ក្លឹប NEWCASTLE នឹងត្រូវចំណាយ ៥០ លានផោន ប្រសិនបើចង់ចុះហត្ថលេខាលើ Nathan Ake ពី Manchester City ។ ក្រុមរបស់ Eddie Howe ចង់បានខ្សែការពារកណ្តាលនៅខែមករា ដោយបានកំណត់ Ake ជាគោលដៅផ្ទេរម្តងទៀតនៅរដូវក្តៅនេះ។

ក្រុម U19 អង់គ្លេស បានយកឈ្នះក្រុម U19 អូទ្រីស ក្នុងលទ្ធផល 2-0 កាលពីយប់ថ្ងៃអាទិត្យ។ កីឡាករវ័យក្មេងក្នុងក្របខ័ណ្ឌ លីគកំពូលអង់គ្លេស Carney Chukwuemeka របស់ Aston Villa បើកការស៊ុតបញ្ចូលទីយ៉ាងល្អក្នុងតង់ទី១ មុនពេល Alfie Devine របស់ Tottenham បន្ថែមគ្រាប់បាល់ទី២ យ៉ាងអស្ចារ្យទៅកាន់ជ្រុងកំពូល។

លោក ZINEDINE ZIDANE បង្ហាញពីបំណងប្រាថ្នាក្នុងការវិលត្រឡប់ទៅគ្រប់គ្រងបាល់ទាត់វិញចំពេលមានការចាប់អារម្មណ៍ពីក្លឹបអ្នកមានបារាំង Paris Saint-Germain បន្ទាប់ពីចែកផ្លូវគ្នាជាមួយលោក Mauricio Pochettino ។ បុរសសញ្ជាតិបារាំងវ័យ ៤៩ ឆ្នាំរូបនេះបានចាកចេញពី Real Madrid ជាលើកទីពីរក្នុងរដូវក្តៅឆ្នាំ ២០២១ ។

បាល់ទាត់៖ ក្លឹបធំពីរនៅអង់គ្លេសក្នុងនោះរួមមាន MANCHESTER CITY និង Chelsea កំពុងបង្ហាញចំណាប់អារម្មណ៍ លើកីឡាករ Marc Cucurella របស់ Brighton ។ លោក Pep Guardiola បានកំណត់អត្តសញ្ញាណកីឡាករអេស្ប៉ាញថា ជាកីឡាករដ៏ល្អសម្រាប់ក្រុម របស់គាត់នៅរដូវក្តៅនេះ ។

បាល់ទាត់ ៖ បើយោងតាម Mundo Deportivo បានអោយដឹងថា EDINSON CAVANI វ័យ ៣៥ ឆ្នាំបច្ចុប្បន្នជាកីឡាករដែលគ្មានតម្លៃខ្លួនបន្ទាប់ពីចាកចេញពី Manchester United បានប្រាប់អ្នកតំណាងរបស់ខ្លួនឱ្យស្វែងរកក្លឹប នៅលីគ LaLiga ។ ខណៈ Atletico Madrid ជាគោលដៅសក្តានុពលសម្រាប់ Cavani កាលពីអតីតកាល ។

ក្លឹប Tottenham បានត្រៀមថវិកា ៣៥លានអឺរ៉ូ (ឬប្រមាណ ៣៦.៥លានដុល្លារ) ដើម្បីចុះកិច្ចសន្យាយកខ្សែបម្រើរបស់ក្លឹប Brighton កីឡាករ Yves Bissouma សម្រាប់ការប្រកួតប្រជែងរដូវកាលថ្មី ។

កីឡាករ Antonio Rudiger និង Aurelien Tchouameni ត្រូវបានអធិរាជសរ Real Madrid នាំយកមកពង្រឹងក្រុមនារដូវក្តៅនេះ ។ ឥឡូវក្លឹបយក្សមួយនេះ ត្រៀមកញ្ចប់លុយ៩០លាន ដើម្បីចរចាជាមួយក្លិប Borussia Dortmund នាំយកខ្សែប្រយុទ្ធវ័យក្មេងសញ្ជាតិ អង់គ្លេស Jude Bellingham , នេះបើតាមរបាយការណ៍នៅបរទេស ។

បាល់ទាត់ ៖ កីឡាករ Frenkie de Jong ទទួលបានការចាប់អារម្មណ៍ពីក្លឹប Manchester United បន្ទាប់ពីខ្សែបម្រើសញ្ជាតិហូឡង់ បានបង្ហាញខ្លួនដ៏អស្ចារ្យក្នុងជ័យជម្នះ ៣-២ លើក្រុម Wales ។

បាល់ទាត់ ៖ ក្លឹប Manchester City កំពុងតែខិតជិតក្នុងការចុះហត្ថលេខាលើខ្សែការពារកណ្តាលរបស់ Le Havre កីឡាករ Isaak Touré ដែលមានចំណាត់ថ្នាក់ខ្ពស់ ។ ខ្សែការពារវ័យ១៩ឆ្នាំ គ្រោងនឹងចុះ ហត្ថលេខាលើកិច្ចសន្យារយៈពេលវែងជាមួយក្រុម Citizens នៅប៉ុន្មានថ្ងៃខាងមុខនេះ មុនពេលត្រូវបាន បញ្ជូនទៅឱ្យ Troyes ខ្ចីជើងសម្រាប់រដូវកាលខាងមុខនេះ ។

វីរបុរសរបស់ក្លឹប Manchester United កីឡាករ Cristiano Ronaldo បានបង្ហោះជូនពរដល់អតីតមិត្តរួមក្រុម Marcelo បន្ទាប់ពីការចាកចេញពីក្លឹប Real Madrid ។ កិច្ចសន្យារបស់កីឡាករវ័យ ៣៤ ឆ្នាំនឹងអស់នៅខែនេះ ដើម្បីសម្រេចចិត្តស្វែងរកការប្រកួតប្រជែងថ្មីនៅកន្លែងផ្សេងបន្ទាប់ពីចំណាយពេល ១៥ ឆ្នាំនៅក្លឹប ។