ហូឡង់៖ អបអរសាទរ កីឡាករ នង គ្រឹះស្នា ដណ្តើមបានមេដាយមាស ១គ្រឿងដែលជាមេដាយមាសដំបូងជូនកម្ពុជា និងអង្គភាព លើវិញ្ញាសាJiu jitsu អាយុ ៤០ឆ្នាំឡើង ក្នុងប្រភេទទម្ងន់ក្រោម៧៤គីឡូក្រាម ពីព្រឹត្តិការណ៍កីឡានគរបាល និងកងពន្លត់អគ្គិភ័យពិភពលោក លើកទី១៩ ឆ្នាំ២០២២ The 19th World Police and Fire Games នៅទីក្រុង Rotterdam ប្រទេសហូឡង់ ។

(ភ្នំពេញ)៖ សហព័ន្ធកីឡារាំកម្ពុជា បានបើកវគ្គបណ្ដុះបណ្ដាលចៅក្រមកីឡារាំកម្រិតមូលដ្ឋាន រយៈពេល ៥ថ្ងៃ ចាប់ពីថ្ងៃទី២៣-២៧ ខែកក្កដា ឆ្នាំ២០២២ នៅទីស្នាក់ការគណៈកម្មាធិការជាតិអូឡាំពិកកម្ពុជា(NOCC) ដើម្បីត្រៀមចូលរួមការប្រកួតនានា ពិសេសត្រៀមដំណើរឆ្ពោះទៅស៊ីហ្គេម ឆ្នាំ២០២៣ ។ លោកជំទាវ ញ៉ែម មរកត ប្រធានសហព័ន្ធកីឡារាំកម្ពុជា បានចាត់ទុកវគ្គនេះ គឺជាវគ្គមួយដ៏សំខាន់ ដើម្បីផលិតនូវធនធានមន្ដ្រីបច្ចេកទេស ស្របតាមគោលការណ៍របស់ក្រសួងអប់រំ យុវជន និងកីឡា និងត្រៀមលក្ខណៈគ្រប់ជ្រុងជ្រោយ សម្រាប់ទទួលរៀបចំការប្រកួតកីឡាស៊ីហ្គេម ឆ្នាំ២០២៣ ដែលកីឡារាំ ក៏ត្រូវបានក្រុមប្រឹក្សាកីឡាអាស៊ីអាគ្នេយ៍ អនុម័តដាក់ក្នុងព្រឹត្តិការណ៍ជាប្រវត្តិសាស្ដ្រនេះដែរ ។ អនុរដ្ឋលេខាធិការក្រសួងកិច្ចការនារីដដែលបន្ដថា បន្ទាប់ពីបញ្ចប់វគ្គនេះ សិក្ខាកាមទាំងអស់ នឹងត្រូវអនុញ្ញាតឲ្យចូលរួមអនុវត្តការងារក្នុងការប្រកួតជើងឯកថ្នាក់ជាតិនាពេលឆាប់ៗខាងមុខ ។ លើសពីនេះ សហព័ន្ធក៏មានផែនការបើកវគ្គបណ្ដុះបណ្ដាលកម្រិតខ្ពស់ជាងនេះ ដើម្បីជំរុញឲ្យសិក្ខាកាមខាងលើ ឈានទៅទទួលការបណ្ដុះបណ្ដាល និងទទួលស្គាល់ជាចៅក្រមអន្ដរជាតិនាថ្ងៃអនាគតទៀតផង ។ សូមបញ្ជាក់ថា វគ្គបណ្ដុះបណ្ដាលនេះ មានសិក្ខាកាមចំនួន ២៥នាក់ចូលរួម ក្នុងនោះក៏មានការអនុញ្ញាតឲ្យក្រុមជម្រើសជាតិចូលរួមសិក្សារៀនសូត្រ និងស្វែងយល់ពីតួនាទី ក៏ដូចជាលក្ខខណ្ឌបច្ចេកទេសរបស់ចៅក្រោមផងដែរ ។ វគ្គនេះ មានគ្រូឧទ្ទេស ៣រូប គឺលោក ស៊ូវ តុង,…

