ស្វាយរៀង៖ឯកឧត្តមប៉េង ពោធិ៍សា អភិបាលខេត្តស្វាយរៀង និងលោក បេងហុង សុជាតិ ខេមរ៉ូ អគ្គនាយក អគ្គនាយកដ្ឋាន​រៀបចំ​ដែនដី និង​នគរូបនីយកម្មនៃក្រសួងរៀបចំដែនដីនគរូបនីយកម្មនិងសំណង់និងជាអគ្គលេខាធិការនៃអគ្គលេខាធិការដ្ឋាន​​( គ.ដ.ន.ជ)​​កាលពីព្រឹក​ថ្ងៃទី១៧ ខែតុលា ឆ្នាំ២០២៤ បានដឹកនាំកិច្ចប្រជុំពិនិត្យ និងឆ្លងសេចក្ដីព្រាង​ផែនការរៀបចំដែនដីខេត្តស្វាយរៀង។ កិច្ចប្រជុំនេះមានការចូលរួមពីលោក ហែម ពិសិដ្ឋ អភិបាលរងខេត្ត​ស្វាយរៀង និងលោក Richard Mabbitt ប្រធានក្រុមទីប្រឹក្សា​បច្ចេកទេសនៃធនាគារអភិវឌ្ឍន៍អាស៊ី និងលោក លោកស្រី តាមបណ្ដាមន្ទីរនានាជុំវិញខេត្ត និងលោក លោកស្រី អភិបាល អភិបាល​រង ស្រុក ក្រុង និងអ្នកពាក់ព័ន្ធជាច្រើនរូបទៀតផងដែរ។ ឯកឧត្តមអភិបាលខេត្តស្វាយរៀងបានបញ្ជាក់ថា​ផែនការរៀបចំដែនដី គឺជាឯកសារយុទ្ធសាស្ត្រគោលនយោបាយសំខាន់មួយ ដែល​ផ្តល់នូវ​ចក្ខុវិស័យ និងគោលដៅអភិវឌ្ឍរយៈពេលវែងសម្រាប់រយៈពេល​២០​ឆ្នាំខាងមុខ ក៏ដូចជាផ្តល់ទិសដៅជាក់លាក់សម្រាប់​ការ​អភិវឌ្ឍ​ដែន​ដីខេត្ត ដើម្បីធានាឱ្យបាននូវការអភិវឌ្ឍប្រកបដោយនិរន្តរភាព ។ឯកឧត្តមបន្តថា ដើមឡើយខេត្តស្វាយរៀងជាខេត្តដែលផ្ដោតជាសំខាន់​លើការងារកសិកម្មជាធំ ប៉ុន្តែចាប់ពីឆ្នាំ២០០៥ ពេលដែល​រាជរដ្ឋា​ភិ​បាលរៀបចំបង្កើតឱ្យមានតំបន់សេដ្ឋកិច្ចពិសេសរចនាសម្ព័ន្ធនេះបានផ្លាស់ប្ដូរ និងមានការប្រែប្រួលជាគំហុក។ ផ្ទៃដីបង្ក​បង្កើនផលមួយចំនួន​បានផ្លាស់ប្ដូរមុខងារពីដីធ្វើការងារដាំដុះ ទៅជាសំណង់ និងបម្រើឱ្យ​វិស័យឧស្សាហកម្ម។ ឯកឧត្តមបានបន្តថា បច្ចុប្បន្នខេត្តស្វាយរៀងមានតំបន់សេដ្ឋកិច្ច​ពិសេស​កំពុងដំណើរការចំនួន ៩កន្លែង និងកំពុងរៀបចំ ៣កន្លែង​ថែមទៀត ។មានរោងចក្រ សហគ្រាសទាំងក្នុង និងក្រៅតំបន់​សេដ្ឋកិច្ចពិសេសចំនួន…

