ភ្នំពេញ៖ឯកឧត្តម ស៊ិនឡៈវង្ស ឃុតផៃធូន ប្រធានរណសិរ្សអភិវឌ្ឍន៍​ជាតិឡាវ និងជាសមាជិកការិយាល័យ​នយោបាយមជ្ឈិមបក្ស​ប្រជាជន​បដិវត្តន៍ឡាវ បានកោតសរសើរសម្ដេចមហាបវរធិបតី ហ៊ុន ម៉ាណែត ថាជានាយករដ្ឋមន្ត្រីវ័យក្មេង សកម្ម និងជាបញ្ញវន្ត។ការលើកឡើង​បែបនេះក្នុងជំនួបសម្ដែងការគួរសម និងពិភាក្សាការងារ ជាមួយសម្ដេច​ធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅវិមានសន្ដិភាព កាលព្រឹក​ថ្ងៃទី១៨ ខែតុលា ឆ្នាំ២០២៤ ។ ក្នុងសវនាការដដែលឯកឧត្តម ស៊ិនឡៈវង្ស ឃុតផៃធូន  បានអបអរ​សាទរ​ចំពោះការអភិវឌ្ឍ និងរីកចម្រើនយ៉ាងឆាប់រហ័សលើ​គ្រប់វិស័យ​នៅកម្ពុជា។ឯកឧត្តមមានជំនឿយ៉ាងមុតមាំថា សម្ដេចធិបតី នឹងបន្ត​ដឹកនាំ និងអភិវឌ្ឍកម្ពុជាឱ្យកាន់តែរីកចម្រើន​ថែម​ទៀត។ ឯកឧត្តមបាន​វាយតម្លៃខ្ពស់ចំពោះទំនាក់ទំនង និងកិច្ចសហប្រតិបត្តិការដ៏ល្អប្រសើរ​រវាងប្រទេសទាំងពីរ ក្នុងភាពជាដៃ​គូ​យុទ្ធសាស្ត្រគ្រប់ជ្រុងជ្រោយ និងយូរអង្វែង។ ជាការឆ្លើយតបសម្ដេចធិបតីបានសម្តែងនូវការពេញចិត្ត ចំពោះទំនាក់​ទំនងដ៏ល្អប្រសើរ និងជាប្រពៃណីរវាងកម្ពុជា និងឡាវ ព្រមទាំងការរីក​ចម្រើន នៃកិច្ចសហប្រតិបត្តិការ រវាងរណសិរ្សសាមគ្គី អភិវឌ្ឍន៍មាតុភូមិ​កម្ពុជា និងរណសិរ្សអភិវឌ្ឍន៍ជាតិឡាវ។សម្ដេចធិបតីថា នេះ ក៏ជាការ​ចូល​រួមចំណែក នៅក្នុងការពង្រឹង និងពង្រីកចំណងមិត្តភាព និងកិច្ចសហ​​ប្រតិបត្តិការរវាង​ប្រទេសទាំងពីរ ឱ្យកាន់តែរឹងមាំ​ថែមទៀត។ សម្ដេចធិបតី និងឯកឧត្តម ស៊ិនឡៈវង្ស ឃុតផៃធូន  បានផ្លាស់ប្ដូរ​យោបល់​អំពីការបន្តពង្រឹង និងពង្រីកកិច្ចសហប្រតិបត្តិការ រវាងប្រទេស​ទាំងពីរលើវិស័យសំខាន់ៗមានជាអាទិ៍…

ភ្នំពេញ៖សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា​នៃព្រះរាជាណាចក្រកម្ពុជាកាលពីព្រឹក ថ្ងៃទី១៨ ខែតុលា ឆ្នាំ២០២៤ នេះ បានអញ្ជើញចូលរួមកិច្ចប្រជុំគណៈកម្មាធិការប្រតិបត្តិនៃ​មហាសន្និ​បាតអាយប៉ាលើកទី៤៥ ដើម្បីពិភាក្សា អនុម័តកម្មវិធីនិងរបៀបវារៈ​នៃមហាសន្និបាតលើកទី៤៥ និងសកម្មភាពការងារមួយចំនួនទៀត​របស់អាយប៉ា នៅពេលអនាគត។ កិច្ចប្រជុំនេះ ប្រារព្ធធ្វើឡើងក្រោមអធិបតីភាព