ឯកឧត្តម អ៊ុក សិទ្ធិជាតិ អគ្គនាយកនៃអគ្គនាយកដ្ឋានកីឡា បានផ្តល់អនុសាសន៍ចូល រួម៣ចំណុចធំៗដល់សហព័ន្ធកីឡាវាយកូនឃ្លីលើតុកម្ពុជា ក្នុងពិធីបិទការប្រកួតកីឡាវាយកូនឃ្លីលើតុជ្រើសរើសជើងឯកថ្នាក់ជាតិឆ្នាំ២០២១ កាលពីចុងសប្តាហ៍ ក្នុងគោលដៅជំរុញពន្លឿនទាំងបរិមាណគុណភាព និងបច្ចេកទេស ដើម្បីសហព័ន្ធឈានទៅសម្រេចនូវលទ្ធផលផ្លែផ្កាសម្រាប់ព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះ។

អត្តពលិកកីឡាបាល់ទះអង្គុយជនពិការកម្ពុជា បុរស នារី ដឹកនាំដោយ ឯកឧត្តម យី វាសនា អគ្គលេខាធិការ គណៈកម្មាធិការជាតិប៉ារ៉ាឡាំពិកកម្ពុជា នាព្រឹកថ្ងៃទី២៥ ខែ កក្តដា ឆ្នាំ២០២២នេះ បានចូលជួបសំដែងការគួរសម និងស្តាប់អនុសាសន៍ណែនាំពីសំណាក់ ឯកឧត្តម ស សុខា រដ្ឋលេខាធិការក្រសួងអប់រំយុវជននិងកីឡា និងជាអនុប្រធានសហព័ន្ធកីឡាបាល់ទះកម្ពុជា មុននឹងចេញទៅចូលរួមការប្រកួតកីឡាអាស៊ានប៉ារ៉ាហ្គេមលើកទី១១ នៅប្រទេសឥណ្តូនេស៊ី នៅសាលប្រជុំមជ្ឈមណ្ឌលជាតិហ្វឹកហ្វឺនកីឡា ក្នុងពហុកីឡដ្ឋានជាតិ។

ភ្នំពេញ៖ ឯកឧត្តម យី វាសនា អគ្គលេខាធិការគណកម្មការធិការជាតិប៉ារ៉ាឡាំពិកកម្ពុជា បានថ្លែងក្នុងសន្និសីទសារព័ត៌មានថា កម្ពុជារំពឹងថា នឹងអាចដណ្តើមបានមេដាយមាស ៣គ្រឿង ពីព្រឹត្តការណ៍អាស៊ានប៉ារ៉ាហ្គេម លើកទី១១ ឆ្នាំ២០២២ នាទីក្រុងសូឡូ ប្រទេសឥណ្ឌូណេស៊ី ដែលគ្រោងនឹងចាប់ផ្តើមបើកជាផ្លូវការ នាថ្ងៃទី៣០ ខែកក្កដាខាងមុខនេះ ។

ភ្នំពេញ៖ ឯកឧត្តម ស៊ុន ចាន់ថុល ត្រូវបានអង្គមហាសន្និបាទ សហព័ន្ធកីឡាហែលទឹក សម្រេចបោះឆ្នោតឱ្យ ជាប្រធានសហព័ន្ធខ្មែរកីឡាហែលទឹក សម្រាប់អាណត្តិទី៧បន្តទៀត ដើម្បីបន្តដឹកនាំសហព័ន្ធ ខណៈអ្នកឧកញ្ញ៉ា២រូប ។ អង្គមហាសន្និបាទ ធ្វើឡើងនាថ្ងៃទី២២ ខែកក្កដា ឆ្នាំ២០២២ នៅទីស្តីការក្រសួងសាធារណការ និងដឹកជញ្ជូន។