ភ្នំពេញ ៖ រថយន្តក្រឡុកស៊ីម៉ង់ត៍ មួយគ្រឿង ដាច់ហ្វាំងជ្រុលបុកឡេីងខឿនរួចបន្តទៅបុកដេីមឈេីមួយដេីម បណ្តាលឱ្យដួលរាបដល់ដីទៅមុខលែងរួច តែសំណាងល្អ មិនបណ្ដាលឱ្យមានមនុស្សរងរបួសនោះទេ។ ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង៩ និង៤៥នាទី ព្រឹក ថ្ងៃ ទី ១៤ ខែសីហា ឆ្នាំ២០២១ ស្ថិតនៅតាមបណ្ដោយផ្លូវមហាវិថីឈ្នះឈ្នះកែងផ្លូវជាតិលេខ៦ ក្នុងសង្កាត់បាក់ខែង ខណ្ឌជ្រោយចង្វារ រាជធានីភ្នំពេញ។ បើតាមប្រភពព័ត៌មានពី កន្លែង កើត ហេតុ បានឱ្យដឹងថា នៅមុនពេល កើត ហេតុ គេឃើញរថយន្តក្រឡុកស៊ីម៉ង់ត៍មួយគ្រឿង ម៉ាក FUSO ពណ៌ស ពាក់ស្លាកលេខ ភ្នំពេញ 5A-0647 បេីកបរធ្វើដំណើរតាមបណ្តោយមហាវិថីឈ្នះឈ្នះ ទិសដៅពីលិចទៅកេីត ក្នុងល្បឿនលឿន ខណៈមកដល់ត្រង់ចំណុចកើតហេតុខាងលើ ជិតដល់ស្តុបកន្លែងផ្លូវកែងមហាវិថីឈ្នះឈ្នះ និងផ្លូវជាតិលេខ៦ រួចបានគេចរថយន្តនៅខាងមុខជាច្រេីនគ្រឿង ក៏ស្រាប់តែជាន់ហ្វ្រាំងបន្ថយល្បឿនតែហ្វ្រាំងមិនសុី ក៏ជ្រុលចង្កូតបួងទៅបុកឡេីងខឿនទ្រូងផ្លូវ រួចបន្តទៅបុកដេីមឈេីមួយដេីម បណ្តាលឱ្យដួលរាបដល់ដីតែម្តង។ តែសំណាងល្អ មិនបណ្ដាលឱ្យមានមនុស្សរងរបួសនោះទេ។ ក្រោយពេលកេីតហេតុ សមត្ថកិច្ច មូលដ្ឋាន បាន ចុះមកដល់ ទីតាំងកន្លែង…

ភ្នំពេញ ៖ ប្ដីប្រពន្ធមួយគូរបានឈ្លោះប្រកែកគ្នាស្ទេីររាល់ថ្ងៃ និងកេីតមានហឹង្សាធ្វេីឲ្យបុរសជាឪពុកចូលទៅឃាត់ តែត្រូវកូនប្រសារប្រុសជាទាហានជេីងទឹកចាក់ជាច្រើនកាំបិតបណ្ដាលឲ្យស្លាប់ក្រោយពេលបញ្ជូនទៅកាន់មន្ទីរពេទ្យ កាលពីវេលាម៉ោង ០៣ និង៤០នាទីរសៀលថ្ងៃទី១៣ ខែសីហា ឆ្នាំ២០២១ ស្ថិតក្នុងផ្ទះល្វែងមួយកន្លែង ភូមិត្នោតជ្រុំ៤ សង្កាត់បឹងទំពុន២ ខណ្ឌមានជ័យ ។

ភ្នំពេញ ៖ កម្លាំងគណៈបញ្ជាការឯកភាពរដ្ឋបាលខណ្ឌដូនពេញ ដឹកនាំផ្ទាល់ដោយលោក សុខ ពេញវុធ អភិបាល នៃគណៈអភិបាលខណ្ឌដូនពេញ នៅវេលាម៉ោង ១៤,៣០នាទី រសៀលថ្ងៃសុក្រ ៥កើត ខែស្រាពណ៍ ឆ្នាំឆ្លូវ ត្រីស័ក ពុទ្ធសករាជ២៥៦៥ ត្រូវនឹងថ្ងៃទី១៣ ខែសីហា ឆ្នាំ២០២១នេះ បានឆ្មក់ចុះបង្រ្កាបជាក់ស្ដែងករណីបើកល្បែងស៊ីសងខុសច្បាប់នៅចំណុចតារាងបាល់ទះមួយកន្លែង ស្ថិតនៅដីឡូត៍លេខ០៥ ផ្លូវលេខ៩៨ ភូមិ៥ សង្កាត់វត្តភ្នំ ខណ្ឌដូនពេញ រាជធានីភ្នំពេញ ។