ឯកឧត្តម សាយសំផន ភុមវិហាន (Xaysomphone Phomvihane) ប្រធានរដ្ឋ​សភា​ឡាវ និងជាប្រធានអាយប៉ាលើកទី៤៥ ដោយមានការអញ្ជើញចូលរួមពី​ប្រធាន​គណៈប្រតិភូសភាសមាជិកអាយប៉ា រួមមាន ព្រុយណេដារូស្សា​ឡាម ព្រះរាជាណាចក្រកម្ពុជា ម៉ាឡេស៊ី ហ្វីលីពីន សិង្ហបូរី ថៃ វៀតណាម និងឡាវ។ កិច្ចប្រជុំគណៈកម្មាធិការ​ប្រតិបត្តិ​អាយ​ប៉ាលើកទី៤៥ បានស្តាប់របាយការណ៍សកម្មភាពការងាររបស់​អគ្គលេខាធិកាដ្ឋានអាយប៉ាប្រចំាឆ្នាំ២០២៣-ឆ្នាំ២០២៤។ ជាមួយគ្នានេះកិច្ចប្រជុំបានអនុម័តជូនសភាប្រទេសម៉ាឡេស៊ីធ្វើជាម្ចាស់ផ្ទះមហាសន្និបាតអាយប៉ាលើកទី៤៦ នៅឆ្នាំ២០២៥ និងហ្វីលីពីន នៅឆ្នាំ២០២៦។ ចំណែកសភាកម្ពុជាបានទទួលយកសំណើធ្វើជាម្ចាស់​ផ្ទះកិច្ចប្រជុំលើកទី១៦ របស់ក្រុមអ្នក​នយោបាយ​អាយប៉ា(AIPA Caucus) នៅឆ្នាំ២០២៥ ផងដែរ។ សម្តេចរដ្ឋសភាធិបតី បានប្រកាសគោរពអញ្ជើញសមាជិកអាយប៉ា​ចូលរួមកិច្ចប្រជុំ AIPA Caucus ដែលសភាកម្ពុជានឹង​ធ្វើជា​ម្ចាស់ផ្ទះ ក្នុងខែកក្កដា ឆ្នាំ២០២៥ ខាងមុខ។ ជាមួយគ្នានេះ សម្តេចរដ្ឋសភា​ធិបតី​បានលើកឡើង ពីការគំាទ្រដល់មហាសន្និ​បាត​អាយប៉ា ដែលជា​វេទិកាសភាក្នុងតំបន់ដ៏សំខាន់…

ភ្នំពេញ៖ក្នុងឱកាសអញ្ជើញចូលរួមមហាសន្និបាតអាយប៉ាលើកទី៤៥ នៅទីក្រុងវៀងច័ន្ទន៍ ប្រទេសឡាវ សម្តេចមហា​រដ្ឋសភា​ធិការ​ធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា កាលពីព្រឹកថ្ងៃ​សុក្រ​ទី១៨ ខែតុលា ឆ្នាំ២០២៤​បានអញ្ជើញទទួល​ទានអាហារពេលព្រឹក ពិភាក្សាការងារ​ក្រៅផ្លូវការ និងជាមិត្តភាពជាមួយឯកឧត្តម សាយសំផន ភុមវិហាន (Xaysomphone Phomvihane) ប្រធានរដ្ឋសភានៃសា​ធារណ​​រដ្ឋប្រជាធិបតេយ្យប្រជាមានិតឡាវ និង ឯកឧត្តម ជិន ថាញ់ មិន (Tran Thanh Man) ប្រធានរដ្ឋសភានៃសាធារណរដ្ឋសង្គម​និយម​វៀត​ណាម ។ សេចក្តីរាយការណ៍បានឱ្យដឹងថា ក្នុងឱកាសនេះសម្តេចរដ្ឋសភាធិបតី បានថ្លែងអំណរគុណយ៉ាងជ្រាលជ្រៅជូនចំពោះ ឯកឧត្តម សាយសំផន ភុមវិហាន ដែលបានចំណាយពេលវេលាដ៏មមាញឹក អំឡុងពេលរៀបចំ​មហាសន្និបាតអន្ដរសភាអាស៊ានលើកទី៤៥ មករៀបចំជំនួបត្រីភាគី​ក្រៅផ្លូវការ រវាងថ្នាក់ដឹកនាំសភានៃប្រទេសទាំងបី ក្នុងគោលដៅពង្រឹង​សាមគ្គីភាព មិត្តភាព និងកិច្ចសហ​ប្រត្តិការ​គ្រប់ជ្រុងជ្រោយរវាងរដ្ឋសភា និងប្រជាជននៃប្រទេសទាំងបី។ សម្តេចប្រធានរដ្ឋសភា បានគូសបញ្ជាក់ថា កិច្ចសហប្រតិបត្តិការ​និងជា​មិត្តភាពជាប្រពៃណី ជាទ្រព្យសម្បត្តិដ៏មានតម្លៃ​និងជា​មូល​ដ្ឋានគ្រឹះនៃ​ទំនាក់ទំនងសហប្រតិបត្តិការលើគ្រប់វិស័យ ហើយបានផ្តល់​ជាលទ្ធផល​ជាវិជ្ជមាន ដល់ប្រជាជាតិ និងប្រជាជនទាំងបី និងក្នុងតំបន់។ ថ្នាក់ដឹក​នាំ​នៃរដ្ឋសភា នៃប្រទេសទាំងបីបានប្តេជ្ញាចិត្តរួមគ្នាបន្តពូនជ្រុំ និងពង្រឹង​មិត្តភាពជាប្រពៃណី និងភាពជាដៃ​គូយុទ្ធសាស្រ្តគ្រប់ជ្រុងជ្រោយ និងយូរ​អង្វែងនេះ ដោយយកប្រជាជនជាស្នូល។…

ភ្នំពេញ៖ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ នៅថ្ងៃទី១៨ ខែតុលា ឆ្នាំ២០២៤បានអញ្ជើញជាអធិបតីក្នុងសិក្ខាសាលា ស្តីពីការពិនិត្យឡើងវិញ ការវិភាគមុខងារ និងរចនាសម្ព័ន្ធក្រសួងសង្គមកិច្ច អតីតយុទ្ធជន និងយុវនីតិសម្បទា។ សិក្ខាសាលានេះ ជាការបន្តជួបជាមួយក្រសួងស្ថាប័ន ដើម្បីផ្តល់ជូនវឌ្ឍនភាពការងារ និងការពង្រីកវិសាលភាពព័ត៌មាន ស្តីពីការអនុវត្តការងារ និងដំណាក់កាលនានានៃការពិនិត្យឡើងវិញ និងការវិភាគមុខងារ និងរចនាសម្ព័ន្ធ ដល់ថ្នាក់ដឹកនាំ និងមន្ត្រីរាជការស៊ីវិលតាមបណ្តាក្រសួង ស្ថាប័ននានាបានជ្រាបបន្ថែមនិងដើម្បីពង្រឹងកិច្ចសហប្រតិបត្តិការនៃភាពប្រទាក់ក្រឡាគ្នាបានកាន់តែល្អប្រសើរ។ ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា បានថ្លែងថា សិក្ខាសាលានេះ ត្រូវបានរៀបចំឡើងជាមួយបទបង្ហាញរបស់ថ្នាក់ដឹកនាំក្រសួងមុខងារសាធារណៈចំនួនពីររូបគឺ៖ (១) ការបង្ហាញវឌ្ឍនភាពការងារបឋម នៃការពិនិត្យឡើងវិញ និងការវិភាគមុខងារ និងរចនាសម្ព័ន្ធ របស់ក្រសួង ស្ថាប័ន ដោយលោកជំទាវ ឈី វិជ្ជរ៉ា រដ្ឋលេខាធិការក្រសួងមុខងារសាធារណៈ និង (២) ការរៀបចំ និងការអនុវត្តការងាររួមគ្នា ក្នុងក្របខណ្ឌការកែទម្រង់ និងពង្រឹងអភិបាលកិច្ច ដោយឯកឧត្តម យក់ ប៊ុនណា រដ្ឋលេខាធិការប្រចាំការក្រសួងមុខងារសាធារណៈ៕ដោយ៖ ង៉ាន់…

