កំពត៖លោកជំទាវ ហ៊ុន ចាន់ធី ម៉ៅ ធនិន ប្រធានកិត្តិយសសាខា​សមាគមនារីកម្ពុជា ដើម្បីសន្តិភាព និងអភិវឌ្ឍន៍ខេត្ត​កំពត រួមជាមួយ​ព្រះសង្ឃ មន្រ្តីរាជការ កងកម្លាំងប្រដាប់អាវុធ យុវជន ប្រជាពលរដ្ឋ និងសិស្សានុសិស្សយ៉ាងច្រើនកុះករ​ចូលរួមពិធីបុណ្យមាឃបូជា ដែលរៀបចំធ្វើឡើងនៅប្រាសាទដើមពោធិ៍ ស្ថិតនៅភូមិ១ឧសភា សង្កាត់កំពង់កណ្តាល ក្រុងកំពត ខេត្តកំពត កាលរសៀលថ្ងៃទី១២ និងព្រឹកថ្ងៃទី១៣ ខែកុម្ភៈ ឆ្នាំ២០២៥។ មានប្រសាសន៍ក្នុងឱកាសនោះលោកជំទាវប្រធានកិត្តិយសសាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ខេត្ត​កំពត បានថ្លែងឱ្យដឹងថា បុណ្យមាឃបូជា គឺជាពិធីបុណ្យសាសនាដ៏សំខាន់មួយនៅក្នុងវិស័យ​ព្រះពុទ្ធសាសនា ដែលប្រជា​ពុទ្ធ​បរិស័ទដែលកាន់សាសនាព្រះពុទ្ធ​ទូទាំងពិភពលោកតែងតែប្រារព្ធជារៀងរាល់ឆ្នាំ។ ព្រះសម្មាសម្ពុទ្ធទ្រង់​ប្រកាស​បង្កើតព្រះពុទ្ធសាសនាឡើងក្នុងលោក នៅប្រទេសឥណ្ឌាកាលពី ៥៨៨ឆ្នាំ មុនគ្រឹស្តសករាជ នាថៃ្ង១៥កើត ខែមាឃ ក្រោយពីការ​ត្រាស់ដឹងរបស់ព្រះអង្គចំនួន ៩ខែគត់។ លោកជំទាវ បានបន្តថាការរៀបចំពិធីបុណ្យនេះធ្វើឡើងបានគឺដោយ​សារ​ប្រទេសជាតិយើងបច្ចុប្បន្នមានសុខ​សន្តិភាព​ពេញលេញ មានការអភិវឌ្ឍ​លើគ្រប់វិស័យ ក្រោមការដឹកនាំប្រកបដោយគិត្តិបណ្ឌិតរបស់​សម្ដេច​តេជោ ហ៊ុន សែន អតីតនាយករដ្ឋមន្រ្តី និងជាប្រធានព្រឹទ្ធសភា និងបន្តដឹកនាំដោយសម្ដេចធិបតី ហ៊ុន ម៉ាណែត នាយករដ្ឋមន្រ្តី​នៃព្រះរាជាណាចក្រកម្ពុជា ។ លោក នាក់ យិតថូ ប្រធានមន្ទីរធម្មការ និងសាសនាខេត្តកំពតបាន​ឱ្យដឹងថា…

សៀមរាប៖នៅមន្ទីរពេទ្យបង្អែកខេត្តសៀមរាប កាលពីព្រឹកថ្ងៃទី១៣ ខែកុម្ភៈឆ្នាំ២០២៥ បានប្រារព្ធពិធី​បញ្ចុះបឋម​សិលា​សាងសង់អគារ​មជ្ឈមណ្ឌលបេះដូង ដែលមានតម្លៃជាងពីរលានដុល្លារអាមេរិកដែលជា​ជំនួយពីសមាគមសាសនាចក្រនៃ​ព្រះយេស៊ូវគ្រីស្ទ នៃពួកបរិសុទ្ធថ្ងៃ​ចុងក្រោយ ។ លោកជំទាវ ខេង រ៉ាស៊ី