ភ្នំពេញ : សហគ្រិនខ្មែរ (KE) និងអង្គការស្វីសខន់ថាក់ (SC) មានសេចក្តីសោមនស្សរីករាយក្នុងការប្រកាសអំពីកម្មវិធី សន្និសីទប្រចាំឆ្នាំស្តីពីការពង្រឹងប្រព័ន្ធអេកូឡូស៊ីសហគ្រិនភាពនៅកម្ពុជា ២០២៤ (CAMESCO24) ដែល នឹងប្រព្រឹត្តទៅនៅ ថ្ងៃទី២៥ ខែវិច្ឆិកាឆ្នាំ២០២៤ នៅរាជធានីភ្នំពេញ ប្រទេសកម្ពុជា។ (CAMESCO24) ជាព្រឹត្តិការណ៍ដ៏សំខាន់មួយសម្រាប់ប្រព័ន្ធអេកូឡូស៊ីសហគ្រិនភាពនៅកម្ពុជា ដែលមានការ ជួបជុំរវាងធុរកិច្ចបង្កើតថ្មីស្ថាប័នគាំទ្រសហគ្រិន អ្នកជំរុញប្រព័ន្ធអេកូឡូស៊ី ស្ថាប័នរដ្ឋាភិបាលវិនិយោគិនក្នុងស្រុក និងអន្តរជាតិ និងអង្គការដែលមានបណ្តាញទំនាក់ទំនងជាសកល ដើម្បីស្វែងរកឱកាសនិងជំរុញកិច្ចសហការថ្មីៗ។ កម្មវិធីសន្និសីទនេះ ត្រូវបានរៀបចំ និងសហការគាំទ្រថវិកាដោយសហគ្រិនខ្មែរ (KE) ទីភ្នាក់ងារស្វីសសម្រាប់ ការអភិវឌ្ឍ និងកិច្ចសហប្រតិបត្តិការ (SDC) និងទីភ្នាក់ងារសហប្រតិបត្តិការអន្តរជាតិកូរ៉េ(KOICA) និងស្ថិត ក្រោមកម្មវិធីការពង្រឹងប្រព័ន្ធអេកូឡូស៊ីសហគ្រិនភាព និងការវិនិយោគ (3Ei)។ កម្មវិធីសន្និសីទCAMESCO24 ត្រូវបានរចនាឡើង ដើម្បីផ្សាភ្ជាប់និងជំរុញដល់ភាគីពាក់ព័ន្ធសំខាន់ៗ ក្នុងការជំរុញកំណើនសហគ្រិនភាព និង នវានុវត្តន៍នៅកម្ពុជា។ ដោយទទួលបាននូវភាពជោគជ័យកន្លងមក កម្មវិធីសន្និសីទCAMESCO24 មានគោលបំណងក្នុងការរំលេចអំពី សកម្មភាពនៅក្នុងប្រព័ន្ធអេកូឡូស៊ីសហគ្រិនភាពដែលបានអនុវត្តពេញមួយឆ្នាំ តាមរយៈការចែករំលែកអំពីគំនិតផ្តួច ផ្តើមនានាទាំងក្នុងតំបន់និងពិភពលោក និងទាក់ទាញវិនិយោគិនអន្តរជាតិដែលមានចំណាប់អារម្មណ៍ក្នុងការស្វែង រកឱកាសវិនិយោគ។ សម្រាប់ឆ្នាំ២០២៤ ប្រធានបទរបស់កម្មវិធីគឺ “ថាមពលនៃកិច្ចសហការដើម្បីផលវិជ្ជមាន”…

ភ្នំពេញ៖គិតមកដល់ថ្ងៃទី១២ ខែវិច្ឆិកា ឆ្នាំ២០២៤នេះ​មានប្រទេស​ជាសមាជិក​អនុសញ្ញា​អូតា​វ៉ា​ប្រមាណ៧០ប្រទេសបានជូនដំណឹង​អំពីការចូលរួម​មក​ក្នុងកិច្ចប្រជុំកំពូលសៀមរាប-អង្គរស្ដីពីពិភព​លោកមួយគ្មាន​មីននៃអនុសញ្ញា​អូតាវ៉ានៅខេត្តសៀមរាប​នាចុង​ខែវិច្ឆិកា​ ។នេះបើ​តាមការបញ្ជាក់របស់ឯកឧត្តម លី ធុច ទេសរដ្ឋមន្ត្រី អនុប្រធាន​ទី១ អាជ្ញាធរមីនកម្ពុជាកាលពីព្រឹកថ្ងៃទី១២ ខែវិច្ឆិកា ក្នុង​កិច្ចប្រជុំ​ត្រៀមរៀបចំកិច្ចប្រជុំកំពូលសៀមរាប-អង្គរ ស្ដីពីពិភពលោកមួយគ្មាន​មីននៃអនុសញ្ញាអូតាវ៉ានៅសាលាខេត្តសៀមរាប។ ​កិច្ច​ប្រជុំក៏មាន​ការចូលរួមពីលោក ឌី រ៉ាដូ អភិបាលរងខេត្តសៀមរាប មន្រ្តីរដ្ឋបាលខេត្ត