យោងតាមកាសែត Daily Mail បានឲ្យដឹងថា ក្លឹបយក្ស នៅ La Liga នឹងចូលរួមប្រជែងជាមួយ Man Utd ដើម្បីយកអ្នកចាត់ការសញ្ជាតិអាហ្សង់ទីន នៅចុងបញ្ចប់នៃរដូវកាលនេះ ។ ក្រុមអធិរាជស Real Madrid អាចនឹងចូលប្រជែងជាមួយក្រុមបិសាចក្រហម Manchester United ដើម្បីនាំយកលោក Mauricio Pochettino នៅរដូវក្តៅនេះ ។ ស្របពេលដែលលោក Carlo Ancelotti កំពុងដឹកនាំឈរកំពូលតារាង La Liga និង គម្លាត៦ពិន្ទុពី ក្រុមលេខ២ ។

ក្លិប Paris Saint-Germain បានត្រៀមខ្សែប្រយុទ្ធថ្មី ជំនួស Kylian Mbappe ដែលចាកចេញពេលផុតកិច្ចសន្យា នៅដំណាច់រដូវកាលនេះ ខណៈការព្រមព្រៀងកិច្ចសន្យាថ្មី ហាក់ពុំមានអ្វីរីកចម្រើនឡើយ ។ ខ្សែប្រយុទ្ធវ័យក្មេង Kylian Mbappe ធ្លាប់បង្ហាញអារម្មណ៍ចង់ផ្ទេរទៅចូលរួម Real Madrid នៅរដូវកាលក្រោយ បើទោះបីមានការស្នើសុំពីថ្នាក់ដឹកនាំ នៅប្រទេសបារាំងក៏ដោយ ។

ខ្សែបម្រើ Donny van de Beek បានសម្រេចចិត្តរួចហើយថានឹងមិនវិលត្រឡប់មកចូលរួមជាមួយក្លិបបិសាចក្រហម Manchester United នោះឡើយ បន្ទាប់ពីអ្នកចាត់ការបណ្តោះអាសន្នលោក Ralf Rangnick បាននិយាយថា ក្រុមមានកីឡាករល្អគ្រប់គ្រាន់ហើយ ។

Gareth Bale ពិចារណាត្រឡប់មកទឹកដីអង់គ្លេសវិញ បន្ទាប់ពីកិច្ចសន្យាអស់សុពលភាពនៅ Real Madrid ។ Bale នៅតែមិនទាន់ក្លាយជាជម្រើសដំបូងរបស់លោក Ancelotti នៅឡើយទេ បើទើបីប្រឹងប្រឺងចំណាយពេលវេលានៅសេសសល់ នៅទឹកដី Santiago Bernabeu ក៏ដោយ ។ ហើយប្រសិនបើត្រឡប់ មកកាន់អង់គ្លេសវិញ Bale នៅតែចង់លេងអោយក្លឹប Tottenham Hotspur ជាជម្រើសដំបូង ក្រោមការដឹកនាំរបស់ Antonio Conte ។

ក្លឹប Man City បានាំយកខ្សែប្រយុទ្ធវ័យ១៧ឆ្នាំ ពីពីក្លឹប Atletico Mineiro ប្រេស៊ីល ក្នុងតម្លៃត្រឹមតែ ៦លាន ៥សែនផោន បូកលើប្រាក់បន្ថែមផ្សេងៗ ។ កីឡាករ Savio វ័យ១៧ឆ្នាំ រូបនេះ ត្រូវបានភ្ជាប់ទំនាក់ទំនងជាមួយក្លឹបមេឃខៀវ និងមានភាគរយខ្ពស់នាំយកខ្សែប្រយុទ្ធស្លាប ដែលមានទេពកោសល្យខ្ពស់ ប្រសិនបើទិញបាន ក្លឹប Man City នឹងដាក់អោយក្លឹបនៅហូឡង់ PSV ខ្ចីជើង ដើមពង្រឹងសមត្ថភាព មុនមកដល់អង់គ្លេស ។

ព្រឹត្តិការណ៍អូឡាំពិករដូវរងា នាទីក្រុងប៉េកាំង នឹងបើកការប្រកួតជាផ្លូវការនាពេលឆាប់ៗ ស្របពេលនេះ ម្ចាស់ផ្ទះចិនបានរកឃើញករណីឆ្លងកូវីដ-១៩ បន្ថែមទៀតជាមួយអ្នកដែលត្រូវចូលរួមព្រឹត្តិការណ៍កីឡានេះ ដែលនាំអោយមានការព្រួយបារម្ភកើនឡើងផងដែរ ។

Kylian Mbappe រកបានមួយគ្រាប់ជួយអោយ PSG ឈ្នះ ក្រុម Real Madrid ១ទល់០ នៅពានរង្វាន់ UEFA Champions League វគ្គ ១៦ ក្រុមចុងក្រោយ ធ្វើអោយលោក Carlo Ancelotti សរសើរខ្សែប្រយុទ្ធ រូបនេះជាកីឡាករល្អជាងគេ បំផុត នៅតំបន់ អឺរ៉ុប ។

ក្របខណ្ឌ Premier League បានបញ្ជាក់ពីការសម្រេចបន្ធូរបន្ថយវិធានការការពារកូវីដ-១៩ មួយចំនួនចេញ ដូចជាការពាក់របាំងមុខការពារ ក្នុងតំបន់ដែលក្លិបនីមួយៗធ្វើការ ។

ការប្រកួតពានរង្វាន់ UEFA Champions League វគ្គ១៦ក្រុម នឹងចាប់ផ្តើមនាថ្ងៃទី១៦ ខែកុម្ភៈ ឆ្នាំ២០២២ ខណៈក្រុម Paris Saint-Germain នឹងបើកកីឡដ្ឋាន Parc des Prince ទទួលក្រុមភ្ញៀវ Real Madrid សម្រាប់ជើងទី១ ។ រីឯមួយគូទៀត ក្រុម Sporting ប៉ះ ក្រុមមេឃខៀវ Man City ។

ស្តេចបាល់ទាត់ពិភពលោកជនជាតិប្រេសុីល Pele ត្រូវបានបញ្ជូនជាបន្ទាន់ទៅកាន់មន្ទីរពេទ្យនៅទីក្រុង São Paulo ប្រទេសប្រេសុីល បន្ទាប់ពីជំងឺដុំសាច់ក្នុងពោះវៀនធំរបស់លោកចាប់ផ្តើមធ្វើទុក្ខខ្លាំង៕