ភ្នំពេញ៖ កម្លាំងនគរបាលប៉ុស្តិ៍ចោមចៅទី១ ខណ្ឌពោធិ៍សែនជ័យ បានឃាត់ខ្លួនបុរស២នាក់ ដែលតាំងខ្លួនជាអ្នកសារព័ត៌មាន ហើយបានយកឈ្មោះ ឯកឧត្តម ឃួង ស្រេង អភិបាលរាជធានីភ្នំពេញ ដើរយកលុយគេនៅក្លិបហាត់ប្រាណមួយកន្លែង។ ការឃាត់ខ្លួនខាងលើនេះបានធ្វើឡើងកាលពីវេលាម៉ោង១២ ១៦នាទីថ្ងៃត្រង់ថ្ងៃទី១២ ខែសីហា ឆ្នាំ២០២១ ស្ថិតនៅចំនុចក្លឹបហាត់ប្រាណ MS Gym ក្នុងភូមិត្រពាំងថ្លឹង១ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ក្រោមការបញ្ជាពីលោកឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ និងក្រោមការដឹកនាំបញ្ជាផ្ទាល់ពីលោក ម៉ន វុធី អធិការនគរបាលខណ្ឌ។ លោក សាយ ចំរើន នាយប៉ុស្តិ៍នគរបាលចោមចៅទី១ បានឲ្យដឹងថា ជនសង្ស័យខាងលើរួមមាន៖ *ទី១៖ ឈ្មោះ ហ៊ីង សុធា*ទី២៖ ឈ្មោះ សំ រ៉ន តាំងខ្លួនជាអ្នកសារព័ត៌មាននៅអង្គភាព «គេហទំព័រអំណាចទាំងបួន»។ លោកបានឲ្យដឹងទៀតថា នៅមុនពេលត្រូវឃាត់ខ្លួន បុរសសង្ស័យទាំងពីរនាក់ បានជិះម៉ូតូ១គ្រឿងម៉ាក PCX ពណ៌ស ស្លាក់លេខតាកែវ 1Y-7820 ទៅកាន់ក្លិបហាត់ប្រាណខាងលើ។…

សន្តិសុខមាតុភូមិ៖​ របាយការណ៍ទូទាំងប្រទេស ប្រចាំថ្ងៃទី១២ សីហា​ ២០២១

ភ្នំពេញ ៖ យុវជន៦នាក់បាននាំគ្នាមកហែលទឹកស្រះលេងធ្វេីឲ្យម្នាក់លង់ទឹកលិចបាត់ និង២នាក់ទៀតក្នុងចំណោមពួកគេត្រូវបានសង្គ្រោះទាន់ពេល បង្កការភ្ញាក់ផ្អេីលដល់សាច់ញាតិ និងសមត្ថកិច្ចកាលពីល្ងាចថ្ងៃទី១១ ខែសីហា ឆ្នាំ ២០២១ ស្ថិតនៅទឹកស្រះជម្រៅជាងប្រហែល១០ទៅ២០ម៉ែត្រ ក្នុងភូមិប្រការ សង្កាត់ព្រៃសរ ខណ្ឌដង្កោ រាជធានីភ្នំពេញ ។

ប្រជាពលរដ្ឋដែលកំពុងតែជីកដីសាងសង់ផ្ទះ បានប្រទះឃើញសំណាល់សង្គ្រាមរហូតដល់ទៅជាង ១០០ គ្រាប់ នៅថ្ងៃទី១១ ខែសីហា ឆ្នាំ២០២១ នៅភូមិព្រែកដាច់ ឃុំព្រែកដាច់ ស្រុកលើកដែក ខេត្តកណ្តាល។ ឯកឧត្តម ហេង រតនា អគ្គនាយកមជ្ឍមណ្ឌលសកម្មភាពម៉ីនកម្ពុជា ស៊ីម៉ាក់ បានអះអាងថាប្រជាពលរដ្ឋបានជីករណ្តៅគ្រឹះសាងសង់ផ្ទះ ហើយប៉ះចំរណ្តៅគ្រាប់ ដែលជាសំណល់ពីសង្គ្រាមជាង១៣៥គ្រាប់ ។ គ្រាប់មិនទាន់ផ្ទុះទាំងនោះ មានប្រភេទដេកា៧៥ គ្រាប់៨០មីលីម៉ែត្រ គ្រាប់៦០មីលីម៉ែត្រ និងគ្រាប់ ១២០មីលីម៉ែត្រ។ បច្ចុប្បន្នកងកម្លាំងស៊ីម៉ាក់បានកំពុងប្រមូលយុទ្ធភ័ណ្ឌទាំងនោះ ដើម្បីកំទេចចោលតាមបច្ចេកទស៕

មណ្ឌលគីរី៖ អ្នកឆ្លងជំងឺកូវីដ-១៩បានហក់ឡើងដល់ចំនួន៣៥នាក់ក្នុងថ្ងៃទី១០ ខែសីហា ឆ្នាំ២០២១ ហើយអត្រាកើនឡើងនេះ គឺជាចំនួនដែលពុំធ្លាប់មាន តាំងតែពីខេត្តមណ្ឌលគិរី ចាប់ផ្តើមរកឃើញការឆ្លងរីករាលដាលជំងឺនេះ ក្នុងព្រឹត្តិការណ៍សហគមន៍២០កុម្ភៈ។ នៅក្នុងសេចក្តីប្រកាសព័ត៌មានបញ្ជាក់ថាក្នុងចំណោមអ្នកឆ្លងទាំង៣៥នាក់មាន៣១នាក់ជាពលរដ្ឋរស់នៅក្រុងសែនមនោរម្យ និង៤នាក់ជាអ្នករស់នៅភូមិអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី។ ទោះបីជាចំនួនអ្នកឆ្លងបានហក់ឡើងជាង៣០នាក់ក្តី ប៉ុន្តែករណីកូវីដប្រភេទដេលតា នៅពុំទាន់មានវត្តមានក្នុងខេត្តនេះនៅឡើយ។ គិតត្រឹមថ្ងៃទី១០ខែសីហានេះ ចំនួនអ្នកឆ្លងសរុបមាន៤២៨នាក់ទៅហើយ ក្នុងនោះដែលបានជាស្បើយចំនួន២៨០នាក់ និងមានអ្នកស្លាប់បីនាក់ផងដែរ។ ខេត្តមណ្ឌលគិរីដែលមានប្រជាជនប្រមាណជាង៩មុឺននាក់ បានទទួលការចាក់វ៉ាក់សាំងចំនួន៤១៩៣០នាក់ ៕