-
មុននេះ! សិស្សប្អូនរបស់ ប៉ាគីអៅ ផ្តួលដៃគូឲ្យសន្លប់ មុនពេលខ្លួនឡើងវ៉ៃ បន្តិចទៀត
កីឡាករហ្វីលីពីន Mark Magsayo ដែលគេស្គាល់ថា ជាសិស្សប្អូនរបស់កំពូលអ្នកប្រដាល់ ម៉ានី ប៉ាគីអៅ បានរក្សាកំណត់ត្រាមិនដែលចាញ់ របស់ខ្លួន ទាំង២៣លើក ក្រោយទើបផ្តួលកីឡាករមិចស៊ិក Julio Ceja នៅមុននេះបន្តិច ដែលជាគូឯករង ក្នុងព្រឹត្តិការណ៍ Pacquiao-Ugas នាព្រឹកថ្ងៃអាទិត្យ ទី២២ សីហា ២០២១នេះ។ បន្តិចទៀតនេះ ដល់វេន ប៉ាគីអៅ ប្រកួតហើយ ជាគូឯក នៅសង្វៀន សហរដ្ឋអាមេរិក៕
-
Messi ចំណូលថ្មីរបស់ PSG គេមិនទាន់ចូលលេងទេ យប់នេះ
Messi នៅតែមិនទាន់អាចចូលលេងឲ្យ PSG ទេយប់នេះ ខណៈក្រុមខ្លួននឹងទៅលេងក្នុងដីរបស់ក្រុម Brest សម្រាប់ការប្រកួតសប្ដាហ៍ទី៣ Ligue1 របស់បារាំង ម៉ោង២យប់នេះ។ បើទោះបានបង្ហាញខ្លួនក្នុងការហ្វឹកហាត់ជាមួយក្រុមហើយក្ដី ក៏លោក Mauricio Pochettino អ្នកចាត់ការរបស់ PSG មិនទាន់សម្រេចចិត្តដាក់កីឡាករអាហ្សង់ទីនរូបនេះឲ្យលេងដែរ ក្នុងការប្រកួតយប់នេះ។ អ្នកចាត់ការដែលក៏មានសញ្ជាតិអាហ្សង់ទីនដែរនោះចង់ឲ្យ Messi មានកម្លាំងគ្រប់គ្រាន់ ក្រោយពេលត្រលប់ពីសម្រាកដើរលេងសម្រាប់រដូវក្ដៅរបស់គេ។ តាមគម្រោង Messi នឹងអាចបង្ហាញខ្លួនលើទីលានថ្ងៃទី២៩ ខែសីហា ឆ្នាំ២០២១ ទល់ក្រុម Reims ក្នុងការប្រកួត Ligue1 បារាំងនៅទឹកដីរបស់ Reims ។ សម្រាប់យប់នេះ Neymar ក៏មិនបានលេងដែរ ក្រោមហេតុស្រដៀង Messi រីឯ Ramos ដោយសាររបួសដែលបានកើតឡើងក្នុងអំឡុងហ្វឹកហាត់ ដូច្នេះ អត់លេងដែរ៕
-
ប៉ាគីអៅចង់វ៉ៃ Floyd ម្តងទៀត ខណៈខ្លួនត្រូវប៉ះកីឡាករគុយបា ចុងសប្តាហ៍នេះហើយ
ប៉ាគីអៅ នៅតែចង់ជួប Floyd ជាថ្មីទៀត ខណៈដែលកីឡាករហ្វីលីពីនរូបនេះត្រូវប៉ះជាមួយកីឡាករ គុយបា ចុងសប្តាហ៍នេះ។ លោក Freddie Roach អ្នកបង្ហាត់ផ្ទាល់របស់ Manny Pacquiao បានទម្លាយទៅកាន់សារព័ត៌មាន Sky Sports កាលពីពេលថ្មីៗនេះថា កីឡាករ Pacquiao ចង់ជួបមុខប្រកួតសងសឹកម្ដងទៀតជាមួយ Floyd Mayweather ។ សូមរំលឹកផងដែរថា Pacquiao ធ្លាប់ប៉ះជាមួយ Floyd ម្ដងកាលពីឆ្នាំ២០១៥ ដោយជាលទ្ធផល Floyd ជាអ្នកឈ្នះទៅលើការប្រកួតមួយនេះ។ គួរបញ្ជាក់ថា កំពូលអ្នកប្រដាល់ហ្វីលីពីន ប៉ាគីអៅ នឹងត្រូវជួបប្រកួតជាមួយកីឡាករសញ្ជាតិគុយបា Yordenist Ugas នាថ្ងៃទី២១ សីហាខាងមុខនេះ នៅសង្វៀន សហរដ្ឋអាមេរិក ដែលត្រូវនឹងព្រឹកថ្ងៃអាទិត្យ ទី២២ សីហា៕
