ភ្នំពេញ៖ សមិទ្ធផលជាប្រវត្តិសាស្ត្រក្នុងសម័យតេជោ គឺពហុកីឡដ្ឋានជាតិមរតតេជោ ដែលជាជំនួយហិរញ្ញប្បទានឥត សំណងរបស់ភាគីចិន មានតម្លៃប្រមាណ ១៦០លាន បានប្រារព្ធពិធីប្រគល់-ទទួលក្រោមអធិបតីភាព សម្ដេចអគ្គមហា សេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងឯកឧត្តម វ៉ាង យី ទីប្រឹក្សារដ្ឋ និងជារដ្ឋការ បរទេស នៃសាធារណៈប្រជាមានិតចិន នៅរសៀលថ្ងៃទី១២ ខែកញ្ញា ឆ្នាំ២០២១ ។ ឯកឧត្តម វ៉ាង យី (Wang Yi) បានបង្ហាញក្ដីសង្ឃឹមថា តាមរយៈការហ្វឹកហាត់នៅពហុកីឡដ្ឋានជាតិមរតកតេជោ កីឡាករ-កីឡាការិនីកម្ពុជា នឹងទទួលបានមេដាយមាសច្រើនជាងគេ នៅក្នុងការប្រកួតកីឡាស៊ីហ្គេម ឆ្នាំ២០២៣ នាពេលខាងមុខនេះ។ ប្រមុខការទូតចិន បានបន្តថា ប្រជាជន និងកីឡាករកម្ពុជា អាចហាត់ប្រាណហាត់កីឡា កាន់តែ ច្រើននៅក្នុងពហុកីឡដ្ឋានជាតិនេះ ។ ឯកឧត្តម វ៉ាង យី បានបន្ថែមថា៖ ចិន និងកម្ពុជា និងបោះជំហានទៅជាមួយគ្នា ជានិច្ច ហើយចិន ប្ដេជ្ញាជួយកម្ពុជា…

ភ្នំពេញ៖ សហភាពសហព័ន្ធយុវជនកម្ពុជា ថ្ងៃទី១២ ខែកញ្ញា ឆ្នាំ២០២១ បានអបអរសាទរ ការទទួលជាផ្លូវការនូវពហុកីឡដ្ឋានជាតិ “មរតកតេជោ” ហើយ កម្ពុជាបានកត់ត្រានូវទំព័រប្រវត្តិសាស្រ្តថ្មីមួយទៀត នោះគឺការទទួលបាននូវពហុកីឡដ្ឋានជាតិដ៏ធំស្កឹមស្កៃ ប្រកបដោយប្រណិតភាព។ សមិទ្ធិផលថ្មីនេះ មិនត្រឹមតែបានឆ្លុះបញ្ចាំងពីមោទនភាពជាតិថ្មីមួយទៀតរបស់កម្ពុជាប៉ុណ្ណោះទេ ប៉ុន្តែថែមទាំងនឹងក្លាយទៅជាកម្លាំងចិត្ត និងក្តីសង្ឃឹមសម្រាប់យុវជន យុវនារី ជាពិសេសកីឡាករ កីឡការិនី យើងទាំងអស់ ដើម្បីឈានទៅដណ្តើមយកជ័យជំនះ និងកិត្តិយសជូនជាតិមាតុភូមិលើវិស័យកីឡា នាពេលខាងមុខនេះ។ នេះបើយោងតាមគេហទំព័រ Facebook របស់សហភាពសហព័ន្ធយុវជនកម្ពុជា។ យុវជនកម្ពុជាបានចងចាំ និងបង្ហាញការដឹងគុណជូនចំពោះរាជរដ្ឋាភិបាលកម្ពុជា ដែលជាបន្តបន្ទាប់ តែងបានខិតខំប្រឹងប្រែងស្វែងរកសមិទ្ធផលជូនជាតិ និងប្រជាជន មិនថាតែក្នុងវិស័យកីឡា ការកសាងហេដ្ឋារចនាសម្ព័ន្ធរូបវន្ត ឬក្នុងការអភិវឌ្ឍសមត្ថភាពធនធានមនុស្ស។ ជាការតបស្នងនូវគុណបំណាច់ដ៏ថ្លៃថ្លានេះ យើងខ្ញុំគ្មានអ្វីក្រៅពីការប្តេជ្ញាក្នុងការបន្តថែរក្សា ការពារ និងចូលរួមអភិវឌ្ឍបន្តថែមទៀតនូវអ្វី ដែលសម្រេចបានយ៉ាងលំបាកមកនេះ តាមរយៈការខិតខំប្រឹងប្រែងកសាងសមត្ថភាពខ្លួនឱ្យកាន់តែប្រសើរដើម្បីធ្វើជាសសរទ្រូងដ៏រឹងមាំរបស់ជាតិ មាតុភូមិ និងប្រជាជន៕