កំពង់ធំ៖ ថវិកាសប្បុរសធម៌ចំនួន៣០ ៥៧៣ ០០០ រៀល ត្រូវបានព្រះគ្រូមុនី​សីល​វង្ស តុន ពិសី ព្រះចៅអធិការវត្តគុហនគរ ឃុំពង្រ ស្រុកតាំងគោក ខេត្តកំពង់ធំ ប្រគល់ជូនមន្ទីរពេទ្យគន្ធ បុប្ផារាជធានីភ្នំពេញ កាលពីថ្ងៃទី១៣ ខែមករា ឆ្នាំ២០២៥ ។ ព្រះគ្រូមុនីសីលវង្ស តុន ពិសី ព្រះចៅអធិការវត្តគុហនគរ បានមានសង្ឃដីកា​ថាការបរិច្ចាគពីសប្បុរសជនតាមរយ:បុណ្យ​ផ្កាសាមគ្គី គឺធ្វើឡើងក្នុងន័យ​មនុស្សធម៌ និង ដើម្បីជួយ ទ្រទង់ដល់ការពិនិត្យព្យាបាល ការថែទាំសុខភាព​ដល់កុមារកម្ពុជា។ ការបរិច្ចាគជូន ដល់មន្ទីរ គឺជាការចូលរួមវិភាគទានដ៏​ស្មោះស្ម័គ្រអស់ ពីដួងចិត្ត សប្បុរសជន ជាការឆ្លើយតបទៅ តាមការ​អំពាវនាវ របស់សម្ដេចអគ្គមហាសេនាបតីតេជោ ហ៊ុន សែន អតីតនាយក​រដ្ឋមន្រ្តី,សម្ដេចមហាបវរធិបតី ហ៊ុន ម៉ាណែត នាយយករដ្ឋមន្រ្តីកម្ពុជា។ មូលនិធិមន្ទីរពេទ្យគន្ធបុប្ផាកម្ពុជា និងមូលនិធិមន្ទីរពេទ្យកុមារអង្គរបាន ថ្លែង អំណរគុណយ៉ាងជ្រាលជ្រៅ​ចំពោះទឹកព្រះទ័យ​របស់ព្រះគ្រូ និងសប្បុរសជន​ចំពោះទឹកចិត្តមនុស្សធម៌ដោយបរិច្ចាគថវិកាផ្ទាល់ខ្លួនដោយស្ម័គ្រចិត្ត ដើម្បីរួមចំណែក ជាមួយ​រាជរដ្ឋាភិបាល ក្នុងការរក្សានិរន្តរភាពនៃកិច្ចដំណើរការ​របស់មន្ទីរពេទ្យគន្ធបុប្ផា ក្នុងការបន្តផ្ដល់សេវាពិនិត្យ និង​ព្យាបាលជំងឺ​ដល់ទារក និងកុមារ នៅកម្ពុជាដោយឥតគិតថ្លៃ ប្រកបដោយគុណភាព…

បាត់ដំបង៖សាលារៀនចំនួន៨ នៃខេត្តបាត់ដំបង និងសាលារៀនចំនួន៤​នៃខេត្តប៉ៃលិន ត្រូវបានដាក់ឱ្យចាប់ផ្តើមនូវយុទ្ធនា​ការ​នាវគ្គគាំទ្រសាលារៀន​គោលដៅគ.វ.អ. ដើម្បីពង្រឹងនូវគុណភាពអប់រំ វិន័យ សីលធម៌ និងចរិយាធម៌ របស់​សិស្សានុ​សិស្ស។ រដ្ឋបាលខេត្តបាត់ដំបងកាលពីថ្ងៃទី១៣ ខែមករា ឆ្នាំ២០២៥ នៅសាលប្រជុំ​សាលាខេត្តបានបើកកិច្ចប្រជុំ “ការចាប់ផ្ដើម​យុទ្ធនាការវគ្គគាំទ្រ​សាលារៀន​គោលដៅគ.វ.អ.”