-
គ្រូធំរបស់ ប៉ាក់គីអៅ ព្រមានថា UGAS ក៏ជាកីឡាករគ្រោះថ្នាក់ដែរ ទោះជាតួជំនួសក្តី
គ្រូបង្ហាត់យូរឆ្នាំរបស់កីឡាករ MANNY PACQUIAO ជឿជាក់ថា ម្ចាស់ខ្សែក្រវាត់ទម្ងន់ធ្ងន់ WBA (Super) YORDENIS UGAS ក៏អាចបណ្ដាលឱ្យមានគ្រោះថ្នាក់នៅក្នុងការប្រកួត នៅថ្ងៃទី២១ ខែសីហា ប្រៀបដូចនឹងកីឡាករ Errol Spence Jr ផងដែរ។ លោក FREDDIE ROACH គ្រូបង្ហាត់យូរឆ្នាំរបស់កីឡាករ MANNY PACQUIAO បាននិយាយថា៖ “ខ្ញុំមានការខកចិត្តយ៉ាងខ្លាំងដែលយើងមិនអាចប្រយុទ្ធជាមួយគូប្រជែងដ៏ល្អបំផុតនៅពេលនេះ ប៉ុន្តែយើងនឹងប្រយុទ្ធជាមួយគូប្រជែងដ៏ល្អម្នាក់” ចំពោះការផ្លាស់ប្តូរចុងក្រោយពី កីឡាករ Errol Spence Jr ទៅជាកីឡាករ YORDENIS UGAS។ YORDENIS UGAS គឺជាគូប្រជែងដ៏គ្រោះថ្នាក់ នៅពេលគាត់ប្រើដៃស្តាំរបស់គាត់។ ពិភពកីឡាប្រដាល់ បានបញ្ចេញនូវសេចក្ដីអស់សង្ឃឹមនិងខកចិត្តជារួមនៅពេលលឺព័ត៌មានកាលពីថ្ងៃអង្គារថា កីឡាករ Errol Spence Jr ត្រូវបង្ខំចិត្តដកខ្លួនចេញពីការប្រកួត ដែលគ្រោងទុកនៅថ្ងៃទី២១ ខែសីហា ជាមួយកីឡាករ MANNY PACQUIAO ដោយសារតែរបួសរហែកភ្នែកខាងឆ្វេង៕
-
Messi មិនពាក់អាវលេខ១០ ដែល Neymar ឲ្យទេ ពាក់លេខ៣០វិញ
សម្រាប់វត្តមានរបស់ Messi នៅក្លឹប PSG កីឡាករ Messi ត្រូវបានផ្តល់ជម្រើសឲ្យពាក់អាវលេខ១០ ដែលកីឡាករប្រេស៊ីល Neymar កំពុងពាក់ ហើយ Neymar ក៏ព្រមប្រគល់ជូនដែរ ក្នុងនាមមិត្តល្អ ប៉ុន្តែ Messi មិនទទួលទេ គឺសុខចិត្តពាក់អាវលេខ៣០វិញ។ តាមប្រភពព័ត៌មាន Get French Football News បានឲ្យដឹងថា Messi ធ្លាប់ពាក់អាវលេខ៣០ កាលពីប្រកួតក្នុងនាមជាកីឡាករអាជីពនៅក្លឹបមួយ ក្នុងឆ្នាំ២០០៤ ហើយបន្តពាក់២ឆ្នាំ ទើបប្តូរមកលេខ១៩វិញ ដោយគេដឹងថា លេខ៣០ ក៏ជាលេខចំណូលចិត្តគេដែរ អាចចង់ទៅរកចំណូលចិត្តដើមវិញ។ នៅក្នុងកម្មវិធីទទួលស្វាគមន៍នៅក្លឹបយក្ស PSG នៅបារាំង នាថ្ងៃទី១១ សីហានេះ Messi បានលើកឡើងត្រង់ៗតែម្ដងថា គោលបំណង និងក្ដីសុបិនខ្លួនមកកាន់ក្លឹប PSG នេះគឺដើម្បីចង់ឈ្នះពាន UEFA Champions League ម្ដងទៀត៕
