ភ្នំពេញ៖ យុវជនម្នាក់បានបេីករថយន្ត Toyota Prius ពន្លះបង្គោលភ្លេីងស្ទុបវត្តលង្កា បណ្ដាលឲ្យរងការខូចខាត យ៉ាងដំណំ បង្កការភ្ញាក់ផ្អេីលដល់អ្នកដំណេីរកាលពីវេលាម៉ោង១រំលងអធ្រាត្រ ឈានចូលថ្ងៃទី២៩ ខែតុលា ឆ្នាំ២០២០  តាមបណ្ដោយផ្លូវព្រះសីហនុ កែងផ្លូវប៉ាស្ទ័រ ក្នុងសង្កាត់ចតុមុខ ខណ្ឌដូនពេញ រាជធានីភ្នំពេញ។ តាមប្រភព័ត៌មានពីកន្លែងកេីតហេតុបានឲ្យដឹងថា ដំបូងគេឃេីញរថយន្តបង្កម៉ាក Toyota Prius ពណ៌ស្ក ពាក់ស្លាកលេខភ្នំពេញ  2AO-1480 បេីកបរដោយយុវជនម្នាក់វ័យប្រហែល២០ឆ្នាំ បានធ្វេីដំណេីរតាមបណ្ដោយផ្លូវព្រះសីហនុ  ទិសដៅពីកេីតមកលិចក្នុងល្បឿនយ៉ាងលឿន លុះដល់ចំណុចកេីតហេតុដែលផ្លូវកោង  ហេីយមិនបន្ថយល្បឿនក៏ជ្រុលទៅបុកបង្គោលភ្លេីងស្ទុប វត្តលង្កា បណ្ដាលឲ្យកំប៉ិតបន្តិចបន្ទួច  ចំណែករថយន្តបង្កបានរងការខូចខាតផ្នែកខាងមុខយ៉ាងដំណំ តែមិនធ្វេីឲ្យអ្នកបេីកបរ ឬនរណាម្នាក់រងរបួសឡេីយ។ ក្រោយកើតហេតុ សមត្ថកិច្ចមូលដ្ឋានបានចុះមកដល់  រួចទំនាក់ទំនងទៅសមត្ថកិច្ចជំនាញមកធ្វើការវាស់វែងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញរង់ចាំធ្វើការដោះស្រាយតាមច្បាប់៕ ដោយ៖ ជីម ភារ៉ា

ភ្នំពេញ៖ មានបុរសអនាថាម្នាក់បានដេកស្លាប់នៅមុខផ្ទះប្រជាពលរដ្ឋ តាមបណ្ដោយផ្លូវ២៧១ ក្នុងសង្កាត់ទឹកល្អក់ទី៣  ខណ្ឌទួលគោក រាជធានីភ្នំពេញ បង្កការភ្ញាក់ផ្អេីលដល់អ្នកដំណេីរ និងសមត្ថកិច្ច កាលពីវេលាម៉ោង១០យប់ ថ្ងៃទី២៨ ខែតុលា ឆ្នាំ ២០២០។ សពជនរងគ្រោះមិនស្គាល់អត្តសញ្ញាណនោះទេ ដែលជាមនុស្សសតិមិនសូវល្អ ឬជនអនាថា។ យោងតាមប្រភពព័ត៌មានពីប្រជាពលរដ្ឋដែលរស់នៅក្បែរកន្លែងកេីតហេតុបានប្រាប់ឲ្យដឹងថា មុនពេលកេីតហេតុ៤ ទៅ៥ថ្ងៃ  គេសង្កេតឃេីញជនរងគ្រោះដេីរចុះឡេីងម្ដុំកន្លែងកេីតហេតុ ដោយសំលៀបបំពាក់ចាស់ៗហេីយចរិកមិនសូវល្អ  សង្ស័យជាជនអនាថាគ្មានទីពឹង ក្រោយមកក៏មិនឃេីញគាត់ដេីរឆ្លងកាត់ដូចសព្វដង។ បន្ទាប់មកក៏មានប្រជាពលរដ្ឋធ្វេីដំណេីរឆ្លងកាត់កន្លែងកេីតហេតុបានធំក្លិនស្អុយ ទេីបដឹងថា  ជនរងគ្រោះបានស្លាប់ទៅហេីយក៏រាយការណ៍អាជ្ញាធរមូលដ្ឋាន និងសមត្ថកិច្ចឲ្យចុះមកពិនិត្យជាក់ស្ដែងតែម្ដង។ ក្រោយពីសមត្ថកិច្ច និងអាជ្ញាធរមូលដ្ឋានទទួលបានដំណឹងនេះភ្លាម ក៏បានចុះមកដល់ហេីយទាក់ទងទៅជំនាញកោសល្យវិច័យឲ្យពិនិត្យបន្ថែមទេីបសន្និដ្ឋានថា   ជនរងគ្រោះពិតជាស្លាប់ដោយសារខ្យល់គ ឬគាំងបេះដូង ដោយខ្លួនឯងពុំមានពាក់ព័ន្ធករណីអត្តឃាត ឬឃាតកម្ម នោះទេ។ បន្ទាប់មកក៏ធ្វេីឯកសារប្រគល់សពឲ្យទៅខាងរថយន្តសង្គ្រោះ ដឹកយកតំកល់នៅវត្តទឹកថ្លា ដេីម្បីបូជាតាមប្រពៃណី៕ ដោយ៖ ជីម  ភារ៉ា

ភ្នំពេញ៖ រថយន្តម៉ាក HINO ប្រភេទសណ្ដោងកុងតឺន័រ មួយគ្រឿង បានបេីកបុកម៉ូតូ មួយគ្រឿងកំពុងធ្វេីដំណេីរ  បណ្ដាលឲ្យកិនបុរសម្នាក់អូសជាង៥០ម៉ែត្រ ស្លាប់ក្នុងថ្លុកឈាម និងបុរសម្នាក់ទៀតរងរបួសស្រាល  បង្កការភ្ញាក់ផ្អេីលកាលពីវេលាម៉ោង៨ និង៣០នាទី យប់ថ្ងៃទី២៨ ខែតុលា ឆ្នាំ២០២០ នៅតាមបណ្តាញផ្លូវ៥០ម៉ែត្រ ស្ថិតក្នុងភូមិព្រែកថ្លឹង សង្កាត់ជើងឯក ខណ្ឌដង្កោ រាជធានីភ្នំពេញ ។ សមត្ថកិច្ចបានឲ្យដឹងថា ភាគីខាងម៉ូតូម៉ាក HONDA BEAT ពណ៌ក្រហម (ស) ពាក់ផ្លាកលេខ ភ្នំពេញ 1HI-4409 អ្នកបេីកបរឈ្មោះ នីម ឃឿន ភេទប្រុស អាយុ ២៨ឆ្នាំ មុខរបរ កម្មកររោងចក្រ មានទីលំនៅភូមិដំណាក់សង្កែ សង្កាត់ព្រែកកំពិស ខណ្ឌដង្កោ (រងរបួសស្រាល) ។ ឯអ្នករួមដំណេីរឈ្មោះ វ៉ាន់ នីរិទ្ធបញ្ញាសិដ្ឋ ភេទប្រុស  អាយុ ៣២ឆ្នាំ មុខរបរ កម្មកររោងចក្រ មានទីលំនៅភូមិ សង្កាត់ ជាមួយគ្នា (ស្លាប់បាត់បង់ជីវិតនៅហ្នឹងកន្លែងកេីតហេតុ)…