ក្រោម​អធិបតីភាពឯកឧត្តម ពេជ សោភ័ន ទេសរដ្ឋមន្ត្រី​ទទួលបន្ទុក​បេស​កកម្មពិសេស និងជា ប្រធាន​លេខាធិការដ្ឋានគណៈ​កម្មា​ធិការជាតិជំរុញការអនុវត្តវិធានការគន្លឹះក្នុងវិស័យអប់រំ(គ.វ.អ.)និងឯកឧត្តម សុខលូ អភិបាល​ខេត្តបាត់ដំបង,លោកស្រីអភិបាលរងខេត្តប៉ៃលិន ព្រមទាំង​ថ្នាក់ដឹកនាំ មន្ទីរអង្គភាពជុំវិញខេត្ត នាយក នាយិកាសាលា លោកគ្រូ អ្នកគ្រូ គណៈគ្រប់គ្រងសាលានិងមាតាបិតាអាណាព្យាបាលសិស្ស​ជាង៤០០នាក់។ តើអ្វីទៅជាយុទ្ធនាការគាំទ្រសាលារៀន? ។យុទ្ធនាការគាំទ្រសាលារៀន គឺ ជាផ្នែកមួយនៃសកម្មភាពអាទិភាពដ៏សំខាន់ របស់លេខាធិការដ្ឋាន​គណៈកម្មាធិការ​ជាតិជំរុញការអនុវត្តវិធានការគន្លឹះក្នុងវិស័យអប់​រំរបស់រាជរដ្ឋាភិបាលនីតិកាល​ទី៧​នៃរដ្ឋសភា ដោយផ្តោតលើការដាក់ចេញ នូវវិធានការអន្តរាគមន៍សំខាន់ៗក្នុងការលើកកម្ពស់ នៃគុណភាពអប់រំ​តាម​សាលារដ្ឋ និងការកែប្រែឥរិយាបថ វិន័យ សីលធម៌ និង ចរិយាធម៌ របស់សិស្ស ដោយអនុវត្តសម្រាប់សាលារៀន នៅកម្រិ​តបឋមសិក្សា។វិធានការគន្លឹះ ក្នុងវិស័យអប់រំនេះត្រូវបានដាក់ចេញដើម្បីឆ្លើយតបទៅនឹងតម្រូវការ និងការជួយដោះស្រាយ​ចំឫសគល់នៃបញ្ហានៅក្នុងវិស័យអប់រំ ដោយផ្តោត​លើអភិបាលកិច្ចសាលារៀន(ការពង្រឹងភាពជាអ្នកដឹកនាំរបស់បុគ្គលិកអប់រំ,គណៈគ្រប់គ្រងសាលារៀននិងគ្រូបង្រៀន)។ការពិនិត្យកែលម្អកម្មវិធី​សិក្សា និងរៀបចំកម្មវិធីសិក្សានិងសកម្មភាព​បន្ថែមម៉ោងសិក្សា សំដៅពង្រឹងចំណេះដឹង វិន័យ សីលធម៌, ការជំរុញ និងលើកទឹកចិត្តការចូលរួមរបស់មាតាបិតា អាណាព្យាបាល និងសហគមន៍…

បាត់ដំបង៖ក្នុងឱកាសអញ្ជើញជាអធិបតីក្នុងពិធីប្រកាសចូលកាន់មុខតំណែង​ប្រធានមន្ទីរព័ត៌មានខេត្តបាត់ដំបងថ្មី​កាលពី​ថ្ងៃទី១៣ ខែមករា ឆ្នាំ២០២៥ នាបន្ទប់ប្រជុំសាលាខេត្ត ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មានបាន​ណែនាំដល់​ប្រធានមន្ទីរទើបចូលកាន់តំណែងថា ត្រូវអនុវត្តភារកិច្ចរបស់ខ្លួន ប្រកបដោយក្រមសីលធម៌វិជ្ជាជីវៈ មានឧត្តមគតិ​ក្នុងការទទួលខុសត្រូវ។ត្រូវទប់​ស្កាត់នូវរាល់ព័ត៌មានក្លែងក្លាយ ព័ត៌មានប្រឌិត និងបន្សាបព័ត៌មានទាំងនេះ​ឱ្យបានទាន់​ពេលវេលា និងមានប្រសិទ្ធភាព។ ដោយមានវត្តមានឯកឧត្តម អ៊ុយ រី ប្រធានក្រុមប្រឹក្សាខេត្ត និងឯកឧត្តម សុខ លូ អភិបាលខេត្តបាត់ដំបង ព្រមទាំងមន្រ្តី​ថ្នាក់ដឹកនាំមន្ទីរ អង្គភាពនានាជុំវិញ​ខេត្តចូលរួមផង ឯកឧត្តម នេត្រ ភក្រ្តា បានគូសរំលេចថា ខិតខំយកចិត្តទុកដាក់​សហការ​​ជាមួយមន្ទីរ អង្គភាពជុំវិញខេត្ត និងអាជ្ញាធរដែនដីគ្រប់លំដាប់ថ្នាក់​ដើម្បី​រួមចំណែកក្នុងការអនុវត្គ​គោលនយោបាយ របស់រាជរដ្ឋាភិបាលពាក់ព័ន្ធ​ទៅលើវិស័យព័ត៌មានឱ្យកាន់តែមានប្រសិទ្ធភាពខ្ពស់។ត្រូវគោរពគោលការណ៍​ណែនាំចង្អុល​បង្ហាញរបស់ថ្នាក់ដឹកនាំក្រសួង និងរដ្ឋបាលខេត្ត។ត្រូវប្រកាន់​យកអភិក្រមបុរេសកម្ម ក្នុងការអនុវត្តការងារប្រកបដោយភាពផ្តួចផ្តើម​និងច្នៃ​ប្រឌិត ស្របតាមបរិវត្តកម្មឌីជីថល ដើម្បីលើកកម្ពស់ការផ្សព្វផ្សាយ ជា​វិជ្ជមាន​នៅរដ្ឋបាលថ្នាក់ ក្រោម ជាតិឱ្យកាន់តែទូលំទូលាយ និងចូលរួមក្នុងការប្រយុទ្ធ​ប្រឆាំង​នឹងព័ត៌មានក្លែងក្លាយ។ត្រូវទប់ស្កាត់នូវរាល់ព័ត៌មានក្លែងក្លាយ ព័ត៌មានប្រឌិត និងបន្សាបព័ត៌មានទាំងនេះឱ្យបានទាន់ពេលវេលា និងមានប្រសិទ្ធភាព។ ឯកឧត្តមរដ្ឋមន្រ្តីបន្តថា សារព័ត៌មាន មានតួនាទីសំខាន់ណាស់ក្នុងសង្គម សម្រាប់ជាកញ្ចក់ឆ្លុះបញ្ចាំងពីទិដ្ឋភាពជាក់​ស្តែងក្នុង​សង្គម និងជាស្ពាន​ចម្លងព័ត៌មានពីប្រជាពលរដ្ឋ ទៅថ្នាក់ដឹកនាំ និងពីថ្នាក់ដឹកនាំ មកប្រជាពល​រដ្ឋវិញ អំពី​ហេតុការណ៍ ស្ថានភាពនៅតាមមូលដ្ឋាននានា ពីសេចក្តីត្រូវការ និងការស្នើសុំជាដើម។…

