ភ្នំពេញ៖ កីឡាករវាយកូនគោល២រូបក្រោមអាយុ១៨ឆ្នាំរបស់កម្ពុជា កីឡាករ យ៉េត សុធារក្ស និង កីឡាករកីឡាករ ប៊ុនឡាយ កនណាគ្រី កំពុងបន្តការ ប្រកួតក្នុងព្រឹត្តិការណ៍ការប្រកួតកីឡាវាយកូនគោល15th FALDO SERIES ASIA GRAND FINAL នៅប្រទេសវៀតណាម ដំណើរការពីថ្ងៃទី២២ ដល់ថ្ងៃ ទី២៧ ខែ មេសា ឆ្នាំ២០២៤។ ក្នុងព្រឹត្តិការណ៍ប្រកួតកម្រិតអន្តជាតិនេះកីឡាករកម្ពុជាទាំងពីររូបបានជួប លោក Sir Nick Faldo តារាល្បីក្នុងវិស័យកីឡាវាយកូនគោល ។ កីឡាករ វាយកូនគោលវ័យរបស់កម្ពុជាទាំងពីររូបបានបង្ហាញអារម្មណ៍រំភើបខ្លាំងហើយ បានយកគំរូតារាល្បីក្នុងវិស័យកូនគោលរូបនេះ ជាកម្លាំងចិត្តលើកទឹកចិត្តរាល់ ពេល ហ្វឹកហាត់និងប្រកួត ដើម្បីភិវឌ្ឍន៍ចំណេះជំនាញក្លាយជាកីឡាករ វាយកូន គោលសក្កានុពលរបស់កម្ពុជានៅពេលអនាគត៕ ដោយ ៖ ជាវ ចន្ធូ

ភ្នំពេញ៖​ ឯកឧត្តម វ៉ាត់ ចំរើន រដ្ឋលេខាធិការ ក្រសួងអប់រំយុវជននិងកីឡា បានថ្លែងថា ការប្រមូលផ្តុំក្រុមជម្រើសជាតិនៅក្នុងឆ្នាំ២០២៤នេះ មិនមែនជាគោលដៅយុទ្ធសាស្រ្តត្រៀមសម្រាប់ចូលរួមប្រជែងក្នុងព្រឹត្តិការណ៍ធំនោះទេ ពោលការប្រមូលផ្តុំនៅឆ្នាំនេះគឺត្រៀមព្រឹត្តិការណ៍អន្តរជាតិតូចៗសម្រាប់សហព័ន្ធកីឡាជាតិមួយចំនួនដែលជាការប្រកួតលក្ខណៈជើងឯកប៉ុណ្ណោះ។ ចំណែកព្រឹត្តិការណ៍កីឡាធំដែលជាគោលដៅយុទ្ធសាស្រ្តគឺការប្រមូលផ្តុំត្រៀមស៊ីហ្គេម លើកទី៣៣ នៅប្រទេសថៃ ក្នុងឆ្នាំ២០២៥។ ឯកឧត្តម វ៉ាត់ ចំរើន បានលើកឡើង នៅក្នុងកិច្ចប្រជុំជាមួយថ្នាក់ដឹកនាំសហព័ន្ធកីឡាជាតិសម្រាប់ផែនការប្រមូលផ្តុំជម្រើសជាតិឆ្នាំ២០២៤។ឯកឧត្តមបន្តថា ការប្រមូលផ្តុំនៅឆ្នាំ២០២៤សម្រាប់ជម្រើសជាតិ គឺជាពេលវេលានៃការពង្រឹងគុណផលក្នុងក្របខណ្ឌនៅក្នុងប្រទេស ដែលជាការហ្វឹកហាត់កម្រិតមូលដ្ឋាន ដើម្បីពង្រឹងសមត្ថភាពនៅនឹងកន្លែងឱ្យបានរឹងមាំខ្លាំងការពារនូវការធ្លាក់ចុះគុណផលបច្ចេកទេស ហើយ ការពង្រឹងសមត្ថភាពការហ្វឹកហាត់គឺជារឿងចាំបាច់សម្រាប់ការប្រមូលផ្តុំឆ្នាំ២០២៤នេះ។ ឯកឧត្តម រដ្ឋលេខាធិការ បន្តថា ក្នុងឆ្នាំ២០២៥ឆ្នាំក្រោយ ទើបជាការប្រមូលផ្តុំជម្រើសជាតិឆ្ពោះទៅរកបច្ចេកទេសត្រៀមប្រកួតកីឡាស៊ីហ្គេម នៅប្រទេសថៃ ព្រោះស៊ីហ្គេម នៅប្រទេសថៃ ជាព្រឹត្តិការណ៍ធំដែលកម្ពុជាត្រូវការពារសិទ្ធិផលចំនួនមេដាយ និងការពារកិត្តិយសរបស់ជាតិ ខណៈដែលព្រឹត្តិការណ៍កីឡាស៊ីហ្គេម ឆ្នាំ២០២៣ ដែលកម្ពុជាទទួលធ្វើជាម្ចាស់ផ្ទះ កម្ពុជាទទួលបានជោគជ័យ និងភាពលេចធ្លោ។ ទន្ទឹមជាមួយគ្នានេះ ឯកឧត្តម រដ្ឋលេខាធិការ បានសំណូមពរដល់ថ្នាក់ដឹកនាំសហព័ន្ធកីឡាជាតិត្រូវចូលរួមមានការស្រុះស្រួលគ្នាជាគោលការណ៍លើការពង្រឹងសមត្ថភាពការហ្វឹកហាត់នៅក្នុងប្រទេសឱ្យបានពី៦០ទៅ៧០ភាគរយ។មានន័យថាត្រូវពង្រឹងគ្រូបង្វឹកនិងគ្រូជំនួយពីពាក់និងសមត្ថភាពក្នុងការបង្វឹកជម្រើសជាតិ ដើម្បីឱ្យជម្រើសជាតិបានឡើងគុណភាពកម្លាំងកាយដល់៦០ទៅ៧០ភាគរយធានាបានការធ្វើបច្ចេកទេសដោយគត់មត់៕ដោយៈជាវ ចន្ធូរ

ភ្នំពេញ៖ ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ និង ជាប្រធាន សហភាពសហព័ន្ធយុវជនកម្ពុជាបានកោតសរសើរ និងវាយតម្លៃខ្ពស់ចំពោះ គណៈ កម្មការរៀបចំការប្រកួតកីឡាបាល់ទាត់មិត្តភាពអន្តរក្រសួង-ស្ថាប័ន រួមទាំងក្រសួង ស្ថាប័ន និងដៃគូសហការ ក្រុមហ៊ុនគាំទ្រ និងភាគីពាក់ព័ន្ធ ដែលបានរួមចំណែក យ៉ាង សំខាន់ ឱ្យព្រឹត្តិការណ៍នេះដំណើរការទៅដោយរលូន និងជោគជ័យ។ ឯកឧត្តម ហ៊ុន ម៉ានី គូសបញ្ជាក់ថា ព្រឹត្តិការណ៍បាល់ទាត់នេះបានរៀបចំឡើងក្នុង គោលបំណងបំផុសស្មារតី និងលើកទឹកចិត្តដល់មន្រ្តីរាជការឱ្យស្រឡាញ់ និងចូល ចិត្តលេងកីឡា ដើម្បីទទួលបានសុខភាពផ្លូវកាយ ផ្លូវចិត្តស្របតាមពាក្យស្លោក កីឡាសាងមនុស្ស មនុស្សសាងសង្គម ដែលជាប្រសាសន៍សម្ដេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា។ ការប្រកួតវគ្គផ្តាច់ព្រ័ត្រដ៏ស្វិតស្វាញនេះ គឺក្រុមក្រសួងអប់រំ យុវជន និងកីឡាបានក្លាយជាម្ចាស់ជើងឯក ពានរង្វាន់មិត្តភាពយុវជន អន្ដរក្រសួង-ស្ថាប័ន បន្ទាប់ពីយកឈ្នះក្រុមក្រសួងសុខាភិបាល នៅវគ្គផ្ដាច់ព្រ័ត្រ ២ – ១ នៅក្នុងម៉ោងបន្ថែម១០នាទី២ដង ក្រោយពីរក្សាលទ្ធផលស្មើគ្នា ១-១ ក្នុងការប្រកួតពេញម៉ោង ៧០នាទី។…