ព្រះវិហារ៖ មន្ទីរពេទ្យបង្អែក ១៦មករា ខេត្តព្រះវិហារ នៅតែត្រូវការ​ឈាមជាបន្តបន្ទាប់ សម្រាប់យកមកជួយ​សង្គ្រោះអាយុ​ជីវិត​មនុស្ស​ដែលជាជនរងគ្រោះពីឧបទ្ទវហេតុផ្សេងៗ ។រួមចំណែកលើ​ការងារមនុស្សធម៌នេះកាលពីថ្ងៃទី១៦ ខែតុលា ឆ្នាំ២០២៤ រដ្ឋបាលខេត្តព្រះវិហារបានរៀបចំពិធីបរិច្ចាគឈាមដោយស្ម័គ្រចិត្តនៅស្រុករវៀង ដោយមានការចូលរួមពីលោក គឹម ចាន់បញ្ញា អភិបាលរងខេត្តព្រះវិហារ ថ្នាក់ដឹកនាំមន្ទីរ មន្រ្តីនៃអង្គភាពជុំវិញខេត្ត អាជ្ញាធរមូលដ្ឋាន កងកម្លាំងទាំងបី សហភាពសហព័ន្ធ​យុវជនកម្ពុជា និងប្រជាពលរដ្ឋនៅក្នុងមូលដ្ឋានប្រមាណ ១០២នាក់។ ក្នុងចំណោមអ្នកចូលរួមបរិច្ចាគឈាមដោយស្ម័គ្រចិត្ត ទាំង ១០២នាក់ ក្នុងនេះអ្នកមិនមានលក្ខខណ្ឌគ្រប់គ្រាន់ក្នុងការបរិច្ចាគឈាម ៤៩​នាក់ ។ដោយឡែកអ្នកបរិច្ចាគឈាមដែលអាចទទួលបានចំនួន ៥៣នាក់​ស្មើនឹង៥៣សាក់។ ក្នុងឱកាសនេះអភិបាលរងខេត្តព្រះវិហារ លោក គឹម ចាន់បញ្ញា បានអរគុណចំពោះវត្តមាននៃអ្នកចូលរួមបរិច្ចាគដោយស្ម័គ្រចិត្ត។ លោកបញ្ជាក់ថា ក្នុងការបរិច្ចាគឈាមនាពេលនេះ ដែលជាផ្នែកមួយ នៃការលើកកម្ពស់វិស័យមនុស្សធម៌ ក្រោមពាក្យស្លោក “ផ្តល់ឈាម គឺផ្តល់ក្តីស្រលាញ់ “។ មន្ទីរពេទ្យបង្អែក ១៦មករា ខេត្តព្រះវិហារ មានតម្រូវការឈាម គិតជាមធ្យមមួយថ្ងៃប្រមាណ៣ប្លោក ដើម្បីជួយសង្គ្រោះជីវិត​អ្នកជំងឺឱ្យរួចផុតពីស្ថានភាពធ្ងន់ធ្ងរនៃជំងឺផ្សេងៗ៕ ដោយ៖ឡុង សំបូរ

(ភ្នំពេញ)៖ សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា បានអនុញ្ញាតឱ្យ ឯកឧត្តម ឈី ឈឹងសាន សមាជិកគណៈកម្មាធិការមជ្ឈិមបក្សកុម្មុនីស្តចិន និងជាប្រធានវិទ្យាស្ថានប្រវត្តិសាស្ត្រ និងអក្សរសាស្ត្របក្ស នៃគណៈកម្មាធិការមជ្ឈិមបក្សកុម្មុយនីស្តចិនជួបសម្តែងការគួរសម នៅវិមាន ៧មករា រាជធានីភ្នំពេញ នៅព្រឹកថ្ងៃទី១៧ ខែតុលា ឆ្នាំ២០២៤ ។ សម្ដេចតេជោ បានសម្តែងនូវការស្វាគមន៍យ៉ាងកក់ក្តៅជូន ឯកឧត្តម ឈី ឈឹងសាន (QU Qingshan) ដែលមកបំពេញទស្សនកិច្ចនៅកម្ពុជានាពេលនេះ ។ សម្តេច ក៏បានអរគុណដែល ឯកឧត្តមនឹងធ្វើបទបង្ហាញស្តីពី «ប្រវត្តិ ១០០ឆ្នាំរបស់គណបក្សកុម្មុយនីស្តចិននិងបទពិសោធន៍សំខាន់ៗរបស់ខ្លួន» ដើម្បីចែករំលែកដល់មន្ត្រីនៃគណបក្សប្រជាជនកម្ពុជា ។ ក្នុងឱកាសបំពេញទស្សនកិច្ចលើកទី១នៅកម្ពុជា ឯកឧត្តម ឈី ឈឹងសាន បានពាំនាំជូន សម្តេចតេជោ នូវការផ្ដាំផ្ញើសួរសុខទុក្ខពីសំណាក់ ឯកឧត្តម ស៊ី ជីនពីង អគ្គលេខាធិការគណបក្សកុម្មុយនីស្តចិន និងបញ្ជាក់ថា សម្តេចតេជោ គឺជាអ្នកនយោបាយមួយរូបដែលទទួលបានការគោរពជាខ្លាំងនៅក្នុងប្រទេសចិន។ ក្រោមការដឹកនាំដ៏ឈ្លាសវៃនិងប៉ិនប្រសប់របស់សម្តេច កម្ពុជាអាចសម្រេចបាននូវការរីកចម្រើនសង្គម-សេដ្ឋកិច្ច និងការអភិវឌ្ឍលើគ្រប់វិស័យ។ ឯកឧត្តមបានលើកឡើងថា ទំនាក់ទំនងកម្ពុជា-ចិនគឺជាមិត្តភាពដែកថែប…

(ភ្នំពេញ)៖ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា បានអនុញ្ញាតឱ្យ ឯកឧត្តម Christian Lechervy (គ្រីស្សង់ ឡឺសែវី ) ឯកអគ្គរដ្ឋទូត និងជាប្រេសិតពិសេសបារាំង ទទួលបន្ទុកប្រទេសមីយ៉ាន់ម៉ា ចូលជួបសម្ដែងការគួរសម នៅវិមាន៧មករា រាជធានីភ្នំពេញ នៅព្រឹកថ្ងៃទី១៧ ខែតុលា ឆ្នាំ២០២៤ ។ សម្ដេចតេជោ បានសម្តែងការស្វាគមន៍យ៉ាងកក់ក្តៅជូនដល់ឯកឧត្តមអគ្គរដ្ឋទូត ដែលបានមកកម្ពុជា នៅពេលនេះ និងបានស្នើឯកឧត្តមអគ្គរដ្ឋទូតពាំនាំនូវសេចក្តីថ្លែងអំណរគុណជូនទៅ ឯកឧត្តមប្រធានាធិបតី អេម៉ានុយអែល ម៉ាក្រុង សម្រាប់ការទទួលបដិសណ្ឋារកិច្ចដ៏ល្អប្រសើរថ្វាយ ព្រះករុណា ព្រះមហាក្សត្រកម្ពុជា ក្នុងឱកាសទ្រង់យាងចូលរួមកិច្ចប្រជុំកំពូលហ្រ្វង់កូហ្វូនីនៅសាធារណរដ្ឋបារាំងកន្លងទៅថ្មីៗនេះ។ សម្តេចតេជោ បានបន្តទៀតថា ប្រទេសកម្ពុជា នឹងធ្វើជាម្ចាស់ផ្ទះកិច្ចប្រជុំកំពូលហ្រ្វង់កូហ្វូនីនៅឆ្នាំ២០២៦ ដែលនេះជាដំណើរដ៏ល្អមួយ ដែលផ្ទេរពីបារាំងនៅទ្វីបអឺរ៉ុប មកកម្ពុជានៅទ្វីបអាស៊ី។ ឯកឧត្តមអគ្គរដ្ឋទូត បានមានប្រសាសន៍ថា ការរៀបចំឱ្យមានប្រេសិតពិសេសរបស់ប្រទេសបារាំង ទទួលបន្ទុកប្រទេសមីយ៉ាន់ម៉ា គឺជាការបង្ហាញពីកិច្ចប្រឹងប្រែងរបស់អន្តរជាតិ ជាពិសេសអឺរ៉ុប ក្នុងការជួយស្វែងរកដំណោះស្រាយមួយដ៏ល្អ ដើម្បីសន្តិភាពក្នុងប្រទេសមីយ៉ាន់ម៉ាផង។ ដើម្បីសម្រេចគោលបំណងនេះ ឯកឧត្តមប្រធានាធិបតី ម៉ាក្រុង បានឱ្យឯកឧត្តមទាក់ទងជាមួយបណ្តាប្រទេសជាមិត្ត និងជាដៃគូរបស់បារាំង ក៏ដូចជាភាគីនានា…

(ភ្នំពេញ)៖ ក្រសួងអប់រំយុវជន និងកីឡាបានឱ្យដឹងថា៖សម្រាប់ដំណើរការកំណែមុខវិជ្ជាទាំង ១០ នៃការប្រឡងសញ្ញាបត្រមធ្យមសិក្សាទុតិយភូមិឬហៅថាបាក់ឌុប សម័យប្រឡង៖ ០៨ តុលា ២០២៤ ត្រូវបានបញ្ចប់ទាំងស្រុងហើយនាពេលនេះ ។ បើតាមក្រសួងអប់រំបានឱ្យដឹងនាល្ងាចថ្ងៃទី ១៧ ខែតុលា ឆ្នាំ២០២៤នេះថា ក្នុងកំណែកសំណេររបស់បេក្ខជនប្រឡងបាក់ឌុបកន្លងមកគឺប្រព្រឹត្តិទៅយ៉ាងប្រុងប្រយ័ត្ន និងតឹងរឹងក្រោមការបំពេញភារកិច្ចយ៉ាងសកម្ម និងទំនួលខុសត្រូវខ្ពស់ពីប្រធាន អនុប្រធានមណ្ឌលកំណែ គណៈកម្មការទាំងអស់ ព្រមទាំងការចូលរួមសង្កេតការណ៍ជាប្រចាំពីមន្ត្រីអង្គភាពប្រឆាំងអំពើពុករលួយ។ ប្រភពខាងលើដដែលនេះបានបញ្ជាក់ថាក្រោយពីបញ្ចប់ដំណើរការកំណែ ប្រធាន អនុប្រធានមណ្ឌលទាំងអស់ បានដឹកសន្លឹក MCS និងឯកសារផ្សេងៗមករក្សាទុកនៅអគាររដ្ឋបាលចៅពញាហុករបស់ក្រសួងអប់រំ យុវជន និងកីឡា ដើម្បីចាប់ផ្ដើមរៀបចំដំណើរការស្រង់ បូកពិន្ទុដោយកុំព្យូទ័រ ដោយឡែកសន្លឹកកិច្ចការរបស់បេក្ខជន ត្រូវបានដឹកមករក្សាទុកនៅសាលាបឋមសិក្សាចៅពញាហុក។ គួរបញ្ជាក់ថាការប្រឡងសញ្ញាបត្រមធ្យមសិក្សាទុតិយភូមិ(បាក់ឌុប) សម័យ ប្រឡងប្រព្រឹត្តទៅរយៈពេល២ថ្ងៃ គឺថ្ងៃទី០៨ និង០៩ ខែតុលា ឆ្នាំ២០២៤។ដោយឡែកចំពោះដំណើរការកំណែប្រព្រឹត្តទៅ ចាប់ពីថ្ងៃទី១១ ខែតុលា ឆ្នាំ២០២៤ ដល់ថ្ងៃទី១៧ ខែតុលា ឆ្នាំ២០២៤។សម្រាប់ដំណើរការស្រង់ បូកពិន្ទុដោយកុំព្យូទ័រ និងផ្ទៀងផ្ទាត់ពិន្ទុប្រព្រឹត្តទៅ ចាប់ពីថ្ងៃទី១៨ ខែតុលា ឆ្នាំ២០២៤ ដល់ថ្ងៃទី២៨ ខែតុលា ឆ្នាំ២០២៤។ បើតាមក្រសួងអប់រំបានឱ្យដឹងថា…

