-
អាជ្ញាធរក្រុងស្វាយរៀង ប្រើធម៌ក្តៅរឹបអូសសម្ភារៈដែលលក់ដូរនៅលើផ្លូវគ្មានសណ្ដាប់ធ្នាប់ នៅផ្សារវាលយន្ត
ស្វាយរៀង៖ អាជ្ញាធរក្រុងស្វាយរៀងនៅព្រឹកថ្ងៃទី២៧ ខែតុលាឆ្នាំ២០២០នេះ បានបន្តប្រើធម៌ក្តៅចំពោះអាជីវករលក់ដូរដែលរំលោភយកផ្លូវសាធារណៈធ្វើជាកន្លែងលក់ដូរ ដែលបណ្តាលឲ្យបាត់សោភ័ណភាពក្រុង និងមានការកស្ទះចរាចរណ៍នៅតាមបណ្តាយផ្លូវជុំវិញផ្សារវាលយន្ត ខណៈដែលរដ្ឋបាលក្រុងស្វាយរៀង បានចុះណែនាំជាច្រើនលើកច្រើនសារមកហើយតែអាជីវករនៅតែមិនស្ដាប់។ ការចុះរៀបចំសណ្តាប់ធ្នាប់នេះដឹកនាំដោយលោក សរ សុដានី អភិបាលរងក្រុងស្វាយរៀង ដោយមានការសហការជាមួយ អាជ្ញាធរសង្កាត់ក្រុង កងម្លាំងប្រដាប់អាវុធទាំងពីរប្រភេទ កម្លាំងប្រជាការពារបានធ្វើការដកហូត សម្ភារៈបានមួយចំនួនយកទៅរក្សាទុកនៅអធិការដ្ឋានក្រុងស្វាយរៀង។ លោក សរ សុដានី អភិបាលរងក្រុងស្វាយរៀងបានឲ្យដឹងថាការចុះរៀបចំសណ្តាប់ធ្នាប់សាធារណៈតាមបណ្តាផ្លូវជំុវិញផ្សារវាលយន្តព្រមទាំងមានការរឹបអូសសម្ភារៈ ដែលអាជីវកដាក់លក់នៅលើដងផ្លូវសាធារណៈគឺ រដ្ឋបាលក្រុងស្វាយរៀង បានជូនដំណឹងជាច្រើនលើកច្រើនសារមកហើយតែបងប្អូនអាជីករហាក់មិនស្តាប់តាមការណែនាំ របស់រដ្ឋបាលក្រុងដដែលដូច្នេះអាជ្ញាធរក្រុងត្រូវតែបង្ខំចិត្តរឹបអូសសម្ភារៈដែលលក់ដូរគ្មានសណ្ដាប់ធ្នាប់យកមកអធិការដ្ឋាន នគរបាលក្រុងតែម្តង។ លោកបន្តទៀតថាក្នុងនាមរដ្ឋបាលក្រុងស្វាយរៀង និងបន្តធ្វើរហូតបើសិនជាអាជីករនៅតែបំពានលក់ដូរតាមដងផ្លូវសាធារណៈជុំវិញផ្សារវាលយន្ត ដែលបង្កការកស្ទះចរាចរណ៍ និងបាត់សោភ័ណភាពតាមទីប្រជុំជនហើយក្នុងនាមរដ្ឋបាលក្រុងស្វាយរៀង សូមអំពាវនាវទៅដល់បងប្អូនអាជីវករទាំងអស់សូមមេត្តាចូលរួម សហការជាមួយរដ្ឋបាលក្រុងសំដៅធ្វើយ៉ាងណាឲក្រុងស្វាយរៀង ជាក្រុងមួយមានសណ្ដាប់ធ្នាប់ល្អ និងកាត់បន្ថយការកស្ទះចរាចរណ៍ ដើម្បីជាផលប្រយោជន៍រួមទាំងអស់គ្នាជាពិសេសជាមុខមាត់របស់ខេត្តស្វាយរៀង ទាំងមូលដែលមានទីប្រជុំជនផ្សារវាលយន្តក្រុងស្វាយរៀង ប្រកបដោយសោភ័ណភាពល្អ និងមានសណ្ដាប់ធ្នាប់ត្រឹមត្រូវ៕
-
នគរបាលប៉ុស្តិ៍រដ្ឋបាល ឃ្មួញ ឃាត់ខ្លួនជនសង្ស័យ០៤នាក់ ករណីប្រើប្រាស់ដោយខុសច្បាប់នូវសារធាតុញៀន
