ភ្នំពេញ ៖ ក្រុមក្រសួងសាធារណការ និងដឹកជញ្ជូន ដណ្តើមបានតំណែងជើងឯកពានរង្វាន់ មិត្តភាពយុវជន អន្តរក្រសួងស្ថាប័ន រដូវកាលទី៨ ដោយបានយកឈ្នះ ក្រុមក្រសួងសុខាភិបាល ដោយលទ្ធផល៤-៣ ក្នុងវគ្គផ្តាច់ព្រ័ត្រ នាទីលានThe Blue Sport សែនសុខ ។ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានអំពាវនាវ និងលើកទឹកចិត្តដល់ក្រសួង-ស្ថាប័នរដ្ឋទាំងអស់ឱ្យបន្តបំផុសចលនាដល់យុវជនដែលជាមន្រ្តីរាជការក៏ដូចជាប្រជាពលរដ្ឋទូទៅចូលរួមលេងកីឡាអោយបានច្រើនថែមទៀត។ឯកឧត្តមបន្ថែមថា សកម្មភាពយុវជនក្នុងការលេងកីឡានេះ នឹងរួមចំណែកបន្ថែមទៀតក្នុងការគាំទ្រ និងអភិវឌ្ឍវិស័យកីឡានៅកម្ពុជាដោយឈរលើស្មារតី កីឡារស់ក្នុងសន្តិភាព។ឯកឧត្តម បានថ្លែងកោតសរសើរ និងវាយតម្លៃខ្ពស់ចំពោះក្រុមការងារនៃគណៈកម្មការរៀបចំការប្រកួតកីឡាបាល់ទាត់មិត្តភាពអន្តរក្រសួង-ស្ថាប័ន ដែលបានយកចិត្តទុកដាក់ខ្ពស់ក្នុងការរៀបចំ សម្របសម្រួលរាល់ដំណើរការប្រកួតប្រកបដោយទំនួលខុសត្រូវខ្ពស់។ គួរបញ្ជាក់ថា សហភាព សហព័ន្ធយុវជនកម្ពុជា (ស.ស.យ.ក) បាន រៀបចំការប្រកួតពានរង្វាន់កីឡាបាល់ទាត់ «មិត្តភាពយុវជន អន្តរក្រសួង-ស្ថាប័ន» លើកទី៨ ឆ្នាំ២០២២ឡើងវិញក្នុងគោលបំណង ដើម្បីបង្កើនស្មារតីសាមគ្គីភាពមិត្តភាពពង្រីងនិងពង្រឹកកិច្ចសហប្រតិបត្តិការរវាងមន្ត្រីរាជការនៅតាមក្រសួង និងស្ថាប័ន ជាពិសេសជំរុញនិងបំផុសស្មារតី ស្រលាញ់ចូលចិត្ត និងលេងកីឡាដើម្បីសុខភាព។ លើសពីនេះទៅទៀតកម្មវិធីនេះក៏បានបង្ហាញឲ្យឃើញពីចលនាចូលរួមជាមួយកម្មវិធី Beyond The Games ក្នុងឆន្ទៈគាំទ្រនិងអបអរសាទរ ខណៈកម្ពុជានឹងធ្វើជាម្ចាស់ផ្ទះកីឡាស៊ីហ្គេម ឆ្នាំ២០២៣ខាងមុខ ក្រោមទិសស្លោកកីឡាក្នុងសន្តិភាព។ ក្រោមគំនិតផ្ដួចផ្ដើមដ៏ខ្ពង់ខ្ពស់របស់ឯកឧត្តម…

ខេត្តតាកែវ ៖ ថ្លែងនៅក្នុងពិធីបើក ការប្រកួតកីឡាបាល់ទាត់មិត្ដភាពពានរង្វាន់បណ្ឌិត ហ៊ុន ម៉ាណែត ឆ្នាំ២០២៣ ឯកឧត្តម នាយឧត្តមសេនីយ៍បណ្ឌិត ម៉ៅ ហាវណ្ណាល់ រដ្ឋមន្ដ្រីទទួលបន្ទុករដ្ឋលេខាធិការដ្ឋានអាកាសចរស៊ីវិល លើកឡើងថា ការប្រកួតកីឡាបាល់ទាត់មិត្ដភាពពានរង្វាន់បណ្ឌិត ហ៊ុន ម៉ាណែត ឆ្នាំ២០២៣នេះ គឺពិតជាមានសារៈសំខាន់ខ្លាំងណាស់ ក្នុងការផ្តល់ឱកាសដល់យុវជន បានលេងកីឡាដើម្បីសុខភាព និងចាកឆ្ងាយពីគ្រឿងញៀន ពិសេស បានពង្រឹងនូវសាមគ្គីភាព និងទំនាក់ទំនងល្អរវាងយុវជននិងយុវជន