ភ្នំពេញ៖ ឯកឧត្តម ទុយ រី ឯកអគ្គរាជទូតកម្ពុជាប្រចាំប្រទេសជប៉ុន បានដឹកនាំសហការីចូលរួមធ្វើបទបង្ហាញនៅក្នុង​សិក្ខាសាលា ស្តីអំពី “បរិយាកាសធុរកិច្ច និងកាលានុវត្តភាពវិនិយោគនៅកម្ពុជា” ដែល​ប្រព្រឹត្ត​ទៅក្នុងព្រឹត្តិការណ៍ពិព័រណ៍ Overseas Investment Expo ក្នុងទីក្រុងតូក្យូ ។សិក្ខាសាលានេះ មានការអញ្ជើញចូលរួមពីប្រធាន​ក្រុមហ៊ុន និងតំណាងក្រុមហ៊ុនជប៉ុន ប្រមាណ ៤០នាក់ ដែលប្រព្រឹត្ត​ទៅនារសៀលថ្ងៃទី១៨ ខែតុលា ឆ្នាំ២០២៤។ដោយឡែកព្រឹត្តិការណ៍ពិព័រណ៍ Overseas Investment Expo ត្រូវបានគេរាយការណ៍ថា មានស្តង់ចំនួន ១០៥ ចូលរួមពីបណ្តា​ក្រុមហ៊ុន និងសហគ្រាសធំៗ មកពីប្រទេស​ចំនួន ១៦ ក្នុងនោះមាន ៧ប្រទេស រួមទាំងកម្ពុជាផងដែរ មកពីតំបន់អាស៊ាន ។ ក្នុងឱកាសនេះឯកឧត្តមឯកអគ្គរាជទូតកម្ពុជា បានរំលឹកអំពីទំនាក់​ទំនង​ការទូតរវាងកម្ពុជា-ជប៉ុន ដែលរហូតមកដល់បច្ចុប្បន្ន ចំណង​មិត្តភាពទ្វេភាគីកម្ពុជា និងជប៉ុន ត្រូវបានដំឡើងទៅដល់កម្រិត “ភាពជាដៃគូយុទ្ធសាស្រ្តគ្រប់ជ្រុងជ្រោយ”។ ឯកឧត្តម ទុយ រី ក៏បានលើកឡើងអំពីកិច្ចសហប្រតិបត្តិការជាមួយ​ក្រសួង-ស្ថាប័នជប៉ុន អង្គការ ជេត្រូ (JETRO) មជ្ឈមណ្ឌល​អាស៊ាន​-ជប៉ុន ព្រមទាំងសមិទ្ធផល និងសកម្មភាពនានារបស់ស្ថានទូត ដែលបានរៀបចំកន្លងមក…

ភ្នំពេញ៖ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍កាលពី​ព្រឹកថ្ងៃទី១៨ ខែតុលា ឆ្នាំ២០២៤ បានដឹកនាំប្រតិភូ​ក្រសួងទេស​ចរណ៍ និងក្រុមកីឡាករគុនល្បុក្កតោកម្ពុជាអញ្ជើញចូល​រួម​ព្រឹត្តិការណ៍ពិធីបុណ្យក្បាច់គុនសៅលីញវូស៊ូអន្តរជាតិ លើកទី១៣ (The 13th China Zhengzhou International Shaolin Wushu Festival) ដែលនឹងប្រព្រឹត្តទៅចាប់ពីថ្ងៃទី១៨ ដល់ថ្ងៃទី២០ ខែតុលា នៅទីក្រុងចឹងចូវ ខេត្តហឺណាន សាធារណរដ្ឋប្រជាមានិតចិន។ វត្តមានរបស់ឯកឧត្តម ហួត ហាក់ គឺ​តបតាមការអញ្ជើញ​របស់រដ្ឋបាល​ប្រជាជនខេត្តហឺណាន និងសមាគមក្បាច់គុនវូស៊ូ (Wushu) នៃទីក្រុងចឹងចូវ។ ព្រឹត្តិការណ៍នេះនឹងមានការចូលរួមពីថ្នាក់ដឹកនាំក្រសួង ស្ថាប័នពាក់ព័ន្ធ សមាគមទេសចរណ៍ និងវប្បធម៌ ផ្នែកឯកជន កីឡាករ ក្បាច់គុនចម្រុះ និងកីឡាករក្បាច់គុនសៅលីញវូស៊ូ (Wushu Shaolin) មកពីប្រទេស​ចិន ប្រទេសក្នុងតំបន់ និង ពិភពលោក សរុបប្រមាណជាង ១២០០​នាក់។ ក្នុងនាមជាភ្ញៀវកិត្តិយស ឯកឧត្តមរដ្ឋមន្ត្រី ហួត ហាក់ នឹងអញ្ជើញ​ថ្លែងសុន្ទរកថាក្នុងពិធីបើកព្រឹត្តិការណ៍ ពិធីបុណ្យក្បាច់​គុនសៅលីញ​វូស៊ូអន្តរជាតិ លើកទី១៣ និងកម្មវិធីគុនល្បុក្កតោ កម្ពុជា-ហឺណាន…

