(ភ្នំពេញ)៖ លោកស្រី ដោ សម្ផស្ស នាយិការងរដ្ឋបាល និងជាអ្នកនាំពាក្យរដ្ឋបាលរាជធានីភ្នំពេញបានថ្លែងថា៖នៅក្នុងពិធីបុណ្យអុំទូក បណ្ដែតប្រទីប និងសំពះព្រះខែទេភ្ញៀវទេសចរបរទេស ត្រូវបានកត់សម្គាល់ឃើញថាមានការកើនឡើងជាងឆ្នាំកន្លងទៅ ដោយសារគណះកម្មាធិការរៀបចំបុណ្យអុំទូកមានការរៀបចំទីកន្លែងសម្រាប់ពួកគាត់ចូលទស្សនាបានសមរម្យ នៅលើវេទិកាក៏ដូចជាទីកម្សាន្តនានា។ ថ្លែងប្រាប់ទូរទស្សន៍អប្សរានៅរសៀលថ្ងៃទី ១៥ ខែវិច្ឆិកា ឆ្នាំ ២០២៤ លោកស្រី ដោ សម្ភស្ស ឱ្យដឹងថា៖សម្រាប់ថ្ងៃទី១ ព្រះរាជពិធីបុណ្យអុំទូក មានបងប្អូនប្រជាពលរដ្ឋខ្មែរយើង និងជនបរទេសជាភ្ញៀវទេសចរប្រមាណ១លាន១សែននាក់ បានចូលរួមទស្សនាកម្សាន្ត ប្រកបដោយទឹកមុខសប្បាយរីករាយក្រោមម្លប់នៃសន្តិភាព។ លោកស្រីអ្នកនាំពាក្យរូបនេះបានអះអាងថា ជារួម ក្នុងឆ្នាំ២០២៤នេះ មានអ្នកដើរលេងកម្សាន្តក្នុងព្រះរាជពិធីបុណ្យអុំទូកមានការកើនឡើងជាងឆ្នាំមុនៗ ជាពិសេសនោះគឺភ្ញៀវទេសចរបរទេស ។ បើតាមលោកស្រី ដោ សម្ផស្ស ការកើនឡើងនេះគឺដោយសារតែឆ្នាំ២០២៤ គណៈកម្មាធិការជាតិរៀបចំបុណ្យជាតិ-អន្តរជាតិបានរៀបចំជាវេទិកា ដែលបើកទូលាយជូនភ្ញៀវបរទេស អាចអញ្ជើញចូលរួមទស្សនា ដែលធ្វើឱ្យភ្ញៀវបរទេសបង្ហាញអារម្មណ៍សប្បាយចិត្ត និងពេញចិត្តជាខ្លាំង ក្នុងការទស្សនាកម្មវិធីអុំទូកនេះ។ ក្រៅអំពីភ្ញៀវបរទេសដែលមានចំនួនកើនឡើងនាឆ្នាំនេះដែរសម្រាប់ថ្ងៃទី២នៃក្នុងពិធីបុណ្យអុំទូក ក៏ត្រូវបានលោកស្រី ដោ សម្ភស្ស រំពឹងថាបងប្អូនប្រជាពលរដ្ឋខ្មែរនឹងចូលមកកម្សាន្តច្រើនជាងថ្ងៃទី១ផងដែរ។ ឯកឧត្តម ប៊ូ ជុំសេរី ប្រធានគណកម្មការបច្ចេកទេសរៀបចំបុណ្យអុំទូកវិញបានថ្លែងប្រាប់ទូរទស្សន៍អប្សរាឱ្យដឹងថា៖ពិធីបុណ្យអុំទូក បណ្ដែតប្រទីប និងសំពះព្រះខែឆ្នាំ២០២៤ក្នុងរយៈពេល២ថ្ងៃនេះប្រព្រឹត្តិទៅរលូនល្អ ពុំមានអ្វីកត់សម្កាល់ទេ។ការប្រណាំងទូកទាំងថ្ងៃទី១ និងទី២មានភាពអធិកអធម និងកីឡាមានការប្រឡងប្រជែងប្រកបដោយវិន័យល្អប្រសើរ។…

(ភ្នំពេញ)៖ មន្រ្តីក្រសួងបរិស្ថាន ក៏ដូចជាមន្រ្តីមូលដ្ឋាន បានកត់សម្កាល់ឃើញថា ប្រជាពលរដ្ឋដែលបានចូលរួមដើរកម្សាន្តបុណ្យអុំទូកឆ្នាំនេះ បានទុកដាក់សំរាមបានត្រឹមត្រូវ បើទោះបីជាមានពលរដ្ឋមួយចំនួននៅបន្តបោះចោលសំរាមមិនបានត្រឹមត្រូវក៏ដោយ។ មន្រ្តីសាលារាជធានីភ្នំថ្លែងថាសម្រាប់នៅថ្ងៃទី១ នៃព្រះរាជពិធីបុណ្យអុំទូក បណ្តែតប្រទីប សំពះព្រះខែ អកអំបុក បានបញ្ចប់ទៅនោះ ក្រុមការងារខាងសម្អាតអនាម័យរបស់សាលារាជធានីភ្នំពេញ និងក្រុមហ៊ុនប្រមូលសំរាមទាំង៣ បានសហការគ្នាសម្រុករួតរះសម្អាតនៅតាមដងផ្លូវ តាមសួនច្បារ និងកន្លែងកម្សាន្ដនានាដោយធ្វើការប្រមូលសំរាមដឹកចេញ និងមានការបាញ់ទឹកលាងសម្អាតតាមដងផ្លូវតាមទីតាំងនានា បានបញ្ចប់ដោយជោគជ័យស្អាត និងមានសោភណភាពស្រស់ស្អាតឡើងវិញ។ ថ្លែងបញ្ជាក់ប្រាប់ ទូរទស្សអប្សារា នារសៀលថ្ងៃទី ១៥ ខែ វិច្ឆិកាឆ្នាំ ២០២៤ដែលជាថ្ងៃទី២នៃពិធីបុណ្យអុំទូក បណ្ដែតប្រទីប និងសំពះព្រះខែ លោកស្រី ដោ សម្ផស្ស នាយិការងរដ្ឋបាល និងជាអ្នកនាំពាក្យរដ្ឋបាលរាជធានីភ្នំពេញ បានឱ្យដឹងថា៖ប្រជាពលរដ្ឋមានការយល់ដឹងអំពីការទុកដាក់សំរាមបានល្អប្រសើរជាងមុនច្រើន ធ្វើឱ្យការប្រមូល និងសំអាតរបស់ក្រុមកាងារមានភាពងាយស្រួលផងដែរ។ លោកស្រី បន្តថា គ្រប់ទីកន្លែងមានការសម្អាតសំរាម និងមានធុងសំរាម.ធ្វើឱ្យពលរដ្ឋចូលមកកម្សាន្តអាចទុកសំរាមបានត្រឹមត្រូវ ។គ្រប់ទីកន្លែងស្រស់ស្អាត និងប្រកបដោយអនាម័យ។ ដោយឡែកទាក់ទិនក្នុងការចោលសំរាមនេះ លោក រដ្ឋ សៀង ប្រជាពលរដ្ឋម្នាក់រស់នៅរាជធានីភ្នំពេញ ដែលបានចូលមកកម្សាន្តនៅក្នុងពិធីបុណ្យអុំទូកបានឱ្យដឹងថាការចោលសំរាមរបស់ប្រជាពលរដ្ឋតាមដែលលោកបានដឹងបានឃើញនោះមានភាពកាន់តែល្អប្រសើរ ហើយគ្រប់ទីកន្លែងឃើញថាមានធុងសំរាម ដែលធ្វើឱ្យពលរដ្ឋមិនចោលសំរាមពាសវាលកាលបន្តទៀត។ បញ្ជាក់ប្រាប់ដូចគ្នានេះដែរ លោក ឆាយ…

(ភ្នំពេញ)៖ ឯកឧត្តម គួច ចំរើន អភិបាល នៃគណៈអភិបាលខេត្តកណ្ដាល បានណែនាំដល់កីឡាករអុំទូកទាំងអស់ក្នុងខេត្តកណ្ដាល ត្រូវធ្វើជាគំរូល្អដល់គេគ្រប់គ្នា ដោយត្រូវគោរពឱ្យបាននូវវិន័យ ស្ដាប់ការណែនាំរបស់គណៈកម្មការ ហើយត្រូវជៀសឱ្យបាននូវការប្រើប្រាស់អំពើហិង្សា ឬប្រព្រឹត្តនូវអំពើអ្វីមួយដែលយើងទាំងអស់គ្នាមិនចង់ឃើញ ដែលនាំឱ្យអាប់ឱនកិត្តិយស និងសេចក្ដីថ្លៃថ្នូររបស់កីឡាករដទៃទៀត។ ការណែនាំនេះធ្វើឡើងនៅក្នុងឱកាសដែល ឯកឧត្តម នូ សាខន ប្រធានក្រុមប្រឹក្សាខេត្តកណ្ដាល និងឯកឧត្តម គួច ចំរើន អភិបាល នៃគណៈអភិបាលខេត្តកណ្ដាល អញ្ជើញសំណេះសំណាល ជាមួយកីឡាករចំណុះទូក ទាំង១០៧ ទូទាំងខេត្តកណ្ដាល ដែលបានមកចូលរួមក្នុងព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក នៅរាជធានីភ្នំពេញ នាព្រឹកថ្ងៃទី ១៤ ខែវិច្ឆិកា ឆ្នាំ២០២៤ ដែលពិធីសំណេះសំណាលនេះ មានការចូលរួមពីអភិបាលរងខេត្ត មន្ទីរអង្គភាពជុំវិញខេត្ត និងសប្បុរសជននានា។ ឯកឧត្តមអភិបាលខេត្ត បន្តថា៖ ការចូលរួមប្រណាំងទូកនៅពេលនេះ មិនត្រឹមតែដើម្បីឈ្នះ និងចាញ់នោះទេ គឺដើម្បីចូលរួមអបអរព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក បង្កើតភាពសប្បាយរីករាយ សាមគ្គីភាព ឯកភាពគ្នា ក្រោមម្លប់នៃសុខសន្តិភាព និងដើម្បីឆ្លុះបញ្ចាំងដល់បរទេសបានឃើញនូវទំនៀមទំនាប់…