ស៊ីហ្គេម – ម្ចាស់ផ្ទះស៊ីហ្គេម លើកទី៣១ ឆ្នាំ២០២២ វៀតណាមបានប្រារព្ធពិធីបើកការប្រកួតជាផ្លូវការយ៉ាងអធិកអធម កាលពីយប់ថ្ងៃទី១២ ខែឧសភា ឆ្នាំ២០២២ នៅកីឡដ្ឋាន My Dinh ដោយចូលរួមគាំទ្រយ៉ាងក្លៀវក្លាពីគណៈប្រតិភូ អត្តពលិកទាំង១១ប្រទេសក្នុងអាស៊ីអាគ្នេយ៍ រួមទាំងប្រតិភូកីឡាកម្ពុជា ដែលដឹកនាំដោយឯកឧត្តមបណ្ឌិត ថោង ខុន រដ្ឋប្រធានគណៈកម្មាធិការជាតិអូឡាំពិកកម្ពុជា (NOCC) និងជាប្រធានប្រតិភូកីឡាកម្ពុជាបានអញ្ជើញចូលរួមនៅក្នុងពិធីដ៏មហោឡារឹកនេះ។

ហ៊ុល លីដា កីឡាករទូកកានូជម្រើសជាតិ មកពីរបស់ក្លិបកីឡាទូកក្រសួងមហាផ្ទៃ និងជាបេក្ខភាពមួយរូប ចូលរួមប្រជែងក្នុងព្រឹត្តិការណ៍កីឡាស៊ីហ្គេម លើកទី៣១ នៅប្រទេសវៀតណាម ។

ពីរគ្រាប់សម្រាប់ក្រុម Tottenham talisman ក្នុងជ័យជម្នះ ៣-០ លើក្រុមកាំភ្លើងធំបានធ្វើឱ្យប្រធានក្រុមអង់គ្លេស Harry Kane បំបែកកំណត់ត្រាថ្មីមួយទៀត។ កីឡាករវ័យ 28 ឆ្នាំរូបនេះបានស៊ុតបញ្ចូលទីបាន ១៣គ្រាប់មិនគួរឱ្យជឿក្នុង ១៥ ប្រកួតនៅ Premier League ទល់នឹងក្រុម Arsenal ច្រើនជាងកីឡាករផ្សេងទៀតនៅក្នុងប្រវត្តិសាស្ត្រនៃការប្រកួត។

Sea Games ៖ កីឡាករឃីគបុកសុីង កម្ពុជា ៤រូប ត្រូវប្រកួតវគ្គផ្ដាច់ព្រ័ត្រដណ្ដើមមេដាយមាស ក្នុងស៊ីហ្គេម លើកទី៣១ នាប្រទេសវៀតណាម នៅថ្ងៃស្អែក ។ សូមចូលរួមគាំទ្រ និងលើកទឹកចិត្តកីឡាករកម្ពុជាយើងទាំងអស់គ្នា !!!!!!! ចាន់ វិចិត្រ

ប្រទេសវៀតណាម៖ ព្រឹកថ្ងៃទី១២ ខែឧសភា ឆ្នាំ២០២២ នៅសណ្ឋាគារ Pan Pacificប្រតិភូ អាជ្ញាកណ្ដាល គ្រូបង្វឹក ប្រភេទកីឡាសីដក់ របស់កម្ពុជា បានចូលរួមប្រជុំបច្ចេកទេស សម្រាប់ការប្រកួតកីឡាសុីហ្គេម SEA Games លេីកទី៣១ នៅប្រទេសវៀតណាម ក្រោមធិបតីភាព លោក ABDUL HALIM KADER.BBM President Asian Sepaktakraw Federation និងបានប្រគល់វត្ថុអនុស្សាវរីយ៍ ជូនដល់ប្រតិភូកម្ពុជា ។

លោក លី ហួត ប្រធានសហព័ន្ធកីឡាអុកចិនកម្ពុជា បានដឹកនាំអត្តពលិក២រូប ចូលរួមកីឡាស៊ីហ្គេម នៅប្រទេសវៀតណាម បានគូបញ្ជាក់ថា ការចូលរួមលើកទី១ នៅក្នុងព្រឹត្តិការណ៍កីឡាស៊ីហ្គេម នៅប្រទេសវៀតណាម សហព័ន្ធបានបញ្ជូនអត្តពលិកតែ២រូបប៉ុណ្ណោះ ដោយធ្វើការប្រកួតប្រជែងដណ្តើមមេដាយ និងសិក្សារៀនសូត្រ ពីការរៀបចំរបស់ម្ចាស់ផ្ទះ ត្រៀមធ្វើជាម្ចាស់ផ្ទះស៊ីហ្គេម ឆ្នាំ២០២៣ នៅកម្ពុជា ។

អត្តពលិកកីឡាកម្ពុជា នាព្រឹកថ្ងៃទី១២ ខែឧសភានេះ បានបន្តចេញដំណើរចំនួន៩ប្រភេទកីឡាបន្ថែមទៀត សម្រាប់ជើងទី៤ ដើម្បីទៅចូលរួម ព្រឹត្តិការណ៍កីឡាស៊ីហ្គេម លើកទី៣១ នៅប្រទេសវៀតណាម។

ភ្នំពេញ៖ នៅព្រឹកទី១២ ខែឧសភា ឆ្នាំ២០២២ នេះ ប្រតិភូ កីឡាករ-កីឡាការិនីកម្ពុជា ចំនួន៩ប្រភេទកីឡាទៀតបានចេញដំណើរដើម្បីទៅចូលរួមប្រកួតព្រឹត្តិការណ៍កីឡាស៊ីហ្គេម លើកទី៣១ដែលនឹងចាប់ផ្ដើមពិធីបើកជាផ្លូវការនៅថ្ងៃទី១២ ខែឧសភានេះ។

ណាណូយ-កីឡាករ ឈឿង ល្វៃ បានប្រកួតឈ្នះកីឡាករហ្វីលីពីន Ban Ario លើវិញ្ញាសាទម្ងន់៧១គីឡូក្រាម នៅវគ្គពាក់កណ្តាលផ្តាច់ព្រ័ត្រ លើប្រភេទកីឡាឃីកបុកស៊ីង កាលពីយប់ថ្ងៃទី១១ ខែឧសភា ឆ្នាំ២០២២ ហើយត្រូវឡើងទៅប្រកួតវគ្គផ្ដាច់ព្រ័ត្រដណ្ដើមមេដាយមាស នៃព្រឹត្តិការណ៍ស៊ីហ្គេម លើកទី៣១ ឆ្នាំ២០២២ នៅទីក្រុងហាណូយ ប្រទេសវៀតណាម។