះ ធ្វើឡើងនៅរសៀលថ្ងៃទី ១៤ ខែ វិច្ឆិកា ឆ្នាំ ២០២០ ដឹកនាំដោយឯកឧត្តម ង្វៀន សួន ហ៊្វុក (Nguyen Xuan Phuc) នាយករដ្ឋមន្រ្តីនៃវៀតណាម។ ឈរលើស្មារតីសាមគ្គីភាព និងសហប្រតិបត្តិការខ្ពស់រវាងអាស៊ានបូកបី, អង្គប្រជុំ បានបង្ហាញនូវការគាំទ្រ និងឆន្ទៈរួមយ៉ាងមុតមាំលើការស្រាវជ្រាវ, អភិវឌ្ឍ និងផលិតវ៉ាក់សាំងឱ្យសម្រេចបាននាពេលឆាប់ៗនេះ ក៏ដូចជា ការចែកចាយវ៉ាក់សាំងនេះ ឱ្យបានទាន់ពេលវេលា ក្នុងតម្លៃសមស្រប សម្រាប់ប្រជាជនទាំងអស់គ្នា។ ថ្នាក់ដឹកនាំ អាស៊ានបូកបី ក៏បានធ្វើការវាយតម្លៃខ្ពស់…

ភ្នំពេញ៖ ឯកឧត្តមអគ្គបណ្ឌិតសភាចារ្យ អូន ព័ន្ធមុន្នីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានចូលរួមកិច្ចប្រជុំកំពូលអាស៊ានបូកបី លើកទី២៣ ដែលបានប្រព្រឹត្តទៅនៅថ្ងៃទី១៤ ខែវិច្ឆិកា ឆ្នាំ២០២០។ កិច្ចប្រជុំផ្តោតពីសារៈសំខាន់នៃយន្តការអាស៊ានបូកបី ដែលជាវេទិកាដ៏សំខាន់សម្រាប់ការកសាងសហគមន៍អាស៊ីបូព៌ា។ ថ្នាក់ដឹកនាំបានសម្តែងសេចក្ដីសោមនស្សចំពោះវឌ្ឍនភាពក្នុងការអនុវត្តផែនការការងារនៃកិច្ចសហប្រតិបត្តិការអាស៊ានបូកបី (២០១៨-២០២២)។ ថ្នាក់ដឹកនាំអាស៊ានបូក៣ទទួលស្គាល់ពីសារៈសំខាន់ នៃការពង្រឹងកិច្ចសហប្រតិបត្តិការក្នុងក្របខ័ណ្ឌអាស៊ានបូកបី ជាពិសេសការជួយគ្នាទៅវិញទៅមក និងកិច្ចខិតខំប្រឹងប្រែងរួមគ្នាក្នុងការប្រយុទ្ធនឹងជំងឺកូវីដ-១៩ និងការស្ដារសង្គម-សេដ្ឋកិច្ចឡើងវិញ ក្រោយទទួលរងផលប៉ះពាល់ពីជំងឺរាតត្បាតនេះ។ ថ្នាក់ដឹកនាំបានឯកភាពគ្នាធានានូវសមភាពក្នុងការទទួលបានវ៉ាក់សាំងការពារជំងឺកូវីដ-១៩ ដែលមានតម្លៃសមរម្យ ក៏ដូចជាការធានាខ្សែសង្វាក់ផ្គត់ផ្គង់ដែលមានភាពរលូន។ ថ្នាក់ដឹកនាំអាស៊ាន បានថ្លែងអំណរគុណចំពោះការចូលរួមពីសាធារណរដ្ឋប្រជាមានិតចិន ជប៉ុន និងសាធារណរដ្ឋកូរ៉េ ក្នុងការគាំទ្រដល់គំនិតផ្តួចផ្តើមរបស់អាស៊ានក្នុងការឆ្លើយតបទៅនឹងការរីករាលដាលនៃជំងឺកូវីដ-១៩ដូចជាតាមរយៈមូលនិធិឆ្លើយតបអាស៊ាន សម្រាប់ជំងឺកូវីដ-១៩ និងស្ដុកបម្រុងបរិក្ខារពេទ្យតំបន់ អាស៊ាន។ ថ្នាក់ដឹកនាំអាស៊ានប្តេជ្ញាក្នុងការធ្វើការរួមគ្នា ដើម្បីដោះស្រាយបញ្ហាមួយចំនួន ដែលមានជាអាទិ៍ បញ្ហាបរិស្ថាន, សុខាភិបាល, ការប្រែប្រួលអាកាសធាតុ និងការគ្រប់គ្រងគ្រោះមហន្តរាយ និងខិតខំពង្រឹងកិច្ចសហប្រតិបត្តិការសេដ្ឋកិច្ច និងឧស្សាហកម្មឌីជីថល, លើកកម្ពស់សហគ្រាសមីក្រូ ធុនតូច និងមធ្យម, សន្តិសុខស្បៀង, ការអប់រំប្រកបដោយគុណភាព, វប្បធម៌ និងសិល្បៈ, ទេសចរណ៍ និងការអភិវឌ្ឍប្រកបដោយចីរភាព។ ទាក់ទងនឹងការតភ្ជាប់ ថ្នាក់ដឹកនាំ អាស៊ានបានលើកទឹកចិត្តដល់បណ្តាប្រទេសសមាជិកអាស៊ានបូកបីឱ្យគាំទ្រដល់គម្រោងនានាដែលស្ថិតនៅក្រោមផែនការមេស្ដីពីការតភ្ជាប់ (MPAC)…

