ស្ថាប័នគ្រប់គ្រងបាល់ទាត់អាមេរិកខាងត្បូង Conmebol បញ្ជាក់ថា សមាជិករបស់ខ្លួននឹងមិនចូលលេងក្នុងការប្រកួត World Cup ពីរឆ្នាំម្តងទេ។ស្ថាប័នគ្រប់គ្រងពិភពលោក FIFA បានស្នើកែប្រែឡើងវិញឱ្យរៀបចំការប្រកួតបាល់ទាត់ World Cup រៀងរាល់ពីរឆ្នាំម្តង ។ប៉ុន្តែបន្ទាប់ពីកិច្ចប្រជុំក្រុមប្រឹក្សា Conmebol បានបញ្ជាក់ថា “មិនមានហេតុផល អត្ថប្រយោជន៍” សម្រាប់ផែនការនោះទេ។ សេចក្តីថ្លែងការណ៍បានបន្ថែមថា “សមាជិកទាំង ១០ របស់ Conmebol នឹងមិនចូលរួមក្នុងការប្រកួត World Cup ដែលរៀបចំរៀងរាល់ពីរឆ្នាំម្តង” ។ការប្រកួតបាល់ទាត់ពិភពលោកត្រូវបានធ្វើឡើងរៀងរាល់៤ឆ្នាំម្តង ចាប់តាំងពីឆ្នាំ 1930 លើកលែងតែក្នុងអំឡុងសង្គ្រាមលោកលើកទី២ ហើយសមាជិករបស់ Conmebol រួមមានក្រុមឈ្នះជើងឯកប្រាំសម័យកាលប្រេស៊ីល និងក្រុមជើងឯក២សម័យអាហ្សង់ទីន ផងដែរ៕ប្រភព ៖ BBC Sport

ក្រុម Aston Villa ត្រូវបានគេរាយការណ៍ថា បានដាក់ការចាប់អារម្មណ៍ទៅលើខ្សែប្រយុទ្ធរបស់ River Plate គឺកីឡាករ Julian Alvarez។កីឡាករវ័យ ២១ ឆ្នាំបានទាក់ទាញចំណាប់អារម្មណ៍របស់ Aston Villa ជាមួយនឹងសមត្ថភាពដ៏លិចធ្លោដោយរកបាន ១១ គ្រាប់ក្នុង ១៤ ប្រកួតទាំងអស់សម្រាប់ក្រុមអាហ្សង់ទីននៅរដូវកាលនេះ នេះបើយោងតាមការចុះផ្សាយរបស់ Calciomercato ។ខ្សែប្រយុទ្ធ ដែលអាចលេងជាខ្សែបម្រើស្លាប ដែលមានតម្លៃខ្លួន ២១.៥ លានផោនក្នុង នឹងផុតកិច្ចសន្យានៅរដូវក្តៅក្រោយ។ Aston Villa ប្រជែង AC Milan ដែលមានបំណងចង់បាន Alvarez ផងដែរ។ក្លឹបយក្ស Serie A មានការចាប់អារម្មណ៍យ៉ាងខ្លាំងហើយកំពុងពិចារណាដាក់សំណើដេញថ្លៃយកខ្សែប្រយុទ្ធរូបនេះ នៅក្នុងខែមករាខាងមុខ ៕

កីឡាករ​បាល់ទាត់​ រ៉ូ​ណា​ល់ដូ​បាន​ប្រកាស​ថា​ ​ខ្លួន​នឹង​ទទួល​បាន​កូនភ្លោះ​២​នាក់​ទៀត​ ​ជាហេតុ​នាំឲ្យ​កីឡាករ​វ័យ​៣​៦​ឆ្នាំ​រូប​នេះ​នឹង​មានកូន​សរុប​ ​កើន​ដល់​៦​នាក់