បន្ទាយមានជ័យ៖គណៈប្រតិភូក្រសួងមុខងារ​សាធារណៈដឹកនាំដោយឯកឧត្តម ឆាយ ឆត្រាវុធ រដ្ឋលេខាធិការ​ក្រសួង​មុខងារ​សាធារណៈតំណាង​ឯកឧត្តម​ឧបនាយករដ្ឋមន្ត្រី ហ៊ុន ម៉ានី រដ្ឋមន្ត្រីក្រសួងមុខងារសាធារណៈ បានដឹកនាំ​គណៈ​កម្មការ​តំណាងទីស្ដីការគណៈរដ្ឋមន្ត្រី ,ក្រសួងមុខងារសាធារណៈ ,ក្រសួង​អប់រំ យុវជននិងកីឡា,ក្រសួង​មហា​ផ្ទៃ ,ក្រសួង​បរិស្ថាន និងក្រសួង​សេដ្ឋកិច្ច និងហិរញ្ញវត្ថុ ចុះពិនិត្យវាយតម្លៃ និងការទទួលស្គាល់អង្គភាពផ្ដល់​សេវាសាធារណៈគំរូ​ក្នុង​វិស័យអប់រំ នៅសាលាមតេ្តយ្យសិក្សាធនធានកកោះ នៅភូមិកកោះ ឃុំស្លក្រាម ស្រុកស្វាយចេក ខេត្តបន្ទាយមានជ័យ កាលពីព្រឹក​ថ្ងៃទី១៤ ខែមករា ឆ្នាំ២០២៥។ ជម្រាបគណៈប្រតិភូ លោកស្រី គុយ ម៉ារី គណៈគ្រប់គ្រងសាលាមតេ្តយ្យសិក្សា​ធនធានកកោះ ដែលជាបេក្ខភាពជ័យ​លាភី​ក្នុងដំណាក់កាលពិនិត្យមានតម្លៃ​សម្រេចចុងក្រោយបានបញ្ជាក់ថាការវាយតម្លៃបានឈរលើមូលដ្ឋានចំនួនប្រាំមួយមាន៖១.ស្តង់ដាសេវាសាធារណៈ ,២.ស្តង់ដារនិយាមនៃការផ្ដល់សេវា​សាធារណៈក្នុងវិស័យអប់រំ ,៣.ការគ្រប់គ្រងហិរញ្ញវត្ថុ ,៤.ការគ្រប់គ្រង និងការ​អភិវឌ្ឍធនធានមនុស្ស, ៥.ការរៀបចំកែលម្អបរិស្ថាន និងទី៦.ទំ​នាក់ទំនងល្អជា​មួយប្រជាពលរដ្ឋ។ លោក យឹម សំណាង អភិបាលរងខេត្តបានសរសើរ​សាលាមត្ដេយ្យ​សិក្សា​ធនធានកកោះថា ជាសាលាគំរូប្រចាំខេត្ត។ កាលពីឆ្នាំ២០២២-២០២៣កន្លង​ទៅសាលាទទួលបានពាន់រង្វាន់សាលាស្តង់ដាគំរូចំណាត់ថ្នាក់លេខ១នៅទូទាំងប្រទេស ក្នុងចំណោម១០សាលា មកពីបណ្តាខេត្តដែលបានចូលរួមប្រឡង​ប្រណាំង។ លោកអភិបាលរងខេត្តសង្ឃឹមថា ក្នុងការចុះ​ពិនិត្យវាយតម្លៃនៅ​ថ្ងៃនេះនឹងជំរុញបន្ថែមទៀតលើការប្រឡងប្រណាំងសាលាគំរូនៅទូទាំងខេត្ត។ ចំណែកឯកឧត្តម ឆាយ ឆត្រាវុធ បានបញ្ជាក់ថា ការចុះវាយតម្លៃនេះមាន​ភាពយុត្តិធម៌ និងតម្លាភាព បរិយាបន្ន។ ជាដំណើរ​ការមួយធ្វើឱ្យមានជំនឿទុក​ចិត្តទៅដល់គណៈកម្មការវាយតម្លៃក៏ដូចជាជំនឿទុកចិត្តទៅលើអាណាព្យាបាល និងសហគមន៍…