សមាជិកក្រុមប្រឹក្សាខេត្ត និងលោក ឌី រ៉ាដូ អភិបាលរងខេត្តតំណាងឯកឧត្តម ប្រាក់ សោភ័ណ អភិបាលខេត្ត​សៀមរាបអញ្ជើញចូលរួមក្នុងពិធីនេះ។ លោកសាស្ត្រាចារ្យជំនួយ ប៉ែន ផល្គុន ប្រធានមន្ទីរពេទ្យបង្អែក​ខេត្តសៀមរាប បានឲ្យដឹងថា អគារ​មជ្ឈមណ្ឌល​នេះមាន​សារៈសំខាន់​ខ្លាំងណាស់ ក្នុងការផ្តល់សេវាព្យាបាលជំងឺបេះដូង និងជួយកាត់បន្ថយ​ការបញ្ជូនអ្នកជំងឺ​ទៅមន្ទីរពេទ្យ​ថ្នាក់​ជាតិ។លោកបន្តថា បច្ចុប្បន្នអត្រា​ជំងឺបេះដូងកើនឡើងគួរឱ្យកង្វល់ ជាពិសេសក្នុងចំណោមអ្នកមាន​ជំងឺទឹកនោមផ្អែម លើសសម្ពាធឈាម និងអ្នកមានទម្ងន់លើស។ ក្នុងឆ្នាំ២០២៤កន្លងទៅមន្ទីរពេទ្យបង្អែកខេត្តសៀមរាប បានទទួលអ្នក​ជំងឺ​ពិគ្រោះជាង ១៤០ ០០០នាក់ និងមានករណីស្លាប់ ៤៣៦ករណី។ លោក ប៉ែន ផល្គុន បន្តថា ទោះបីជាមន្ទីរពេទ្យមានវេជ្ជបណ្ឌិត​ឯកទេស​បេះដូងចំនួនបួនរូបក៏ដោយ តែការព្យាបាលនៅ​ឡើយ​តែមិនទាន់​ឆ្លើយតបនឹងស្ថានភាពចំនួនអ្នកជំងឺនិងមិនអាចធ្វើបំពង់សរសៃឈាមបេះដូងនៅទីនេះបាននៅឡើយ។ ជាទូទៅអ្នកជំងឺត្រូវបញ្ជូនទៅ​ភ្នំពេញ​ដែលប្រើពេលយ៉ាងតិចបួនម៉ោង ដោយមានករណីជាច្រើនមិនអាច​បញ្ជូនបាន​ដោយសារបញ្ហាហិរញ្ញវត្ថុ និងការចំណាយសម្រាប់ការព្យា​បាលបន្ថែម។ លោក ឌី រ៉ាដូ អភិបាលរងខេត្តសៀមរាប បានអបអរសាទរ​ការចាប់​ផ្តើមគម្រោងនេះ ហើយទុកចិត្តថា អគារថ្មីនេះនឹង​ក្លាយជា​កន្លែង​សំខាន់ក្នុងការជួយសង្គ្រោះ និងព្យាបាលជំងឺបេះដូង ក្នុងខេត្តសៀមរាប និងតំបន់ជិតខាង។លោក​ថា​ការសាងសង់មជ្ឈមណ្ឌលនេះ…

(ភ្នំពេញ)៖ រដ្ឋបាលរាជធានីភ្នំពេញ នៅថ្ងៃទី១២ ខែកុម្ភៈ ឆ្នាំ២០២៥ បានចេញជូនដំណឹងដល់បងប្អូនប្រជាពលរដ្ឋ នៅក្នុង រាជធានីភ្នំពេញ ដែលធ្វើដំណើរឆ្លងកាត់តាមបណ្តោយផ្លូវលេខ៥៩៨ ស្ថិតក្នុងភូមិស្វាយប៉ាក សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញឱ្យបានជ្រាបថា ៖ រដ្ឋបាលរាជធានីភ្នំពេញ បាននិងកំពុងអនុវត្តគម្រោងផែនការ វិនិយោគហេដ្ឋារចនាសម្ព័ន្ធប្រព័ន្ធលូ និងប្រព័ន្ធរំដោះទឹក សម្រាប់បញ្ចៀសការជន់លិចដោយទឹកភ្លៀង ក្នុង ភូមិសាស្រ្តរាជធានីភ្នំពេញ ក្នុងនោះគម្រោងសាងសង់ពង្រីកបន្ថែមដោយដាក់លូប្រអប់ ទំហំ ៤ម៉ែត្រx៣ម៉ែត្រ សងខាងលូប្រអប់ចាស់ ឆ្លងកាត់ចំណុចប្រសព្វរវាងផ្លូវលេខ៥៩៨ និងប្រឡាយអូរវែង ស្ថិតក្នុងភូមិស្វាយប៉ាក សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ។ ដើម្បីដំណើរការគម្រោងនេះបាន រដ្ឋបាលរាជធានីភ្នំពេញ នឹងធ្វើការបិទផ្លូវចំណុចខាងលើជាបណ្តោះអាសន្ន ដោយបិទម្ខាង និងបើកម្ខាង ចាប់ពីថ្ងៃទី១៤ ខែកុម្ភៈ ឆ្នាំ២០២៥ វេលាម៉ោង ៨:០០ នាទីព្រឹក រហូតដល់ថ្ងៃទី១៣ ខែឧសភា ឆ្នាំ២០២៥ វេលាម៉ោង ១៧:០០ នាទីល្ងាច។ អាស្រ័យហេតុនេះ សូមសាធារណជនទាំងអស់ និងបងប្អូនប្រជាពលរដ្ឋដែលរស់នៅតាមផ្លូវខាងលើ មេត្តាជ្រាប និងយោគយល់អធ្យាស្រ័យចំពោះការរំខានដល់ការធ្វើចរាចរណ៍ឆ្លងកាត់ការដ្ឋាន និងផលប៉ះពាល់ ផ្សេងៗ…

ពោធិ៍សាត់៖ឧត្តមនាវីឯក វណ្ណ ប៊ុនលៀង មេបញ្ជាការរងនិងជា​នាយ​សេនាធិការកងទ័ពជើងទឹក និងលោកជំទាវ កុយ ណារុន រួមជាមួយព្រះសង្ឃ អាចារ្យ គណៈកម្មការវត្ត ពុទ្ធបរិស័ទមកពីទីជិតឆ្ងាយបានផ្តួចផ្តើមធ្វើ​បុណ្យផ្កា​ប្រាក់​សមាគមសាមគ្គីវត្តវាល ស្ថិតនៅភូមិផ្សារលើ សង្កាត់លលកស ក្រុងពោធិ៍សាត់ ។ បុណ្យផ្កាប្រាក់បានប្រារព្ធរយៈពេលពីរថ្ងៃ គឺនៅថ្ងៃទី១១ ខែកុម្ភៈ និងថ្ងៃទី១២ ខែកុម្ភៈ ចំថ្ងៃពិធីបុណ្យមាឃបូជា ។បុណ្យផ្កា​ប្រាក់នេះប្រមូលបានបច្ច័យចំនួន ១១.៣៧៨ដុល្លារនិងប្រាក់រៀលចំនួន ៣១.៦២០.០០០រៀល ។បច្ច័យនេះ សម្រាប់យក​មកកសាងប្លង់សេនិងពិដានសាលាភត្ត។ គួររំលឹកថា កន្លងមកឧត្តមនាវីឯក វណ្ណ ប៊ុនលៀង និងលោកជំទាវ កុយ ណារុន ព្រមទាំងបងប្អូនក្រុមគ្រួសារ បានចូល​រួមកសាងសមិទ្ធផលនៅ​ក្នុងវត្តវាលជាច្រើន ដូចជាព្រះអង្គធំ មហាចេតិយ ព្រះវិហារ សាលាឆាន់ កុដិ រោងបដិសណ្ឋារកិច្ច ផ្លូវ ស្រះទឹក និងសមិទ្ធផលមួយចំនួនទៀត៕ ដោយ៖ចេង ពុំ