ភ្នំពេញ៖ឯកឧត្តម កត្តា អ៊ន រដ្ឋលេខាធិការនិងជាអ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ បានបញ្ជាក់ថា រាជរដ្ឋា​ភិបាលកម្ពុជាបានផ្តល់អាហារូបការណ៍ផ្នែកកម្មវិធីបណ្តុះបណ្តាលបច្ចេកទេស និងវិជ្ជាជីវៈសម្រាប់ឆ្នាំ២០២៥ ចំនួន ៦ ៧៣០០ កន្លែង។ ការផ្តល់អាហារូបករណ៍នេះគឺស្ថិតនៅក្នុងក្របខ័ណ្ឌនៃកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស ដែលត្រូវបាន​រាជរដ្ឋាភិបាលដាក់ឱ្យអនុវត្តកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសកាលពីខែវិច្ឆិកា ឆ្នាំ២០២៣កន្លងទៅ។ សំដៅទភការផ្តល់អាហារូបករណ៍នេះឯកឧត្តមរដ្ឋលេខាធិការបានអធិប្បាយនៅថ្ងៃទី១៨ ខែតុលានេះថា អាហារូបករណ៍ចែកចេញ​ជាពីរប្រភេទ ទី១. កម្មវិធីបណ្តុះបណ្តាលរយៈពេលវែងដែលមានប្រភេទ សញ្ញាបត្រជាន់ខ្ពស់បច្ចេកទេស, សញ្ញាបត្របច្ចេកទេស និងវិជ្ជាជីវៈ៣, សញ្ញាបត្របច្ចេកទេស និងវិជ្ជាជីវៈ២, សញ្ញាបត្របច្ចេកទេស និងវិជ្ជាជីវៈ១ និងទី២. អាហារូបករណ៍ក្នុងកម្មវិធី​បណ្តុះបណ្តាលរយៈពេលខ្លី ដែលជាប្រភេទអាហារូបករណ៍មូលនិធិជាតិបណ្តុះបណ្តាលដើម្បីកាត់បន្ថយភាពក្រីក្រ។ ឯកឧត្តមរដ្ឋលេខាធិការ បានលើកឡើងថា ចាប់តាំងពីរាជរដ្ឋាភិបាលកម្ពុជាបានដាក់ឱ្យអនុវត្តកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស កាលពីខែវិច្ឆិកា ឆ្នាំ២០២៣ រហូតមកដល់ពាក់កណ្តាល ឆ្នាំ២០២៤ នេះកម្មវិធីបណ្តុះបណ្តាលថ្នាក់​ជាតិមួយ​នេះបាននិងកំពុងបន្តបេសកកម្មរបស់ខ្លួនក្នុងការបណ្តុះបណ្តាលជំនាញដល់យុវជនយ៉ាងសកម្មនៅទូទាំងប្រទេស ហើយទទួល​បានលទ្ធផលប្រកបដោយផ្លែផ្កា។ វិស័យអប់រំបណ្តុះបណ្តាលវិជ្ជាជីវៈ និងបច្ចេកទេស បាននិងកំពុងចូលរួមយ៉ាងសកម្មលើការផលិតមូលធនមនុស្ស និងអភិវឌ្ឍ​កម្លាំងពលកម្មឱ្យមានជំនាញ ចំណេះដឹង សមត្ថភាព ការប្រកួតប្រជែងខ្ពស់ មានភាពធន់ បត់បែន អាចឆ្លើយតបតាម​តម្រូវការនៃ​ការវិវត្តយ៉ាងឆាប់រហ័សនៃមូលដ្ឋានសេដ្ឋកិច្ច ឧស្សាហកម្ម និងបច្ចេកវិទ្យាឌីជីថល ស្របតាមគោល​នយោបាយរបស់រាជរដ្ឋាភិបាល…