កំពង់ឆ្នាំង៖សមាសភាពសាខាមូលនិធិជាតិជំនួយសង្គមខេត្តកំពង់ឆ្នាំង និង​ជួប​សំណេះត្រូវបានប្រកាសជាផ្លូវការកាលពីព្រឹក​ថ្ងៃទី១៤ ខែមករា ឆ្នាំ២០២៤ ក្រោមអធិបតីភាព ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិ​សម្បទា ឯកឧត្តម ស៊ីវ រុន ប្រធានក្រុមប្រឹក្សាខេត្ត ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំងព្រមទាំងមន្រ្តីថ្នាក់ដឹកនាំជាច្រើន​រូប ។ ក្នុងឱកាសនេះឯកឧត្តមរដ្ឋមន្រ្តីបានផ្តាំផ្ញើដល់សមាសភាពដែលទទួលតែងតាំងថា ក្នុងនាម​ជាអ្នកទទួលខុសត្រូវចំពោះ​ប្រជាពលរដ្ឋត្រូវចុះឱ្យដល់មូលដ្ឋាន ដើម្បីបានដឹងពីអ្វីខ្លះដែលកំពុងកើតឡើងក្នុងការរស់នៅរបស់ពួកគាត់។ពិសេស​ទាក់​ទងនឹងការបើប្រាក់ឧបត្ថម្ភរបស់រាជរដ្ឋាភិបាល ។តើពួកគាត់​បានបើកទៀង​ទាត់ទេ? ក្នុងករណីមានបញ្ហាត្រូវជួយសម្រួលដោះស្រាយដល់ពួកគាត់​បានទាន់ពេល ។ដើម្បី​កាន់តែងាយស្រួល ទំនាក់ទំនងជាមួយប្រជាពលរដ្ឋ​ទទួល​ប្រាក់ឧបត្ថម្ភរបស់រាជរដ្ឋាភិបាល ខាងសាខា និងមន្ទីរ គួរតែផ្តល់​លេខទូរសព្ទដល់ពួកគាត់ សម្រាប់ទំនាក់ទំនងពេលជួបបញ្ហាផ្សេងៗ ។ ក្នុងថ្ងៃដដែលឯកឧត្តមរដ្ឋមន្ត្រី អមដំណើរដោយ ឯកឧត្តមអភិបាលខេត្ត​កំពង់ឆ្នាំង អភិបាលក្រុងស្រុកទាំង៨ បានអញ្ជើញ​ជួបសំណេះសំណាល និងផ្តល់អំណោយដល់បងប្អូនមានពិការភាព នៅមណ្ឌលស្តាយុវនីតិសម្ប​ទាខេត្ត និងបន្តអញ្ជើញ​ជួបសំណេះសំណាលជាមួយកុមារកំព្រា និងផ្តល់អំ​ណោយ​ដល់មណ្ឌលកុមារកំព្រាខេត្តកំពង់ឆ្នាំង៕ដោយ៖សុខ គឹមសៀន

រតនគិរី៖ អភិបាលខេត្តរតនគិរី ឯកឧត្តម ញ៉ែម សំអឿន រួមជាមួយមន្រ្តី​ជា​ថ្នាក់​ដឹកនាំក្នុងខេត្តនៅថ្ងៃទី១៤ ខែមករា ឆ្នាំ​២០២៥​ បាននាំយកអំណោយ​របស់​រាជរដ្ឋាភិបាល ដែលបានផ្តល់ជូនតាមរយៈក្រសួងសង្គមកិច្ច និងមន្ទីរ​សង្គមកិច្ច អតីតយុទ្ធជន និងយុវនីតិសម្បទាខេត្ត ទៅចែកជូនដល់ប្រជា​ពលរដ្ឋ​ដែលមាន​ជីវភាពទីទ័លក្រ ស្ត្រីមេម៉ាយ ចាស់ជរា កុមារកំព្រា និងជនការ ២១០​គ្រួសារ ដែលកំពុងរស់នៅក្នុងឃុំសេដា