ការប្រកួតកីឡាកង់ភ្នំ Mountain Bike Serie ឆ្នាំ២០២២ ជុំទី២ ដំណើរការប្រកួត កាលពីថ្ងៃអាទិត្យ ស្ថិតនៅទំនប់ជណ្តើរកាច់ ភូមិស្រែផ្សរ ឃុំក្រាំងអំពិល ស្រុកសំរោង ខេត្តកំពង់ស្ពឺ ទាក់ទាញបានចូល៤៥៣នាក់ កើនឡើងជាងជុំទី១ ធ្វើនៅខេត្តកំពត កាលពីអំឡុង ខែឧសភា ឆ្នាំ២០២២ ។

ភ្នំពេញ៖ ក្រុមបាល់ទាត់ជម្រើសជាតិយុវជនអាយុក្រោម ១៩ឆ្នាំកម្ពុជា បានយកឈ្នះក្រុម U19 សិង្ហបុរី ដោយលទ្ធផល ១-០ ក្នុងជំនួបបើកឆាកពូល B នៃពានរង្វាន់ AFF U19 Boys Championship 2022 នៅប្រទេសឥណ្ឌូនេស៊ី នៅរាត្រីថ្ងៃទី០៣ ខែមិថុនា ឆ្នាំ២០២២។

ភ្នំពេញ៖ សហព័ន្ធកីឡាទូកកានូ និងរ៉ូអ៊ីងកម្ពុជា ទទួលបានការជួយឧបត្ថម្ភគាំទ្រ ទាំងបច្ចេកទេស និងសម្ភារពីសហព័ន្ធកីឡាទូកកានូ និងរ៉ូអ៊ីងអាស៊ី សម្រាប់ដំណើរការរៀបចំនៃការប្រកួតកីឡាស៊ីហ្គេម លើកទី៣២ ឆ្នាំ២០២៣។

លោក ហេង សុខឃន អគ្គលេខាធិការ សហព័ន្ធកីឡាប្រដាល់គុនខ្មែរ បានគូសបញ្ជាក់ ក្នុងសន្និសីទសារព័ត៌មាន សង្វៀនគុនខ្មែរជើងឯកពិភពលោក ឆ្ពោះទៅកីឡាស៊ីហ្គេម ឆ្នាំ២០២៣ នាព្រឹក ថ្ងៃទី៣០ ខែឧសភា ឆ្នាំ២០២២ ថា កិច្ចសហការរួមគ្នារវាងសហព័ន្ធកីឡាប្រដាល់គុនខ្មែរ និងស្ថាប័ន World Fight នេះ មានគោលបំណងពង្រឹងសមត្ថភាពកីឡាករការិនីគុនខ្មែរ ឆ្ពោះទៅរកគុណភាព ស៊ីហ្គេម លើកទី៣២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះ។ លោក អគ្គលេខាធិការ បានបញ្ជាក់ថា កម្មវិធីប្រដាល់ជើងឯកពិភពលោកនេះ កីឡាករកីឡាការិនីសុទ្ធសឹងជាអ្នកល្បីនៅក្រៅប្រទេស។ ដូច្នោះការប្រកួតប្រជែងជាមួយអ្នកខ្លាំងនឹងធ្វើឲ្យកីឡាយើងរីកចំរើនសមត្ថភាព ទទួលបានបទពិសោធន៍អន្តរជាតិ និងបច្ចេកទេសប្រកួតកាន់តែល្អប្រសើរ ហើយ ក៏ជាការជម្រុញឲ្យគុនខ្មែរកាន់តែល្បីលុះសាយទៅកាន់ពិភពលោកផងដែរ។ លោក តូ នីអាន់ ប្រធានWorld Fight បានលើកឡើងថា កត្តាចម្បងរបស់ World Fight ចាប់ដៃជាមួយសហព័ន្ធកីឡាប្រដាល់គុនខ្មែរ ដើម្បីរួមចំណែកពង្រឹងសមត្ថភាពកីឡាករ កីឡាការិនីកម្ពុជាឆ្ពោះទៅកម្រិតអន្តរជាតិ ជាការឆ្លើយតបក្នុងការប្រជែងដោយគុណភាពនៅស៊ីហ្គេម ឆ្នាំ២០២៣ស៊ីហ្គេមរៀបចំនៅកម្ពុជា។ ឯកឧត្តម វ៉ាត់ ចំរើន អគ្គលេខាធិការជាតិជាតិអូឡាំពិកកម្ពុជា និងជាអគ្គលេខាធិការ…

វីរកីឡាករម៉ូតូទឹក សាលី អូម៉ើត បានប្តេជ្ញាចិត្តខ្ពស់ថា នឹងប្រឹងប្រែងប្រកួតអោយពីសមត្ថភាព ដើម្បីនាំពានកម្រិតពិភពលោក មកជូនកម្ពុជា ពីការប្រកួតកីឡាម៉ូតូទឹកជើងឯកពិភពលោក ឆ្នាំ២០២២ ជុំទី១ នៅប្រទេសប៉ូឡូញ ។

ភ្នំពេញ៖ សហព័ន្ធកីឡាចំបាប់កម្ពុជាបានបង្ហាញមហិច្ឆតាស្វែងរកមេដាយមាសឲ្យបានលើសពី៤គ្រឿងដែលជាចំនួនច្រើនជាងការឈ្នះមេដាយមាសរបស់ខ្លួន ក្នុងប្រវត្តិស៊ីហ្គេម និងច្រើងជាងសន្ទស្សន៍មេដាយមាស២គ្រឿងយ៉ាងតិច។

ព្រឹត្តិការណ៍ប្រណាំងរថយន្តOff Road ឆ្នាំ២០២២ រៀបចំជាលក្ខណៈអន្តរជាតិ ដំណើរការប្រណាំងអស់រយៈពេល៣ថ្ងៃ ២យប់ លើកំពូលភ្នំ គិរីរម្យ ស្ថិតនៅក្នុងស្រុក ភ្នំស្រួច ខេត្ត កំពង់ស្ពឺ បានបញ្ចប់ជោគជ័យជាមួយនិងក្តីសប្បាយរីករាយ ពិសេស ទទួលបានការគាំទ្រកាន់តែខ្លាំង និងការកោតសសើរពីកីឡាករជាតិនិងអន្តរជាតិថា ការរៀបចំមានលក្ខណៈស្តង់ដាអន្តរជាតិ ដូចការប្រណាំងនៅបរទេសដែរ។

ការប្រកួតកីឡាឧត្តមសិក្សា និងមធ្យមសិក្សាបច្ចេកទេសថ្នាក់ជាតិ ឆ្នាំ២០២២ បានបិទបញ្ចប់ជាផ្លូវការនៅរសៀលថ្ងៃទី២៩ ខែមិថុនា ឆ្នាំ២០២២ នៅសាកលវិទ្យាល័យភូមិន្ទភ្នំពេញ ក្រោមអធិបតីភាព ឯកឧត្ដម ប៊ូ ជុំសេរី អនុរដ្ឋលេខាធិការ តំណាងដ៏ខ្ពង់ខ្ពស់ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា ក្រោយឆ្លងកាត់ការប្រកួតយ៉ាងស្វិតស្វាញរយៈពេលពេញមួយសប្ដាហ៍។

ភ្នំពេញ៖ អត្តពលិកពិការកម្ពុជា២រូបបានរួមដំណើរជាមួយប្រតិភូប៉ារ៉ាឡាំពិកកម្ពុជាទៅប្រទេសឥណ្ឌូនេស៊ី កាលពីថ្ងៃទី២៨ ខែមិថុនា ឆ្នាំ២០២២ ដើម្បីហ្វឹកហាត់កីឡាអុកនៅទីនោះរយៈពេលមួយខែ។

លោក ហែម គីរី អគ្គលេខាធិការសហព័ន្ធខ្មែរកីឡាហែលទឹក បង្ហើបអោយដឹងថា សហព័ន្ធខ្មែរកីឡាហែលទឹកមានគម្រោងរៀបចំព្រឹត្តិការណ៍ប្រកួតចាប់ពីកម្រិតបឋម ដល់ឧត្តមសិក្សានាពេលខាងមុខ ។ ការបញ្ជាក់របស់អគ្គលេខាធិការរូបនេះក្រោយបញ្ចប់ពិធីបិទការប្រកួតកីឡាហែលទឹក សកលវិទ្យាល័យ នាល្ងាចថ្ងៃទី២៨ ខែមិថុនា ឆ្នាំ២០២២