កំពត៖ក្នុងកិច្ចប្រជុំគណៈបញ្ជាការឯកភាពរដ្ឋបាលខេត្តកំពត​នៅ​ថ្ងៃទី១៧ ខែតុលា ឆ្នាំ២០២៤ ឯកឧត្តម ម៉ៅ ធនិន អភិបាលខេត្ត​កំពតបានបង្ហាញនូវការកត់សម្គាល់ថា  ស្ថានភាពសន្តិសុខសណ្តាប់​ធ្នាប់ នៅខេត្តកំពតមានភាពល្អប្រសើរ ភ្ញៀវទេសចរមកកម្សាន្ត​កក់​ក្តៅក្នុងចិត្ត ដោយសារមន្ត្រីរាជការជំនាញ អាជ្ញាធរ ​កម្លាំងសមត្ថកិច្ច​សហការគ្នាបានយ៉ាងល្អ។ប៉ុន្តែយ៉ាងណាក៏ដោយ  ខេត្ត​កំពត​ក៏នៅ​ការងារខ្វះចន្លោះមួយចំនួន ដែលទាមទារឱ្យមានការចូលរួមសហការគ្នា ធ្វើឱ្យកាន់តែល្អប្រសើរថែមទៀត ។ អ្វីដែលជាការត្រូវជំរុញបន្ថែមនោះ ឯកឧត្តម ម៉ៅ ធនិន បញ្ជាក់ថា មានការងារការពារធនធានធម្មជាតិ ,ការងារបង្ក្រាប​បទល្មើស​ផ្សេងៗ (ពិសេសគ្រឿងញៀន និងល្បែងស៊ីសង) ,ការងារការពារបូរណភាព​ទឹកដីទាំងព្រំដែនទឹក និងគោក  ,ការងារការពារវប្បធម៌ និងសម្បត្តិ​បេតិក​ភណ្ឌជាតិនៅតំបន់ភ្នំបូកគោ  និងការងារតបណ្តាញទឹកភ្លើង​ជូនប្រជាពលរដ្ឋជាដើម ។ ឯកឧត្តមបានបញ្ជាក់ថា បទល្មើសកើតឡើងនៅកន្លែងណា អាជ្ញាធរ​កន្លែងនោះ ត្រូវរាយការណ៍ និងមានចំណាត់ការ ដោះស្រាយ​ទៅតាម​នីតិវិធីច្បាប់ដែលបានកំណត់ ។ឯកឧត្តម ក៏បានជំរុញលើកទឹកចិត្តដល់ អាជ្ញាធរស្រុកជាប់ព្រំដែនប្រទេសជិតខាង ត្រូវ​មាន​ស្មារតីប្រុងប្រយ័ត្ន​និងឆន្ទៈខ្ពស់គិតគូរអំពីផលប្រយោជន៍ជាតិនិងប្រជាជនជាធំ ។ពិសេស​អាជ្ញាធរត្រូវណែនាំ​ប្រជាពលរដ្ឋរស់នៅ​តាមខ្សែបន្ទាត់ព្រំដែនឱ្យយល់​ដឹង​ច្បាស់អំពីការងារព្រំដែន ហើយរួមគ្នាការពារឱ្យបានល្អ ៕ដោយ៖ សិលា សារិន