-
អាមេរិកដណ្តើមបានមេដាយមាស លើសតែមួយគ្រឿង ប៉ុណ្ណោះ ឈរលេខ១ តារាងមេដាយសរុប
(តូក្យូ)៖ ក្រុមអត្តពលិកសហរដ្ឋអាមេរិក រកបានមេដាយសរុប១១៣គ្រឿងច្រើនជាងគេ ខណៈក្រុមប្រទេសចិន លេខ២ នៃតារាង មេដាយសរុប នៅ Tokyo Olympic 2020 ប្រទេសជប៉ុន ដែលនឹងបញ្ចប់កាលពីថ្ងៃទី៨ ខែសីហា ឆ្នាំ២០២១ ម្សិលមិញ ។ សហរដ្ឋអាមេរិក ឈរលេខ១ ដោយដណ្តើមបានមេដាយសរុប១១៣ គ្រឿង មាស៣៩ ប្រាក់៤១ និងសំរិទ្ធ៣៣ លេខ២ ចិន ដណ្តើមបានមេដាយសរុប ៨៨គ្រឿង មាស៣៨ ប្រាក់៣២ និងសំរិទ្ធ១៨ លេខ៣ ម្ចាស់ផ្ទះជប៉ុន មេដាយសរុប៥៨ មាស២៧ ប្រាក់១៤ និងសំរិទ្ធ១៧ លេខ៤ អង់គ្លេស មេដាយសរុប៦៥ មាស២២ ប្រាក់២១ និងសំរិទ្ធ២២ លេខ៥ រុស្ស៊ី មេដាយសរុប៧១ មាស២០ ប្រាក់២៨ និងសំរិទ្ធ២៣ ។ ចំណែកឯមេដាយប្រទេសតំបន់អាស៊ាន ហ្វីលីពីនឈរលេខ១ ដណ្តើមបានមេដាយសរុប ៤គ្រឿង មាស១…
-
អាមេរិកដណ្តើមបានមេដាយមាសលើស ប្រទេសចិនតែមួយគ្រឿងប៉ុណ្ណោះ ឈរលេខ១ តារាងមេដាយសរុប
(តូក្យូ)៖ ក្រុមអត្តពលិកសហរដ្ឋអាមេរិក រកបានមេដាយសរុប១១៣គ្រឿងច្រើនជាងគេ ខណៈក្រុមប្រទេសចិន លេខ២ នៃតារាង មេដាយសរុប នៅ Tokyo Olympic 2020 ប្រទេសជប៉ុន ដែលនឹងបញ្ចប់កាលពីថ្ងៃទី៨ ខែសីហា ឆ្នាំ២០២១ ម្សិលមិញ ។សហរដ្ឋអាមេរិក ឈរលេខ១ ដោយដណ្តើមបានមេដាយសរុប១១៣ គ្រឿង មាស៣៩ ប្រាក់៤១ និងសំរិទ្ធ៣៣ លេខ២ ចិន ដណ្តើមបានមេដាយសរុប ៨៨គ្រឿង មាស៣៨ ប្រាក់៣២ និងសំរិទ្ធ១៨ លេខ៣ ម្ចាស់ផ្ទះជប៉ុន មេដាយសរុប៥៨ មាស២៧ ប្រាក់១៤ និងសំរិទ្ធ១៧ លេខ៤ អង់គ្លេស មេដាយសរុប៦៥ មាស២២ ប្រាក់២១ និងសំរិទ្ធ២២ លេខ៥ រុស្ស៊ី មេដាយសរុប៧១ មាស២០ ប្រាក់២៨ និងសំរិទ្ធ២៣ ។ ចំណែកឯមេដាយប្រទេសតំបន់អាស៊ាន ហ្វីលីពីនឈរលេខ១ ដណ្តើមបានមេដាយសរុប ៤គ្រឿង មាស១ ប្រាក់២…
-
Messi ទឹកភ្នែក ពេលបញ្ជាក់ផ្លូវការពីការចាកចេញពី Barcelona