ស្រុកលំផាត់ ខេត្តរតនគិរី ។ អំណោយដែលផ្តល់ជូនមាន អង្ករ មី ត្រីខកំប៉ុង ទឹកត្រី ភួយ និងមុង ។បញ្ជាក់ក្នុងពិធីផ្តល់អំណោយអភិបាល​ខេត្ត​រតនគិរី ឯកឧត្តម ញ៉ែម សំអឿន មានប្រសាសន៍ថា ដោយមើលឃើញពីស្ថានភាពរបស់ប្រជាពលរដ្ឋ ដែលជួប​ការលំបាក​លើជីវភាពរស់នៅប្រចាំថ្ងៃ ពិសេសប្រជាពលរដ្ឋក្រីក្រ ចាស់ជរា ស្រ្តីមេម៉ាយ ជនពិការ កុមារកំព្រា និងជនរងគ្រោះ​ដោយសារគ្រោះ​ធម្មជាតិ​ផ្សេងៗ ដែលត្រូវការជំនួយឧបត្ថម្ភពីរាជរដ្ឋាភិបាល ទើបក្រសួងសង្គមកិច្ច អតីតយុទ្ធជន និងយុវនីសម្បទា ដែលមានមន្ទីរសង្គមកិច្ចខេត្ត ជាសេនាធិការ បាននាំយកអំណាយរបស់រាជរដ្ឋាភិបាល មកចែកជូន​ប្រជាពលរដ្ឋនៅពេលនេះ ដើម្បីចូលរួមចំណែកដោះស្រាយបញ្ហាដែលជួបប្រទះការខ្វះខាត ។ឯកឧត្តម​បញ្ជាក់ថាអំណោយនេះដែលចែកជូនគ្មានការរើសអើង​អ្វី​ទាំងអស់៕ គួរបញ្ជាក់ថា រាជរដ្ឋាភិបាល…

(ភ្នំពេញ)៖ ដោយមានការយកចិត្តទុកដាក់ពីគណៈបញ្ជាការឯកភាពរដ្ឋបាលខណ្ឌ អធិការនគរបាលខណ្ឌច្បារអំពៅ លោក ម៉ៅ សឿត អធិការនគរបាលខណ្ឌ ដឹកនាំកម្លាំងជំនាញ នៃអធិការដ្ឋាននគរបាលខណ្ឌច្បារអំពៅ ធ្វើការស្រាវជ្រាវរហូតឈានដល់ការឃាត់ខ្លួនជនសង្ស័យ បានជាបន្តបន្ទាប់ ចំនួន ៥នាក់ ក្នុងករណីធ្វើឲ្យខូចខាតដោយចេតនា និងកាន់កាប់អាវុធគ្មានច្បាប់អនុញ្ញាតិ (ដាវ) នៅចំណុចមុខផ្សារច្បារអំពៅ ផ្លូវ៣៦៩ ភូមិកណ្ដាល សង្កាត់ច្បារអំពៅ២ ខណ្ឌច្បារអំពៅ កាលពីយប់ថ្ងៃទី១៣ ខែមករា ឆ្នាំ២០២៥ ម៉ោង២១និង២០នាទី។ លោកវរសេនីយ៍ឯក ម៉ៅ សឿត អធិការខណ្ឌច្បារអំពៅ បានអោយដឹងថា ៖១-ជនរងគ្រោះ ឈ្មោះ សំណាង មាន ភេទប្រុស អាយុ ១៧ឆ្នាំ ជនជាតិខ្មែរ មុខរបរលក់ដូរ។២-ជនរងគ្រោះឈ្មោះ សុខ ស្រីណុច ភេទស្រី អាយុ ១៧ឆ្នាំ ជនជាតិខ្មែរ មុខរបរ លក់ដូរ។ទាំង២នាក់ ស្នាក់នៅភូមិកណ្ដាល សង្កាត់ច្បារអំពៅ២ ខណ្ឌច្បារអំពៅ។ ចំណេកជនសង្ស័យឃាត់ខ្លួន ០៥នាក់ ៖១-ឈ្មោះ ប៉ាវ ស៊ីណាង…