ភ្នំពេញ៖ យោងតាមរបាយការណ៍របស់លោកវរសេនីយ៍ឯក ហួរ ម៉េងវ៉ាង អធិការនគរបាលខណ្ឌសែនសុខ បានឲ្យដឹងនៅព្រឹកថ្ងៃទី ២៧ ខែតុលា ឆ្នាំ ២០២០នេះ ថា កាលពីម្សិលមិញ កម្លាំងនគរបាលប៉ុស្តិ៍រដ្ឋបាល ឃ្មួញ បានឃាត់ខ្លួនជនសង្ស័យ០៤នាក់ ករណីប្រើប្រាស់ដោយខុសច្បាប់នូវសារធាតុញៀន នៅចំណុចតាមផ្លូវបេតុង ភូមិសែនសុខ៥ សង្កាត់ឃ្មួញ ខណ្ឌសែនសុខ។ ជនសង្ស័យ ០៤នាក់រួមមាន ៖ ទី១-ឈ្មោះ ផល សុខគា ភេទប្រុស អាយុ១៦ឆ្នាំ ជនជាតិខ្មែរ មុខរបរគ្មាន ស្នាក់នៅផ្ទះលេខ៣២ ផ្លូវ២៣២ ភូមិសែនសុខ៧ សង្កាត់ឃ្មួញ ខណ្ឌសែនសុខ, ទី២-ឈ្មោះ អាម វិច្ឆិកា ភេទប្រុស អាយុ១៥ឆ្នាំ ជនជាតិខ្មែរ មុខរបរគ្មាន ស្នាក់នៅភូមិសែនសុខ៥ សង្កាត់ឃ្មួញ ខណ្ឌសែនសុខ, ទី៣-ឈ្មោះ ងៀន វិបុល ភេទប្រុស អាយុ១៦ឆ្នាំ ជនជាតិខ្មែរ មុខរបរគ្មាន ស្នាក់នៅភូមិសែនសុខ៥ សង្កាត់ឃ្មួញ ខណ្ឌសែនសុខ…
-
អាជ្ញាធររាជធានី និងខណ្ឌមានជ័យសន្យាស្តារប្រឡាយលូជាច្រើននៅក្នុងមូលដ្ឋានរបស់ខ្លួននារដូវ ប្រាំងខាងមុខ
ភ្នំពេញ៖ អភិបាលខណ្ឌមានជ័យបានឲ្យដឹងថា រដ្ឋបាលខណ្ឌបានលើកផែនការរួចរាល់ហើយក្នុងការស្តារប្រឡាយ លូ មួយចំនួននៅក្នុងភូមិសាស្រ្តសង្កាត់ចាក់អង្រែលើ ចាក់អង្រែក្រោម បឹងទំពុនទី២ និងស្ទឹងមានជ័យ នាឆ្នាំ២០២១ ខាងមុខ ដើម្បីបើកផ្លូវមុខទឹកឲ្យកាន់តែធំ ដែលរំដោះការជន់លិចដោយជំនន់ទឹកភ្លៀងនារដូវវស្សាខាង មុខ ដើម្បីសម្រាលការលំបាក និងការខូចខាតទ្រព្យសម្បត្តិរបស់ប្រជាពលរដ្ឋ។ ការសន្យារបស់អភិបាលខណ្ឌមានជ័យគឺបានឆ្លើយតបទៅនឹងសំណើរបស់ប្រជាពលរដ្ឋដែលបាន លើកឡើងពីក្តីកង្វល់របស់ខ្លួននៅក្នុងវេទិកាផ្សព្វផ្សាយ និងពិគ្រោះយោបល់ក្រុមប្រឹក្សារាជធានីភ្នំពេញ អាណត្តិទី៣នៅខណ្ឌមានជ័យនាព្រឹកថ្ងៃទី២៧ ខែតុលា ឆ្នាំ២០២០។ ក្រុមប្រជាពលរដ្ឋបានលើកឡើងថា នៅក្នុងរដូវវស្សានេះពួកគាត់បានប្រឈមការលិចលង់ជាច្រើនដោយជំនន់ទឹកភ្លៀង ដោយពិបាកក្នុងការ រស់នៅ និងការធ្វើដំណើរជាដើម ដោយសារបញ្ហាស្ទះលូ។ លោក ពេជ្រ កែវមុន្នី អភិបាលខណ្ឌមានជ័យបានលមានប្រសាសន៍ថា តំបន់ខណ្ឌមានជ័យមាន ការខ្វះខាតច្រើននៅប្រព័ន្ធរំដោះទឹក ប៉ុន្តែអាជ្ញាធរខណ្ឌបានលើកផែនការក្នុងការស្តារប្រឡាយលូ និង អភិវឌ្ឍន៍ប្រព័ន្ធរំដោះទឹកថ្មីៗបន្ថែមទៀតនាឆ្នាំ២០២១ខាងមុខនេះ ដើម្បីជួយដោះស្រាយការលំបាករបស់ ប្រជាពលរដ្ឋ។ លោកបានឱ្យដឹងថា មូលហេតុដែលធ្វើឲ្យតំបន់នោះជនន់លិចដោយសារទឹកភ្លៀង គឺភាគ ច្រើនបណ្តាមកពីកក្តាមនុស្សដោយចោលសំរាមពុំបានត្រឹមត្រូវ ដាក់នៅមាត់លូ និងការបិទមាត់លូ ធ្វើឲ្យស្ទះចរន្តទឹកហូរ។ ម្យ៉ាងវិញទៀតប្រឡាយមេមួយចំនួនត្រូវបានរំលោភដោយប្រជាពលរដ្ឋ សង់លំនៅ ដ្ឋាននៅលើប្រឡាយ កក់ស្ទះសំរាម និងកំណកដី ហើយអាជ្ញាធរពិបាកចូលទៅស្តារ ដែលនាំឲ្យប្រឈម ការជន់លិច។ លោកបន្ថែមទៀតថាបញ្ហាលូស្ទះនេះធាតុពិតគឺរដ្ឋបាលខណ្ឌក៏បានធ្វើគម្រោងដើម្បីស្តារនៅក្នុងឆ្នាំ២០២០នេះហើយ ប៉ុន្តែយឹតយ៉ាវដោយសារបញ្ហាតម្រង់ទិសថវិកាថវិកាទៅមួយផ្នែកទៀត។…
-
សិស្សសាលាចំនួន ១៧ នាក់ បានពុលប្រហិតកញ្ចប់ តែត្រូវបានគេសង្គ្រោះទាន់ពេលវេលានៅខេត្តកំពង់ស្ពឺ
-
កងកម្លាំងសង្រ្គោះរបស់កងពលតូចលេខ៧០ នៅតែបន្តដឹកជញ្ជូនប្រជាពលរដ្ឋ និងសម្ភារះជាដដែល
-
ទឹកជំនន់ផ្សារព្រែកជ្រៃក្នុងខណ្ឌដង្កោបានបន្តស្រកអស់ចំនួន១តឹក៦ហ៊ុន
-
ថ្នាំញៀនជិត១គីឡូក្រាម រួមនិងជនសង្ស័យជាតិចិន២នាក់ត្រូវបានសមត្ថកិច្ចបង្ក្រាប
-
បុរសម្នាក់ដេកស្លាប់ក្បែរម៉ូតូសង្ស័យករណីគ្រោះថ្នាក់ចរាចរណ៍
ភ្នំពេញ៖ ប្រជាពលរដ្ឋធ្វើដំណើរតាមផ្លូវ ៦០ម៉ែត្របានប្រទះឃើញសពបុរសម្នាក់ដេកស្លាប់ក្បែរម៉ូតូទាំងក្បាលសុទ្ធតែឈាម ចំណែកម៉ូតូរងការខូចខាតខ្ទេចមួយកំណាត់មុខ។ ហេតុការណ៍នេះបង្កឲ្យមានការភ្ញាក់ផ្អើលនៅវេលាម៉ោង៩និង៣០នាទីយប់ថ្ងៃទី២៧ ខែតុលាឆ្នាំ២០២០ ស្ថិតនៅតាមបណ្តោយផ្លូវ៦០ម៉ែត្រក្នុងសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ។ យោងតាមប្រភពព័ត៌មានពីកន្លែងកើតហេតុបានដឹងថា មុនកើតហេតុប្រជាជាពលរដ្ឋបានធ្វើដំណើរឆ្លងកាត់កន្លែងហ្នឹងហើយបានប្រទះឃើញបុរសម្នាក់មិនទាន់ស្គាល់អត្តសញ្ញាណ មានអាយុប្រហែល៣០ឆ្នាំជាងដេកស្លាប់ក្បែរម៉ូតូម៉ាកហុងដាឌ្រីមស៊េរីឆ្នាំ ២០១៨ ពណ៌ខ្មៅ ពាក់ស្លាកលេខ ភ្នំពេញ 1CU-4819ទាំងក្បាលសាកសពមានឈាម។ ចំណែកម៉ូតូជនរងគ្រោះខ្ទេចមួយកំណាត់មុខទាំងស្រុង។ ឃើញបែបនេះអ្នកដំណើរក៏បានរាយការណ៍ ទៅសមត្ថកិច្ចមូលដ្ឋានក៏ដូចជាជំនាញចុះមកដល់កន្លែងកើតហេតុ។ក្រោយពេលពិនិត្យរួចសមត្ថកិច្ចសន្និដ្ឋានជំហានដំបូងថាអាចជាករណីគ្រោះថ្នាក់ចរាចរណ៍ ម៉ូតូបើកលឿនហើយបុករថយន្តពីក្រោយបណ្ដាលឲ្យដួលបោកក្បាលស្លាប់តែម្ដង។ ដោយឡែកសព សមត្ថកិច្ចមូលដ្ឋានបានហៅរថយន្តដឹកសាកសពបុរសខាងលើយកទៅដាក់វត្តទឹកថ្លា រង់ចាំស្រាវជ្រាវរកសាច់ញាតិមកទទួលដើម្បីយកទៅធ្វើបុណ្យតាមប្រពៃណី។ ចំណែកករណីខាងលើនេះសមត្ថកិច្ចនឹងធ្វើការស្រាវជ្រាវបន្ត៕ ដោយ៖ ជីម ភារ៉ា
-
ទំនងមានទំនាស់បើកវ៉ាជែងគ្នា ខ្មាន់កាំភ្លើងបេីករថយន្តបាញ់រះមកលើម៉ូតូកង់បី ជាច្រើនគ្រាប់ផ្អេីលដល់សមត្ថកិច្ច
ភ្នំពេញ៖ ខ្មាន់កាំភ្លើងបេីករថយន្តស៊េរីទំនើបមួយគ្រឿងដកកាំភ្លើងបាញ់រះ៥ គ្រាប់មកលើកង់បីឥណ្ឌាមួយគ្រឿងបើកបរដោយបុរសម្នាក់ បណ្តាលឲ្យត្រូវ១គ្រាប់ចំម៉ូតូកង់បី តែមិនបណ្តាលឲ្យមានអ្នករបួសនោះទេ ឯខ្មាន់កាំភ្លើងបើករថយន្តគេចខ្លួនបាត់។ ហេតុការណ៍បង្កឲ្យមានការភ្ញាក់ផ្អើលដល់ប្រជាពលរដ្ឋ និងកម្លាំងសមត្ថកិច្ចកាលពីវេលាម៉ោង ១០យប់ថ្ងៃទី ២៦ខែតុលាឆ្នាំ២០២០ នៅចំណុចមុខសាកលវិទ្យាល័យភូមិន្ទ តាមបណ្ដោយផ្លូវសហព័ន្ធរុស្ស៊ី កែងផ្លូវ ២៦១ ក្នុងសង្កាត់ទឹកល្អក់ទី ១ ខណ្ឌទួលគោករាជធានីភ្នំពេញ។ តាមប្រភពព័ត៌មានពីកន្លែងកើតហេតុបានប្រាប់ដឹងថាមុនកើតហេតុគេឃើញបុរសម្នាក់បើកម៉ូតូកង់បីឥណ្ឌាពណ៌លឿង មួយគ្រឿង និងរថយន្តស៊េរីទំនើបពណ៌ស មួយគ្រឿងមិនចាំស្លាកលេខ ដោយធ្វើដំណើរចុះពីស្ពានអាកាស៧ មករា ក្នុងទិសដៅពីលិចទៅកើត ដោយមិនដឹងថាមានទំនាស់គ្នារឿងអ្វីនោះទេ លុះមកដល់ចំណុចកើតហេតុខាងលើម៉ូតូកង់បីនៅខាងមុខ ឯរថយន្តនៅខាងក្រោយបញ្ឆិតគ្នា ស្រាប់តែខ្មាន់កាំភ្លើងដែរជិះរថយន្តបានបើកកញ្ចក់ដកកាំភ្លើង បាញ់រះទៅលើអ្នកបើកបរម៉ូតូកង់បីចំនួន៥ គ្រាប់ បណ្ដាលឲ្យ១គ្រាប់ ត្រូវម៉ូតូកង់បីធ្លុះ។ភ្លាមៗនោះខ្មាន់កាំភ្លើងបានឈប់រថយន្តមួយភ្លែតហើយក៏បិទកញ្ចក់រថយន្តវិញបើកចេញទៅបាត់។ បើតាមការៀបរាប់ពីរងគ្រោះជាម្ចាស់ម៉ូតូកង់បី មិនបានប្រាប់ពីមូលហេតុ អ្វីឲ្យពិតប្រាកដនោះទេ គ្រាន់តែបានប្រាប់ថា ខ្មាន់កាំភ្លើងជិះរថយន្តម៉ាករ៉ូ រ៉យ មួយគ្រឿងពណ៌ស