(បារ៉ែន)៖ នាថ្ងៃទី១៦ ខែ ឧសភា ឆ្នាំ២០២៥ ប្រតិភូកម្ពុជាមានឯកឧត្ដម ប៉ុន សុខ អគ្គនាយកនៃអគ្គនាយកដ្ឋានកីឡា និងឯកឧត្ដម ញ៉ាន សុខវិសាល នាយបេសកកម្មនៃគណៈកម្មាធិការជាតិអូឡាំពិកកម្ពុជា រួមនឹងប្រតិភូកីឡា ជាង៤០ប្រទេសនៅអាស៊ីផ្សេងទៀត បានចុះស្វែងយល់ ទីកន្លែងប្រកួត និងដំណើរការរៀបចំរបស់ព្រះរាជាណាចក្របារ៉ែនក្នុងនាមម្ចាស់ផ្ទះកីឡាអូឡាំពិកយុវយនអាស៊ីលើកទី៣ឆ្នាំ២០២៥។ក្នុងដំណើរសិក្សាស្វែងយល់នេះ សម្រាប់កម្ពុជា គឺការដកស្រង់បទពិសោធន៍ ដើម្បីត្រៀមទទួលធ្វើជាម្ចាស់កីឡាអូឡាំពិកយុវជនអាស៊ីលើកទ៤ ឆ្នាំ២០២៩។ ក្នុងសន្និសីតសារព័ត៌មានថ្មីៗនេះ លោក Yousif Duaij Muhroofi ប្រធានគណៈកម្មាធិការជាតិរៀបចំការប្រកួតកីឡាអូឡាំពិកយុវជនអាស៊ីបារ៉ែន (BAYGOC) បានលើកឡើងថាដោយសហការគ្នាគ្រប់ផ្នែកពាក់ព័ន្ធ ដំណើរការរៀបចំពិតជាល្អណាស់ ហើយផ្នែកនីមួយៗធ្វើការជាធ្លុងតែមួយ។ ព្រឹត្តិការណ៍កីឡាយុវជនអាស៊ីលើកទី៣ឆ្នាំ២០២៥ ដំណើរការពីថ្ងៃទី២២ដល់ថ្ងៃទី៣១ ខែតុលា ឆ្នាំ២០២៥ នៅទីក្រុងម៉ាណាម៉ា ដោយមានអត្តពលិកវ័យក្មេងអាយុ១៤ឆ្នាំ-១៧ឆ្នាំ ២០០០នាក់ចូលរួមប្រកួតលើជាង២០០វិញ្ញាសាក្នុងជាង២០ប្រភេទកីឡា។សូមជម្រាបជូនថាចំពោះមុខកម្ពុជាក៏បានត្រៀមប្រតិភូជាង២០០នាក់ទៅចូលរួមប្រកួត និងទទួលវេនបន្តពីបារ៉ែនដើម្បីធ្វើម្ចាស់ផ្ទះកីឡាយុវជនអាស៊ីលើកទី៤ឆ្នាំ២០២៩៕ ដោយ ៖ ជាវ ចន្ធូ

(ភ្នំពេញ)៖ ឯកឧត្តម សុខ យ៉ានិមល ប្រធានសហព័ន្ធកីឡាសីដក់ និងសីមេលោងកម្ពុជា បានបង្ហាញការប្តេជ្ញាចិត្តខ្ពស់ក្នុងការបន្តដឹកនាំសហព័ន្ធជំនាញកីឡាមួយនេះឱ្យបន្តការអភិវឌ្ឍកាន់តែរីកចម្រើន និងដណ្តើមបានមេដាយជូនជាតិពីការប្រកួតអន្តរជាតិនានា នាពេលខាងមុខជាបន្តបន្ទាប់។ ការប្តេជ្ញាចិត្តនេះ ត្រូវបានធ្វើឡើងក្នុងឱកាសសន្និបាតបញ្ចប់អាណត្តិចាស់ និងបន្តអាណត្តិថ្មីរបស់សហព័ន្ធកីឡាសីដក់ និងសីមេលោងកម្ពុជា នៅទីស្នាក់ការគណៈកម្មាធិការជាតិអូឡាំពិកកម្ពុជា។ ឯកឧត្តម សុខ យ៉ានិមល ថ្លែងរំលេចថា ក្រោមការដឹកនាំរបស់ឯកឧត្តមបណ្ឌិត មាស សារិន អតីត ប្រធានសហព័ន្ធបានធ្វើឱ្យប្រភេទកីឡាសីដក់ និងសីមេលោងកម្ពុជា មានកិត្តិនាមល្បីរន្ទឺទាំងនៅក្នុងប្រទេសកម្ពុជា និងលើឆាកអន្តរជាតិ។ ឯកឧត្តម បានប្តេជ្ញាចិត្តបន្តនូវមាគ៌ាដឹកនាំដ៏ល្អផូរផង់របស់ឯកឧត្តមបណ្ឌិត មាស សារិន អតីតប្រធានសហព័ន្ធកីឡាសីដក់ និងស៊ីមេលោងកម្ពុជា។ ដោយបញ្ចេញអស់កម្លាំងកាយចិត្តនូវស្មារតីមោះមុត ក្នុងការគ្រប់គ្រង និងអភិវឌ្ឍន៍ប្រភេទកីឡាសីដក់ និងសីមេលោងឱ្យកាន់តែល្បីល្បាញទាំងក្នុងប្រទេស តំបន់ និងលើឆាកអន្តរជាតិ។ ខិតខំប្រឹងដឹកនាំសហព័ន្ធកីឡាសីដក់ និងសីមេលោងកម្ពុជា ប្រកបដោយសុភវិនិច្ឆ័យ តម្លាភាព និងគណនេយ្យភាព។ ស្វះស្វែង និងកៀរគររកថវិកា ក្នុងការកសាងហេដ្ឋារចនាសម្ព័ន្ធរូបវ័ន្ត សម្រាប់ការបម្រើដល់ការងាររដ្ឋបាល ការហ្វឹកហាត់ និងការប្រកួត។ សម្រេចឱ្យបាននូវទិសដៅ និងផែនការយុទ្ធសាស្ត្ររបស់សហព័ន្ធ សម្រាប់អាណត្តិថ្មីរបស់ខ្លួន។ រៀបចំផែនការយុទ្ធសាស្ត្រ ត្រៀមរៀបចំការប្រកួត ទាំងកម្រិតជាតិ…

(ភ្នំពេញ)៖ អនុប្រធានគណៈកម្មាធិការជាតិប៉ារ៉ាហ្គេមឡាំពិកកម្ពុជា ឯកឧត្តម ហ៊ុន ម៉ានី បានទទួលជួបសម្តែងការគួរសម និងពិភាក្សាការងារជាមួយលោក Andrew Parsons ប្រធានគណៈកម្មាធិការប៉ារ៉ាឡាំពិកអន្តរជាតិ ក្នុងឱកាសដែលលោកអញ្ជើញមកបំពេញទស្សនកិច្ចនៅកម្ពុជា ។ ដំណើរទស្សនកិច្ចរបស់ ប្រធានគណៈកម្មាធិការប៉ារ៉ាឡាំពិកអន្ដរជាតិ(IPC) លោក Andrew Parsons ត្រូវគេបញ្ជាក់ថា គឺជាដំណើរទស្សនកិច្ចលើកដំបូងនៅកម្ពុជា ចាប់ពីថ្ងៃទី១២-១៤ ខែឧសភា ឆ្នាំ២០២៥ ដើម្បីស្វែងយល់ និងគាំទ្រដល់ចលនាប៉ារ៉ាឡាំពិកនៅកម្ពុជា ។ ជំនួបរវាង ឯកឧត្តម ហ៊ុន ម៉ានី អនុប្រធានគណៈកម្មាធិការជាតិប៉ារ៉ាហ្គេមឡាំពិកកម្ពុជា និងជាប្រធានសហភាពសហព័ន្ធយុវជនកម្ពុជា និងលោក Andrew Parsons ប្រធានគណៈកម្មាធិការប៉ារ៉ាឡាំពិកអន្តរជាតិ បានធ្វើឡើងនៅថ្ងៃទី១៣ ខែឧសភា ឆ្នាំ២០២៥ នៅអគារ The Kampus និងបានអញ្ជើញចូលរួមនាឱកាសនោះដែរដោយ ឯកឧត្តម យី វាសនា អគ្គលេខាធិការគណៈកម្មាធិការជាតិប៉ារ៉ាឡាំពិកកម្ពុជា ។ ឯកឧត្តម ហ៊ុន ម៉ានី ក្នុងជំនួបនោះ បានស្វាគមន៍យ៉ាងកក់ក្តៅចំពោះវត្តមានរបស់ លោក ប្រធានគណៈកម្មាធិការប៉ារ៉ាឡាំពិកអន្តរជាតិ ដែលបានអញ្ជើញមកទស្សនកិច្ចនៅកម្ពុជា…