អាជ្ញាធរជាតិអប្សរា កងកម្លាំងប្រដាប់អាវុធ និងភាគីពាក់ព័ន្ធ​ក្នុងខេត្ត ឯកឧត្តម លី ធុច មានប្រសាសន៍ថា កិច្ចប្រជុំកំពូលសៀមរាប-អង្គរ ជាការប្រមូលផ្តុំនូវក្តីសង្ឃឹម ការប្តេជ្ញាចិត្តរួម និង​កិច្ចខិតខំ​ប្រឹងប្រែងរួម ដើម្បីជំរុញឱ្យពិភព​លោកមួយ​ដែលគ្មានមីន និងគ្មានជនណាម្នាក់បន្ត​រងគ្រោះ​ដោយសារមីនប្រឆាំងមនុស្ស។ គិត​មកដល់ថ្ងៃនេះមានប្រទេស​ជាសមាជិកអនុសញ្ញាអូតាវ៉ា ប្រមាណ៧០ប្រទេសហើយ បានជូន​ដំណឹងអំពីការចូលរួមនៅក្នុង​កិច្ច​ប្រជុំកំពូលនេះ ដែលនឹងប្រព្រឹត្ត​ទៅចាប់ពីថ្ងៃទី២៤-២៩ ខែវិច្ឆិកាខាងមុខ។ ឯកឧត្តម លី ធុច បានគូសរំលេចថា ក្នុងរយៈពេលមួយឆ្នាំនេះ​កម្ពុជា​បានដើរតួនាទីយ៉ាងសំខាន់ជាមួយគ្រប់ភាគីពាក់ព័ន្ធ​នៃអនុ​សញ្ញាអូតាវ៉ា ព្រមទាំងបានដឹកនាំ និងចូល​រួមក្នុងកិច្ចប្រជុំប្រមាណ៦០លើក ។ឯកឧត្តមបន្ថែមថា ជាលទ្ធផលសេចក្តី​ថ្លែងការណ៍​នយោបាយសៀម​រាប-អង្គរ នឹងត្រូវចុះហត្ថលេខា អនុម័តដោយសម្តេចបវរធិបតី ហ៊ុន ម៉ាណែត នាយករដ្ឋមន្រ្តី ក្នុង​កម្មវិធីបើកកិច្ច​ប្រជុំនាថ្ងៃទី២៥ ខែវិច្ឆិកា ហើយសេចក្តីព្រាងផែនការសកម្មភាពសៀមរាប-អង្គរ ២០២៥-​២០២៩ នឹងត្រូវអនុម័ត​ដាក់ឱ្យប្រើប្រាស់​នាថ្ងៃទី២៩ ខែវិច្ឆិកា…

(ភ្នំពេញ)៖ ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន នាព្រឹកថ្ងៃទី១២ ខែវិច្ឆិកា ឆ្នាំ២០២៤នេះ បានអញ្ជើញសំណេះសំណាល និងប្រគល់អំណោយលើកទឹកចិត្ត របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជូនសិស្សានុសិស្សដែលប្រឡងជាប់សញ្ញាបត្រមធ្យមសិក្សាទុតិយភូមិ សម័យប្រឡងកាលពីថ្ងៃទី៨-៩ ខែតុលា ឆ្នាំ២០២៤ មកពីស្រុកអូររាំងឪ ស្រុកពញាក្រែក និងស្រុកត្បូងឃ្មុំ ខេត្តត្បូងឃ្មុំ ។ ឯកឧត្តមបណ្ឌិត អ៊ាង សុផល្លែត បានថ្លែងកោតសរសើរសិស្សនុសិស្សទាំងអស់ បានខិតខំសិក្សារៀនសូត្រ ១២ឆ្នាំកន្លងមកនេះ ហើយចុងក្រោយបានទទួលជ័យលាភី គួរជាទីគាប់ចិត្ត ចំពោះខ្លួនឯង និងឪពុកម្តាយ ព្រមទាំងក្រុមគ្រួសារ។ ក្នុងជំហានបន្ទាប់នេះ សិស្សានុសិស្ស ប្រឡងជាប់ នឹងត្រូវសម្រេចចិត្តចូលរៀនបន្តនៅសកលវិទ្យាល័យ ឬមហាវិទ្យាល័យ ដើម្បីទទួលបានចំណេះដឹង និងចំណេះធ្វើ និងទទួលបានជំនាញសម្រាប់អនាគត។ ឯកឧត្តមបណ្ឌិត អ៊ាង សុផល្លែត ក៏បានលើកទឹកចិត្ត សូមឱ្យប្អូនៗសិស្សានុសិស្ស បន្តខិតខំរៀនសូត្រ និងស្រាវជ្រាវឲ្យបានខ្ជាប់ខ្ជួននិងចូលរួមក្នុងភាពស្អាតក្នុងផ្នត់គំនិត (មានសុភាវធម៌៖…

