ខេត្តសៀមរាប៖ កីឡាករ កីឡាការិនី ជម្រើសជាតិកម្ពុជា ផ្នែកវាយកូនបាល់ (Tennis) បានរំពឹងថា នឹងទទួលបានមេដាយពីការប្រកួតស៊ីហ្គេមលើកទី៣២ ក្នុងនាមកម្ពុជាជាម្ចាស់ផ្ទះ ពីព្រោះពួកគេបានត្រៀមខ្លួន និងហ្វឹកហាត់បានយ៉ាងល្អ។ ថ្លែងប្រាប់អ្នកព័ត៌មាន នៅលើទីលានហ្វឹកហាត់ក្នុងខេត្តសៀមរាប កាលពីល្ងាចថ្ងៃទី២៨ ខែមេសា ឆ្នាំ២០២៣នេះ កីឡាករ ប៊ុន កេននី បានឲ្យដឹងថា តាមការសង្កេតរបស់លោក ការហ្វឹកហាត់ និងការតាំងចិត្តរបស់ក្រុមជម្រើសជាតិកម្ពុជា មានភាពប្រហាក់ប្រហែលនឹងក្រុមកីឡាករផ្សេងៗ។ លោកថា មិនមានក្រុមណា មានសមត្ថភាព លើសពីក្រុមកម្ពុជាទេ។ ចំណែកកីឡាការិនី ឡៅ ពេជ្ររស្មី ក៏បានអះអាងដែរថា ការប្រកួតនេះពិតជាខំខាន់ណាស់ ហើយនាង និងក្រុមបានត្រៀមខ្លួនរួចជាស្រេចនៅក្នុងក្នុងការស្វែងរកជ័យជំនះជូនជាតិ។ អគ្គលេខាធិការ លេខាធិការសហព័ន្ធកីឡាវាយកូនបាល់កម្ពុជា លោក ទេព រិទ្ធីវិទ្ធ បានឲ្យដឹងថា មិនថាការប្រកួតលើកណានោះទេ លោកតែងតែប្រាប់ដល់កីឡាករ កីឡាការិនីទាំងអស់ ត្រូវតាំងស្មារតីឲ្យបានល្អ កុំបែកអារម្មណ៍ ត្រូវតាំងអារម្មណ៍១០០ភាគរយលើការប្រកួត និង២០០ភាគរយលើទង់ជាតិ លើប្រទេសជាតិយើង។ កម្មវិធីបោះជំរុំហ្វឹកហាត់ នៅខេត្តសៀមរាបខាងលើ មានរយៈពេល ៣ថ្ងៃ ចាប់ពីថ្ងៃទី២៦-២៨ ខែមេសានេះ…

ភ្នំពេញ៖ ក្បួនដង្ហែព្រះអគ្គិជ័យកីឡាពីតំបន់អាស៊ានចូលមកព្រះរាជាណាចក្រកម្ពុជា បានមកដល់វត្តភ្នំហើយ នៅម៉ោងជិត៧យប់ថ្ងៃទី២៨ មេសាឆ្នាំ២០២៣នេះ ជាមួយនឹងការទទួលសាទរ ពីប្រជាពលរដ្ឋយ៉ាងច្រើនកុះករ ។ ពិធីនេះ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និងថ្នាក់ដឹកនាំរាជធានីភ្នំពេញ បានចាំទទួលនិងបន្តដង្ហែព្រះអគ្គិជ័យកីឡានេះពីចំណុចរមណីយដ្ឋានវត្តភ្នំ ឆ្ពោះទៅតម្កល់រក្សាទុកនៅវត្តលង្កាព្រះកុសុមារាម ដោយមានប្រជាពលរដ្ឋចូលរួមឈរអមតាមមហាវិថីប្រមាណរាប់ពាន់នាក់ ហើយនៅពេលព្រះអគ្គិជ័យកីឡាដង្ហែទៅដល់វត្តលង្កាព្រះកុសុមារាម ក៏មានរៀបចំពិធីសាសនា និងបាញ់កាំជ្រួចផងដែរ ។ ពិធីដង្ហែព្រះអគ្គិជ័យកីឡាពីតំបន់អាស៊ាននេះ ត្រូវចូលមកព្រះរាជាណាចក្រកម្ពុជា តាមច្រកទ្វារព្រំដែនអន្តរជាតិ ត្រពាំងគ្រៀល-ណងណុកឈៀន ខេត្តស្ទឹងត្រែង ដោយនៅល្ងាចថ្ងៃទី២៨ ខែមេសា នេះ ក្បួនដង្ហែព្រះអគ្គិជ័យកីឡានេះ នឹងមកដល់ផ្សារព្រែកអញ្ចាញស្ពានទី១២ ព្រំប្រទល់ខេត្តកណ្តាល ឯកឧត្តម មាន ចាន់យ៉ាដា និងឯកឧត្តម ឃ្លាំង ហួត អភិបាលរងរាជធានីភ្នំពេញ រង់ចាំទទួលស្វាគមន៍ នៅស្ពានទី១២នោះ ដើម្បីដង្ហែមកវេទិកានៅរមណីយដ្ឋានវត្តភ្នំ ។ បន្ទាប់ពីប្រារព្ធពិធីនៅវត្តភ្នំរួច អភិបាលនៃគណៈអភិបាលរាជធានីភ្នំពេញ និងថ្នាក់ដឹកនាំរាជធានីភ្នំពេញ ដង្ហែព្រះអគ្គិជ័យកីឡាពីចំណុចរមណីយដ្ឋានវត្តភ្នំ ឆ្ពោះទៅតម្កល់រក្សាទុកនៅវត្តលង្កាព្រះកុសុមារាម ដោយមានរៀបចំពិធីសាសនា និងបាញ់កាំជ្រួចផងដែរ ។ លុះព្រឹកថ្ងៃសៅរ៍ ទី២៩ ខែមេសា ឆ្នាំ២០២៣…

ភ្នំពេញ៖ មុនពេលព្រឹត្តិការណ៍កីឡា ប្រចាំតំបន់អាស៊ីអាគ្នេយ៍ (SEA Games) ឆ្នាំ២០២៣ នៅកម្ពុជាដែលនឹងឈានមកដល់នេះ ពហុកីឡដ្ឋាន ជាតិ អូឡាំពិក ត្រូវបានរៀបចំឡើងយ៉ាងស្រស់ស្អាត និងព្រមទាំងបានបំពាក់ ជាមួយនឹងប្រព័ន្ធបច្ចេកវិទ្យាយ៉ាងទំនើបដើម្បីឱ្យការប្រកួតកីឡាប្រព្រឹត្តិទៅរលូន ប្រកបដោយបរិយាកាសរីករាយ។ គួរបញ្ជាក់ថានៅថ្ងៃទី ២៩ ខែមេសា ថ្ងៃស្អែកនេះពហុកីឡដ្ឋានជាតិ អូឡាំពិក នឹងត្រូវបានបើកទ្វារមុនគេ ក្នុងចំណោមការប្រកួតលើវិញ្ញាសារ កីឡាដទៃទៀត ដើម្បីទទួលការប្រកួត បើកឆាកលើប្រភេទកីឡា បាល់ទាត់ បុរស អាយុក្រោម ២២ឆ្នាំ។ បើយោងតាមតារាងកាលវិភាគនោះគេឃើញថាក្រុមបាល់ទាត់ជម្រើសជាតិយុវជន អាយុក្រោម ២២ឆ្នាំ ឥណ្ឌូណេស៊ី នឹងត្រូវប៉ះហ្វីលីពីន ជាគូបើកឆាក ប្រភេទកីឡាបាល់ទាត់ផ្នែកបុរស ក្នុងព្រឹត្តិការណ៍កីឡា ប្រចាំតំបន់ អាស៊ីអាគ្នេយ៍ (SEA Games) ឆ្នាំ២០២៣ នៅកម្ពុជា។នេះគឺជាការប្រកួត វគ្គសន្សំពិន្ទុ មុនគេ ចេញពីពូល A ក្នុងចំណោម ៥ ក្រុម រួមមាន ឥណ្ឌូណេស៊ី ហ្វីលីពីន ទីម័រខាងកើត មីយ៉ាន់ម៉ា និងម្ចាស់ផ្ទះកម្ពុជា…