កែប៖ទិវាស្បៀងអាហារពិភពលោកឆ្នាំ២០២៤ នេះបានប្រារព្ធនៅខេត្ត​កែប ក្រោមប្រធានបទ “សិទ្ធទទួលបានអាហារ ដើម្បីជីវិត និងអនាគត​កាន់តែប្រសើរ”កាលពីថ្ងៃទី១៦ ខែតុលា ឆ្នាំ២០២៤ ក្រោមអធិបតីភាព​ឯកឧត្តម តូច ប៊ុនហួរ រដ្ឋលេខាធិការ​ក្រសួង​កសិកម្ម រុក្ខាប្រមាញ់ និងនេសាទ ,លោក ហួរ មិថុនា អភិបាលរងខេត្តកែប ,តំណាងកម្មវិធី​ស្បៀងអាហារពិភពលោក តំណាង​អង្គការ​ស្បៀង និងកសិកម្ម នៃសហប្រជាជាតិប្រចាំកម្ពុជា ព្រមទាំងមន្រ្តីពាក់ព័ន្ធជាច្រើនរូបទៀត។ លោក ហ៊ួរ មិថុនា អភិបាលរងខេត្តកែបបានលើកឡើងថា ជាកិត្តិយស​របស់ខេត្តកែប ដែលត្រូវបានក្រសួងកសិកម្ម រុក្ខាប្រមាញ់ និងនេសាទ ផ្ដល់កិត្តិយសរើសយកខេត្តកែបប្រារព្ធនូវ ទិវាស្បៀងអាហារពិភពលោក​ឆ្នាំ២០២៤ នាពេលនេះ។ ផ្អែកតាមស្ថាន​ភាព​ភូមិសាស្ត្រ ធម្មជាតិ និងការយកចិត្តទុកដាក់របស់រាជរដ្ឋាភិបាល,ការខិតខំប្រឹងប្រែងរបស់រដ្ឋបាលមូលដ្ឋាន អង្គភាពជំនាញ​ពាក់ព័ន្ធ​ក្នុងខេត្តកែបបានធ្វើឱ្យខេត្ត​មាន​ការអភិវឌ្ឍរីកចម្រើនលើគ្រប់វិស័យ ។ខេត្តកែបមានផលិតផល​កសិកម្ម សម្គាល់ភូមិសាស្ត្រល្បី​ល្បាញ​មួយចំនួនដែលទទួលស្គាល់​ទូទាំងប្រទេស និងអន្តរជាតិ ដូចជា ម្រេច ផ្កាអំបិល ក្ដាមសេះ ដូងក្រអូប ជាដើម។ ឯកឧត្តម តូច ប៊ុនហួរ ដ្ឋលេខាធិកាក្រសួងកសិកម្ម រុក្ខាប្រមាញ់ និនេសាទបានលើកឡើងថា ទិវាស្បៀងអាហារពិភពលោក បានផ្តួច​ផ្តើមឡើងជាលើកដំបូង នៅឆ្នាំ១៩៨១ ហើយការប្រារព្ធទិវានេះ…

(ភ្នំពេញ)៖ នៅក្នុងប្រទេសកម្ពុជាប្រព័ន្ធអេអាយ គឺស្ថិតនៅក្នុងដំណាក់កាលដំបូងនៅឡើយ ហើយបើនិយាយពីបញ្ហាប្រឈមវិញនៅកម្ពុជាក៏មិនអាចទាន់និយាយបានឡើយហើយពេលនេះក្រសួងប្រៃសណីយ៍ក៏បានធ្វើការជាមួយនឹងអង្គការយូនីស្កូដើម្បីសិក្សាអំពីថាតើបច្ចុប្បន្ននេះកម្ពុជាស្ថិតនៅទីណាក្នុងការប្រើប្រាស់ប្រព័ន្ធអេអាយ ។ នេះជាការថ្លែងបញ្ជាក់ពីសំណាក់ឯកឧត្តមបណ្ឌិត សំសិទ្ធ សេរី អគ្គនាយកនៃអគ្គនាយកដ្ឋានបច្ចេកវិទ្យាគមនាគមន៍ និងព័ត៌មាននៃក្រសួងប្រៃសណីយ និង ទូរគមនាគមន៍ ។ គួរបញ្ជាក់ថាបញ្ញាសិប្បនិម្មិត -Artificial Intelligence អេអាយ(AI)គឺសំដៅលើជ្រុងមួយនៃវិទ្យាសាស្រ្តកុំព្យូទ័រដោយផ្តោតទៅលើការបង្កើតសុសវែរ កម្មវិធី ឬឧបករណ៍ឬធ្វើការជំនួសមនុស្សបាន ។ ថ្លែងប្រាប់បណ្តាញសារព័ត៌មានមុនពេលបើកសិក្ខាសាលាពិគ្រោះយោបល់លើសេចក្តីព្រាង”មគ្គុទេសក៍បន្ថែមរបស់អាស៊ានស្តីពីអភិបាលកិច្ច និងសីលធម៌បញ្ញាសិប្បនិម្មិតសម្រាប់បញ្ញាសិប្បនិម្មិតបង្កើតមាតិកា” នារសៀលថ្ងៃទី ១៧ ខែ តុលា ឆ្នាំ ២០២៤នេះ ឯកឧត្តមបណ្ឌិត សំសិទ្ធ សេរី បានឱ្យដឹងថា៖មូលហេតុដែលក្រសួងបានគិតគូពីប្រព័ន្ធអេអាយនោះព្រោះថាអេអាយ គឺជាប្រព័ន្ធបច្ចេកវិទ្យាមួយដែលបានជួយសម្រួលការងារមនុស្សបានច្រើន។វាមានផលប្រយោជន៍ធំធេងដូចជាកាត់បន្ថយតម្លៃកាត់បន្ថយការប្រើពេលវេលា ដូចជាយើងធ្វើការរហូត ១០ម៉ោងតែអេអាយធ្វើការតែ ១០នាទីប៉ុណ្ណោះ ។ ឯកឧត្តមមានប្រសាសន៍ថា“វាអាចជំនួយផ្នែកបច្ចេកទេដោយផ្តល់ផលប្រយោជន៍ច្រើនដល់យើង និងវា ក៏មានហានិភ័យផងដែរ ។ សម្រាប់ក្របខណ្ឌនៅក្នុងប្រទេសកម្ពុជា អេអាយបានទទួលផលប្រយោជន៍ច្រើនគឺនៅពេលដែលយើងអាចចេះប្រើប្រាស់វា ប៉ុន្តែនៅពេលដែលយើងមិនអាចប្រើប្រាស់វាបានច្រើននោះទេវានឹងជះផលអាក្រក់មកយើងវិញ។ បើតាម ឯកឧត្តមអគ្គនាយក បានលើកឡើងថា៖វិធានពាក់ព័ន្ធនឹងបញ្ញាសិប្បនិម្មិតនេះក្រសួងប្រៃសណីយ៍ នឹងដាក់ចេញនៅក្នុងរយៈពេលនៅពាក់កណ្ដាលឆ្នាំ ២០២៥ខាងមុខ។ ឯកឧត្តមបញ្ជាក់បន្ថែមថា”យើងកំពុងតែធ្វើការសិក្សាអំពីស្ថានភាពបច្ចុប្បន្នរបស់អេអាយនៅក្នុងប្រទេសទាំងអស់នៅក្នុងសកលលោក ដែលបានប្រើប្រាស់នៅក្នុងក្របខណ្ឌឬវិធាននេះដូចៗគ្នាឬស្តង់ដាតែម្តង។អញ្ចឹងនៅពេលដែលយើងធ្វើការសិក្សាអំពីស្ថានភាពបច្ចុប្បន្នហើយ យើងនឹងដឹងថានៅទីណា ពេលនោះយើងនឹងត្រូវធ្វើបែបម៉េចទៀតដើម្បីធ្វើការអភិវឌ្ឍន៍ អេអាយ ថែមទៀត”។…