ក្រុមកីឡាការិនីបាល់បោះជិះរទេះកម្ពុជា ឈ្នះក្រុមកីឡាការិនីថៃ ក្នុងលទ្ធផល៩ទល់៨ មានមេដាយប្រាក់ក្នុងដៃ ឯក្រុមបាល់បោះជិះរទេះជនពិការបុរសកម្ពុជា បានយកឈ្នះក្រុមម្ចាស់ផ្ទះឥណ្ឌូនេស៊ី ដោយលទ្ធផល ៨-៥ ពិន្ទុ លេីវិញ្ញាសា៣នាក់ទល់៣នាក់ នាព្រឹក ថ្ងៃទី៣១​ ខែកក្កដានេះ នៅទីក្រុងសូឡូ ។ ប្រកួតបន្ទាប់ ក្រុមកម្ពុជាទាំងបុរស នារី នឹងប៉ះហ្វីលីពីន។

បន្តិចទៀតផេក AMS Apsara TV 11 ផ្សាយផ្ទាល់ ក្រុមកីឡាករបាល់បោះជិះរទេះជនពិការកម្ពុជា ប្រកួតជាមួយ ក្រុមកីឡាករបាល់បោះជិះរទេះជនពិការឥណ្ឌូណេស៊ី នាវេលាម៉ោង ១០:៣០ ព្រឹក ខណៈក្រុមកីឡាការិនីបាល់បោះជិះរទេះជនពិការកម្ពុជា នឹងធ្វើការប្រកួតជាមួយក្រុម កីឡាករិនីបាល់បោះជិះរទេះជនពិការថៃ ១១:០០ ព្រឹក នៅកីឡដ្ឋាន SriTex Arena ក្នុងព្រឹត្តការណ៍អាស៊ានប៉ារ៉ាហ្គេម លើកទី១១ ឆ្នាំ២០២២ នាទីក្រុងសូឡូ ប្រទេសឥណ្ឌូនេស៊ី

ភ្នំពេញ៖ ពិធីបើកព្រឹត្តិការណ៏អាស៊ានប៉ារ៉ាឡាំពិកហ្គេមលើកទី១១ បានប្រព្រឹត្តិទៅជាផ្លូវការ នៅល្ងាចថ្ងៃទី៣០ ខែកក្កដា ឆ្នាំ២០២២នេះ នៅពហុកីឡដ្ឋាន Stadion Manahan ស្ថិតក្នុងទីក្រុងសូឡូ ខេត្តស៊ូរ៉ាកាតា ប្រទេសឥណ្ឌូនេស៊ី ក្រោមអធិបតីភាពឯកឧត្តមបណ្ឌិត (H.C) K.H. MA’RUF AMIN អនុប្រធានាធិបតី សាធារណរដ្ឋឥណ្ឌូណេស៊ី ឯកឧត្តម ហ៊ុន ម៉ានី អនុប្រធានគណៈកម្មាធិការប៉ារ៉ាឡាំពិកកម្ពុជា តំណាងដ៏ខ្ពង់ខ្ពស់សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ព្រមទាំងឯកឧត្តម វ៉ាត់ ចំរើន អគ្គលេខាធិការ Camsoc និងឯកឧត្តម យី វាសនា នាយបេសកកម្មប៉ារ៉ាហ្គេមកម្ពុជា និងថ្នាក់ដឹកនាំបណ្តាប្រទេសអាស៊ាន។

សូឡូ៖ ប្រធានក្រុមកីឡាបាល់បោះពិការជិះរទេះនារីកម្ពុជា អាន ស៊ីណែត សង្ឃឹមឈ្នះមេដាយមាសពីព្រឹត្តិការណ៍អាស៊ានប៉ារ៉ាហ្គេម លើកទី១១ ឆ្នាំ២០២២ នៅទីក្រុងសូឡូ ប្រទេសឥណ្ឌូនេស៊ី បន្ទាប់ពីទទួលបានជ័យជម្នះលើក្រុមនារីឡាវ។

Camsoc-សូឡូ៖ លោក តេង សុទ្ធី គ្រូបង្វឹកកីឡាប៊ូស្យាជនពិការកម្ពុជា បញ្ជាក់ថា ដោយសារប្រភេទពិការភាពរបស់កីឡាករ កីឡាករិនីមិនគ្រប់ចំនួន ដូច្នេះគណកម្មការមិនអនុញ្ញាតិអោយលេងជាក្រុម និងជាគូដែរធ្វើអោយកម្ពុជាខាត។ការបញ្ជាក់នេះធ្វើឡើងក្នុងទីលានហ្វឹកហាត់កីឡដ្ឋាន Manahan ត្រៀមការប្រកួតអាស៊ានប៉ារ៉ាហ្គេម លើកទី១១ ឆ្នាំ២០២២ នៅទីក្រុងសូឡូ ប្រទេសឥណ្ឌូនេស៊ី ។

សូឡូ៖ កីឡាករមានពិការភាពលើប្រភេទកីឡាប៊ូស្យា វណ្ណា ណាក់ សង្ឃឹមឈ្នះមេដាយខ្ពស់រហូតដល់៩៥%សម្រាប់ការប្រកួតអាស៊ានប៉ារ៉ាហ្គេម លើកទី១១ ឆ្នាំ២០២២ នៅទីក្រុងសូឡូ ប្រទេសឥណ្ឌូនេស៊ី។