ភ្នំពេញ៖ ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិ សម្បទា និងជាប្រធានគណៈកម្មាធិការជាតិស្ប៉េស្យាល់អូឡាំពិកកម្ពុជា បានអំពាវនាវ ដល់អនុគណៈកម្មាធិការស្ប៉េស្យាល់អូឡាំពិករាជធានី-ខេត្ត ក៏ដូចជាអង្គការ សមាគម នានា ដែលគ្រប់គ្រងផ្ទាល់ជួយដល់ជនពិការខ្សោយសតិបញ្ញា ដោយយកចិត្តទុក ដាក់បី បាច់ថែរក្សា និងផ្តល់ឱកាសឱ្យពួកគាត់បានហ្វឹកហាត់ និងចូលរួមការប្រកួតកីឡានានា ដែលគណៈកម្មាធិការជាតិស្ប៉េស្យាល់អូឡាំពិកកម្ពុជា បានរៀបចំតាមកម្មវីធី ជារៀង រាល់ឆ្នាំ ។ ការអំពាវរបស់ឯកឧត្តមប្រធានខាងលើ បានធ្វើឡើងនៅក្នុងមហាសន្និបាតវិសាមញ្ញបូក សរុបលទ្ធផលការងារប្រចាំឆ្នាំ២០២៣ និងទិសដៅការងារ ឆ្នាំ២០២៤របស់គណៈកម្មាធិ ការជាតិស្ប៉េស្យាល់អូឡាំពិកកម្ពុជា កាលពីល្ងាចថ្ងៃទី២៨ ខែមីនា ឆ្នាំ២០២៤ នៅទីស្តីការ ក្រសួងសង្គមកិច្ច អតីតយុទ្ធជន និងយុវនីតិសម្បទា ។ ឯកឧត្តម ជា សុមេធី បានគូសបញ្ជាក់ថា ចំពោះការងារនេះ គឺមានតែក្រុមគ្រួសារ ឪពុក ម្តាយ អាណាព្យាបាល ឬអ្នកដែលជិតបំផុតរបស់កីឡាករ កីឡាការិនីបញ្ញា ខ្សោយ ប៉ុណ្ណោះ ដែលជាកត្តាសំខាន់បំផុត ក្នុងការបំផុសជំរុញលើកទឹកចិត្តដល់ពួកគាត់ ដើម្បីចូលរួម…

ភ្នំពេញ៖ សហព័ន្ធខ្មែរកីឡាហាប់គីដូបានរៀបចំការប្រឡងសមត្ថភាពឡើងខ្សែក្រវាត់តាមកម្រិតនីមួយៗរបស់កីឡាករ កីឡាការិនី និងឧបត្ថម្ភថវិកាលើកទឹកចិត្តដល់កីឡាករ កីឡាការិនីមួយចំនួន ដែលបានធ្វើឡើងកាលពីល្ងាចថ្ងៃអាទិត្យទី២៤ ខែមីនា ឆ្នាំ២០២៤ នៅសាលនៃពហុកីឡដ្ឋានជាតិអូឡាំពិក។ លោក គង់ ចាន់ធីណា អគ្គលេខាធិការ សហព័ន្ធខ្មែរកីឡាហាប់គីដូបញ្ជាក់ថា ដោយទទួលបានការអនុញ្ញាតពីឧកញ៉ា សៅ សេងហាក់ ប្រធានសហព័ន្ធខ្មែរកីឡាហាប់គីដូ បានឱ្យគ្រូបង្វឹករៀបចំការប្រឡងឡើងខ្សែក្រវាត់តាមកម្រិតដាន់នីមួយៗ ដែលជាការលើកទឹកចិត្តដល់សិស្សគុនទាំងអស់ដែលបានប្រឹងប្រែងហ្វឹកហាត់យ៉ាងយកចិត្តទុកដាក់នាពេលកន្លងមក។ ជាមួយគ្នានេះ ឧកញ៉ា សៅ សេងហាក់ ក៏បានឧបត្ថម្ភថវិកាជាការលើកទឹកចិត្តជូនដល់កីឡាករ កីឡាការិនីវ័យក្មេង ដែលបានចូលរួមសម្តែងកីឡាហាប់គីដូ ក្នុងព្រឹត្តិការណ៍បើកការប្រកួតកីឡាបាល់ទាត់ពានរង្វាន់ក្រសួងមហាផ្ទៃ កាលពីថ្ងៃទី០១ ខែមីនាកន្លងទៅថ្មីៗនេះ។ ចំពោះគ្រូជំនួយមួយចំនួនក៏ទទួលបានការឧបត្ថម្ភលើកទឹកចិត្តដែលបានជួយបង្ហាត់បង្រៀនសិស្សគុន នៅក្នុងសហព័ន្ធកីឡាហាប់គីដូ។ ការប្រឡងឡើងខ្សែក្រវាត់នេះមានសិស្សគុនចូលរួមចំនួន ៣០នាក់ ។ការប្រឡងពីកម្រិតខ្សែក្រវាត់ពី ស ឡើង សឆ្នូត ពីសឆ្នូត ឡើងលឿង ពីលឿង ឡើង លឿងឆ្នូត និងពីលឿងឆ្នូតទៅខ្សែក្រវាត់ពណ៌ទឹកក្រូច និងពីខ្សែក្រវាត់ពីពណ៌បៃតងទៅ បៃតងឆ្នូតជាដើម។ ជាមួយនឹងការរៀបចំឱ្យមានការប្រឡង រួមទាំងការជួយឧបត្ថម្ភថវិកាលើកទឹកចិត្តពីឧកញ៉ាប្រធានសហព័ន្ធ និងថ្នាក់ដឹកនាំសហព័ន្ធ ក្នុងពេលនេះ ត្រូវបានលោកអគ្គលេខាធិការ គង់ ចាន់ធីណា អះអាងថាជាការលើកទឹកចិត្ត ដើម្បីជំរុញដល់ការលើកកម្ពស់ក្បាច់គុន…

ភ្នំពេញ៖ យោងតាមសេចក្តីជូនតំណឹងរបស់សហព័ន្ធកីឡាទូកានូ និងរ៉ូអ៊ីងកម្ពុជា បានប្រកាសថា នៅថ្ងៃទី២១ ខែ មីនា ឆ្នាំ២០២៤ នឹងមានការធ្វើតេសសមត្ថភាពជ្រើសរើសកីឡាករកីឡាការិនីជម្រើសជាតិហ្វឹកហាត់ត្រៀមការប្រកួតអន្តរជាតិ ពិសេស ការប្រកួតកីឡាស៊ីហ្គេម លើកទី៣៣ ឆ្នាំ២០២៥ ដែលប្រទេសថៃទទួលធ្វើជាម្ចាស់ផ្ទះ។ លោក គង់ សុភាព អគ្គលេខាធិការរង សហព័ន្ធកីឡាទូកកានូ និងរ៉ូអ៊ីងកម្ពុជា បានបញ្ជាក់ឲ្យដឹងថា ការប្រកួតធ្វើតេសសមត្ថភាពនេះ នឹងធ្វើឡើងនៅថ្ងៃទី២១ ខែ មីនា ឆ្នាំ២០២៤ នៅបញ្ជាការដ្ឋានទ័ពជើងទឹក។ លោកថា ការប្រកួតធ្វើតេសនេះ បានរៀបចំឡើងក្រោមការណែនាំចង្អុលបង្ហាញពីឯកឧត្តម អភិសន្តិបណ្ឌិត ស សុខា ប្រធានសហព័ន្ធកីឡាទូកកានូនិងរ៉ូអ៊ីងកម្ពុជា ដើម្បីចំរាញ់ជ្រើសរើសបានកីឡាករកីឡាការមានសមត្ថភាព និងសក្កានុពលយកមកហ្វឹកហាត់បំប៉នជាមួយគ្រូបរទេសទេស ត្រៀមប្រកួតប្រជែងដណ្តើមមេដាយជូនកម្ពុជាពីការប្រកួតលើឆាកអន្តរជាតិ។ លោក អគ្គលេខាធិការរង បានគូសបញ្ជាក់ថា ការប្រកួតធ្វើតេសនេះ គឺអនុញ្ញាតឲ្យកីឡាករកីលាការិនីគ្រប់សមាគមន៍ទូករាជធានីខេត្តទាំងអស់ ដែលគិតថា ខ្លួនមានសមត្ថភាពទេព្យកោសលអាចដាក់ពាក្យចូលធ្វើតេសបាន។ ប៉ុន្តែលក្ខណ្ឌ កីឡាករកីឡាការិនីទាំងអស់ ត្រូវមានក្រមសិល៍ធម៌ និងគោរពវិន័យល្អ ។ លោក បញ្ជាក់ទៀតថា សម្រាប់វិញ្ញាសា ដាក់ឲ្យប្រកួតធ្វើតេស នៅព្រឹកថ្ងៃទី២១ ខែ…

