ភ្នំពេញ៖ ឯកឧត្តម ហួត ហាក់ រដ្ឋមន្ត្រីក្រសួងអធិការកិច្ច បានមានប្រសាសន៍ថា វគ្គបណ្តុះបណ្តាលវិជ្ជាជីវ:ឣធិការកិច្ច មានគោលដៅ ពង្រីក ការបណ្តុះបណ្តាលដល់គ្រប់ក្រសួងស្ថាប័ន រួមទាំងរដ្ឋបាលរាជធានី-ខេត្ត ព្រមទាំង រដ្ឋបាល ក្រុង ស្រុក ខណ្ឌ ដែលមានរចនាសម្ព័ន្ធផែនអធិការកិច្ច។ ការបណ្តុះបណ្តាលជំនាញវិជ្ជាជីវៈអធិការកិច្ចមានសារៈសំខាន់លើកកម្ពស់សមត្ថភាពជំនាញដល់មន្រ្តីអធិការកិច្ច ដើម្បីយកទៅបំពេញការងារឱ្យកាន់តែមានគុណភាព ។ ឯកឧត្តម ហួត ហាក់ មានប្រសាសន៍បែបនេះ ក្នុងពិធីបើកវគ្គបណ្តុះបណ្តាលជំនាញវិជ្ជាជីវៈអធិការកិច្ចបឋមជំនាន់ទី៥ វគ្គ៧+៨ នាព្រឹកថ្ងៃទី២៤ ខែតុលា ឆ្នាំ២០២៣ នាទីស្តីការក្រសួងអធិការកិច្ច ដោយមានការអញ្ជើញចូលរួមពី មន្ត្រីសិក្ខាកាមមកពី សាលារាជធានី និងតាមបណ្តា ក្រសួង-ស្ថាប័ន។ ឯកឧត្តមបណ្ឌិត សោម បូរ៉ាន់ នាយកវិទ្យាស្ថានអធិការកិច្ច បញ្ជាក់ថា សម្រាប់សិក្ខាកាមដែលមកចូលរួមវគ្គនេះ ជាមន្រ្តីរាជការបម្រើការងារពាក់ព័ន្ធនឹងវិស័យអធិការកិច្ច អញ្ជើញមកពីក្រសួង ស្ថាប័ន ចំនួន១២ រួមទាំងសាលារាជធានី និងខណ្ឌទាំង១៤ ចំណុះរដ្ឋបាលសាលារាជធានីភ្នំពេញ ។ ឯកឧត្តម ហួត ហាក់ បានជម្រាបជូនសិក្ខាកាមដែលមកពីបណ្តាក្រសួង-ស្ថាប័ន និងរដ្ឋបាលសាលារាជធានីភ្នំពេញ អំពីជោគជ័យជាប្រវត្តិសាស្រ្តថ្មីរបស់ក្រសួង…

ភ្នំពេញ៖ កំពង់ផែស្វយ័តភ្នំពេញ បានសម្ពោធឱ្យប្រើប្រាស់ជាផ្លូវការ “ឃ្លាំងសន្និធិគយបណ្តោះអាសន្ន” នៅចំណតផែកុងតឺន័រ LM១៧ កាលពីថ្ងៃទី២៤ ខែតុលា ឆ្នាំ២០២៣ ក្រោមវត្តមាន ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន និងឯកឧត្តម ហ៊ឺ បាវី ប្រតិភូរាជរដ្ឋាភិបាលកម្ពុជា ទទួលបន្ទុកជាប្រធានអគ្គនាយក កំពង់ផែស្វយ័តភ្នំពេញ ។ ឯកឧត្តម ប៉េង ពោធិ៍នា បានលើកឡើងថា សេវាកម្ម ឃ្លាំងសន្និធិគយបណ្តោះអាសន្ននេះ នឹងផ្តល់អត្ថប្រយោជន៍ជាច្រើនទៀតដល់វិនិយោគិន ពាណិជ្ជករ អាជីវករ ធុរជន និងសាធារណជនទូទៅ ដែលមានបំណងមកប្រើប្រាស់សេវាកម្មនេះ ដើម្បីសម្រួលដល់ដំណើរការនាំចេញ-នាំចូលទំនិញ រវាងកម្ពុជា និង សកលលោក ។ ឯកឧត្តម សង្ឃឹមយ៉ាងមុតមាំថា កំពង់ផែស្វយ័តភ្នំពេញ និងសេវាកម្មឃ្លាំងសន្និធិគយបណ្តោះអាសន្ននេះ នឹងដំណើរការទៅយ៉ាងរលូន និងរីកចម្រើនទៅមុខទៀតយ៉ាងពិតប្រាកដ ព្រមទាំងទទួលបានការគាំទ្រពីអ្នកប្រើប្រាស់។ ឯកឧត្តម ហ៊ឺ បាវី បានបញ្ជាក់ថា ដោយកំពង់ផែស្វយ័តភ្នំពេញ ទទួលបាននូវកំណើនកុងតឺន័រឆ្លងកាត់កើនឡើងពីមួយឆ្នាំទៅមួយឆ្នាំ ដោយបានពង្រីកបន្ថែមទៀតនូវឃ្លាំងសន្និធិគយបណ្តោះអាសន្នរបស់កំពង់ផែស្វយ័តភ្នំពេញនេះ ដែលបានធ្វើការអភិវឌ្ឍនៅក្នុងបរិវេណចំណតផែកុងតឺន័រ LM17…