សិង្ហបុរី ៖ នៅថ្ងៃទី១២ ខែឧសភា ឆ្នាំ២០២៥ ដែលជាថ្ងៃទី៣នៃបញ្ចប់ព្រឹត្តិការណ៍ការប្រកួតកីឡាចំបាប់អន្ដរជាតិ Southeast Asian & Invitation Championship 2025 នៅប្រទេសសិង្ហបុរី កីឡាករ-កីឡាការិនី ចំបាប់កម្ពុជា រកបានមេដាយ៥គ្រឿងបន្ថែមទៀត ក្នុងនោះមេដាយមាស១គ្រឿង មេដាយប្រាក់២គ្រឿង និងមេដាយសំរិទ្ធ២គ្រឿងបន្ថែមទៀត ដែលសរុបមេដាយទាំងអស់បានចំនួន៨គ្រឿង ។ ១. កីឡាករ ហេង វុទ្ធី ប្រកួតវិញ្ញាសា Freestyle ទម្ងន់ក្រោម ៩២គីឡូក្រាម ឈ្នះមេដាយមាស២. កីឡាករ ហេង រត្តថា ប្រកួតវិញ្ញាសា Freestyle ទម្ងន់ក្រោម ៩២គីឡូក្រាម ឈ្នះមេដាយប្រាក់៣. កីឡាករ កែវ សុភ័ក្ត ប្រកួតវិញ្ញសា Freestyle ទម្ងន់ ៧៩គីឡូក្រាម ឈ្នះមេដាយប្រាក់ និងប្រកួតវិញ្ញសា Greco Romance ទម្ងន់ក្រោម ៨២គីឡូក្រាម ឈ្នះមេដាយសំរឹទ្ធ៤. កីឡាការិនី ជា កញ្ញា…

(ភ្នំពេញ)៖ កីឡាករ-កីឡាការិនី ចំបាប់កម្ពុជា បានបញ្ជាក់ពីជំហ និងការតាំងចិត្តជាខ្លាំង ក្នុងការប្តេជ្ញាចិត្តថានឹងប្រឹងប្រែងដណ្តើមមេដាយពីការប្រកួតចំបាប់ជើងឯកអាស៊ីអាគ្នេយ៍ នៅប្រទេសសិហ្គបុរី ជាមួយនឹងការខិតខំឱ្យអស់ពីលទ្ធភាពដើម្បីយកជ័យជំនះ ។ ការប្តេជ្ញាចិត្តនេះក្នុងឱកាស អត្តពលិកសហព័ន្ធកីឡាចំបាប់កម្ពុជា ចេញដំណើរទៅចូលរួមការប្រកួតកីឡាចំបាប់ជ្រើសរើសជើងឯកអាស៊ីអាគ្នេយ៍ (Southeast Asian & Invitational Championship) ឆ្នាំ២០២៥ ចាប់ពីថ្ងៃទី១០-១២ ខែឧសភាខាងមុខនេះ នៅប្រទេសសិង្ហបុរី ។ ការប្រកួតកីឡាចំបាប់ជ្រើសរើសជើងឯកអាស៊ីអាគ្នេយ៍ (Southeast Asian & Invitational Championship) ឆ្នាំ២០២៥ កម្ពុជាបានបញ្ជូនកីឡាករ-កីឡាការិនី ១២រូប ដើម្បីចូលរួមព្រឹត្តិការណ៍ថ្នាក់តំបន់នេះ ក្នុងនោះមានកីឡាករ ៩រូប គឺកីឡាករ ហេង វុទ្ធី, ហេង រ័ត្នថា, កែវ សុភ័ក្ត, យុន ប៊ុនណា, ឈឿង ឈាង, លឹម សុខលាង, សឿន សុភាស់, ឈឿង វាសនា និងកីឡាករ ឆាំ ពិស៊ិន) និងកីឡាការិនី…