ស្របតាមពាក្យស្លោករបស់រាជរដ្ឋាភិបាលប្រជាជនម្នាក់លេងកីឡាមួយមុខ។ នាយឧត្តមសេនីយ៍បណ្ឌិត ម៉ៅ ហាវណ្ណាល់ បានកោតសរសើរ និងវាយតម្លៃខ្ពស់ ចំពោះកិច្ចខិតខំប្រឹងប្រែង របស់អាជ្ញាធរមូលដ្ឋានគ្រប់កំរិត ថ្នាក់ដឹកនាំប្រតិភូកីឡា បណ្តាក្រុមហ៊ុន និងសប្បុរសជននានា ក្មួយៗកីឡាករ ព្រមទាំងអ្នកពាក់ព័ន្ធទាំងអស់ដែលបានជួយរៀបចំ គាំទ្រ និងឧបត្ថម្ភ ដល់ព្រឹត្តិការណ៍នេះឲ្យលេចចេញជារូបរាងឡើង។ នាឱកាសនៃពិធីបើកព្រឹត្តិការណ៍ប្រកួតកីឡាបាល់ទាត់មិត្តភាពពានរង្វាន់ ឯកឧត្តមបណ្ឌិត ហ៊ុន ម៉ាណែត ឆ្នាំ២០២៣ ក៏មានការប្រកួតមិត្តភាពកិត្តិយសបើកឆាករបស់កីឡាករ មកពីក្លិបកីឡាបាល់ទាត់ប៉េងហួត ដែលដឹកនាំដោយ ឯកឧត្តម នាយឧត្តមសេនីយ៍ បណ្ឌិត ម៉ៅ ហាវណ្ណាល់ ផងដែរ។ គួរបញ្ជាក់ថា…

ភ្នំពេញ៖ ការប្រកួត Hanuman Off Road Challenge Series ឆ្នាំ២០២៣ នឹងចាប់ផ្តើមប្រកួតជាផ្លូវការ នៅថ្ងៃទី១៨ និងទី១៩ ខែមីនា ឆ្នាំ២០២៣ នៅទីលានឧទ្យានជាតិភ្នំគីរីរម្យ ដោយមានកីឡាករមកពី១១ប្រទេសចូលរួម។ លោក Oran Shapira អ្នករៀបចំការប្រកួតម៉ូតូហោះ Hanuman Off Road នេះ បានឲ្យដឹងថា ការប្រកួតនេះបែងចែកជា២ គឺការប្រណាំងម៉ូតូឡើងភ្នំ King of the Hill និងការប្រកួតម៉ូតូ Enduro ចែកចេញ ៦ Class រួមមាន Class A, B, C, VIP , Women និង Class Kids ។ អ្នករៀបចំម៉ូតូហោះ រូបនេះ បន្តថា ការរៀបចំប្រកួតនេះ គឺទទួបានការគាំទ្រពីសហព័ន្ធកីឡាយានយន្តកម្ពុជា និងរដ្ឋបាលខេត្តកំពង់ស្ពឺ ធ្វើឡើងក្នុងគោលបំណងផ្តល់ឪកាសអោយអ្នកស្រឡាញ់វិស័យកីឡាប្រណាំងម៉ូតូបញ្ចេញសមត្ថភាព និងទេពកោសល្យ…

ភ្នំពេញ ៖ ក្រុមបាល់ទះនារីវិទ្យាល័យ GVA បានក្លាយជាជើងឯកបាល់ទះផ្នែកនារី ការប្រកួតកីឡាសិស្សមធ្យមសិក្សាជ្រើសរើសជើងឯករាជធានីភ្នំពេញ ប្រចាំឆ្នាំ២០២៣ បន្ទាប់ពីយកឈ្នះប្រកួតទី៣លើក្រុមបាល់ទះវិទ្យាល័យជាស៊ីមសាមគ្គី ដោយក្រុមមួយនេះ បានបោះបង់ការប្រកួត ចោល នាព្រឹកថ្ងៃទី១៧ ឆ្នាំ២០២៣។ ក្លាយជាជើងឯកលើវិញ្ញាសាបាល់ទះផ្នែកនារី លោក ម៉ុន សុខជា នាយកសាលាGVA បានលើកឡើងថា កក្តាដែលជំរុញឲ្យក្រុមបាល់ទះនារីរបស់លោកបានឈានមកដល់ការលើកពានជើងឯកប្រចាំរាជធានីភ្នំពេញមួយនេះ គឺដោយសាលាបានយកចិត្តទុកដាក់បង្វឹកពួកគាត់ជាប្រចាំជាមួយគ្រូជំនាញបើទោះបីពុំមានការប្រកួតក៏ដោយ ហើយជ័យជំនះនេះក៏វាបានពីការខិតខំរបស់ពួកគេដែរ ពួកគេប្រកួតដោយអស់កម្លាំងចិត្ត រួបរួមសាមគ្គីគ្នាជាកម្លាំងធ្លុងតែមួយ ។ នាយកសាលារូបនេះ បានបញ្ជាក់ទៀតថា បន្ទាប់ពីគ្រងតំណែងជើងឯកប្រចាំរាជធានីភ្នំពេញ លោកនឹងពង្រឹងសមត្ថភាពក្រុមបាល់ទះនារីសាលារបស់លោកឲ្យកាន់តែអភិវឌ្ឍសមត្ថភាពខ្លាំងបន្ថែមទៀត ដើម្បីត្រៀមខ្លួនប្រជែងក្នុងការប្រកួតជ្រើសរើសជើងឯកថ្នាក់ជាតិទូទាំងប្រទេសនៅពេលខាងមុខ ក្នុងនាមជាក្រុមប្រកួតតំណាងរាជធានីភ្នំពេញ។ សម្រាប់ការប្រកួត ការប្រកួតកីឡាសិស្សមធ្យមសិក្សាជ្រើសរើសជើងឯករាជធានីភ្នំពេញ ប្រចាំឆ្នាំ២០២៣ មាន៧ប្រភេទកីឡា មានបាល់ទាត់ បាល់ទះ បាល់បោះ វាយកូនឃ្លីលើតុ វាយសី ប៉េតង់ និង អត្តពលកម្ម ។ សូមបញ្ជាក់ថា ក្នុងឆ្នាំ២០២៣នេះ សាលាGVA ផ្នែកបាល់ទះនារី គ្រងបានតំណែងជើងឯក ចំនួន៣ពានរង្វាន់ មាន ជើងឯកកម្រិតបឋមសិក្សា ជើងឯកកម្រិតអនុវិទ្យាល័យ និង កម្រិតវិទ្យាល័យ…

ភ្នំពេញ៖ សហព័ន្ធកីឡាអេឡិចត្រូនិកកម្ពុជា (EFC) និងក្រុមហ៊ុនអភិវឌ្ឍកីឡាអេឡិចត្រូនិកអន្តរជាតិ MOONTON Games បានចុះហត្ថលេខាលើអនុស្សរណៈ នៃការយោគយល់គ្នា (MoU) ដើម្បីកិច្ចសហប្រតិបត្តិការអភិវឌ្ឍវិស័យកីឡា Esports នៅកម្ពុជា និងរៀបចំការព្រឹត្តិការណ៍ពានរង្វាន់អាស៊ីអាគ្នេយ៍ឆ្នាំ២០២៣។ ពិធីនេះធ្វើកាពីនាថ្ងៃទី១៤ ខែមីនា ឆ្នាំ២០២៣ នៅក្រសួងព័ត៌មាន។ ការចុះហត្ថលេខានេះ ក្នុងបំណងបង្កើតមូលដ្ឋានគ្រឹះ នៃភាពជាដៃគូរវាងសហព័ន្ធ និងក្រុមហ៊ុន MOONTON ហើយជាផ្នែកមួយ នៃការរួមគ្នាក្នុងការអភិវឌ្ឍឧស្សាហកម្មកីឡាអេឡិចត្រូនិកក្នុងស្រុក និងបង្កើតឲ្យមានព្រឹត្តិការណ៍ ថ្មីៗបន្ថែមទៀតសម្រាប់កីឡាករ កីឡាការិនីអាជីពកម្ពុជា។ លោក Ray Ng មានប្រសាសន៍ថា ៖«ជោគជ័យនៃការប្រកួត MPL Cambodia បានជួយពង្រឹងលើការអភិវឌ្ឍវិស័យ Esports នៅកម្ពុជា។ យើងខ្ញុំទន្ទឹងរង់ចាំនាំមកនូវព្រឹត្តិការណ៍ MSC 2023 ដើម្បីផ្តល់ឱកាសដ៏អស្ចារ្យបន្ថែមទៀតដល់អត្តពលិកកម្ពុជាដែលមានទេពកោលសល្យ។ យើងពិតជារីករាយក្នុងការបង្ហាញអត្តពលិកកម្ពុជាដ៏មានសក្តានុពលទៅកាន់ឆាកអន្តរជាតិ»។ ប្រធានសហព័ន្ធកីឡាអេឡិចត្រូនិច ឯកឧត្តម ជា ច័ន្ទបរិបូណ៌ មានប្រសាសន៍ថា ៖«អ្វីដែលគួរឲ្យចាប់អារម្មណ៍ ឆ្នាំ២០២៣នេះ MOONTON GAMES បានសហការជាមួយកម្ពុជា រៀបចំព្រឹត្តិការណ៍ដ៏ធំមួយនៅភ្នំពេញ ខណៈកម្ពុជាមានកីឡាករ កីឡាការិនី…