ភ្នំពេញ៖ កីឡាករគុនខ្មែរ ធន់ ចាន់តាក់ គឺជាបេក្ខភាព១រូបក្នុងចំណោមកីឡាករកម្ពុជា៤រូប ដែលនឹង ត្រូវប្រកួតដណ្តើមយកឡាន ក្នុងវិធីប្រដាល់ភេសជ្ជៈប៊ូសត្រង នៅថ្ងៃទី២៨ ខែ មីនា ឆ្នាំ២០២៤ នៅទីរួមខេត្តស្វាយរៀង។ ធន់ ចាន់តាក់ បានបញ្ជាក់ឲ្យដឹងថា ការប្រកួតដណ្តើមយកឡាននេះ គឺមានមាសភាព កីឡាករសរុបទាំងអស់៨រូប ក្នុងនោះ មានកីឡាករបរទេស៤រូប និងកីឡាករកម្ពុជា៤រូប ហើយក្នុងចំណោមកីឡាករកម្ពុជា៤រូបនោះ គឺមានសមាសភាព មឿន សុខហ៊ុច ចាន់ ប៊ុនហឿន សូត្រ វាសនា និងរូបគេម្នាក់ផងដែរ។ ក្នុងចំណោមសមាសភាពកីឡាករកម្ពុជា៣រូបនេះ សុទ្ធសឹងជាក្តីបារម្មណ៍ដែលជាឧបគ្គរារាំង ក្នុងការប្រជែងដណ្តើមយកឡាន ដ្បិតកីឡាករទាំង៣រូបនេះ សុទ្ធសឹងជាជើងខ្លាំង មានអាវុធ ផ្លែមុតស្រួចនិងវាយកាចៗទាំងអស់។ ទោះជាបែបនេះក្តី សម្រាប់ ឱកាសប្រកួតប្រជែង ដណ្តើម ឡាននេះ នឹងប្រឹងឲ្យអស់លទ្ធភាព ព្រោះការ ចូលរួមក្នុងកម្មវិធីដ៏កម្រនេះជាក្តី ស្រម៉ៃមួយដែលបានប៉ងទុកជាយូមកហើយ។ ធន់ ចាន់តាក់ អះអាងទៀតថា សម្រាប់ជំនួបដ៏សំខាន់នេះ រូបគេជាបេក្ខភាពមួយរូប បានត្រៀមខ្លួនបានយ៉ាងល្អ ដោយបានហ្វឹកហាត់ពង្រឹងគ្រប់យ៉ាងទាំងបច្ចេកទេស និងកម្លាំងកាយ…

ភ្នំពេញ៖ កីឡាករគុនខ្មែរ ឈឿន ល្វៃ បានឈ្នះការប្រកួតដណ្ដើម ខ្សែក្រវាត់អន្តរជាតិI-1 World Champion កាលពីរាត្រី ថ្ងៃ ទី១២ ខែមីនា ឆ្នាំ២០២៤ នៅទីក្រុងហុងកុងប្រទេសចិនហើយ នឹង នាំយកខ្សែក្រវាត់និងពានរង្វាន់មកកម្ពុជាកាលពីល្ងាចថ្ងៃពុធទី១៣ ខែមីនា ។កីឡាករ ឈឿន ល្វៃ បានអះអាងថា នេះជាជោគជ័យលើសពីការរំពឹងទុក ។ ប្រាប់អ្នកសារព័ត៌មាននៅអាកាសយានដ្ឋានអន្តរជាតិភ្នំពេញ កីឡាករគុនខ្មែរ ឈឿន ល្វៃ បានបញ្ជាក់ថា រូបគេមិនដែល រំពឹងថាដណ្តើមបានពាននិងខ្សែក្រវាត់អន្តរជាតិលំដាប់ពិភពលោកមួយនេះយកមកជូនព្រះ រាជាណាចក្រកម្ពុជាឡើយ។លោក រំភើបរកអ្វីមកប្រៀបផ្ទឹមពុំបាន ស្របគ្នាមានការគាំទ្ររបស់ប្រជា ពលរដ្ឋ កម្ពុជាច្រើនលើសលប់ទៀតនោះ ធ្វើឱ្យរូបមាន មោទន ភាព បង្កើនការហ្វឹកហាត់ ពង្រឹងសមត្ថភាពដើម្បីឱកាស ចូលរួម ដណ្តើមខ្សែក្រវាត់អន្តរជាតិក្រោយៗទៀត ដោយធ្វើឱ្យបានល្អ ជាងការប្រកួតលើកនេះ។ ភរិយាកីឡាករ ឈឿន ល្វៃ អ្នកស្រី ហង្ស សុធា ដែលមកទទួលប្តី បានបង្ហាញអារម្មណ៍រំភើបខ្លាំង ចំពោះជ័យជម្នះរបស់ស្វាមី ព្រោះអ្នកស្រីមិននឹកស្មានថាប្តីរបស់អ្នកស្រីអាចដណ្តើមបានខ្សែក្រវាត់និងពានរង្វាន់អន្តរជាតិដ៏មានតម្លៃមួយនេះ។ ដោយឡែកលោក…