ភ្នំពេញ៖បន្ទាប់ពីការសហការគ្នាប្រកបដោយជោគជ័យ និងទទួលបានការ​គាំទ្រ​ខ្លាំងក្នុងការបង្កើត​ព្រឹត្តិការណ៍​ការប្រកួត​កីឡាអេឡិចត្រូនិក Queen Legends រដូវកាលទីមួយ ក្រុមហ៊ុន Khmer Beverages និងក្រុមហ៊ុន T.Y Media បាន​ចុះ​ហត្ថ​លេខាលើអនុស្សារណៈយោគយល់គ្នា ក្នុងការបង្កើតព្រឹត្តិការណ៍ថ្មីមួយ​ទៀត ដែលជាពានរង្វាន់អន្តរជាតិ​ដោយ​ប្រសិទ្ធ​នាមថា Vikingz Mekong Invitational ដែលគ្រោងនឹងរៀបចំចន្លោះចុងខែឧសភា ដល់ដើមខែមិថុនា​ខាងមុខ។ព្រឹត្តិការណ៍នេះមាន៤ប្រទេសចូលរួមក្នុងនេះមាន ប្រទេសកម្ពុជា ថៃ វៀតណាម និងប្រទេសឡាវ។ ព្រឹត្តិការណ៍ប្រកួតកីឡាអេឡិចត្រូនិកលំដាប់អន្តរជាតិដែលកម្ពុជាបង្កើតឡើងជាលើកទី១នេះ បានប្រកាស ក្នុងពិធីចុះ​ហត្ថលេខាអនុស្សរណៈរវាងភេសជ្ជៈ Vikingz និង T.Y Media នៅថ្ងៃអាទិត្យទី២៧ ខែមេសា​នៅមជ្ឈមណ្ឌល​កីឡា​អេឡិចត្រូនិក T.Y Media Esports Center (ផ្លូវ ៦០ម៉ែត្រ) ក្រោមវត្តមាន​ឯកឧត្តម លន់ សាមឌី អគ្គលេខាធិការ​សហព័ន្ធកីឡាអេឡិចត្រូនិកកម្ពុជា អ្នកឧកញ៉ា លាង ម៉េង សហស្ថាបនិក និងប្រធានក្រុមអគ្គនាយកក្រុមហ៊ុន Khmer Beverages និងលោក ឈុន សំណាង តំណាងក្រុមហ៊ុន T.Y Media។…

ភ្នំពេញ៖ បន្ទាប់ពីធ្វើតេសជ្រើសរើសដោយសហព័ន្ធកីឡាទូកកានូនិងរ៉ូអ៊ីងកម្ពុជា នៅទន្លេវៃគោ ក្រុងស្វាយរៀង ខេត្ត ស្វាយរៀង អស់រយៈពេល២ថ្ងៃ ជម្រើសជាតិដែលចម្រាញ់បានទាំងអស់សរុប២៦នាក់ បានប្រមូលផ្តុំហ្វឹកហាត់ក្រោមថវិកាគាំទ្រពីក្រសួងអប់រំយុវជននិងកីឡា នៅក្នុងជំរុំហ្វឹកហាត់ក្នុងក្រុងស្វាយរៀង ខេត្តស្វាយរៀង។ យោងតាមការបញ្ជាក់ពី លោក គង់ សុភាព គ្រូជំនួយក្រុមជម្រើសជាតិ បានបញ្ជាក់ឱ្យដឹងថា ការប្រមូលផ្តុំជម្រើសជាតិហ្វឹកហាត់ក្នុងជំរុំនៅខេត្តស្វាយរៀងនេះ គឺមានសមាសភាពគ្រូបង្វឹក៤នាក់ កីឡាករ២០នាក់ និងកីឡាការិនីចំនួន៦នាក់។ គ្រូជំនួយខាងលើ បានគូសបញ្ជាក់ទៀតថា ការប្រមូលផ្តុំក្រោមការរាបរងដោយក្រសួងអប់រំយុវជននិងកីឡានេះ សម្រាប់សហព័ន្ធកីឡាទូកកានូ និងរ៉ូអ៊ីងកម្ពុជា គឺ ត្រៀមបេសកម្មចូលរួមប្រកួតប្រជែងដណ្តើមមេដាយក្នុងព្រឹត្តិការណ៍ធំៗចំនួន២ក្នុងឆ្នាំ២០២៥នេះ ។ ព្រឹត្តិការណ៍ទី១ គឺការប្រកួតកីឡាពិភពលោក(WORLD GAME 2025 )ដែលជាការប្រកួតធំធ្វើឡើង៤ឆ្នាំម្តង នៅសាធារណរដ្ឋប្រជាមានិតចិន ចាប់ពីថ្ងៃទី៦ដល់ថ្ងៃទី១១ សីហា ឆ្នាំ២០២៥ ដែលការត្រៀមខ្លួនលើប្រភេទកីឡាទូកនាគប្រពៃណីខ្នាតអន្តរជាតិចម្រុះបុរសនារី ចំណុះ១២ និងចំណុះ៨នាក់ គ្រោងនឹងប្រជែងលើ៦វិញ្ញាសាមានដូចជា២០០ម៉ែត្រ .