ក្នុងសន្និសីទកាសែត នាថ្ងៃទី៨ សីហា នេះ កីឡាករខ្សែប្រយុទ្ធដ៏ឆ្នើម សញ្ជាតិអាហ្សង់ទីន Messi បានបញ្ជាក់ជាផ្លូវការពីការបញ្ចប់វត្តមានលេងនៅក្លឹបកំពូល ក្នុងប្រទេសអេស្ប៉ាញ គឺ Barcelona ប៉ុន្តែបញ្ជាក់លាយលំជាមួយទឹកភ្នែក និងនិយាយទៀតថា គេដឹងគុណដល់អ្នកគ្រប់គ្នាដែលផ្តល់ក្តីស្រលាញ់។ កីឡាករវ័យ ៣៤ឆ្នាំរូបនេះបានចំណាយពេលជាមួយ Barcelona រាប់សិបឆ្នាំ រកបាន៦៧២គ្រាប់បាល់ ក្នុងការបង្ហាញខ្លួនលេង ៧៧៨ប្រកួត មុនពេលកុងត្រាផុតកំណត់ កាលពីថ្ងៃទី៣០ មិថុនា។ យ៉ាងណាក៏ដោយ កីឡាកររកប្រាក់ចំណូលខ្ពស់បំផុត លំដាប់ទី២ រូបនេះ អះអាងថា មានក្លឹបជាច្រើនបានទាក់ទងមករូបគេ៕
-
ក្រុមសាំបាប្រេស៊ីល បន្តឈ្នះមេដាយមាស អូឡាំពិក ២ សម័យ កាល ជាប់ៗ គ្នា
ក្រុមបាល់ទាត់សាំបាប្រេស៊ីល បាន ឈ្នះ មេដាយ មាស ២ សម័យកាលជាប់ៗ គ្នា ក្ក្នុងប្រវត្តិសាស្រ្តកីឡា អូឡាំពិក ក្រោយ យក ឈ្នះ ក្រុម អេស្ប៉ាញ នៅ វគ្គ ផ្ដាច់ព្រ័ត្រ ក្នុង ព្រឹត្តិការណ៍ កីឡា អូឡាំពិក ឆ្នាំ ២០២០ នៅ កីឡដ្ឋាន International Stadium Yokohama ទីក្រុង Yokohama ប្រទេស ជប៉ុន នៅវគ្គថែមម៉ោង ។ជ័យជំនះប្រេស៊ីល រកបានដោយកីឡាករ Matheus Cunha នៅ នាទី ៤៥+២ តែ កីឡាករ Mikel Oyarzabal របស់ អេស្ប៉ាញ តាម ស្មើ វិញ នៅ នាទី ទី ៦១។ ដល់វគ្គបន្ថែមម៉ោង១៥នាទី២ដង។…
-
Conor និង Messi នរណាក្លាយជាអត្តពលិករកចំណូលខ្ពស់បំផុតលើលោក ឆ្នាំ២០២១?
Conor និង Messi ម្នាក់ណាក្លាយជាអត្តពលិករកចំណូលខ្ពស់បំផុតលើលោក ឆ្នាំ២០២១? កាលពីដើមឆ្នាំ ២០២១ ទស្សនាវដ្តី Forbes បានបង្ហាញថា អ្នកប្រដាល់ក្បាច់គុណចម្រុះ MMA សញ្ជាតិអៀរឡង់ Conor McGregor ក្លាយជាកីឡាករឬអត្តពលិករកចំណូលខ្ពស់ជាងគេលើពិភពលោកប្រចាំឆ្នាំ២០២១ យកតំណែងកីឡាករបាល់ទាត់អាហ្សង់ទីន Lionei Messi ដែលធ្លាប់មកលំដាប់ទី២វិញ។ Conor រកបានជាង១៨០លានដុល្លារអាមេរិក ជាង១២ខែចុងក្រោយ គិតត្រឹមចុងខែឧសភា ២០២១។ ចំណូលនេះរាប់បញ្ជូលទាំង១៥៨លានដុល្លារអាមេរិក ពីការលក់ពាណិជ្ជកម្ម ការផ្សព្វផ្សាយ ជាដើម ខណៈគេដឹងថាកីឡាកររូបនេះ មានភាគហ៊ុនដ៏ធំ ក្នុងក្រុមហ៊ុនស្រាវីស្គីមួយ។ Messi គឺជាបេក្ខភាពទី២ ជាកីឡាកររកចំណូលច្រើនបំផុតលើលោក ដោយរកបាន១៣០លានដុល្លារអាមេរិក។ ៥ឆ្នាំនៃកុងត្រានៅបាសេឡូណា Messi រកបានជាង៦៥០លានដុល្លារអាមេរិក ដោយ១រដូវកាលរកបានប្រមាណ៨៩លានដុល្លារអាមេរិក។ បន្ទាប់ពី កីឡាករទាំងពីរ គឺកីឡាករបាល់ទាត់ព័រទុយហ្គាល់ Ronaldo រកចំណូលបានជាង១០០លានដុល្លារអាមេរិកដែរ៕