ភីហ្សា HOT-N-READY® ឥឡូវនេះនឹងមានលក់ក្នុងប្រទេសកម្ពុជាជាមួយភាពងាយស្រួលនៃការទិញដោយមានសេវាកម្មបញ្ជាទិញដោយបើកបរឆ្លងកាត់ (Drive-Through) សម្រាប់ក្រុមគ្រួសារ និងអ្នកដែលចូលចិត្តញាំភីហ្សា  រាជធានីភ្នំពេញ ប្រទេសកម្ពុជា ថ្ងៃទី១០ ខែវិច្ឆិកា ឆ្នាំ២០២៤ – Little Caesars® Pizza ដែលជាម៉ាកយីហោភីហ្សាដ៏ធំបំផុតមួយរបស់ពិភពលោក បានបើកសម្ពោធភោជនីយដ្ឋានដំបូងរបស់ខ្លួនជាផ្លូវការនៅក្នុងប្រទេសកម្ពុជា នៅកោះពេជ្រ។ នេះមិនត្រឹមតែជា Little Caesars® Pizza ដំបូងគេបង្អស់ក្នុងប្រទេសកម្ពុជាប៉ុណ្ណោះទេ ប៉ុន្តែភោជនីយដ្ឋាននេះក៏មានសេវាកម្មទិញភីហ្សាដោយបើកបរឆ្លងកាត់ (Drive-Through) ដំបូងគេបង្អស់របស់ប្រទេសកម្ពុជា និងផ្តល់ជូនអតិថិជននូវនំភីហ្សាថ្មីៗស្តង់ដា HOT-N-READY® ដែលផ្តល់នូវភាពងាយស្រួល គុណភាព និងតម្លៃសមរម្យបំផុត។ ចំណុចសំខាន់នៃបទពិសោធរបស់ Little Caesars® Pizza ដែលអតិថិជននឹងទទួលបាននោះគឺ HOT-N-READY® ដែលធានាថាអតិថិជនអាចដើរចូល និងទទួលបានភីហ្សាក្តៅៗឈ្ងុយឆ្ងាញ់ភ្លាមៗដោយមិនចាំបាច់រង់ចាំយូរ ឬបញ្ជាទិញជាមុន។ ចំណុចលេចធ្លោនេះធ្វើឱ្យ Little Caesars® Pizza ក្លាយជាជម្រើសដ៏ល្អឥតខ្ចោះសម្រាប់គ្រួសារមមាញឹក សិស្សានុសិស្ស និងអ្នកធ្វើការដែលកំពុងស្វែងរកអាហារដែលមានគុណភាពខ្ពស់នៅពេលធ្វើដំណើរ។ មិនថារីករាយនឹងអាហារនៅក្នុងភោជនីយដ្ឋាន ឬទិញភីហ្សាទៅញុំា នៅផ្ទះនោះទេ អតិថិជននឹងទទួលបានភីហ្សាធ្វើថ្មីៗដែលរង់ចាំពួកគាត់គ្រប់ពេលវេលា។ លោក Andres De Robina…

(ខេត្តព្រះវិហារ)៖ ភ្ញៀវទេសចរជាតិ អន្តរជាតិ និងប្រជាពលរដ្ឋក្នុងដែនដីរដ្ឋបាលខេត្ត ប្រមាណ ៥ម៉ឺន ៣ពាន់នាក់ បានមកទស្សនាការប្រណាំងទូករយៈពេល ២ថ្ងៃ (០៩-១០វិច្ឆិកា២០២៤) ដែលរៀបចំឡើងដោយរដ្ឋបាលខេត្តព្រះវិហារ នៅរមណីដ្ឋានទំនប់៩៥ ស្ថិតក្នុងភូមិទំនប់ សង្កាត់ប៉ាលហាល ក្រុងព្រះវិហារ ដើម្បីអបអរសាទរព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ដែលនឹងប្រព្រឹត្តទៅនាពេលដ៏ខ្លីខាងមុខនេះ នៅរាជធានីភ្នំពេញ ។ ការប្រណាំងទូករយៈពេល ២ថ្ងៃកន្លងមកនេះ ខេត្តព្រះវិហារ ទទួលបានភ្ញៀវទេសចរចំនួន ៥ម៉ឺន ៣ពាន់នាក់ បើធៀបនឹងឆ្នាំ២០២៣ កន្លងទៅ ភ្ញៀវទេសចរមានចំនួន ៩ពាន់ ៥០០នាក់ នេះបើតាមការបញ្ជាក់ពី លោក គង់ វិបុល ប្រធានមន្ទីរទេសចរណ៍ខេត្តព្រះវិហារ ។ ពិធីប្រណាំងទូករយៈពេល ២ថ្ងៃ ដោយបានចាប់ផ្តើមពីថ្ងៃទី៩ ដល់ថ្ងៃទី១០ វិច្ឆិកា២០២៤ ទាំងការបើក និងការបិទបញ្ចប់ បានធ្វើឡើងក្រោមអធិបតីភាព លោក ប្រាក់ សុវណ្ណ ប្រធានក្រុមប្រឹក្សាខេត្ត និង លោក គីម រិទ្ធី…