ពាក់ស្លាកលេខកម្ពុជា។ ក្រោយហេតុការភ្លាមៗខ្មាន់កាំភ្លើងបានបើករថយន្តចេញពីកន្លែងកើតហេតុបាត់ស្រម៉ោល។ ចំណែកភាគីម៉ូតូកង់បី ក៏មិនបានធ្វើការរៀបរាប់វែងឆ្ងាយនោះដែរបានបើកម៉ូតូកង់បីបន្តដំណើរទៅមុខបាត់ ដោយមិនបានទៅដាក់ពាក្យបណ្ដឹងនៅប៉ុស្តិ៍នគរបាលនោះទេ។ ក្រោយកើតហេតុគេឃើញវត្តមានលោក សុខ ហេង អធិការខណ្ឌទួលគោក បានដឹកនាំកម្លាំងចុះមកពិនិត្យនឹងធ្វើការសួរនាំនៅនឹងកន្លែងកើតហេតុ ងាយស្រួលសមត្ថកិច្ចធ្វើការស្រាវជ្រាវរកជនបង្ក ដើម្បីយកមកផ្តន្ទាទោសទៅតាមផ្លូវច្បាប់៕ដោយ៖ ជីម ភារ៉ា
-
កម្លាំងមន្ត្រីឧទ្យានុរក្សដែនជម្រកសត្វព្រៃសៀមប៉ាង ដកហូតបានសត្វត្រកួតរស់១ក្បាល និងអន្ទាក់ជ្រូកព្រៃចំនួន២៧ខ្សែ
មន្ទីរបរិស្ថានខេត្តស្ទឹងត្រែង៖ ថ្ងៃទី២៦ ខែតុលា ឆ្នាំ២០២០ កម្លាំងមន្ត្រីឧទ្យានុរក្សដែនជម្រកសត្វព្រៃសៀមប៉ាង បានចុះល្បាតដល់ចំណុចត្រពាំងពុំសែន ដកហូតបានសត្វត្រកួតរស់១ក្បាល និងអន្ទាក់ជ្រូកព្រៃចំនួន២៧ខ្សែ ដែលជនសង្ស័យទម្លាក់ចោល។ ក្រុមការងារ បានបន្តល្បាតទៅដល់ចំណុចជិតអូរតាណេល ដកហូតបានស្បៃបម្រុងដាក់យកត្រីខុសច្បាប់ ដែលជនសង្ស័យទម្លាក់ចោលហើយរត់គេចខ្លួន។ ចំពោះវត្ថុតាង ក្រុមការងារ បានយកមករក្សាទុកនៅស្នាក់ការ រីឯសត្វត្រកួត បានដោះលែងចូលព្រៃវិញ។ដោយឡែក ពីថ្ងៃទី២០ ដល់ថ្ងៃទី២៦ មន្រ្តីឧទ្យានុរក្សដែនជម្រកសត្វព្រៃ ព្រៃឡង់ ស្នាក់ការរងស្ពង់ បានចុះល្បាតក្នុងដែនជម្រកសត្វព្រៃ-ព្រៃឡង់ ភូមិសាស្រ្តខេត្តស្ទឹងត្រែង ដល់ចំណុចខាងកើតអូរដំណាក់ស្រឡៅ បានជួបប្រទះការកាប់រានព្រៃថ្មី ទំហំប្រមាណ០២ហិកតា។ ក្រុមការងារកំពុងបន្តស្រាវជ្រាវដោយសហការជាមួយអាជ្ញាធរភូមិស្ពង់ ដើម្បីស្វែងរកជនល្មើស និងបានដាក់ស្លាកសញ្ញាដកហូតដីព្រៃដាក់ជាសម្បត្តិរដ្ឋនៅនឹងកន្លែងកាប់រានផងដែរ។ តមក ក្រុមការងារ បន្តល្បាតដល់ចំណុចខាងត្បូងអូរស្លឹក ជាប់ព្រៃសហគមន៍តំបន់ការពារធម្មជាតិភូមិអន្លង់ភេ ដកហូតខ្សែអន្ទាក់សត្វព្រៃ ដែលជនសង្ស័យបានដាក់បង្កប់ក្នុងព្រៃចំនួន៣៤ខ្សែ។ ចំណែកនៅចំណុចអូរស្លឹក ក្រុមការងារ បានប្រទះដានជើងសត្វទន្សោង និងដានសត្វជ្រូកព្រៃផងដែរ៕ ប្រភព៖ ទំព័រហ្វេសប៊ុកក្រសួងបរិស្ថាន