ភ្នំពេញ៖ អ្នកនាំពាក្យអគ្គស្នងការដ្ឋាននគរបាលជាតិ បានបញ្ជាក់ថា សភាពការណ៍សន្តិសុខ សណ្តាប់ធ្នាប់ជារួមនៅក្នុងរយៈពេលប៉ុន្មានថ្ងៃ នៃដំណើរការកិច្ចប្រជុំកំពូលអាស៊ានលើកទី៤០ និងទី៤១ និងកិច្ចប្រជុំពាក់ព័ន្ធនានា ចាប់ពីថ្ងៃទី៨ រហូតមកដល់ថ្ងៃទី១១ ខែវិច្ឆិកានេះ គឺមានលក្ខណៈល្អប្រសើរ និងគ្មានហេតុការណ៍អ្វីកើតឡើងគួរឱ្យកត់សម្គាល់នោះទេ។ កងកម្លាំងដែលមានភារកិច្ចពាក់ព័ន្ធនឹងការការពារកិច្ចប្រជុំ គឺបានបញ្ចេញដាក់ពង្រាយតាមគ្រប់គោលដៅ និងតាមផែនការដែលបានកំណត់ និងបានបំពេញតួនាទីភារកិច្ចរបស់ខ្លួនប្រកបដោយស្មារតីទទួលខុសត្រូវខ្ពស់។ ឯកឧត្តម ឧត្តមសេនីយ៍ឯក ឆាយ គឹមខឿន អគ្គស្នងការរង និងជាអ្នកនាំពាក្យអគ្គស្នងការដ្ឋាននគរបាលជាតិ បានមានប្រសាសន៍ប្រាប់ AMS នៅល្ងាចថ្ងៃទី១១ ខែវិច្ឆិកានេះថា សភាពការណ៍សន្តិសុខ សណ្តាប់ធ្នាប់ នៃដំណើរការកិច្ចប្រជុំកំពូលអាស៊ានលើកទី៤០ និងទី៤១ និងកិច្ចប្រជុំពាក់ព័ន្ធនានា ចាប់ពីថ្ងៃទី៨ រហូតមកដល់ថ្ងៃទី១១ ខែវិច្ឆិកានេះ គឺមានលក្ខណៈល្អប្រសើរ។ កងកម្លាំងដែលមានភារកិច្ចពាក់ព័ន្ធនឹងការការពារកិច្ចប្រជុំកំពូលអាស៊ានលើកទី៤០ និងទី៤១ និងកិច្ចប្រជុំពាក់ព័ន្ធ គឺបានបញ្ចេញដាក់ពង្រាយតាមគ្រប់គោលដៅ និងតាមផែនការដែលបានកំណត់ និងបានបំពេញតួនាទីភារកិច្ចរបស់ខ្លួនប្រកបដោយស្មារតីទទួលខុសត្រូវខ្ពស់។ អ្នកនាំពាក្យអគ្គស្នងការដ្ឋាននគរបាលជាតិ បានបញ្ជាក់ថា គិតត្រឹមលល្ងាចថ្ងៃទី១១ ខែវិច្ឆិកានេះ ប្រតិភូដែលបានអញ្ជើញមកដល់ព្រះរាជាណាចក្រកម្ពុជា ដើម្បីចូលរួមកិច្ចប្រជុំកំពូលអាស៊ានលើកទី៤០ និងទី៤១ និងកិច្ចប្រជុំពាក់ព័ន្ធ គឺមានចំនួន២៣ប្រតិភូ ដោយក្នុងនោះមានទាំងប្រតិភូនាំមុខ ទាំងប្រតិភូជាន់ខ្ពស់ បើគិតសមាសភាពគណៈប្រតិភូមានចំនួនជាង១ពាន់នាក់ ហើយបានការពារប្រតិភូ…

ភ្នំពេញ៖ អ្នកនាំពាក្យស្នងការដ្ឋាននគរបាលរាជធានីភ្នំពេញ លោក សាន សុខសីហា បានបញ្ជាក់នៅរសៀលថ្ងៃទី១១ ខែវិច្ឆិកានេះថា ទាក់ទងសភាពការណ៍សន្តិសុខ សណ្តាប់ធ្នាប់ជារួមនៅក្នុងរយៈពេលប៉ុន្មានថ្ងៃ នៃដំណើរការកិច្ចប្រជុំកំពូលអាស៊ានលើកទី៤០ និងទី៤១ និងកិច្ចប្រជុំពាក់ព័ន្ធនានា ចាប់ពីថ្ងៃទី៨ រហូតមកដល់ថ្ងៃទី១១ ខែវិច្ឆិកានេះ គឺសភាពការណ៍ល្អ មិនមានអ្វីគួរឱ្យកត់សម្គាល់ទេ ដោយសារតែមានការចូលរួមសហការគ្នាបានយ៉ាងល្អដោយកម្លាំងចម្រុះគ្រប់អង្គភាពពាក់ព័ន្ធទាំងអស់។ លោកបានបញ្ជាក់ថា ដូចដែលឯកឧត្តម ឧត្តមសេនីយ៍ឯក ឆាយ គឹមខឿន អគ្គស្នងការរង និងជាអ្នកនាំពាក្យអគ្គស្នងការដ្ឋាននគរបាលជាតិ បានបញ្ជាក់រួចហើយ គឺកម្លាំងសរុបដែលការពារកិច្ចប្រជុំកំពូលអាស៊ានលើកទី៤០ និងទី៤១ ប្រើប្រាស់កម្លាំងសរុបជាង១ម៉ឺននាក់។ ដោយឡែកស្នងការដ្ឋាននគរបាលរាជធានីភ្នំពេញ ដោយអនុវត្តតាមផែនការ និងបទបញ្ជាដោយផ្ទាល់របស់ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ គឺបានប្រើប្រាស់កម្លាំងសរុបជាង២៣០០នាក់ ដោយត្រូវបានបែងចែង និងតួនាទីយ៉ាងច្បាស់លាស់ ដោយទទួលខុសត្រូវក្នុងគោលដៅសំខាន់ៗ ហើយកម្លាំងដែលប្រើរួមមានកម្លាំងអន្តរាគមន៍ពិសេស កម្លាំងតាមការិយាល័យជំនាញ កម្លាំងចរាចរណ៍សណ្តាប់ធ្នាប់ និងដាក់ពង្រាយតាមដងផ្លូវសំខាន់ៗទាំងអស់ក្នុងការជួយរៀបចំសណ្តាប់ធ្នាប់ ដើម្បីជួយសម្រួលចរាចរណ៍ដើម្បីកុំឱ្យមានការកកស្ទះ ជាពិសេសកម្លាំងអគ្គិភ័យ គឺត្រៀម២៤ម៉ោងលើ ២៤ម៉ោង ក្នុងករណីមានបាតុភាពអគ្គិភ័យកើតមានឡើង។ អ្នកនាំពាក្យស្នងការដ្ឋាននគរបាលរាជធានីភ្នំពេញបានបញ្ជាក់ថា សរុបជារួម គឺចាប់ពីថ្ងៃទី៧ ដល់ថ្ងៃទី១១ ខែវិច្ឆិកានេះ…

ភ្នំពេញ៖ នៅព្រឹកថ្ងៃពុធ ទី០៩ ខែវិច្ឆិកា ឆ្នាំ២០២២ ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ អញ្ជើញត្រួតពិនិត្យកម្លាំងអន្តរាគមន៍ពិសេស និងកម្លាំងចរាចរណ៍ ដោយបានណែនាំបន្ថែមឱ្យយយកចិត្តទុកខ្ពស់ក្នុងការបំពេញ តួនាទីភារកិច្ច ក្នុងការការពារសន្តិសុខ សណ្តាប់ធ្នាប់ សម្រួលចរាចរណ៍តាមគ្រប់គោលដៅ ក្នុងឱកាសកិច្ចប្រជុំកំពូលអាស៊ាន លើកទី៤០-៤១ និងកិច្ចប្រជុំពាក់ព័ន្ធផ្សេងទៀត ជាពិសេសក្នុងឱកាសនោះដែរ ឯកឧត្តមស្នងការ បានផ្តល់ជូន និងបំពាក់អាវពន្លឺចរាចរណ៍ថ្មីចំនួន១០០០អាវ ដែលខាងមុខមានដាក់អក្សរ ន.ប.ភ.ព ពិលពន្លឺបំពាក់លើស្មាចំនួន ៣៧០ និងស្រោមដៃសចំនួន ៣០០គូផងដែរ។ គួរបញ្ជាក់ថា កម្លាំងសមត្ថកិច្ចប្រមាណជាង១ម៉ឺននាក់ មកពី១៤ ស្ថាប័នពាក់ព័ន្ធ រួមទាំងរថយន្តការពារគ្រាប់ និងមានទាំងការពារផ្លូវអាកាស ផ្លូវទឹក ដើម្បីត្រៀមការពារប្រមុខរដ្ឋ និងប្រមុខរដ្ឋាភិបាល ដែលនឹងអញ្ជើញមកចូលរួមកិច្ចប្រជុំកំពូលអាស៊ានលើកទី៤០ និងទី៤១ និងកិច្ចប្រជុំកំពូលពាក់ព័ន្ធ ដែលនឹងប្រព្រឹត្ត ទៅចាប់ពីថ្ងៃទី៨ ដល់ថ្ងៃទី១៣ ខែវិច្ឆិកា ឆ្នាំ២០២២៕ដោយ៖ពលជ័យរូបភាព៖ស្នងការដ្ឋាននគរបាលរាជធានីភ្នំពេញ