ភ្នំពេញ៖ យោងតាមព្រះរាជក្រម នៅថ្ងៃទី១៤ ខែវិច្ឆិកា ឆ្នាំ២០២០ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានចេញព្រះរាជក្រម ប្រកាសឲ្យប្រើច្បាប់ស្តីពី ការអនុម័តយល់ព្រមលើអនុសញ្ញា ស្តីពីបត្យាប័នរវាងរាជរដ្ឋាភិបាលនៃព្រះរាជាណាចក្រកម្ពុជា និងរដ្ឋាភិបាលនៃសាធារណរដ្ឋបារាំង៕

ភ្នំពេញ៖ បើយោងតាមព្រះរាជក្រម ថ្ងៃទី១៤ ខែវិច្ឆិកា ឆ្នាំ២០២០ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា បានចេញព្រះរាជក្រម ប្រកាសឲ្យប្រើច្បាប់ស្តីពី ការអនុម័តយល់ព្រមលើសន្ធិសញ្ញា ស្តីពីការជួយគ្នាទៅវិញទៅមកផ្នែកច្បាប់ ក្នុងវិស័យព្រហ្មទណ្ឌ រវាងព្រះរាជាណាចក្រកម្ពុជា និងសហព័ន្ធរុស្ស៊ី៕

ភ្នំពេញ៖ តំណាងសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា, អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្រ្ដីក្រសួងសេដ្ឋកិច្ច និងហិរញ្ញវត្ថុ បានចូលរួមកិច្ចប្រជុំកំពូលអាស៊ាន-នូវ៉ែលហ្សេឡង់ ដែលបានប្រព្រឹត្តទៅនៅថ្ងៃទី១៤ ខែវិច្ឆិកា ឆ្នាំ២០២០។ បើតាមសេចក្តីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ លទ្ធផលសំខាន់ៗនៃកិច្ចប្រជុំនេះមានខ្លឹមសារ ដូចខាងក្រោម៖ កិច្ចប្រជុំបានប្រារព្ធឡើងដើម្បីរំលឹកខួបអនុស្សាវរីយ៍លើកទី ៤៥ នៃទំនាក់ទំនងដៃគូសន្ទនាអាស៊ាន-នូវ៉ែលហ្សេឡង់។ ថ្នាក់ដឹកនាំអាស៊ាន បានអបអរសាទរដល់លោកស្រី ជេស៉ីនដា អាឌិន ដែលទទួលបានជោគជ័យដ៏លើសលុប ក្នុងការបោះឆ្នោតសកល នៅប្រទេសនូវ៉ែលហ្សេឡង់ នៅក្នុងខែវិច្ឆិកា ឆ្នាំ២០២០នេះ។ កិច្ចប្រជុំបានកត់សម្គាល់ការអនុម័តផែនការសកម្មភាពអាស៊ាន-នូវ៉ែលហ្សេឡង់ (២០២១-២០២៥) ដែលផ្ដោតសំខាន់លើកម្មវិធីភាពជាដៃគូថ្មី ៤ ជាអាទិ៍មាន៖ ប្រជាជន វិបុលភាព សន្តិភាព និងភពផែនដី។ កិច្ចប្រជុំក៏បានអនុម័តសេចក្តីប្រកាសរួមចក្ខុវិស័យថ្នាក់ដឹកនាំអាស៊ាន-នូវ៉ែលហ្សេឡង់ ស្តីពីខួបអនុស្សាវរីយ៍លើកទី៤៥ នៃទំនាក់ទំនងដៃគូសន្ទនាអាស៊ាន-នូវ៉ែលហ្សេឡង់៖ កេរ្តិ៍ដំណែលនៃភាពជាដៃគូមួយ និងអនាគតរួមគ្នាមួយ។ ថ្នាក់ដឹកនាំអាស៊ានបានអរគុណការគាំទ្រថវិកាចំនួន ១លានដុល្លារ របស់នូវ៉ែលហ្សេឡង់ ដល់មូលនិធិអាស៊ានឆ្លើយតបនឹងជំងឺរាតត្បាតកូវីដ-១៩។ កិច្ចប្រជុំបានឯកភាពធ្វើការរួមគ្នាក្នុងការលើកស្ទួយការផ្លាស់ប្តូរទៅវិញទៅមករវាងប្រជាជននឹងប្រជាជន និងកិច្ចសហប្រតិបត្តិការផ្នែកអភិវឌ្ឍន៍ធនធានមនុស្ស អប់រំ និវានុវត្តន៍ និងបច្ចេកទេស។ កិច្ចប្រជុំក៏បានសង្កត់ធ្ងន់ផងដែរ…

