Atletico Madrid មិនមានការព្រួយបារម្ភ អំពីការចាកចេញ Matheus Cunha បន្ទាប់ពីក្លឹបបិសាចក្រហម Manchester United ចង់បាននៅរដូវក្តៅនេះ ។

ក្លឹបហង្សក្រហម Liverpool មិនអនុញ្ញាតឲ្យ Naby Keita ចូលរួមជាមួយ RB Leipzig វិញទេ គ្រោងទុកអោយនៅ Anfield លើសពីឆ្នាំក្រោយ នេះបើតាមការរាយការណ៍ពី Goal ។

កីឡាកររបស់ Manchester United មានឱកាសធ្វើឱ្យអ្នកចាត់ការ Erik ten Hag ចាប់អារម្មណ៍ក្នុងការហ្វឹកហាត់ ប៉ុន្តែអ្វីៗមិនបានសម្រេចដូចផែនការសម្រាប់ Donny van de Beek នោះទេ។ Ten Hagបានកំពុងដឹកនាំ Van de Beek ដែលធ្លាបជាកូនក្រុមកាលនៅ Ajax ។

លោក ZINEDINE ZIDANE បានលើកឡើងពីមូលហេតុដែលបានបដិសេធឱកាសក្នុងការដឹកនាំ Manchester United កាលពីឆ្នាំមុន។ អតីតគ្រូបង្វឹកក្លឹប Real Madrid វ័យ ៥០ ឆ្នាំរូបនេះ ត្រូវបានផ្សារភ្ជាប់យ៉ាងខ្លាំងដើម្បីជំនួសកន្លែងលោក Ole Gunnar Solskjaer ដែលត្រូវបានបណ្តេញចេញ។

SOUTHAMPTON កំពុងពិចារណាលើការផ្លាស់ប្តូរសម្រាប់កីឡាករវ័យក្មេងរបស់ Chelsea កីឡាករ Levi Colwill ។ ក្រុម Saints បាននាំយកកីឡាករវ័យក្មេងពីរនាក់រួចហើយនៅក្នុងរដូវក្តៅនេះ ក្នុងនោះរួមមានអ្នកចាំទី Gavin Bazunu របស់់ Manchester City និងខ្សែការពារវ័យ ២០ ឆ្នាំ Armel Bella-Kotchap របស់ក្លឹបអាល្លឺម៉ង់ Vfl Bochum ។

BRANDON WILLIAMS អាចចាកចេញពី Manchester United ក្នុងតម្លៃសមរម្យប្រហែល 10 លានផោន ។ខ្សែការពារជម្រើសជាតិអង់គ្លេសវ័យ ២១ឆ្នាំ បានចំណាយពេលកាលពីរដូវកាលមុនក្នុងលក្ខខណ្ឌខ្ចីជើងនៅ Norwich ដែលត្រូវកាត់ចេញត្រលប់ទៅក្របខ័ណ្ឌ Championship ។ ខ្សែការពារដែលប្រើជើងស្តាំ ប៉ុន្តែលេងនៅខ្សែការពារឆ្វេង អាចលេងបានគ្រប់ទម្រង់តំបន់ការពារ ។

បើយោងតាមកាសែត The Timesបានអោយដឹងថា ក្រុមបិសាចក្រហមបានកំពុងចាប់អារម្មណ៍លើកីឡាករសញ្ជាតិដាណឺម៉ាក ដែលបច្ចុប្បន្នគ្មានតម្លៃខ្លួនជាផ្លូវការនៅចុងខែនេះ បន្ទាប់ពីមានការចាប់អារម្មណ៍រយៈពេលខ្លីនៅក្លឹប Brentford ។ CHRISTIAN ERIKSEN វ័យ ៣០ កំពុងពិចារណាលើការផ្តល់ជូនកិច្ចសន្យាពី Manchester United ។

ខ្សែបម្រើស្លាបអាហ្សង់ទីនគ្រោងនឹងចាកចេញពីក្លឹប Paris Saint-Germain នៅរដូវក្តៅនេះ បន្ទាប់ពីកិច្ចសន្យាផុតកំណត់ ដោយត្រូវបានផ្សារភ្ជាប់ជាមួយនឹងការផ្ទេរទៅកាន់ក្លឹប Juventus និង Barcelona ។ ប៉ុន្តែប្រភពពីប្រទេសបារាំងបានរាយការណ៍ថា Angel Di Maria បានសម្រេចចិត្តចូលរួមជាមួយ Juventusបន្ទាប់ពីធុញទ្រាន់នឹងការរង់ចាំ Barcelona យូពេក ។