៥០០ម៉ែត្រ និង២០០០ម៉ែត្រ។រីឯព្រឹត្តិការណ៍ទី២ គឺព្រឹត្តិការណ៍កីឡាស៊ីហ្គេម លើកទី៣៣ នៅប្រទេសថៃ ក្នុងអំឡុងខែ ធ្នូ ឆ្នាំ២០២៥ ដោយ សហព័ន្ធត្រៀមលើប្រភេទដូចជា ទូកកានូ .ទូកកាយ៉ាក់.ទូករ៉ូអ៊ីង និងទូកប្រពៃណីខ្នាតអន្តរជាតិ។…

(ភ្នំពេញ)៖ សហព័ន្ធកីឡាបេស្បលនិង សុហ្វបលកម្ពុជា នឹងបញ្ជូនកីឡាការិនីជម្រើសជាតិនារីជាលើកដំបូងចួលរួមប្រជែងក្នុងព្រឹត្តិការណ៍ 2025 IV BFA Women’s Asian Cup (Qualify)នៅប្រទេសថៃ ចាប់ពីថ្ងៃទី២៣ដល់ថ្ងៃទី៣០ ខែ មេសា ឆ្នាំ២០២៥។ លោក ពៅ ឧត្តម គ្រូជំនួយ បានឱ្យដឹងថា ព្រឹត្តិការណ៍វគ្គជម្រុះ 2025 IV BFA Women’s Asian Cupដែលធ្វើឡើងនៅប្រទេសថៃនេះ មានប្រទេសចូលរួមសរុបចំនួន៧ប្រទេសរួមទាំងកម្ពុជា ក្នុងនោះមាន កម្ពុជា ថៃ ឥណ្ឌូណេស៊ី អ៊ីរ៉ាក់ ម៉ាឡេស៊ី ស្រីលង្កា និងប៉ាគីស្ថាន ។ លោកថា សម្រាប់ការត្រៀមខ្លួនរបស់ជម្រើសជាតិបេស្បលនារីកម្ពុជា មានរយៈពេលខ្លី គឺទើបតែប្រមូលផ្តុំបាន១៥ថ្ងៃប៉ុណ្ណោះ ដោយបានចម្រាញ់ជ្រើសរើសមកពីក្លឹបបេស្បលសក្កានុពលមួយចំនួន។ ចំពោះការហ្វឹកហាត់ត្រៀមខ្លួនវិញ គឺជួបប្រទះការលំបាកខ្លះៗដូចជាកង្វះទីលានស្តង់ដា ដោយកីឡាការិនីរបស់យើងហ្វឹកហាត់នៅក្នុងទីលានបាល់ទាត់ប៉ុណ្ណោះ ដែលវាមិនមែនជាទីលានសប្បលនោះទេ ពោលដោយសានៅរាជធានីភ្នំពេញយើងគ្មានទីលាន។ ទោះជាបែបនេះក្តី ក៏ការហ្វឹកហាត់របស់អត្តពលិកបេស្បលនារីកំពុងហ្វឹកហាត់ជាប់ជាប្រចាំជាមួយគ្រូបង្វឹកជនជាតិជប៉ុនមិនដែលអាក់ខានឡើយ ដោយពេលព្រឹកហ្វឹកហាត់ក្នុងទីលានបាល់ទាត់ និងពេលរសៀលហ្វឹកហាត់បន្ថែមបច្ចេកទេសនៅលើដំបូលផ្ទះ។ គ្រូជំនួយខាងលើ សង្ឃឹមជឿជាក់ថា ការចូលរួមប្រជែងលើកដំបូងរបស់កីឡាការិនីបេស្បលជម្រើសជាតិនារីក្នុងព្រឹត្តិការណ៍អន្តរជាតិនេះ នឹងនាំយកមេដាយប្រាក់ឬសំរិទ្ធជូនកម្ពុជា…