ភ្នំពេញ៖ យើងខ្ញុំទាំងអស់គ្នា ជាថ្នាក់ដឹកនាំ មន្ត្រីបុគ្គលិក ធនាគារជាតិ​នៃ​កម្ពុជា សូមគោរពជូនសារលិខិតជូនពរ សម្តេចមហាបវរ ធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងឱកាសដ៏មហា​នក្ខត្តឫក្ស នៃពិធីចម្រើនជន្មាយុគម្រប់ ៤៧ឆ្នាំ ឈានចូល ៤៨ឆ្នាំ របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណា​ចក្រ​កម្ពុជា នៅថ្ងៃអាទិត្យ ៣រោច ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២០ ខែតុលា ឆ្នាំ២០២៤ ។ យើងខ្ញុំទាំងអស់គ្នា សូមសម្តែងនូវអំណរសាទរយ៉ាងក្លៀវក្លា ជាទីបំផុត និងសូមបួងសួងដល់គុណបុណ្យព្រះរតនត្រ័យ ទេវតា និងវត្ថុស័ក្តិសិទ្ធិ​ក្នុងលោក សូមមេត្តាជួយថែរក្សា ការពារ និងប្រសិទ្ធពរជ័យ បវរសួស្តី មហាប្រសើរ ជូនចំពោះ សម្តេចធិបតីនាយករដ្ឋមន្ត្រី និង លោកជំទាវ​បណ្ឌិត ព្រមទាំងបុត្រាបុត្រីជាទីស្រឡាញ់ សូមសមប្រកបដោយ ពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ…

កំពង់ឆ្នាំង៖ជំនាញខណ្ឌរដ្ឋបាលជលផលកំពង់ឆ្នាំង នៃ​មន្ទីរកសិកម្ម រុក្ខាប្រមាញ់​និងនេសាទកាលពីថ្ងៃទី១៧ ខែតុលា ឆ្នាំ២០២៤បន្ត​ល្បាត​ពិនិត្យ និងទប់ស្កាត់បទល្មើសនេសាទ បទល្មើសប្រើឧបករណ៍​នេសាទដែលច្បាប់ហាមឃាត់។ ក្នុងសកម្មភាពនេះសមត្ថកិច្ចសង្កាត់រដ្ឋបាលជលផលកំពង់ត្រឡាច សហការជាមួយ សហគមន៍នេសាទភូមិព្រែកគន្លង ដឹកនាំដោយ លោក អ៊ូ ចាន់ធា កម្លាំងចូលរួម៨នាក់និងមធ្យោបាយកាណូតបាឡា​ស្មាច់ចំនួន២គ្រឿង បានចុះប្រតិបត្តិការបង្ក្រាប បទល្មើស​នេសាទ​ដោយប្រើឧបករណ៍លូរួមផ្សំ របាំងស្បៃមុងស្ថិតនៅចំណុច ក្រោយ ភូមិស្ទឹងស្ងួត  ភូមិឪម៉ាល់ ឃុំអំពិលទឹក ស្រុកកំពង់ត្រឡាច ខេត្តកំពង់ឆ្នាំង ដែលខុសទៅនឹងច្បាប់ស្ដីពីជលផល។ សមត្ថកិច្ចបានធ្វើការរុះរើបំផ្លាញចោលនៅនឹងកន្លែង នូវវត្ថុតាងរួម​មានរបាំងស្បៃមុងចំនួន១ករណី ស្មើនឹង ១៤កន្លែង ប្រវែង ៤២០ម៉ែត្រ, លូចំនួន ១៤ គ្រឿង, បង្គោលចំនួន ៥៥០ដើមនិងចាក់លែងត្រីចម្រុះ​ចូលបឹងនេសាទវិញចំនួន ៥០គីឡូក្រាម។ លោក លី ឡា នាយខណ្ឌរដ្ឋបាលជលផលកំពង់ឆ្នាំងបាន​សំណូមពរ​ដល់បងប្អូន​ប្រជានេសាទដាក់របាំងស្បៃមុង​និងរបាំង​សាច់​អួនវែងដែល​ច្បាប់ស្ដីពីជលផលហាមឃាត់៕ដោយ៖សុខ គឹមសៀន