ភ្នំពេញ៖ ក្នុងនាមជាតំណាងសម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា, អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្រ្ដីក្រសួងសេដ្ឋកិច្ច និងហិរញ្ញវត្ថុ បានចូលរួមកិច្ចប្រជុំកំពូលអាស៊ាន-សហរដ្ឋអាមេរិកលើកទី៨ ដែលបានប្រព្រឹត្តទៅ នៅព្រឹកថ្ងៃទី១៤ ខែវិច្ឆិកា ឆ្នាំ២០២០។ សេចក្តីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ បានឲ្យដឹងថា លទ្ធផលសំខាន់ៗនៃកិច្ចប្រជុំកំពូលនេះ មានដូចខាងក្រោម៖ ឆ្នាំនេះគឺជាខួបលើកទី៤៣ នៃទំនាក់ទំនងដៃគូសន្ទនាអាស៊ាន-សហរដ្ឋអាមេរិក និងខួបលើកទី៥ នៃភាពជាដៃគូយុទ្ធសាស្ត្រ។ ថ្នាក់ដឹកនាំអាស៊ាន បានសម្តែងការអបអរសាទរចំពោះការបោះឆ្នោតទូទៅដោយជោគជ័យនៅសហរដ្ឋអាមេរិក នៅក្នុងខែវិច្ឆិកា ឆ្នាំ២០២០នេះ និងបានសម្តែងនូវបំណង ដើម្បីធ្វើឲ្យភាពជាដៃគូយុទ្ឋសាស្រ្តជាមួយសហរដ្ឋអាមេរិកកាន់តែស៊ីជម្រៅថែមទៀត។ កិច្ចប្រជុំបានកត់សម្គាល់អំពីការរីកចម្រើននៃទំនាក់ទំនងរវាងអាស៊ាន និងសហរដ្ឋអាមេរិក រួមមានតាមរយៈការអនុវត្តពេញលេញនូវផែនការការងារ ដើម្បីអនុវត្តភាពជាដៃគូយុទ្ធសាស្ត្រអាស៊ាន- សហរដ្ឋអាមេរិក (២០១៦-២០២០) និងការអនុម័តផែនការការងារថ្មី (២០២១-២០២៥)។ ថ្នាក់ដឹកនាំអាស៊ាន បានកោតសរសើរការបន្តគាំទ្ររបស់សហរដ្ឋអាមេរិក ចំពោះមជ្ឈភាពអាស៊ាន និងកិច្ចខិតខំប្រឹងប្រែងកសាងសហគមន៍អាស៊ាន និងពហុភាគីនិយម បូករួមទាំងកិច្ចសហការក្នុងក្របខ័ណ្ឌទស្សនវិស័យអាស៊ានស្តីពីឥណ្ឌូ-ប៉ាស៉ីហ្វិក។ ក្នុងកិច្ចសប្រតិបត្តិការសេដ្ឋកិច្ច ថ្នាក់ដឹកនាំបានកោតសរសើរចំពោះការងាររបស់ក្រុមប្រឹក្សាធុរកិច្ចអាស៊ាន-សហរដ្ឋអាមេរិក (USABC) ក្នុងការលើកស្ទួយទំនាក់ទំនងកាន់តែរឹងមាំថែមទៀត រវាងសហគមន៍ធុរកិច្ចនៃភាគីទាំងពីរ។ ថ្នាក់ដឹកនាំមានជំហររួមអំពីសារៈសំខាន់នៃកិច្ចសហការ ដើម្បីធ្វើការស្តារសេដ្ឋកិច្ចឡើងវិញ ក្រោយវិបត្តិជំងឺរាតត្បាតកូវីដ-១៩។ ក្នុងកិច្ចសហប្រតិបត្តិការអភិវឌ្ឍន៍…