ឯកឧត្តម វ៉ាត់ចំរើន អគ្គលេខាធិការគណៈកម្មាធិការជាតិរៀបចំកីឡាអាស៊ីអាគ្នេយ៍ឆ្នាំ២០២៣ ហៅកាត់ថា CAMSOC តំណាងសម្តេចពិជ័យសេនា ទៀ បាញ់ ប្រធាន CAMSOC បានដឹកនាំគណៈប្រតភូ មានសមាសភាពឯកឧត្តម អ៊ុក សិទ្ធិជាតិ អគ្គនាយកកីឡា និងជាអគ្គលេខាធិការរង CAMSOC ….

ក្រុមកីឡាប៉េតង់យុវជនវិទ្យាល័យហ៊ុន សែន សេរីភាព ដណ្តើមបានជើងឯកទាំងពីរវិញ្ញាសា ការប្រកួតកីឡាប៉េតង់ជ្រើសរើសជើងឯកប្រចាំខេត្តកណ្តាល ឆ្នាំ២០២២ ត្រូវជាប់ជាបេក្ខភាពតំណាងឲ្យខេត្តកណ្តាលចូលរួមប្រជែងក្នុងព្រឹត្តិការណ៍កីឡាជាតិលើកទី៣ ដែលរៀបចំនៅក្នុងអំឡុង ខែ វិច្ឆិកា ឆ្នាំ២០២២។

គណៈកម្មការប្រតិបត្តិអាណត្តិទី៧ សហព័ន្ធកីឡាវាយកូនឃ្លីលើតុកម្ពុជា ដែលមានឯកឧត្តម នាយឧត្តមសេនីយ៍ គៀត ច័ន្ទថារិទ្ធ ជាប្រធានសហព័ន្ធ នាល្ងាចថ្ងៃទី១៦ ខែមិនា ឆ្នាំ២០២២ បានកោះប្រជុំគណៈកម្មការប្រតិបត្តិក្នុងអាណត្តិថ្មីទាំងអស់ ពិភាក្សាគ្នាស្វែងរកគន្លិះដណ្តើមមេដាយស៊ីហ្គេម លើកទី៣១

គណៈកម្មាធិការជាតិរៀបចំកីឡាអាស៊ីអាគ្នេយ៍ ឆ្នាំ២០២៣ ហៅកាត់ថា CAMSOC នារសៀលថ្ងៃទី១៥ ខែមិនា ឆ្នាំ២០២២ម្សិលមិញនេះ បានបើកកិច្ចប្រជុំត្រួតពិនិត្យវឌ្ឍនភាពការងារគណៈកម្មការព័ត៌មាន និងផ្សព្វផ្សាយ និងត្រួតពិនិត្យការងារគណៈកម្មការទីលាន នៅអាគារគណៈកម្មាធិការជាតិអូឡាំពិកម្ពុជា

ក្រុមហ៊ុនឆ្នោតកីឡាជាតិ បានឧបត្ថម្ភកុំព្យូទ័រចំនួន៤៥គ្រឿង ជូនដល់គណៈកម្មាធិការជាតិអូឡាំពិកម្ពុជា និងសហព័ន្ធកីឡាជាតិ ដើម្បីប្រើប្រាស់បំរើរដល់ការងាររដ្ឋបាល ដែលពិធីប្រគល់ និងទទួល ធ្វើឡើង នាព្រឹកថ្ងៃទី១៥ ខែមិនា ដោយមានការអញ្ជើញចូលរួមពី ឯកឧត្តម វ៉ាត់ ចំរើន និងតំណាងក្រុមហ៊ុនឆ្នោតកីឡាជាតិ នៅអាគារគណៈកម្មាធិការជាតិអូឡាំពិកម្ពុជា ។

ក្រុមបាល់ទាត់ខេត្តកំពង់ចាម ដែលមានប្រជាប្រិយភាព មានអ្នកគាំទ្រច្រើន និងសម្បូរដោយកីឡាករមានទេពកោសល្យ សិតសឹងតែយុវជនក្នុងភូមិរកា ឃុំសំបូរមាស ក្រុងកំពង់ចាម ខេត្តកំពង់ចាម បានបង្ហាញទម្រង់លេងយ៉ាងល្អ ដោយយកឈ្នះក្រុមយុវជន២ធ្នូត្នោត ក្នុងលទ្ធផល ៤ទល់០ នៅវគ្គ១៦ក្រុម ពានរង្វាន់បាល់ទាត់ ឯកឧត្តម បណ្ឌិត ហ៊ុន ម៉ាណែត រដូវកាលទី១ ឆ្នាំ២០២០ កាលពីល្ងាចថ្ងៃទី១៥ ខែមីនាម្សិលមិញ នាទីលានបាល់ទាត់ស្ថិតនៅភូមិពោធិរោងលើ ឃុំកោងកាង ស្រុកពញាក្រែក ខេត្តត្បូងឃ្មុំ ។

សមាគមកីឡាវាយកូនគោលក្រសួងមហាផ្ទៃ សហការជាមួយ សហព័ន្ធកីឡាវាយកូនគោលកម្ពុជា នឹងរៀបចំការប្រកួតកីឡាវាយកូនគោលពានរង្វាន់សម្តេច ក្រឡាហោម ស ខេង លើកទី២ ប្រចាំឆ្នាំ២០២២ នៅថ្ងៃទី២៦ ខែ មិនា នៅទីលានកីឡាវាយកូនគោលវឌ្ឍនៈ។ ការប្រកួតពានរង្វាន់ខាងលើ មាន២វិញ្ញាសា ដូចជា វិញ្ញាសាប្រកួតវាយជាក្រុម៣នាក់ជ្រើសរើសយកបាល់ណាដែលល្អជាងគេ និង វិញ្ញាសា ឯកក្តជន(Individual Stroke Play)។

ក្រុមបាល់ទាត់យុវជនស្រុកល្វាឯម ដណ្តើមបានត្រឹមជ័យលាភីចំណាត់ថ្នាក់លេខ៣ និងពានក្រុមលេងល្អជាងគេមួយប៉ុណ្ណោះ ក្នុងពានរង្វាន់ ឯកឧត្តម គង់ សោភ័ណ្ឌ អភិបាលខេត្តកណ្តាល ប្រចាំឆ្នាំ២០២២ ដែលរៀបចំនៅក្នុងកីឡដ្ឋាន ខេត្ត កណ្តាល។ ជ័យលាភីចំណាត់ថ្នាក់លេខ៣នេះ និងពានក្រុមលេងល្អជាងគេដែលក្រុមទទួលបានក្នុងពានរង្វាន់ថ្នាក់ខេត្តមួយនេះ វាមិនទាន់សម្រេចគោលដៅដែល លោក កន សុខកាយ អភិបាលស្រុកល្វាឯមចង់បាននៅឡើយនោះទេ ពោលការដាក់ទិសដៅក្នុងពានរង្វាន់មួយនេះ លោក ចង់ឲ្យក្រុមដណ្តើមបានជ័យលាភីជាម្ចាស់ជើងឯក ដើម្បីនាំយកពានទៅតាំងនៅសាលាស្រុកល្វាឯម ។