បាត់ដំបង៖ពិធីបុណ្យអុំទូកនិងបណ្ដែតប្រទីបខេត្តបាត់ដំបង រយៈពេល ២ថ្ងៃ ចាប់ពីថ្ងៃទី១៦-១៧ ខែតុលា ឆ្នាំ២០២៤​បានបិទ​បញ្ចប់ ប្រកបទៅដោយភាពដ៏អស្ចារ្យនិងជោគជ័យក្រោមបរិយាកាសសប្បាយរីករាយ។តាមរយៈព្រឹត្តិការណ៍ជាទំនៀមទម្លាប់​ប្រពៃណី ប្រចាំឆ្នាំនេះ ​ខេត្តបាត់ដំបងទាក់ទាញទេសចរជាតិ អន្តរជាតិបានជាងមួយលាននាក់​មកទស្សនា និងដើរកម្សាន្ត។ បន្ទាប់ពីបិទបញ្ចប់ពិធីបុណ្យអុំទូកដ៏សែនសប្បាយរីករាយ លោក ហម អរុណ អនុប្រធានមន្ទីរនិងជាអ្នកនាំ​ពាក្យមន្ទីរ​ទេសចរណ៍ខេត្ត​បាត់ដំបង​​បានបញ្ជាក់ថា ​ពិធីបុណ្យអុំទូក​ពីរថ្ងៃឆ្នាំនេះ ខេត្តបាត់ដំបង ទាក់ទាញប្រជាពលរដ្ឋជិតឆ្ងាយ ភ្ញៀវទេសចរ​ជាតិ និងអន្តរជាតិ​ប្រមាណ​១លាន ១៧ម៉ឺននាក់។ ក្នុងនោះភ្ញៀវទេស​ចរអន្តរជាតិ​ជិត៥០០នាក់។ ប្រជាពលរដ្ឋដែលបានមកចូលរួមមកទស្សនា និងកម្សាន្តក្នុង​បុណ្យអុំទូកបានសរសើរ អុំទូកឆ្នាំខេត្តបាត់ដំបងធ្វើបានល្អ។ បរិយា​កាស សប្បាយរីករាយនិងប្លែកភ្នែកគួរឱ្យគយគន់។ប្រជាពលរដ្ឋក៏​បានថ្លែងអំណរគុណដល់រដ្ឋបាល​ខេត្ត ដែលរៀបចំ​ឱ្យមានពិធី​បុណ្យ​អុំទូកពីមួយឆ្នាំទៅមួយឆ្នាំកាន់តែល្អ កាន់តែសប្បាយរីករាយ។ សូមបញ្ជាក់ថាឆ្នាំ២០២៤នេះ រដ្ឋបាលខេត្តបាត់ដំបង បានរៀប​ចំពិធីបុណ្យអុំទូក និងបណ្ដែតប្រទីបខ្នាតធំ ប្រទីបដូនតា រយៈពេល​២​ថ្ងៃ ចាប់ពីថ្ងៃទី១៦-១៧ខែតុលានៅតាមបណ្ដោយដងស្ទឹងសង្កែ ក្រុងបាត់ដំបង។ពេលរាត្រីមានកម្មវិធី​​​មួយចំនួន ដូចជា​ការដាក់​តាំងបណ្ដែតប្រទីប ការបង្ហោះគោម បាញ់កាំជ្រួច ការតាំងពិព័រណ៍​ផលិតផលនិងការប្រគំតន្ត្រីជាដើម​នៅរាត្រីថ្ងៃ​បញ្ចប់​ពិធីបុណ្យ​អុំទូក ក៏មានក្បួនដង្ហែប្រទីបដូនតា ធ្វើពីដើមចេក ស្លឹកចេក និងកន្ទោងប្រទីប ដើម្បីជាការបង្ហាញ​និងបង្កើតភាពទាក់ទាញ​ដល់ភ្ញៀវ​ទេសចរជាតិ អន្តរជាតិ និងប្រជាពលរដ្ឋពីគ្រប់មជ្ឈដ្ឋានដែលមកកម្សាន្ត៕( អត្ថបទ-រូបភាព៖ អ៊ុក សំអាន បប.)